Mitohy ny sehatr’asan’ny Foibe FAFIALA momba ny fampandrosoana ny tontolo eny ambanivohitra. Nikarakara atrik’asa nandritra ny roa andro ny 17 sy ny 18 Novambra 2026 teny amin’ny foiben-toerany eny Ambohimangakely, distrikan’Antananarivo Avaradrano entina hampiroboroboana ny lalam-pihariana landy eto Madagasikara ity Foibe FAFIALA ity. Foibe 30 taona mahery misehatra amin’ny fampandrosoana ny eny ambanivohitra amin’ny alalan’ny fampitàna ny haitao ara-pamokarana ananany ny FAFIALA...

Tanjona amin’ny atrik’asa ny hikarohana ny olana amin’ny seha-pihariana landy mba ahafahana manampy ny seha-pikarohana hitadiavana vahaolana hanarenana izany hoy ny tale mpanatanteraky ny Foibe FAFIALA Razafindralaisa Harinaina Léon.

Isan’ny olana ny tsy fahampiana akora vokatry ny fahapotehan’ny tontolo iainana. Nandray anjara tamin’ny atrik’asa ny mpisehatra rehetra amin’ny lalampihariana landy, mikaon-doha momba ny fototry ny olana ary mitady vahaolana.

Misy ny seha-pikarohana ataon’ny FAFIALA amin’ny fampiroboroboana ny fiompiana landy eto amintsika indrindra fa ny landy kely manomboka any amin’ny famokarana ka hatrany amin’ny fanodinana ny vokatra ka tafiditra amin’ny sehatr’asany tsara izao atrik’asa tanterahana izao. Antsafa tamin’ny tale mpanatateraky ny FAFIALA, Razafindralaisa Harinaina Léon.

[Miara-dàlana] Alatsinainy 16 novambra 2026

• Mahaiza miaina amim-pilaminana ary samia manao tsara ny asany. Io no hafatra nanentanan'ny Fivondronamben'ny Evekan'i Madagasikara ny mpino rehetra, taorian'ny Fivoriambe izay notanterahin'izy ireo teto Antananarivo… • Nifarana omaly ny Fihaonamben'ny Pretra Diosezanina, izay notanterahana tany amin'ny Diosezin'Antsirabe. Pretra 1126 no niatrika izany… • Làlana iray itomboana ny aretina, hoy ny Papa Léon XIV, nandritra ny vavaka Angelus omaly…

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...