Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

19 nôvambra 2024 — Talata, Herinandro Tsotra fahatelo amby telopolo Mandavantaona— Ny teninao, ry Tompo, no fahamarinana. Ankamasino amin’ny fahamarinana izahay — Evanjely Masina nosoratan’i Masindahy Lioka (Lk. 19, 1-10)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

18 nôvambra 2024 — Alatsinainy, Herinandro Tsotra fahatelo amby telopolo Mandavantaona— Alao tampina ny masoko, ry Tompo, hibanjina ny zava-mahagaga amin’ny Lalànao — Evanjely Masina nosoratan’i Masindahy Lioka (Lk. 18, 35-43)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

17 nôvambra 2024 — Alahady Tsotra fahatelo amby telopolo Mandavantaona— Miambena sy mivonòna ianareo: fa ho avy amin’ny ora tsy ampoizinareo ny Zanak’Olona — Evanjely Masina nosoratan’i Masindahy Marka (Mk. 13, 24-32)

Lohahevitra : Seran'ny tanora
Voadika amin'ny fiteny :  Français (France)   English (United Kingdom) 

Ilain'ny tanora ny mianatra sy mifehy ny fiteny anglisy, indrindra amin'izao vanim-potoana iainantsika izao. Tanora vitsivitsy no mijoro vavolombelona manondidina ny tontolon'ny fianarana teny anglisy. Tanora tovovay iray, Ramatoa kely Harifetra, mpampianatra ity taranja ity no mifampizara amintsika ny hasarobin'izany fahaizana teny anglisy izany sy ny toro-paika mba hitiavana sy hahaizana azy haingana.

Lohahevitra : Hirika

Mandresy lahatra ny tantsaha ao amin'ny Distrikan'Ambatoboeny Faritra Boeny hikajy ny tontolo iainana amin'ny fampiasàna ireo teknika fambolena mifanaraka amin'izany ny Fivondronan'ny Tantsaha Miara-mizotra... Miasa amin'ny kaominina miisa 6 ao amin'ity Distrika ity ny fikambanana efa ho 3 taona izao. Sehatr'asa ataony ny fanapariahana ny teknikam-pambolena mikajy ny tontolo iainana mba hiarovana ny nofon-tany sy ny tontolo manodidina. Manatsara ny velon-tenan'ny tantsaha amin'ny alalan'ny varotra iombonana ihany koa ny fikambanana. 3 taona niasana ny fikambanana Miara-mizotra, kanefa efa azo tsapain-tanana hoy Andriamatoa Randriazafison Tsitohaina, filoha mpanorina ny fikambanana Miara-mizotra ny vokatra azo amin'ny faharesehan-dahatry ny tantsaha amin'ny fampià izay fambolena mikajy ny tontolo iainana izay.

Lohahevitra : Fankalazana manetriketrika — Fety — Fahatsiarovana
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Daniely Mpaminany (Dan. 7, 13-14)

Fahefana mandrakizay tsy manam-pahataperana ny fahefany.

Nijery tamin’ny fahitana amin’ny alina aho,
ka indro nisy toy ny Zanak’olona tamy, teny ambonin’ny rahon’ny lanitra;
nandroso Izy nankeo amin’ilay Anti-dahy, ka nentina ho eo anatrehany;
dia nomena Azy ny fahefana sy ny voninahitra, amam-panjakana,
ary nanompo Azy avokoa ny vahoaka amam-pirenena sy ny samihafa fiteny rehetra.
Fahefana mandrakizay tsy manam-pahataperana ny fahefany,
ary tsy ho levona na oviana na oviana ny Fanjakany.

— Izany àry ny tenin’ny Tompo.

Salamo fandinihana

Sal. 92, 1ab. 1d-2. 4. 5

Manjaka ny Tompo, mitafy fiandrianana.

Manjaka ny Tompo, mitafy fiandrianana;
ny Tompo mitafy sy misikina hery
izao rehetra izao nataony mafy orina,
tsy mba hihontsona rahoviana.
Ny fiketrahanao mijoro hatrizay,
Ianao moa efa hatramin’ny mandrakizay.

Tompo ô, ny ony manandratra,
ny ony manandratra ny feony:
Ny ony manandratra ny firohondrohony.

Mihoatra ny feon’ny rano anefa,
mihoatra ny onjan-driaka marevaka:
marevaka ny Tompo ao ambony ao.

Ny fiketrahanao, ry Tompo, mafy orina;
ary ireo masina no an-tranonao
midera Anao amin’ny taona mifandimby.

Vakiteny faharoa

Boky Fanambaràna nosoratan’i Masindahy Joany Apôstôly (Apok. 1, 5-8)

Ilay Filohan’ny mpanjakan’ny tany nanao antsika ho fanjakana ama-mpisoron’Andriamanitra.

Homba anareo anie ny fahasoavana sy ny fiadanana avy amin’i Jesoa Kristy
Ilay vavolombelona mahatoky, Lahy matoa amin’ny maty,
ary Filohan’ny mpanjakan’ny tany.
Ho an’Ilay tia antsika anie, ka nanasa ny otantsika tamin’ny Rany,
sy nanao antsika ho fanjakana ama-mpisoron’Andriamanitra Rainy,
eny, ho Azy anie ny voninahitra amam-pahefana mandrakizay. Amen.
Indro Izy avy, eo amin’ny rahona, ka hahita Azy ny maso rehetra,
na dia ny an’ireo nandefona Azy aza;
ary handòn-tratra ny firenena rehetra ambonin’ny tany amin’ny fahitana Azy.
Eny. Amen. Izaho no Alfà sy Omegà, fiandohana sy fiafarana,
hoy ny Tompo Andriamanitra,
dia Ilay ankehitriny sy taloha ary ho avy, mahefa ny zavatra rehetra.

— Izany àry ny tenin’ny Tompo.

Evanjely

Aleloia. Aleloia.

Hosoavina anie Ilay avy, amin’ny Anaran’ny Tompo, hosoavina anie ny fanjakan’i Davida Raintsika.

Aleloia.

Evanjely Masina nosoratan’i Masindahy Joany (Jo. 18, 33b-37)

Voalazanao: Mpanjaka Aho.

Tamin’izany andro izany, dia niteny tamin’i Jesoa i Pilaty nanao hoe:

“Moa Mpanjakan’ny Jody va Ianao?”

Jesoa namaly hoe:

“Anao samy irery izany teny izany,
sa an’olon-kafa nilaza Ahy taminao?”

Dia namaly i Pilaty nanao hoe:

“Fa izaho angaha Jody?
Ny firenenao sy ny mpisoronao no nanolotra Anao tamiko,
ka inona no nataonao?”

Jesoa namaly hoe:

“Tsy anisan’izao tontolo izao ny Fanjakako;
fa raha anisan’izao tontolo izao ny Fanjakako, dia ho niady ny oloko,
ka tsy ho voarain’ny Jody Aho;
fa tsy anisan’izao tontolo izao ny Fanjakako”.

Dia hoy i Pilaty taminy:

“Koa Mpanjaka izany Ianao?”

Ary novalian’i Jesoa hoe:

“Efa voalazanao: Mpanjaka Aho.
Teraka Aho, sy tonga taty an-tany mba hanambara ny marina,
ka izay rehetra mpanaraka ny marina, dia mihaino ny feoko”.

— Izany àry ny tenin’ny Tompo.

Lohahevitra : Vaovao
  • Tsy natao hampizarazara na hifandrafiana ny tsy fitovian-kevitra, fa dingana iray hahafahana mampandroso, hoy ny FFKM...
  • Iray amin'ireo aretina mahazo ny voafonja ao Antanimora ny aretin-koditra lagaly, amin'izao andro mafana izao...
  • Nihena any amin'ny 50% ny vokatra letchis, ho an'ny Faritra Atsinanana sy Analanjirofo tamin'ity taona ity...

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Fanamby maro no manoloana ny sehatry ny fanabeazana ankehitriny noho ny firoboroboana sy ny fandroasoan’ny teknolojia. Etsy andaniny maro ny tombotsoa azo avy amin’izy ireny, fa etsy ankilany kosa raha ny fanehoan-kevitra  amin’ny mpandinika dia fantatra fa mbola banga ny fanabeazana eto Madagasikara, fa indrindra amin’izao fotoana mampiazakazaka ny tonolom-pivoarana izao. Misy ezaka sy andriakitra lehibe miandry ny Ray aman-dReny, satria ny fototry ny fanabeazana dia mianga avy any an-tokantrano. Fandaharana "miaina sy mitia" eto amin'ny radio Don Bosco, iarahana vaomieran'ny fahasalamana, eo an'ivon-toerana Arrupe.

Lohahevitra : Vaovao
  • Miantso ireo mpanararaotra ny fahasahiranam-bahoaka sy ny mpikarakara ny fifidianana isan'ambaratonga ny FFKM, mba hanaja ny safidin'ny vahoaka, ary tsy ho menatra hampihatra ny lalàna amin'ireo minia mandika izany...
  • Nametra-pialana tsy ho mpanazatra ny Barea A intsony, i Maître Rorot, tao aorian'ny fidiram-baolina nandritra ny fe-potoana fanampiny, omaly...
  • Efa misy ny dingana atao handrindrana sy hifehezana ny vidin'ny vary, hoy ny Minisitry ny Fampiroboroboana ny Indostria sy ny Varotra ary ny Fanjifana, David Ralambofiringa...

Lohahevitra : Raki-tsarobidy
Voadika amin'ny fiteny :  Français (France) 

Tahaka ilay toetra ao amin'ny fanoharana izay tsy maintsy mitsena vahiny tonga tsy nampoizina, mandeha mandondona ny tranon'ny namany amin'ny misasakalina ary mangataka mofo. Namaly ilay namany hoe "Tsia!" satria efa eo am-pandriana izy, nefa miziriziry mandra-panery azy hitsangana hanome azy ny mofo, io ilay toetra manao fangatahana maharitra... Katesizy momba ny vavaka maharitra, iarahana amin'i P. Ratinarivony Laurent.

Lohahevitra : Vaovao
  • Mihaona amin'ny Aigles de Carthage Toniziana atsy Pretoria amin'izao ora izao, ny Barean'i Madagasikara...
  • Nokianin'ny KMF/Cnoe ny fivoizan'ireo mpirotsaka ho fidiana sasany, milaza fa kandidàm-panjakana. Tsy hampitovy herijika ireo mpifaninana ny fivoizana izany, hoy ity firaisamonim-pirenena ity, androany...
  • Ampy, ary tsy misy atahorana ny tahirim-bary eto amintsika amin'izao, hoy ny Minisitry ny Varotra. Nanazava ny momba ny fifehezana ny vidim-bary koa izy, androany...

Lohahevitra : Vaovao
  • Tonga androany teto Madagascar ireo antotan-taratasy saropady hampiasaina amin'ny fifidianana eny anivon'ny Kaominina amin'ny 11 desambra ho avy izao. Hanomboka amin'ity herinandro ity ny fanapariahana ireo antotan-taratasy ireo manerana ny nosy...
  • Mitaky ny mangarahara amin'ny fandinihana ny volavolan-dalàna mifehy n fitantanam-bolam-panjakàna ny vondron'ny firaisamonim-pirenena CCOC. Tsy manao ny asany araka ny tokony ho izy ny parlemantera hoy izy ireo...
  • Tsy lavorary ny famelan'ny litchis tamin'ity taona ity. Antony mahatonga ny vokatra mihena araka ny fanazavan'ny teknisianin'ny fambolena...
  • Nohamafisina ny fitandroana ny filaminana mandritra ny lalao baolina kitra ihaonan'i Frantsa sy Israely...

Sous-catégories

Malagasy

[Miara-dàlana] Zoma 22 nôvambra 2024

  • Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
  • Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
  • Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...