- Eto izao ianao :
-
Fandraisana
-
Pastôraly
-
Kintan'ny finoana
-
All languages
- Malagasy
- Atolotr'i Rakotoarison James Daniel
- Lohahevitra : Hirika
-
Voadika amin'ny fiteny :
Ambohim-pihaonan'ny mpamokatra eny ambanivohitra sy ny mpitsidika, mpanjifa eto an-drenivohitra ny feny amin'ny MPE Nanisana amin'ity herinandro ity. Tanterahana eny an-toerana nanomboka ny alakamisy 28 septambra hatramin'ny alahady 01 ôktôbra 2023 ny Tsenaben'ny Fiompiana, ny Jono ary ny Fambolena andiany faha-15...
- Atolotr'i Radio Don Bosco
- Lohahevitra : Vaovao
♦ Notafihan'ny dahalo mitam-piadiana androany maraina ny tao Ankilimida, Distrikan'i Mahabo, Faritra Menabe. Miaramila iray sy dahalo iray no maty vokatry ny fifanjevoana teo amin'ny dahalo sy ny fokonolona miaraka amin'ny miaramila nanara-dia ireo mpanafika... ♦ Handray anjara amin'ny fanatanterahana ny paikadim-pirenena ho fampivoharana ny asa-tanana eto Madagasikara ny Federasiôna ivondronan'ireo Tranoben'ny asa tanana sy ny haitao na ny FC. MAM... ♦ Tanterahana ao amin'ny ENS Ampefiloha ao Antananarivo renivohitra mandritra ny telo andro ny fifanakalozan-kevitra momba ny fanavaozana sy ny fomba fampianarana ny zava-misy ankehitriny sy ny vinavina momba ny ho avy...
- Atolotr'i Radio Don Bosco
- Lohahevitra : Miaina sy mitia
-
Voadika amin'ny fiteny :
Maro ny tanora tsy mahafantatra ny ny aretina azo avy amin'ny firaisana ara-nofo atao hoe : IST kanefa mitombo be ireo fahazoana ny otrik'aretina mahatonga azy ankehitriny. Aleo misoroka toy izay mitsabo anefa satria maro be ny voka-dratsiny ara-pahasalamana sy ara-pitondrantena sy ara-panahy... Fandaharana "miaina sy mitia" iarahana amin'ny Ivon-toerana Arrupe Madagascar.
- Atolotr'i Radio Don Bosco
- Lohahevitra : Vaovao
♦Nihaona tamin'ny iraka manokan'ny Sekretera Jeneralin'ny Firenena Mikambana mamita iraka eto Madagasikara ny vondron'ireo kandidà ho filoham-pirenena miisa 11. Tsy miady amin'ny kandidà Andry Rajoelina izy ireo fa mikatsaka ny tombontsoa ambonin'ny firenena hoy ny mpitondra teniny... ♦ Efa miaina tsy fitoniana isika eto Madagasikara hoy ny FFKM. Mikatsaka vahaolana amin'ny alalan'ny fifampidinihan'ireo kandidà mandray anjara izy ireo. Tsy misy resaka fifanarahana pôlitika kosa anefa ny momba izany... ♦ Hanomboka anio maraina eny amin'ny MPE Nanisana ny Tsenaben'ny Fiompiana, ny Jono ary ny FAmbolena na ny FEPA andian'ny faha-15. Mpamokatra miparitaka amin'ny trano heva 130 no mandray anjara...
- Atolotr'i Miandriniaina Jules
- Lohahevitra : Vaovao
♦ Tsy miady amin'ny kandidà Andry Rajoelina ny vondron'ireo kandidà, fa mitaraina amin'ny fitanilana amin'ny fanehoan-kevitra. Nambaran'izy ireo izany, tao aorian'ny fihaonana tamin'ny iraky ny Firenena Mikambana teny Andraharo... ♦ Mandalo fotoan-tsarotra ny firenana, hoy ny FFKM raha namoaka fanambarana. Efa miaina ny firosoana amin'ny fifidianana amin'izao, hoy ny Filohany, raha namaly ny fanontanian'ny mpanao gazety... ♦ Manjavozavo tanteraka ny rafi-pampianarana misy eto Madagasikara, hoy Kônferderasiôna sendikalin'ny Sempama. Nahitsy izy ireo nilaza fa tsy fantatra instony izay fandaharam-pianarana ampiharina ankehitriny...
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
2 ôktôbra 2023 — Alatsinainy, Herinandro Tsotra fahenina amby roapolo Mandavantaona — Misaotra Anao aho, ry Ray, Tompon’ny lanitra sy ny tany, fa nambaranao tamin’ny madinika ny tsiambaratelon’ny Fanjakanao — Evanjely Masina nosoratan’i Masindahy Lioka (Lk. 9, 46-50)
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Bokin’i Zakaria Mpaminany (Zak. 8, 1-8)
Indro Aho hanafaka ny vahoaka avy any atsinanana sy avy any andrefana.
Tonga ny tenin’ny Tompon’ny tafika nanao hoe:
“Saro-piaro dia saro-piaro an’i Siôna Aho,
sady entim-pahatezerana mafy Aho, noho ny aminy.
Tafaverina eto Siôna Aho,
ka te-honina eo afovoan’i Jerosalema;
i Jerosalema hantsoina hoe:‘Ny tanànan’ny fahamarinana’;
ary ny tendrombohitry ny Tompon’ny tafika, hatao hoe:
‘Ny tendrombohitry ny fahamasinana.’
Mbola hisy anti-dahy sy anti-bavy indray,
hipetraka eny amin’ny kianja any Jerosalema,
samy hitana tehina avy noho ny andro niainany efa maro.
Ny kianjan’ny tanàna ho feno zazalahy aman-jazavavy
milalao eny amin’ny kianjany.
Amin’izany andro izany,
na hiseho ho zava-mahagaga aza izany
eo imason’izay sisa amin’itý firenena itý;
moa ho zava-mahagaga eo imasoko koa va izany?
— teny marin’ny Tompon’ny tafika —.
Indro Aho hanafaka ny vahoakako avy any amin’ny tany atsinanana sy ny tany andrefana; hoentiko mody izy honina ao afovoan’i Jerosalema,
ka izy ho vahoakako ary Izaho ho Andriamanitr’izy ireo
amin’ny rariny sy ny hitsiny.”
— Izany àry ny tenin’ny Tompo.
Setriny
Salamo 101, 16-18. 19-21. 29 sy 22-23
Hanorina an’i Siôna ny Tompo, ka hiseho anatin’ny Voninahiny.
Hatahotra ny Anaran’ny Tompo ireo firenena,
ny voninahitrao, ny Mpanjaka rehetra eran-tany!
Ny Tompo mantsy hanorina an’i Siôna,
ka hiseho anatin’ny voninahiny,
hanatrika ny vavak’izay norobaina,
tsy hanosika ny talahon’izy ireo!
Soraty izany ho an’ny taranaka any aoriana:
ka hidera ny Tompo ny vahoaka mbola ho àry!
Avy any an-toerany Masina any ambony Izy mitsinjo,
avy any an-danitra ny Tompo no mitazana ny tany:
hahahenoany ny senton’ny mpifatotra,
hanafahany an’ireo voatondro hovonoina.
Ny zanaky ny mpanomponao handry fehizay,
ary ny taranany hijoro eo anoloanao!
Ka ho voatantara ao Siôna ny Anaran’ny Tompo,
sy ao Jerosalema ny fiderana Azy,
raha ho tafaray mba hanompo ny Tompo
ireo vahoaka sy ireo fanjakana!
Evanjely
Aleloia. Aleloia.
Misaotra Anao aho, ry Ray, Tompon’ny lanitra sy ny tany, fa nambaranao tamin’ny madinika ny tsiambaratelon’ny Fanjakanao.
Aleloia.
Evanjely Masina nosoratan’i Masindahy Lioka (Lk. 9, 46-50)
Izay kely indrindra eo aminareo no ho lehibe indrindra.
Tamin’izany andro izany,
nisy hevitra tonga tao an-tsain’ireo mpianatra,
dia ny amin’izay lehibe aminy.
Fantatr’i Jesoa ny hevitra tao am-pony,
ka naka zaza kely anankiray Izy napetrany teo anilany,
dia hoy Izy tamin’izy ireo:
“Na iza na iza mandray itony zaza kely itony amin’ny Anarako
dia mandray Ahy,
ary na zovy na zovy mandray Ahy dia mandray Ilay naniraka Ahy;
fa izay kely indrindra eo aminareo rehetra
dia izy no lehibe.”
Dia niteny i Joany nanao hoe:
“Ry Mpampianatra ô,
nahita olona anankiray nandroaka demony tamin’ny Anaranao izahay,
ka noraranay,
satria tsy namantsika izy.”
Fa hoy i Jesoa taminy:
“Aza raràna,
fa izay tsy manohitra anareo dia momba anareo.”
— Izany àry ny tenin’ny Tompo.
- Atolotr'i Radio Don Bosco
- Lohahevitra : Vaovao
♦ Liana ary vonona hiroso amin'ny fifidianana ny vahoaka Malagasy, araka ny hita any amin'ireo faritra lalovana hoy ny filohan'ny CENI. Hatrany amin'ny 80% amin'ny olona efa naka ny karatry ny mpifidy tany Farafangana sy Vangaindrano... ♦ Hanomboka anio ny fihaonana tanterahin'ny iraky ny ONU amin'ireo ankolafin-kery samihafa eto amin'ny firenena... ♦ Mandeha ny asa fanamboarana ny Pipeline sy ny RN13, fa tsy tokony hamafy lainga sy manao fijery mtongilana ny mpanao pôlitika mpanohitra hoy ny solombavambahoaka voafidy tany Ambovombe-Androy...
- Atolotr'i Radio Don Bosco
- Lohahevitra : Mba ho vanona
-
Voadika amin'ny fiteny :
Ny safidy amin'ny maha kristiana antsika dia tokony hisafidy ny hisian'ny fahamarinana eo amin'ny sehatry ny fifandraisana rehetra. Ireo sehatry ny fifandraisana tokony hisian'ny fahamarinana dia : ny tokantrano, ny firaha-monina ary ny firenena. Fandaharana "mba ho vanona" iarahana amin'ny jeneraly Désiré Ramakavelo.
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
1 ôktôbra 2023 — Alahady Tsotra fahenina amby roapolo Mandavantaona — Taona A — Izaho no lalana sy fahamarinana ary fiainana, hoy ny Tompo. Tsy misy afaka mankany amin’ny Ray afa-tsy amin’ny alalako — Evanjely Masina nosoratan’i Masindahy Matio (Mt. 21, 28-32)
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Bokin’i Ezekiela Mpaminany (Ezek. 18, 25-28)
Raha miala amin’ny haratsiana nataony ny ratsy fanahy, dia hamelona ny fanahiny.
Izao no nolazain’ny Tompo: Ianao manao hoe:
“Tsy marina ny lalan’ny Tompo!”
Mihainoa àry, ry taranak’i Israely:
Moa ny lalako va no tsy mahitsy?
Moa tsy ny lalanareo va no tsy mahitsy?
Raha miala amin’ny fahamarinany ny marina,
ka manao ny tsy marina ary maty amin’izany,
dia noho ny tsy marina nataony no ahafatesany.
Fa raha miala amin’ny haratsiana nataony kosa ny ratsy fanahy
ka manaraka ny hitsiny sy ny rariny amin’ny ataony,
dia hamelona ny fanahiny izy.
Raha sokafany ny masony,
ka miala amin’ny fahadisoana rehetra nataony izy,
dia ho velona tokoa izy fa tsy ho faty.
— Izany àry ny tenin’ny Tompo.
Salamo fandinihana
Sal. 24, 4-5ab. 6-7. 8-9
Tsarovy, ry Tompo, ny famindram-ponao.
Ny lalanao, ry Tompo, atoroy ahy;
ampianaro ahy ny soritrao.
Ny fahamarinanao itarihana ahy,
Ianao no Andriamanitra Vonjiko.
Tsarovy ny indrafonao sy ny fitiavanao
izay efa hatramin’ny fahagola.
Noho ny fitiavanao, ry Tompo,
hadinoy ny otako fahazaza.
Tsara sy mahitsy ny Tompo:
ny mpanota toroany lalana,
ny ory entiny amin’ny marina,
asehony azy ireo ny lalany.
Vakiteny faharoa
Taratasin’i Masindahy Paoly Apôstôly ho an’ny kristianina tany FiIipy (Fil. 2, 1-11)
Manàna ny saina amam-po hita tao amin’i Kristy Jesoa.
Ry kristianina havana,
raha mba manana famporisihana ao amin’i Kristy koa ianareo,
na manana fanalana alahelo amin’ny fitiavana ihany,
raha misy firaisam-po amam-panahy koa amintsika,
ka mba misy fitserana amam-pangorahana ahy ihany aminareo,
dia fenoy tanteraka ny hafaliako amin’ny firaisanareo saina,
ka hiray fitiavana, hiray fo, hiray hevitra,
tsy hanao na inona na inona amin’ny fifampiandaniana
na filan-dera foana,
fa samy hanetry tena sy hanao ny namany ho ambony noho ny tenany avy,
samy tsy hihevitra ny azy ihany,
fa ny an’ny namany koa.
Manàna ny saina amam-po hita tao amin’i Kristy Jesoa, dia izao:
na dia tao amin’ny fomban’Andriamanitra aza Izy,
dia tsy nihevitra ny fitoviany saranga amin’Andriamanitra
ho zavatra nobaboiny,
fa nialàny izany tamin’Izy naka ny fomban’ny mpanompo,
ka tonga mitovy amin’ny olombelona,
sy hita ho olombelona tamin’ny fisehoany rehetra,
ary nilatsa-tenany ho ambany,
nanolo-tena hanaiky hatramin’ny fahafatesana,
dia fahafatesana tamin’ny Hazofijaliana.
Ho valin’izany kosa,
dia nasandratr’Andriamanitra ambony indrindra Izy,
sy nomeny Anarana mihoatra ny anarana rehetra,
mba handohalika amin’ny Anaran’i Jesoa avokoa ny lohalika rehetra,
na ny any an-danitra, na ny ety an-tany, na ny any ambany,
ary mba hanaiky avokoa ny lela rehetra,
fa i Jesoa Kristy dia Tompo efa niditra amin’ny voninahitr’Andriamanitra Ray.
— Izany àry ny tenin’ny Tompo.
Vakiteny faharoa
Taratasin’i Masindahy Paoly Apôstôly ho an’ny kristianina tany FiIipy (Fil. 2, 1-5)
Manàna ny saina amam-po hita tao amin’i Kristy Jesoa.
Ry kristianina havana,
raha mba manana famporisihana ao amin’i Kristy koa ianareo,
na manana fanalana alahelo amin’ny fitiavana ihany,
raha misy firaisam-po amam-panahy koa amintsika,
ka mba misy fitserana amam-pangorahana ahy ihany aminareo,
dia fenoy tanteraka ny hafaliako amin’ny firaisanareo saina,
ka hiray fitiavana, hiray fo, hiray hevitra,
tsy hanao na inona na inona amin’ny fifampiandaniana
na filan-dera foana,
fa samy hanetry tena sy hanao ny namany ho ambony noho ny tenany avy,
samy tsy hihevitra ny azy ihany,
fa ny an’ny namany koa.
Manàna ny saina amam-po hita tao amin’i Kristy Jesoa.
— Izany àry ny tenin’ny Tompo.
Evanjely
Aleloia. Aleloia.
Izaho no lalana sy fahamarinana ary fiainana, hoy ny Tompo. Tsy misy afaka mankany amin’ny Ray afa-tsy amin’ny alalako.
Aleloia.
Evanjely Masina nosoratan’i Masindahy Matio (Mt. 21, 28-32)
Nanenina izy ka nandeha ihany. Ny poblikanina sy ny vehivavy janga no efa mialoha anareo, ho amin’ny Fanjakan’Andriamanitra.
Tamin’izany andro izany,
i Jesoa niteny tamin’ny lohandohan’ny mpisorona sy ny loholona nanao hoe:
“Ahoana no hevitrareo?
Nisy lehilahy anankiray nanan-janaka roa lahy,
dia nanatona ny lahy matoa izy ka nanao taminy hoe:‘Andeha, anaka, miasa any amin’ny tanimboaloboka anio’.
Fa hoy izy:
‘Tsy handeha aho’.
Kanjo nony afaka izany,
nanenina izy ka nandeha ihany.
Dia nankeo amin’ilay iray indray izy ka nilaza toraka izany koa.
Hoy io:‘Handeha aho, tompoko’;
kanefa tsy nandeha izy.
Iza moa amin’izy roa lahy no nanao ny sitra-pon’ny rainy?”
Hoy ireo:
“Ny lahy matoa”.
Dia hoy i Jesoa taminy:
“Izaho milaza marina aminareo
fa ny poblikanina sy ny vehivavy janga no efa mialoha anareo,
ho amin’ny Fanjakan’Andriamanitra;
fa tonga teo aminareo tamin’ny lalan’ny fahamarinana i Joany,
nefa ianareo tsy nino azy;
fa ny poblikanina sy ny vehivavy janga no nino azy;
ary ianareo, na dia nahita izany aza,
dia tsy mbola nanenina akory mba hinoanareo azy”.
— Izany àry ny tenin’ny Tompo.
- Atolotr'i Radio Don Bosco
- Lohahevitra : Vaovao
♦ Nahazo Vikera Jeneraly miisa roa ny Diôsezin'Antananarivo, araka ny fanendrena nataon'ny Arsevekan'Antananarivo... ♦ Tsy azo raisina ny fitoriana nataon'ireo kandidà miisa 11, tamin'ny 22 septambra hoy nyFitsarana Avo momba ny Lalam-panorenana omaly. Dia ny fitakian'izy ireo ny hanafoanana ny fanapahana tamin'ny 9 septambra, izay nahatonga ny governemantan'ny fiaraha-mitantana... ♦ Ho fanajàna ny fandaminana napetrak'ireo kandidà 12, no nivoahako ny efitrano hoy Andriamatoa Augustin Andriamananoro omaly hariva, raha nanatrika ny fihaonan'ireo kandidà tamin'ny FFKM, na dia efa fandaminana niarahana tamin'ny FFKM aza hoy izy ny ahafahan'ny solon-tenan'ny kandidà manatrika izany...
[Miara-dàlana] Alatsinainy 25 nôvambra 2024
- Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
- Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
- Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco