• Eto izao ianao :  
  • Fandraisana
  • Fanabeazana
  • Ampela mihary

Lohahevitra : Ampela mihary

Ny hoe antitra dia ireo olona efa osa, tsy ampy fahasalamana sy tanjaka entina miasa, verivery saina sy fitadidiana ; ny zokiolona kosa dia ireo olombelona 60 taona no mihoatra. Tsy tokony ary ilaina hitandremana ny fanilikilihana ireo zokiolina sy ny antitra. Ho fitsimbinana ny aina sy ny hery dia tsara no handanjalanjana ny fampiasana vatana, anefa tsy tokony hipetra-potsiny ihany koa.  Ilaina amin'ny vanim-potoana maha zokiolona ny fanetseham-batana, eny fa na ny vanin-taolana ihany aza... Fandaharana "Ampela Miary" tontosaina eto amin'ny Radio Don Bosco.

Lohahevitra : Ampela mihary

Ny talenta matetika tsy tsikaritry ny olona anefa isan'ireo afahana mampivoatra ny fiainana. Ny talenta dia fahaizana voajanahary. Ny olona rehetra dia manana talenta avokoa, miainga avy amin'ny vavahadin-tsaina dimy. Ny fomba hamantarana ny talenta, dia ireo olona kinga mahay sy mahazo vokatra tsara ary mahazo fifaliana amin'ny hetsika nataony. Ilaina ny fikolokoloana ny talenta mba hazoana vokatra tsara kokoa, ary maro ireo manao ho fototr'asa ny talentany. Fandaharana "Ampela Miary" tontosaina eto amin'ny Radio Don Bosco.

Lohahevitra : Ampela mihary

Tanora sy olon-dehibe : 20 hatramin'ny 50 taona, olona efa nandalo ny fialan-tsakana, ary amin'ny dingan'ny fanomanana ny fahanterana. Ny fikoloina ny aina dia ilàna fanomanana hatrany, izay tsy mifantoka amin'ny filan'ny nofo fotsiny. Ny sakafo dia isan'ny fototra hikoloina ny aina, noho izany dia misy fotoanany ny fisakafoana, mila fialan-tsasatra ny vavony ; in-telo isan'andro no tsara hisakafoana ka ny maraina no tena atao feno sy tsara... Fandaharana "Ampela Mihary" tontosaina eto amin'ny Radio Don Bosco.

Lohahevitra : Ampela mihary

Ny zava-misy ankehitriny dia maro ny tanora, mbola tsy nihomana amin'ny fanabeazana ny zanaka sy ny fiahiana ny ankohonana, izany hoe ny sehatra maha ray aman-dreny, anefa tena mitondra any amin'ny faharavan'ny ho avin'ny zanaka ny fahadisona ataon'ireo ray aman-dreny. Maro ny  tsara ho fantantra manodidina ny fampihantana zanaka ary misy voka-dratsiny; ny fampihantana dia mety ho tsy famelana ny zanaka hisitraka araka ny maha-izy azy, isaky ny taona lalovany, ankoatra ny fanarahana ny sitrapony... Fandaharana "Ampela Mihary" tontosaina eto amin'ny Radio Don Bosco.

[Miara-dàlana] Alatsinainy 9 novambra 2026

• “Tafio ny fiadian'Andriamanitra”, io no teny manentana ny fiainan'i Mgr Mariusz Kasperski, Eveka Mpanampy ao amin'ny Arsidiosezin'i Toamasina. Tontosa omaly ny fanamasinana azy ho eveka… • Hotanterahana ny 25 hatramin'ny 29 aogositra 2027, ny JMJ Mada XI, izay horaisin'ny Arsidiosezin'i Toamasina… • Isan'ny nanamarika ny fandahram-potoanan'ny Papa Léon XIV, tamin'ny famangiany an'i Uruguay omaly, ny fandalovany tao amin'ny Paroasy arovan'i Mb Thérèse de Lisieux…

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...