Atolotr'i DIMBINIAINA Tsilavina Jules

Lohahevitra : Vatsim-panahy

Voadika amin'ny fiteny :      

Naseho ny : 18 febroary 2024

Alahady voalohany amin'ny karemy : te hiavana amintsika Andriamanitra ; tsy ny mofo ihany no hiveloman'ny olona fa ny teny rehetra haloakan'ny vavan'Andriamanitra. Miditra amin'ny vanim-potoana karemy izay maharitra 40 andro isika ary ny alarobian'ny lavenona no nanombohantsika izany. Mila manao dingana isika ho amin'ny fihavanana amin'Andriamanitra : manao ezaka hiala amin'ny fahazaran-dratsy, manao asa fivalozana sy asa soa, hifady anina sy hifehy tena. Andriamanitra dia manao dingana voalohany mba hiavanany amintsika olombelona : izy Andriamanitra dia nanao fanekem-pihavanana tamin'ny olombelona sy amin'ny taranaka mandimby, tahaka ny tantaran'ny safo-drano.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 18 febroary 2024

Trangam-piaraha-monina vaovao mihamirongatra eto amin'ny firenena ny zava-mahadomelina rôrô. Ny rôrô dia loza manohitohina ny saim-bahoaka sy manimba ny ho avin'ny tanora malagasy raha tsy voasoroka mialoha. Ny rôrô dia "heroine" ihany fa miendrika vovo-javatra fotsy izay mitondra tsirony mangidy, mifangaro zavatra maro izy io toy ny siramamy, kininina, fentanyl... Katesizy momba ny fandraisana zava-mahadomelina, iarahana amin'i P. Avellin Ravelonanosy. 

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 18 febroary 2024

Efa anatin'ny karemy isika satria efa avy nanamarika ny alarobian'ny lavenona, izay koa no hanomanantsika ny paka. Ho famenon'ny Batemy dia misy ny Eokaristia sy ny Fankaherezana izay endrika mahafeno ny maha kristiana. Ny amin'ny penitasy dia efa ampy ny fieken-keloka sy filazana ny fahotana nataon'ny olona iray fa mandavorary izany ny fanomezana ny famotsorana ataon'ny pretra, toy izany ny fanosorana ny marary izay lavorary noho ny fanosorana ny menaka, eo amin'ny sakramentan'ny filaharana dia eo ny fanosorana ny menaka. Ny asan'ny Batemy dia manala ny fahotana tamin'ny fototra, mahatonga ho zanak'Andriamanitra sy ho mpandova ny fiainana mandrakizay.

Tohiny...

Atolotr'i Radio Don Bosco

Lohahevitra : Vaovao

Naseho ny : 17 febroary 2024

♦ Fitaovam-pandanjàna sy famaràna maromaro an'ireo mpivarotra ety Ivato no giazan'ny ministeran'ny varotra sy ny mpiaro ny zon'ny mpanjifa MCI... ♦ Nahazoana vokatra tsara ny tetik'asa JM CT Jeunesse Malagasy Compétente au Travail, nandritra ny 6 taona niasany teto Madagasikara... ♦ Tokony hampitohy ireo tanan-dehibe hafa manitona mpizahan-tany ny zotram-piaramanidina hataon'ny Fly Emirates fa tsy Antananarivo sy Nosy-be ihany hoy ireo mpandalina eo amin'ny sehatry ny fizahan-tany ♦ Voaheloky ny fitsarana tany New York handoa onitra mitentina 355 tapitrisa Dolara ny filoha Amerikana teo aloha Donald Trump... ♦ Niala tao amin'ny tanànan'i Av Divka faritra Atsinanan'i Ukraine ny tafika Ukraniana...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 17 febroary 2024

Ny tsy fahampian-drà dia ny tsy fahampian'ny sela mena ao anatin'ny ra. Ny sela anatin'ny ra dia misy karazany telo : sela mena, sela fotsy, ary ny atao hoe "plaquette". Rehefa tsy ampy ny sela mena anatin'ny ra dia mitarika ny fidinan'ny tahan'ny "oxygène" ao anatin'ny ra sy ny taova manontolo, ary tsy araka ny tokony ho izy ihany koa ny famoahana ny "gaz carbonique". Fambara : hatsatra, reraka, fanina matetika, mangatsiaka ny ratsam-batana, marary andoha matetika... Fandaharana "andriano ny fahasalamana" iarahana amin'ny Radio Don Bosco.

Tohiny...

Atolotr'i Radio Don Bosco

Lohahevitra : Vaovao

Naseho ny : 17 febroary 2024

♦ Nazoto nisoratra anarana tao anaty lisitry ny mpifidy ny mponina any ambanivohitra, tamin'ny RAL na ny fanavaozana isan-taona ny lisim-pifidianana... ♦ Hatomboka any Faux Cap Distrikan'i Tsihombe ny sekolin'ny Jono, ary hitarina amin'ny Faritra hafa manerana ny Nosy... ♦ Teknisiana sy tantsaha mpampita miisa 20 minadahy no niofana momba ny fiompiana sy famokarana tantely nandritra ny telo andro... ♦ Nody mandry omaly tany amin'ny fonja nitazomana azy i Alexei Navalny, mpanohitra ny filoha Rosiana Vladmir Poutine... ♦ Teratany Israeliana roa no maty, enina hafa naratra vokatry ny tifitra nataon'ny Palestiniana iray tany Kiryat Malackhi, 30km miala ny tandavan'i Gaza...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 17 febroary 2024

Hoy ny mpamokatra sy mpamarotra khat hoe : tena vola malaky ny khat satria kelikely fotsiny no amidy dia efa vola be. Ho an'ireo mpanjifa azy kosa dia tena fandaniana be no atao amin'ny fanjifana azy. Lafo be ny vidin'ny khat rehefa volana mey ka hatramin'ny volana jolay satria sarotra ny ahitana azy, lafo mihoatra ny vidin'ny sigara. Miteraka fifamaliana ao anati'ny tokantrano ny tsy fananana fahefa-mividy. Katesizy momba ny fandraisana zava-mahadomelina, iarahana amin'i P. Avellin Ravelonanosy. 

Tohiny...

Atolotr'i Rasolofo Joelina

Lohahevitra : Vaovao

Naseho ny : 16 febroary 2024

♦ Mazoto nisoratra anarana tanaty lisitry ny mpifidy, ny mponina any ambanivohitra, tamin'ny RAL na ny fanavaozana isan-taona ny lisi-pifidianana... ♦ Hatomboka any Faux-Cap, Distrikan'i Tsihombe ny sekolin'ny jono, ary hitarina amin'ny faritra hafa manerana ny nosy... ♦ Teknisianina sy tantsaha mpampiatra miisa 20 mianadahy no niofana momba ny fiompiana sy famokarana tantely, nandritra ny telo andro...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Miara-dalana

Naseho ny : 16 febroary 2024

♦ Hisy fiomam-panahy iombonana ho an'ny Kôngresy Eokaristika nasiônaly amin'ny Radio Katôlika manerana an'i Madagasikara... ♦ Ny faharetana amin'ny finoana no hery entina miady amin'ny hakamoana sy ny tsy firaharahiana ny fianana anaty, hoy ny Papa François... ♦ Fiarovana ny tontolo iainana no hetsika ataon'ny tanora ao Ghanà ho fiainana ny karemy...

Tohiny...

Atolotr'i Ramamonjisoa Rivo Alain

Lohahevitra : Vaovao

Naseho ny : 16 febroary 2024

♦ Hifarana vonjimaika amin'ny faran'ity volana ity ny fanavaozana isan-taona ny lisitry ny mpifidy. Mandray ny karine avy any amin'ny Fokontany ny CENI ankehitriny, ary mandika ny anarana ao anaty ordinatera... ♦ Mitohy androany eny amin'ny Lapan'ny Akademia Malagasy, eny Tsimbazaza, amin'ny alalan'ny loabary an-dasy ny hetsiky ny FIMPIMA... ♦ Kaominina miisa telo no voakasiky ny tetikasa fanajariana vaovao atao ao Bas-Mangoky, ka manohitra ny fangalana ny taniny ireo mponina...

Tohiny...

Atolotr'i Ramamonjisoa Rivo Alain

Lohahevitra : Vaovao

Naseho ny : 16 febroary 2024

♦ Hotanterahana manomboka ny alatsinainy 22 jolay 2024, ny fanadinam-panjakana bakalôrea. Efa nisokatra ny 13 febroary ary hifarana ny 26 aprily 2024 amin'ny 6 ora hariva, ny fisoratana anarana ho an'ireo mpiadina... ♦ Nazoto nanoratra ny anarany teo anivon'ny Fokontany ireo olom-pirenena. Hifarana vonjimaika amin'ny faran'ity volana febroary ity, ny fanavaozana isan-taona ny lisitry ny mpifidy... ♦ Maro ireo lesoka mila harenina amin'ny fomba fiteny sy fitsipika ary fanoratana ny teny malagasy, hoy ny Minisiteran'ny Serasera sy ny Kolontsaina...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 16 febroary 2024

Mba ahazoana ny "cathinone" anatin'ny khat dia ilaina tsakoina sy alona ao am-bava mandritra ny 3 hatramin'ny 4 ora ny raviny. Raha tsy hohanina mandritra ny 3 andro nanapahana azy ny khat dia miova ny tsirony ary tsy mandaitra loatra intsony. Rehefa mamon'ny khat ny olona iray dia mety ho romodromotra na sorena lava ka tsy mahalala ny tokony hatao intsony. Katesizy momba ny fandraisana zava-mahadomelina, iarahana amin'i P. Avellin Ravelonanosy. 

Tohiny...