Lohahevitra : Vaovao

♦ Naneho ny heviny, Mompera Rakotondranaivo Herisoa José Gaston, taorian'ny fanendrena azy, ho lehiben'ny fikambanana Saleziana Don Bosco eto Madagasikara sy ny Nosy Maurice... ♦ Tokony nakàna hevitra ireo mpisehatra rehetra, vao nisy ny fanolorana tolo-dalàna hanavaozana ny lalàm-pifidianana hoy ny Sampana Safidy... ♦ Efa tapi-dalan-kaleha ny fitondram-panjakàna Malagasy ka tsy antenaina hitondra fampandrosoana an'i Madagasikara intsony, raha ny nambaran'ny solombavambahoaka avy amin'ny vovonana Firaisankina... ♦ Taorian'ny fifanafihan'i Israely sy Iran omaly, dia manahy mafy amin'ny fihitaran'ny ady any amin'ny faritr'i Moyen-Orient ny firenena hafa...

Lohahevitra : Hono hoy aho Mompera ?
Voadika amin'ny fiteny :  Français (France)   English (United Kingdom) 

Ny fahantrana dia vokatry ny fitiavan-tena. Antony fahantrana : tsy manangom-bola mihitsy eo amin'ny fiainana, tia mividy zavatra mora, manao trosa lava, tsy mifanampy, miteraka aloha loatra anefa tsy mbola manana ninoninona, miandry foana ny hafa (mangataka lava), tsy mianatra sy tsy tia mamaky boky, tsy manana tanjona mazava, tsy manana fahazaranan-tsaina hamokatra, tsy mino hadingana fiovana, mora kivy... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Alahadin'ny Trinite Masina : Andriamanitra tokana fa olona telo - Voninahitra anie ho an’ny Ray sy ny Zanaka sy ny Fanahy Masina, Andriamanitra ilay ankehitriny sy taloha ary ho avy. Ny mistery dia tsy takatry ny saina sy tsy hay hazavaina hoy Masindahy Athanase : "raha Andriamanitra takatry ny sain'olombelona dia tsy Andriamanitra marina". Tamin'ny taon-jato fahatelo no nampiasana ny teny hoe "Trinité" voalohany, izay fitambaranà teny roa "Tri" sy "Unité", izany hoe telo anefa iray. Voalaza ao amin'ny Soratra Masina, ny maha tokana anefa olona telo an'Andriamanitra, na ao amin'ny Testamenta Taloha na Testamenta Vaovao...

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Alahady manaraka ny Trinite Masina – Taona D : Fankalazàna ny vatana aman-dra masin’i Kristy ; sorom-pihavanana sy sakafo mampiray ny Eokaristia. Izaho no Mofo velona izay nidina avy any an-danitra, hoy ny Tompo, izay mihinana amin’ity Mofo ity dia ho velona mandrakizay. Isaky ny mankalaza ny Eokaristia isika dia mitsaoka ny vantana aman-dran'i Jesoa Kristy, izay faratampony sy ivon'ny fiainan'ny Kristianina ; manambara ihany koa fa tsy Andriamanitra lavitra izy fa Andriamanitra miara-dalàna amin'ny olombelona mino Azy. Ny "procession" dia fanomezam-boninahitra ny Vantana aman-dran'i Kristy...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Ny tazomoka dia fanaviana azo avy amin'ny kaikitry ny moka vavy (Anophele), io tazo io dia aretina mifindra sy mety hafaty, azo taboina. Ny tena fototry ny aretina dia kantsetsika afindran'ireo moka vavy, izay mivelona ao anatin'ny ran'izay olona voakaikitr'ireo moka ireo. Raha tsy voatsabo ara-potoana ny tazomoka dia mety hafaty ny olona marariny, tsy mifidra amin'ny olona samy olona ny tazomoka... Fandaharana "Andriano ny fahasalamana", tontosaina eto amin'ny radio Don Bosco.

Lohahevitra : Vaovao

♦ Notendren'ny lehiben'ny Fikambanana Saleziana maneran-tany, Mompera Fabio ATTARD, ho Lehiben'ny Fikambanana Saleziana eto Madagasikara sy ny Nosy Maurice i Mompera Rakotondranaivo Harisoa José Gaston... ♦ Nihintsana teo amin'ny ankatoky ny famaranana (démi-final" ny ekipam-pirenena Malagasy tamin'ilay COSAFA CUP 2025. Lavon'i Angola tamin'ny isa 4 no ho 1 ny Barea omaly...  ♦ Notanterahana omaly teny amin'ny Lycée Moderne Ampefiloha ny fanokafana ny fankalazana ny andron'ny tambazotry ny tanora mandala ny fahitsiana sy ny fahamarinana andiany faha-13...

Lohahevitra : Raki-tsarobidy

Na inona na inona fivoriana manotrona ny Alitara ka mifanaraka amin'ny fandraharahàna masin'ny Eveka dia fambaran'ilay fitiavana sy firaisan'ny Vatana izay hany azo anantenana famonjena. Ao amin'ny Eokaristia no anisan'ny sehatra hitoriana ny Vaovao Mahafaly, hanangonana ny mpino hankalazana ny Misterin'ny fanasan'ny Tompo, ireo rehetra miombona amin'izany dia atambatry ny vatan'i Jesoa... Katesizy momba ny konsily vatikana-II, rafitra, iarahana amin'i P. Justolat Rafaralahimboa.

Lohahevitra : Raki-tsarobidy

Ny anjara raharahan'ny Eveka iray anisan'ny lehibe ary fahatelo dia ny fitantanana ka ny Diôsezy ankinina aminy no iandraiketany amin'izany fitondrana izany. Mizaka ny Fiangonana eo amin'ny toerana nankinina taminy ny Eveka satria solontena sy masoivohon'i Kristy. Takiana amin'ireo Eveka sy ny Pretra miara-miasa aminy ny fanoloran-tena feno tahaka ny fanoloran-tenan'i Jesoa... Katesizy momba ny konsily vatikana-II, rafitra, iarahana amin'i P. Justolat Rafaralahimboa.

Lohahevitra : Vaovao

• Notendren'ny Lehiben'ny Fikambanana Saleziana maneran-tany, Mompera Fabio Attard, ho Lehiben'ny Fikambanana Saleziana eto Madagasikara sy ny Nosy Maurice, i Mompera Rakotondranaivo Harisoa José Gaston... • Noraisina androany teny amin'ny Café de la Gare Soarano, izy 13 mianadahy mpilatsaka an-tsitrapo, teratany Malagasy mila ravinahitra any ivelany, izay handray anjara amin'ny fandaharan'asa Loharano andiany faharoa... • Notanterahana androany teny amin'ny Lycée Moderne Ampefiloha, ny fanokafana ny fankalazana ny andron'ny tambajotran'ny tanora mandala ny fahitsiana sy ny fahamarinana, andiany faha-13...

Lohahevitra : Hirika

Manohana ny fiarovana ny ala honko ao amin’ny faritr’i Sofia ny fahefana eo anivon’ny faritra sy ny any amin’ny kaominina. Raharaham-panjakàna ny fiarovana ny tontolo iainana araka ny nambaran’Andriamatoa Fidèle Emilson, tale misahana ny fotodrafitr’asa sy ny falmpandrosoana na ny DID ao amin’ny faritr’i Sofia, sady filoha lefitry ny vovonana hoan’ny fitantanana ny faritra arovana na ny P.F.Gap Avarabe Lovainjafy izay ivondronan’ny faritra Sofia, Diana, Sava, Analanjirofo ary Boeny. Manaporofo izany hoy izy ny fametrahana io rafitra io...

Lohahevitra : Vaovao

• Mbola marisarisa amin'ny fanangan-tsaina ny isan-tokantrano amin'izao 12 andro nanombohan'ny fankalazana amin'ny fomba ofisialy ny faha-65 taona niverenan'ny fahaleovan-tena izao... • Andro faharoa, sady farany, amin'ny fihaonana mivantana eo amin'ireo Solombavam-bahoaka sy ny mpikamban'ny Governemanta ny androany. Fotoana iandrasana ny valintenin'ny Governemanta... • Nikarakara hetsika iray, entina hanakatonana ny asan'ny FES eto Madagasikara nanomboka ny maraina teo, ny ekipa miandraikitra ny fanoratana ao amin'ny gazety boky Politikà...

Lohahevitra : Miaina sy mitia

Ny fianakaviana mino dia fianakaviana manaiky ho marina tsy mila fanaporofoana Ilay Andriamanitra mpahary ny lanitra sy ny tany,ilay trinite masina „Andriamanitra Ray, zanaka sy Fanahy masina” ; tsitoha, mahefa ny zavatra rehetra. Harena ny fifandraisana misy eo amin'ny olona raha iainana, ary mahay miray hina amin'izay fahasamihafana izay ny olona ao anatin‟ilay fiombonana. Ny rehetra no Mandray anjara mavitrika amin'ny asa fitoriana ny evanjely sy hitondra fahazavana... fandaharana "Miaina - Mitia" tontosaina eto amin'ny radio Don Bosco.

Sous-catégories

Vaovao

Arofanina

[Miara-dàlana] Alakamisy 26 jona 2025

Notendren’ny Papa Léon faha-14 ho eveka mpanampy ho an’ny Arsidiosezin’Antananarivo, androany 26 jona 2025, i Mgr Mamiarisoa Modeste Randrianifahanana, izay Vikera jeneraly eto Antananarivo.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...