Lohahevitra : Vaovao

♦ Nanamafy ny fampitandremana ireo solombavambahoaka tsy tonga mivory amin'izao fotoam-pivoriana ara-potoana faharoa izao ny Filohan'ny Antenieram-pirenena Ramatoa Christine Razanamahasoa... ♦ Olona enina no efa matin'ny kéré tany amin'ny Distrikan'i Mananjary raha ny tatitry ny solombavambahoaka voafidy tany an-toerana... ♦Tsy azo iodivirana ny fampiharana ny fambolena an-tanan-dehibe ho an'i Madagasikara noho ny fihazakazahan'ny fitomboan'ny isan'ny mponina... ♦  Tontosa androany maraina ny fandefasan'ny NASA an'ilay sambondanitra ARTEMIS hihazo ny volana. Voalaza ho sambondanitra matanjaka indrindra eran-tany izy io...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Ny fahefana anaty dia ahitana ireto : ny finoana, ny fanantenana ary ny fitiavana. Ny sakana anaty dia hatarafana ireto : ny fialonana, ny fanaratsiana ary ny fiandaniana. Ny safidy dia anao : na ny fahefana anaty no iainana na ny sakana anaty. Fandaharana "mba ho vanonoa" iarahana amin'ny jeneraly Ramakavelo Désiré.

Lohahevitra : Vaovao

♦ Olona 36 isa no maty vokatry ny fitsaram-bahoaka tany amin'ny Faritra Vatovavy tato anatin'ny enin-taona, tany Ikongo avokoa ny 26 tamin'ireo. Mitsangana ankehitriny ny vaomiera manokana eny amin'ny antenimieram-pirenena, hanadihady ilay tranga nahafaty olona am-polony tany Ikongo farany teo... ♦ Tsy maintsy hamafisina ny fizakantenan'ireo kaominina sy Faritra eto Madagasikara, na eo amin'ny lafiny ara-bola, na amin'ny resaka fitantanana, hoy ny ministra ny atitany sy ny fitsinjaram-pahefana... ♦ Tsy manara-drafitra na secteur informel avokoa ny 95%-ny asa eto Madagasikara. Ezahina hitarina amin'ireo sehatr'asa ireo noho izany ny fiahiana ara-tsôsialy...

Lohahevitra : Vaovao

♦ Hanadihady momba ilay teo-draharaha nitranga tany Ikongo ny 29 aogositra 2022, ny Solombavam-bahoaka. Nolaniana androany ny tolo-pehin-kevitra momba ny fananganana ny vaomiera hisahana izany... ♦ Tsy maintsy hamafisina, hoy ny Minisitry ny Atitany sy ny Fitsinjaram-pahefana, ny fizakan-tenan'ireo Kaominina sy ny Faritra eto Madagasikara, na amin'ny ara-bola izany na amin'ny fitantanana... ♦ Nanomboka androany ny taom-panondranana lavanila 2022-2023, araka ny tapaka tamin'ny Filankevitry ny Minisitra, niainga tamin'ny tolo-kevitry ny Filankevi-pirenen'ny lavanila...

Lohahevitra : Vaovao

♦ Misasaka ny fe-potoana hanavaozana manontolo ny lisitry ny mpifidy ho an'ny fifidianana amin'ny taona ho avy. Lasa nampanahirana ny CENI ny tsy nisian'ny fikaonandoham-pirenena, nialohan'ny nanatanterahana izany, hoy ny antoko Fiombonana... ♦ Voavolavola ny drafitra stratejika ankapobeny ho fanaraha-maso ny asa eto Madagasikara. Nampahafantarina omaly izany drafitra izany, ho fanatsaràna ny aro loza sy fitandremam-pahasalamana eny anivon'ny toeram-piasàna... ♦ Olona miisa 6, no maty nilatsaham-potaka tany Tsiafabositra Maevantanàna omaly. Andro vao maraina ny nisian'izao fipoahan'ny varatra izao, narahin'ny rotsak'orana sy kotroka...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny sora-tanana dia misy lanjany eo amin'ny fampitàna fahalalana ankehitriny. Na miroborobo aza ny teknôlôjia dia mbola misy lanjany ny sora-tanana. Ny soratra dia fitaovana hifaneraseràna maharitra sy azo tehirizina. Ny sora-tanana dia mampiseho ny maha-izy azy ny olona iray, ahafahana mamantatra ny toetrany ihany koa. Misy fiatraikany mivantana amin'ny mpamaky ny soratra iray. Ny mpampianatra dia tokony ho filamatra amin'ny lafiny ara-tsoratra. Ny mpampianatra ratsy soratra dia mety hatonga ny ankizy ho sahirana amin'ny fianarana ataony, ary mety hatonga azy ho kamo. Ny soratra tsara sy milamina eny amin'ny solaitrabe dia manampy ny ankizy hifantoka sy manampy azy haazo kokoa ny lesona.

Lohahevitra : Vaovao

♦ Manaitra ny fitondram-panjakana ny Evekan'i Morondava, nanoloana ny zava-nitranga tato ho ato. Zava-doza ny misy any amin'ny Faritra Menabe, hoy izy, mihalalina ny haratsiana, noho ny tsy fandriam-pahalemana... ♦ Hangataka fahafahana vonjimaika ho an-dRaissa Razaivola, ilay renim-pianakaviana nohampangaina ho nikasa hifofo aina solombavambahoaka ny mpisolovava azy. Nanazava ny momba ity raharaha ity omaly, io mpisolovava azy io... ♦ Maro ireo mitaraina fa niakatra be ny hetran-trano ao an-drenivohitra takian'ny fiadidiana ny tanànan'Antananarivo. Fampiakarana misy hatrany amin'ny 100% noho ny teo aloha, raha araka ny fitarainan'ireo tompon-trano nahazo izany taratasy fitakian-ketra izany...

Lohahevitra : Vaovao

♦ Manao antso avo amin'ny fitondram-panjakana ny Evekan'i Morondava, Mgr Raharilamboniaina Marie Fabien, mba hijery akaiky ny zava-misy any an-toerana amin'ny resaka tsy fandriam-pahalemana... ♦ Mbola goavana ny fanarenana ny Air Madagascar, satria misedra fahasahiranana tanteraka ity Kaompaniam-pitaterana anabakabaka ity... ♦ Nodinihana nandritra ny fivoriana itambarambe teny Tsimbazaza ny tolo-dalana handrindrana ny sata hifehy ireo mpankanto...

Lohahevitra : Miara-dalana

♦ Tontosa teny amin'ny Cénacle Ambohipo, ny 10 hatramin'ny 13 nôvambra 2022 ny Filankevitra Nasiônalin'ny Vovonam-pirenena Katôlikan'ny Ankizy... ♦ Ny mikasika ny dikan'ny faharetana no fampianarana nentin'ny Papa François, nitarihana ny sain'ny mpino, ny alahady 13 nôvambra 2022, nandritra ny vavaka Angelus... ♦ Mpikambana 150 amin'ireo mpilatsaka antsitrapo iraisam-pirenena, mivondrona ao amin'ny Fédération des Organismes Chrétiens de Service International de Volontariat, no nihaona tamin'ny Papa François, androany maraina...

Lohahevitra : Vaovao

♦ Nilatsaham-potaka ny fiangonana katôlika Mahatsinjokely, distrikan'i Bemahatazana, diôsezin'i Tsiroanomandidy ny alin'ny sabotsy. Miisa roa no namoy ny ainy teo noho eo, 30 kosa ireo naratra... ♦ Miazakazaka ny fitombon'ny isan'ny mponina mipetraka amin'ny toeram-ponenana tsy zarizary ho an'ny tanàn-dehibe eto Madagasikara. Ho an'Antananarivo renivohitra, mandray olona vaovao tonga manoro-ponenana manodidina ny iray hetsy isan-taona ; ny ankamaroan'izy ireo saika mamonjy ny toeram-ponenana tsy zarizary avokoa... ♦ Mbola tsy ampy ny isan'ny injeniera eto Madagasikara. Miisa 15 000 izy ireo, 40 000 isa mahery anefa ny filàna afaka folo taona...

Lohahevitra : Vaovao

♦ Mila hovaina ny fehezan-dalana momba ny fiahiana ara-tsôsialin'ny mpiasa eto Madagasikara mba hanatsaràna ny tahan'ny asa mendrika. Antso nataon'ny Praiministra nandritra ny fanakatonana ny fikaonandoha momba ny asa mendrika natao tao an-drenivohitra... ♦ Nahafa-po ny mpanao tombana ny fomba fiasan'ny 65% amin'ny tale nanaovana tombana ao amin'ny orinasa JIRAMA. Harenina ny lesoka ho an'ireo 35%. Tale miisa 30/40 no vita fanadihadiana... ♦ Mihamitombo isan-kerinandro ny isan'ny tranga vaovao mitondra ny tsimok'aretina Coronavirus eto Madagasikara. Miisa 71 ny tranga voatily ny 5 hatramin'ny faha 11 novambra teo...

Lohahevitra : Vaovao

♦ Nisy taova tsy hita tao amin'ilay zazalahikely hita faty tao anaty dobo filomanosana tamin'ny hôtely iray tany Morondava. Tsy manaiky ny fianakaviny ka mbola tsy tontosa ny fandevenana... ♦ Mbola mitàna ny laharana faharoa amin'ireo firenena aty Afrika subsahariennes i Madagasikara eo amin'ny fanondranana entana vita amin'ny lamba... ♦ Mahatratra 55km/ora ary arahina tafiotra 65km/ora ny hamafin'ny rivotra any Atsimon'ny nosy hatramin'ny alatsinainy izao. Mila fitandremana noho izany ireo mpiandriaka sy ny mpampiasa ny ranomasina...

Sous-catégories

Vaovao

Arofanina

Harena ny harena raha mamokatra ary mamokatra ho an'ny besinimaro

Ho an'ny tompon'andraikitra isan'ambaratonga eto amin'ny firenena, Ho an'ny vahoaka Malagasy sy ireo olona tsara sitrapo. Homba anareo mandrakariva anie ny fahasoavana amam-piadanana avy amin'i Jesoa Kristy Tompo ! Indroa isan-taona no manao fihaonana lehibe (Assemblée Générale) izahay Vaomieran'ny Eveka momba ny fahamarinana sy fiadanana (Justice et Paix) cto Madagasikara. Tamin'ity taona 2025 ity dia notanterahina ny 08 May ka hatramin'ny 12 May ny fihaonanavoalohany teto Madiorano - Diosezy Toliara....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...