Lohahevitra : Mba ho vanona

Ny olombelona dia tsy afaka miaina tsy misy fitiavana. Ao amin'ny fitiavana no miorina ny finoana, izay endrik'Andriamanitra ao amin'ny olombelona. Ny fifampiresahana, ny fifanankalozan-kevitra dia fototra mampanjary ny fifanakaikezana am-po ; mila mitandrina ny ray aman-dreny sy ny zanaka fa ny rivotra entin'ny teknôlôjia ankehitriny dia mahavita manozongozona ny fifampitokisana sy ny fifandraisan'ny fianakaviana. Ao anatin'ny teny dia misy hasina, tsara kokoa raha tso-drano am-bava no hafafy toy izay ozona... Fandaharana "Mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Nanamafy ny tale misahana ny seraseran'ny fiadidiana ny Repoblikan'ny Fanavaozana, Harry Laurent Rahajason fa misy mifofo ny ain'ny Filohan'ny Fanavaozana. Nambarany koa fa misy mikasa handoro ny Antenimieram-pirenena amin'ny sabotsy izao... ♦ Miantso ny rehetra ho tony, hanaja ny lamina apetraka mba hizoran'ny fikaonan-doham-pirenena araka ny tokony ho izy ny avy amin'ny Hery-Fiarovana sy ny Filaminana... ♦ Notendren'ny ministeran'ny atitany ho PDS ao amin'ny Kaominina Antananarivo-renivohitra ny Solombavambahoaka ao Tanà-III, Ralambomanana Fenoharisoa, mpikambana amin'ny antoko Tim...

Lohahevitra : Raki-tsarobidy

Noho ny fiaraha-monina dia tsy ny tena irery no hosoavina fa tsy maintsy manasoa ny mpiara-belona amin'ny fikatsahana ny soa iombonana. Ny fandraisana anjara no fanoloran-tena tsara indrindra omen'ny tsirairay ny fiaraha-monina : tsy maintsy mandray anjara ny tsirairay araka ny toerana ananany ; amin'ny andraikitrao manokana (fikarakarana sy fanabeazana ny fianakaviana, fanatanterahana tsara ny asa)... Katesizy momba ny foto-pampianaran'ny Eglizy "Gaudium Et Spes " Ny fifandraisan'ny mpiarabelona" iarahana amin'i P. Ratovonjanahary Jean Luc.

Lohahevitra : Vaovao

• Mitohy ny fikasana hifofo ny ain'ny Filohan'ny Fanavaozana ny Repoblika mivady, raha ny nambaran'ny Talen'ny Serasera eo anivon'ny Fanavaozana, tamin'ny mpanao gazety androany... • Manameloka ny fanafihana sy ny fanimbana ny biraon'ny Polisy any Vohémar, ny eo anivon'ny Polism-pirenena Malagasy, raha ny nambaran'ny Tale Jenetaliny androany... • Miara-miasa hampiroborobo ireo orinasa madinika sy salatsalany eto amintsika, ny banky BNI Madagasikara sy ny Fivondronan'ny Mpandraharaha Malagasy. Nosoniavina androany ny fifanarahana mirakitra izany...

Lohahevitra : Vaovao

♦ Mitaky ny hamoahana an'i Herizo Andriamanantena, mpitarika ny Gen Z, ny sendikàn'ny Enjeniera momba ny Fambolena eto Madagasikara. Naneho ny alahelony izy ireo amin'ny fisamborana Olom-pirenena noho ny fanehoan-kevitra... ♦ Nisehoana lozam-pifamoivoizana an-dalam-by teny Ambohimanatrika-Andohaavato, Kaominina Tanjombato, androany maraina. Olona telo naratra, trano roa rava tanteraka voakatr'izany... ♦ Hapetraka ho nosy filamatra tsy misy fako plastika i NOSY BORAHA (Sainte Marie). Mikarakara atrik'asa momba izay ady amin'ny fiparitahan'ny fako plastika izay ny Ministeran'ny tontolo iainana...

Lohahevitra : Ampela mihary

Ny fiainana ao am-bohoko, ny zaza menavava, ary zazakely dia tandindon'ny fitohizan'aina. Ilàna fihomanana tsara ny fanohizan'aina : fahalalana ny tsingerin'ny fadimbolana, fahalalana ny fotoana mahalonaka, fahasalaman'ny mpivady. Tsara kokoa ny fitondrana vohoka raha arahi-maso eny amin'ny tobi-pahasalamanana fa manampy ny mpivady ny toro-hevitra ara-pahasalamana azo eny. Tsy tsara ho an'ny vehivavy mbola mbola tsy niteraka ny fampiasàna fandrindram-piterahana, indrindra ireo mihataka amin'ny ara-boajanahary... Fandaharana "Ampela Mihary" tontosaina eto amin'ny Radio Don Bosco.

Lohahevitra : Vaovao

♦ Nahiditra hôpitaly ny iray amin'ireo tanora Gen Z, notazonina teny amin'ny pôlisim-pirenena Anosy, noho ilay raharaha fidinana an-dalambe ny herinandro teo. Nanazava ny momba ity tranga ity ny mpisolovava azy ireo, omaly... ♦ Tanora 19 mianadahy no nitondra ny hetahetany, nisolovava ny tanora Malagasy, nandritra ny fanokafana ôfisialy ny fikaonan-doham-pirenen'ny Tanora ho an'ny Fanavaozana omaly... ♦ Nodoran'ny olona ny biraon'ny pôlisim-pirenena ao Vohémar, omaly tolak'andro, noho ny fisorohana ny fitsaram-bahoaka. Namoaka fampitam-baovao momba ity tranga ity ny pôlisim-pirenena...

Lohahevitra : Raki-tsarobidy

Taratry ny fahamendrehana ny fanajàna sy fitiavana na ny olona tsy mitovy hevitra amin'ny tena na ireo heverina ho fahavalo. Mendrika ny maneho hamoram-po amin'ny olona rehetra. Izany anefa tsy midika ho fanekena ny hevi-disony fa fitandrovana mandrakariva ny marina sy ny tsara ; tsy manala ny fahamendrehan'ny olona iray ny mety ho fahadisoan-keviny... Katesizy momba ny foto-pampianaran'ny Eglizy "Gaudium Et Spes " Ny fifandraisan'ny mpiarabelona" iarahana amin'i P. Ratovonjanahary Jean Luc.

Lohahevitra : Vaovao

• Natomboka androany tamin'ny fomba ofisialy tetsy amin'ny CCI Ivato ny Fikaonandoham-pirenenan'ny tanora ho an'ny Fanavaozana. Nalalaka tamin'ny fanehoan-kevitra ireo tanora nandray anjara... • Hivoaka tsy ho ela ny vatsim-pianaran'ny mpianatra eny amin'ny Anjerimanontolo. Nanome toky momba izany ny Minisitry ny Fampianarana ambony sy ny Fikarohana ara-tsiansa... • Nanomboka androany ny hetsika "Asako rahampitso". Miisa 9 alina ireo tanora mpianatry ny lisea nisitraka izany nandrita ny 18 taona...

Lohahevitra : Vaovao

♦ Fanavaozana : Nosokafana tamin'ny fomba ôfisialy ny antoandro teo ny fikaonandoham-pirenena ho an'ny tanora. Nifandimby nitondra ny hetahetany ireo tanora vitsivitsy nisolontena ny isam-paritra.... ♦ Tsy ampy hitsaràna ny fitondràna ho tsy mankany amin'ny fanavaozana ny dimy volana, hoy ny tanora mpanao pôlitika Nambinina Raherimampianina... ♦ Misokatra amin'ny olon-drehetra manomboka izao ny fanaovam-baksiny fanefitry ny Monkey-Pox. Mbola latsaky ny 10.000 ny olona vita vaksiny, tato anatin'ny iray volana... ♦ Mitady izay fomba hampiatoana mandritry ny 20 taona ny fandaharan'asa nokleary iraniana i Etazonia, ankehitriny...

Lohahevitra : Filira

Ny Spoken Word dia azo adika malala hoe " Teny Lazaina" (mot parlé), iray amin'ny zava-kanto vita amin'ny teny ; miseho amina endrika fanehoana lahatsoratra amin'ny teny, izany hoe tononina na ventesina ho am-bava. Tsy lahatsoratra tsotra ny Spoken Word fa manakaiky kokoa ny "poezia", tsy praozy. Ny Spoken Word dia ventesina amin'ny feo mafy sy mazàna mora raisina ary amin'ny fomba mirehidrehitra (emphatique/plein amphase). Tany Etazonia, ny hetsika "Beat" sy ireo mpanakanto amerikanina mainty hoditra no nampiasa ny teny hoe "Spoken Word" ho an'ny teknikana pôezia ventesina amina feo avo sy mirehidrehitra miaraka amin'ny mozika...

Lohahevitra : Vaovao

♦ Tanora 4 eo anivon'ny Gen Z, anisan'ireo nanao fihetsiketsehana ny herinandro teo no nisy nisambotra. Tazomina eny amin'ny sampana heloka bevavan'ny Polisim-pirenena Anosy ny sasany amin'izy ireo, nanomboka omaly... ♦ Tsy mankasitraka ny fandravàna ny andrim-panjakàna ny Antenimieram-pirenena tamin'ny lahateny teny Tsimbazaza omaly. Ara-dalàna ny fitondram-panjakàna ankehitriny hoy Andriamatoa Siteny Randrianasoloniaiko... ♦ Tsy misy atahorana ny famatsiana solika eto Madagasikara hoy ny Ministry ny Angovo ary ny Akoran'afo, omaly. Efa tonga ny sambo mpitondra solika ho an'i Madagasikara...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...