Atolotr'i Radio Don Bosco

Lohahevitra : Vaovao

Naseho ny : 27 mey 2022

♦ Ho fanomanana ny fampirantiana iraisam-pirenena lehibe hatao any Arabie Saoudite amin'ny taona 2030, dia noraisin'ny Minisitry ny Raharaham-bahiny mpisolo toerana androany, ny delegasiona saodiana notarihan'Andriamatoa Ahmad Bin Abdul Aziz Kattan... ♦ Hotanterahana ny 16 sy 17 jona 2022, ny fikaonan-doha nasionaly ho fanatsarana ny fambolena sy ny famokarana eto Madagasikara, ka natao androany ny fihaonam-be tatitra, ho famolavolana sy fametrahana ny drafi-pampandrosoana izay seha-pamokarana izay...

Tohiny...

Atolotr'i Radio Don Bosco

Lohahevitra : Miara-dalana

Naseho ny : 27 mey 2022

♦ Alim-bavaka, Eokaristia Masina ary dia mivavaka, no nanamarihana ny faha-150 taonan'ny Masera FMA, tamin'ny 24 mey 2022... ♦ Nankalazaina ny alahady 22 mey 2022, ny taom-bolamena niorenan'ny finoana katôlika tao Andranomagnitsy, distrika Ambahikily, Morombe... ♦ Hotanterahana ny 29 mey 2022, ny famaranana ny faha-100 taonan'ny Seminera Zandriny Ambohipo... ♦ Nandefa taratasy fiaraha-miory ho an'ny Arsevekan'i San Antonio, ny Papa François, tao aorian'ilay fitifirana nitranga tao amin'ny sekoly iray tany Texas...

Tohiny...

Atolotr'i Radio Don Bosco

Lohahevitra : Vaovao

Naseho ny : 27 mey 2022

♦ Paikady iray nampandroso an'i Japon ny fiaraha-mientan'ny rehetra, manaporofo izany fanomezan'ny mpitondra toerana ny mpanohitra, ao anatin'ny fitantanana... ♦ Nihatra nanomboka androany indray ny fanatsarana ny fifamoivoizana ao an-drenivohitra, tao aorian'ny andrana izay natao omaly... ♦ Nosokafa amin'ny fomba ôfisialy teny Anosy, ny maraina teo, ny tetik'asa Mitsiry, entina hanohanana ny orinasa madinika sy ny salantsalany...

Tohiny...

Atolotr'i Radio Don Bosco

Lohahevitra : Vaovao

Naseho ny : 25 mey 2022

♦ Hiroso amin'ny fitokonana lavareny ny SECES Sampana Antananarivo. Niatrika fivoriambe teny Ankatso indray androany ireo mpampianatra mpikaroka, nampahatsiahy ireo fitakiany... ♦ Vao mainka hiakatra noho ny amin'izao ny vidim-piainana eto Madagasikara, ao aorian'ny fiakaran'ny vidin-tsolika, hoy ny Profesora Ralison Roger... ♦ Hanomboka ny alatsinainy izao ka hatramin'ny tapaky ny volana jona ny adina ara-panatanjahantena Bakalôrea eto amin'ny faritanin'Antananarivo...

Tohiny...

Atolotr'i Radio Don Bosco

Lohahevitra : Vaovao

Naseho ny : 25 mey 2022

♦ Niakatra teny amin'ny PAC omaly tolakandro, ny raharaha kolikoly sy fanodikodinam-bola mahakasika an'i Mbola Rajaonah. Niisa 11 ireo vesatra niampanga ity mpandraharaha ity... ♦ Fepetra iraisan'ny ministera maromaro amin'ny filàna ravinahitra any ivelany, efa napetraka tamin'ny taona 2020 ihany, ilay naverina nampahafantarina hoy ny teo anivon'ny ministeran'ny raharaham-bahiny, fa goragora ny fampiharana azy, ka hohamafisina ankehitriny ho fisorohana ireo loza mety ahazo ny zanaka malagasy... ♦ Mitsipaka marindrano ny mety ho fandaniana am-boletra ny "ITG" ny solombavambahoaka an'Ambohidratrimo, mandeha ny feo fa kasaina ho dinihin'ny parlemantera indray izy io...

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 25 mey 2022

Tamin’izany andro izany, i Jesoa niondrana tamin’ny sambo kely ka narahin’ny mpianany. Dia indro nisy tafio-drivotra mafy tamin’ny ranomasina, ka efa safotry ny onjan-drano ny sambo kely, ary Izy anefa natory. Dia nanatona Azy ny mpianany, ka namoha Azy nanao hoe: "Tompoko, vonjeo izahay, fa maty." Ary hoy i Jesoa taminy: "Nahoana no saro-tahotra ianareo, ry kely finoana?" Dia niarina Izy, nandidy ny rivotra sy ny ranomasina, ka tonga tony dia tony ny andro. Ary gaga ny olona, ka nanao hoe: "Iza io Lehilahy io no manaiky Azy ny rivotra sy ny ranomasina?"

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 25 mey 2022

Nony efa antomotra ny andro tsy maintsy hanalana an’i Jesoa, dia nanapa-kevitra hankany Jerosalema Izy, ka nandefa iraka hialoha Azy. Dia nandeha ireo ka niditra tao amin’ny tanàna anankiray tany amin’ny Samaritanina, mba hanomana ny fandraisana Azy; fa tsy nisy nandray Azy ny olona, satria olona hankany Jerosalema no fijeriny Azy. Nony nahita izany i Jakôba sy i Joany mpianany dia nanao hoe: "Tompoko, tianao va raha asainay ilatsahan’ny afo avy any an-danitra izy handevona azy?" Fa nitodika Izy ka nananatra azy mafy hoe: "Tsy fantatrareo mantsy izay tokony ho fanahinareo. Ny Zanak’Olona anie tsy tonga hamery ny olona fa hamonjy azy". Dia nankany amin’ny vohitra hafa izy ireo. Raha mbola teny an-dalana izy ireo, dia nisy olona anankiray nilaza taminy hoe: "Hanaraka Anao aho, na aiza na aiza halehanao". Fa hoy i Jesoa taminy: "Ny amboadia manan-davaka, ary ny voro-manidina manana akany; fa ny Zanak’Olona tsy mba manana izay hampandriany ny lohany". Ary hoy Izy tamin’ny anankiray hafa: "Manaraha Ahy". Dia izao no navalin’io: "Aoka aloha, Tompoko, handevina ny raiko aho". Fa hoy i Jesoa taminy: "Avelao ny maty handevina ny maty ao aminy, fa ianao kosa mandehana mitory ny Fanjakan’Andriamanitra". Dia nisy iray hafa koa nanao taminy hoe: "Hanaraka Anao aho, Tompoko, fa aoka aloha hanao veloma ny ao an-tranoko aho". Fa hoy i Jesoa taminy: "Rehefa mety ho mpitana angadin’omby miherika, dia tsy sahaza ny Fanjakan’Andriamanitra".

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 25 mey 2022

Tamin’izany andro izany, i Jesoa nanao ity fanoharana ity tamin’ny Farisianina sy ny mpanora-dalàna nanao hoe: "Iza moa aminareo no manana ondry zato ka very ny anankiray no tsy handao ny sivy amby sivifolo any an’efitra, ka handeha hitady ilay very mandra-pahitany azy? Ary rehefa hitany dia ataony eo an-tsorony an-kafaliana, ka nony tonga any an-tranony izy, dia mamory ny sakaizany sy ny olo-mifanakaiky aminy ary manao amin’ireo hoe: ‘Miaraha mifaly amiko, fa efa hitako ny ondriko very’. Lazaiko aminareo, fa toy izany koa, hisy hafaliana lehibe kokoa any an-danitra amin’ny mpanota iray mibebaka, noho ny amin’ny olo-marina sivy amby sivifolo tsy mila fibebahana".

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 25 mey 2022

Tamin’izany andro izany, i Jesoa niteny tamin’ny mpianany nanao hoe: "Tsy izay rehetra manao amiko hoe: Tompo, Tompo, no hiditra amin’ny fanjakan’ny lanitra fa izay manao ny sitra-pon’ny Raiko izay any an-danitra, izy ihany no hiditra amin’ny fanjakan’ny lanitra. Amin’izany andro izany, maro no hanao amiko hoe: Tompo, Tompo, moa tsy naminany tamin’ny Anaranao va izahay? ary moa tsy nandroaka demony tamin’ny Anaranao va izahay? moa tsy efa nanao fahagagana tamin’ny Anaranao va izahay? Ary amin’izany dia holazaiko miharihary aminy hoe: Tsy fantatro akory ianareo na oviana na oviana; mialà amiko ianareo mpanao ratsy. Koa amin’izany, na zovy na zovy mandre izao teniko izao ka mitandrina azy, dia hoharina amin’ny lehilahy hendry izay nanorina ny tranony teo ambony vatolampy; ary latsaka ny ranonorana ka tondraka ny ony, ary nifofofofo ny rivotra namely izany trano izany, nefa tsy nianjera izy, fa niorina teo ambonin’ny vatolampy. Ary na zovy na zovy mandre izao teniko izao, ka tsy mitandrina azy, dia hanahaka ny lehilahy adala nanorina ny tranony teo ambony fasika; ary latsaka ny ranonorana ka tondraka ny ony, ary nifofofofo ny rivotra namely izany trano izany, dia nianjera izy ka loza ny faharavany."

Ary nony efa vitan’i Jesoa izany teny izany, dia gaga ny vahoaka tamin’ny fampianarany, satria nampianatra toy ny manana fahefana Izy, fa tsy mba tahaka ny mpanora-dalàna teo aminy sy ny Farisianina.

Atolotr'i Radio Don Bosco

Lohahevitra : Vaovao

Naseho ny : 25 mey 2022

♦ Notanterahina ny omay, talata 24 mey teto Ivato ny Eokaristia Masina fisaorana an'Andriamanitra noho ny jobily faha-150 taona nanorenan'i Don Bosco sy Marie Dominique Mazzarello ny fikambanan'ny Masera Filles de Marie Auxiliatrice... ♦ Niisa telo ireo fifanaovan-tsonia ny fifanaraham-piaraha-miasa eo amin'ny governemanta Malagasy sy ny BAD izay natao tany ACCRA renivohitr'i Ghana omaly... ♦ Ampy ny fitaovana enti-miasa amin'ny ady atao amin'ny valala ; velaran-tany 138.000Ha no efa voafendraka ranom-panafody...

Tohiny...

Atolotr'i Radio Don Bosco

Lohahevitra : Vaovao

Naseho ny : 24 mey 2022

♦ Tanterahaha any Akkra, renivohitr'i Ghana, ny fivoriam-be isan-taonan'ny Banky Afrikana ho an'ny Fampandrosoana. Fifanaraham-piaraha-miasa telo no nosoniavina teo amin'ny Governemanta Malagasy sy ny BAD... ♦ Ampy ny fitaovana enti-miasa amin'ny ady atao amin'ny valala, eto Madagasikara. Miasa andro aman'alina ny teknisianina amin'ny famonoana ny valala... ♦ Hihemotra ho amin'ny 28 jona indray ny fotoam-pitsarana an-dRamatoa Raharinirina Clémence. Tsy mbola nahatonga solontena teny amin'ny Fitsarana indray androany, ny Fanjakana...

Tohiny...

Atolotr'i Radio Don Bosco

Lohahevitra : Vaovao

Naseho ny : 24 mey 2022

♦ Tena ilaina ny hisian'ny fikaonandoham-pirenena, saingy tsy tokony ny resaka fifidianana ihany no hodinihina amin'izany, hoy ny antoko SFDM. Nambaran'ny filohany fa mety hiverina ny tantara tamin'ny andron'ny Hery-Velona, raha tsy handray anjara amin'izany ny fitondràna... ♦ Fandikan-dalàna ny fandoavan'ny fanjakàna vola 30.000Ariary amin'ilay fampiakarana ny karama farany ambany amin'ny sehatra tsy miankina, hoy ny Randrana Sendikaly, fanafangaroana ny volam-panjakàna io fanapahan-kevitra io hoy ity vondrona ity... ♦ Niravona ny disadisa tamin'ilay raharahan'ny orinasa QMM, ka nakàn'ireo mponina takalon'aina mpitandro filaminana tany Taolagnaro, efa niverina niodina ny orinasa, ka hanome fanonerana ireo mponina voakasika...

Tohiny...