Lohahevitra : Vaovao

♦ Nampiantso ireo Minisitra teny Tsimbazaza omaly, ireo Solombavam-bahoaka mpanohitra. Nafanafana ny fifamalian-dresaka momba ny olan'ny jiro sy ny rano amin'izao fotoana izao... ♦ Ny 30%-n'ny filana herinaratra eto Antananarivo sy ny manodidina sisa ankehitriny no vokarin'ny Jirama, noho ny hain-tany. Nitondra fanazavana momba izany ny Minisitry ny angovo, omaly... ♦ Nisehoana savorovoro tany amin'ny Distrikan'i Manakara omaly. Savorovoro niafara tamin'ny fandorana ny tranon'ny rain'ilay tovolahy iray, maty nofirin'ny zandary...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny toerana mety sy tsara amin'ny fivavahana dia ny Eglizy, tranon'Andriamanitra, toerana sahazan'ny fivavahana litorjika ho an'ny ankohonana kristianina eo amin'ny Paroasy. Ny efitrano kely mangina miaraka amin'ny Soratra Masina sy ny sarimasina ihany koa dia azo naovana fivavahana samirery. Ny "sanctuaire" dia toerana fihavaozana amin'ny vavaka araka ny lovam-panahy... Katesizy momba ny "mivavaka amin'ny fiainana andavanandro", iarahana amin'i P. Raphaël Eugène Ralison.

Lohahevitra : Vaovao

♦ Nampiantso ireo mpikamban'ny Governemanta teny Tsimbazaza androany, ireo Solombavam-bahoaka mpanohitra. Nibahan-toerana ny fangataham-panazavana momba ny olan'ny rano sy ny jiro ankehitriny... ♦ Nanazava momba ny delestazy misy amin'izao fotoana izao ny Minisitry ny angovo androany. Ny 30%-ny filana herinaratra ho an'Antananarivo sy ny manodidina ihany no vokatra amin'izao, hoy izy... ♦ Teratany Malagasy miisa 25, nampodiana an-tanindrazana, rehefa nikasa hiditra an-tsokosoko atsy amin'ny nosy Mayotte. Nisy 5 hafa nogadraina any an-toerana, noho izy ireo efa matetika no tratra amin'izao fiondranana izao...

Lohahevitra : Vaovao

♦ Mbola nanazava ny momba ny didim-pitsarana na ny ordonnance ahafahana manoratra ny anarana ao amin'ny lisi-pifidianana indray ny CENI. Nambara fa ireo olom-pirenena efa nisoratra anarana kanefa tsy tafiditra tao anatin'ny lisitra teo aloha no afaka manao fangatahana. Toa izany koa ireo feno 18 taona ka mahafeno ny fepetra ho mpifidy... ♦ Dinihan'ny antenimieran-doholona androany ny volavolan-dalàna momba ny fandaharan'asa tetezana miantona na ny Fly Over Makis... ♦ Marin-toerana ny toe-karena teto Madagasikara ka notazonin'ny Banky Foiben'ny Madagasikara ny tahan'ny zana-bola fampiasa ao aminy...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Daniely Mpaminany (Dan. 12, 1-3)

Amin’izany andro izany dia ho voavonjy ny vahoakanao.

Amin’izany andro izany, hitsangana i Misely ilay filoha ambony,
izay miandany amin’ny zanaky ny firenenao,
ka amin’izany no ho androm-pahoriana tsy mbola nisy toa azy,
hatrizay nisian’ny firenena, ka hatramin’izany andro izany.
Amin’izay dia ho voavonjy ny firenenao,
dia izay rehetra hita voasoratra eo amin’ny boky.
Ary maro amin’ireo mandry ao amin’ny vovo-tany no hifoha:
ny sasany ho amin’ny fiainana mandrakizay;
fa ny sasany ho amin’ny latsa amam-panariana mandrakizay.
Izay ho efa hendry hamirapiratra hoatra ny famirapiratry ny lanitra;
ary izay ho efa nitarika ny maro ho amin’ny fahamarinana,
ho tahaka ny kintana mandrakizay.

— Izany àry ny tenin’ny Tompo.

Salamo fandinihana

Sal. 15, 5 sy 8 .9-10. 11

Andriamanitra ô, ambeno aho mifefy aminao!

Ny Tompo ny ahy no zara lovako;
Ianao no rakitro mateza.
Ataoko eo anoloana hatrany ny Tompo,
izaho tsy hiala eo ankavanany.

Koa faly ny foko, ravo ny fanahiko,
ny nofoko avy no mandry amin-toky.
Ny fanahiko tsy hafoinao ho any an-tSeoly,
ity sakaizanao tsy hekenao hahita ny hady.

Fa ny lalan’ny fiainana
no hatoronao ahy:
hafenoam-pifaliana eo anoloanao,
hafinaretan-dava eo ankavananao.

Vakiteny faharoa

Taratasy ho an’ny kristianina Hebrio (Heb. 10, 11-14. 18)

Fanatitra iray monja dia ampy handavorariany mandrakizay izay nohamasininy.

Ry kristianina havana, ny mpisorona rehetra dia mijoro isan’andro hanao ny raharahany,
sy manolotra matetika ireny sorona tsy nahafa-pahotana akory ireny,
fa i Kristy kosa indray mandeha monja no nanolotra sorona noho ny ota,
dia mipetraka mandrakizay eo ankavanan’Andriamanitra;
ka hatramin’izao Izy dia miandry ny hanaovana ny fahavalony ho fitoeran-tongony rahatrizay.
Fanatitra iray monja dia ampy handavorariany mandrakizay izay nohamasininy;
ka rehefa voavela ny fahotana, dia tsy ilaina intsony ny sorona noho ny ota.

— Izany àry ny tenin’ny Tompo.

Evanjely

Aleloia. Aleloia.

Miambena sy mivonòna ianareo: fa ho avy amin’ny ora tsy ampoizinareo ny Zanak’Olona.

Aleloia.

Evanjely Masina nosoratan’i Masindahy Marka (Mk. 13, 24-32)

Hanangona ny olom-pinidy avy amin’ny vazan-tany efatra Izy.

Tamin’izany andro izany
i Jesoa niteny tamin’ny mpianany ny amin’ny hiverenany nanao hoe;

“Amin’izany andro izany, rehefa afaka ireo fahoriana lehibe,
ny masoandro hihamaizina, ny volana tsy hazava intsony,
ny kintana any an-danitra hiraraka, ary ny herin’ny lanitra hihozongozona.
Dia ho hita amin’izay ny Zanak’olona avy eo ambonin’ny rahona amin-kery lehibe sy voninahitra.
Amin’izay Izy dia haniraka ny Anjely ary hanangona ny olom-pinidy avy amin’ny vazan-tany efatra,
hatramin’ny faran’ny tany ka hatramin’ny faran’ny lanitra.
Alaovy ho fanoharana ny aviavy.
Raha vao manaroka ny rantsany ka mandravina,
dia fantatrareo fa efa antomotra ny fahavaratra.
Toy izany koa, rehefa hitanareo fa tonga izany zavatra izany,
dia fantaro fa efa antomotra mby eo am-baravarana Izy.
Lazaiko marina aminareo fa tsy ho lany ity taranaka it
mandra-pahatongan’izany rehetra izany.
Ho levona ny tany aman-danitra, fa ny teniko tsy mba ho levona.
Izany andro sy ora izany anefa, dia tsy misy mahalala,
na ny Anjely any an-danitra, na ny Zanaka aza,
afa-tsy ny Ray ihany.

— Izany àry ny tenin’ny Tompo.

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Isany fototra hatongavana ho amin'ny fandrosoana ny safidy, izay fahafahana misy eo amin'ny tsirairay, indrindra ho an'ny olom-pirenena. Safidy ratsy ny fanapotehana ny ho avin'ny ankizy, indrindra izay mahakasika ny fanabeazana ; ny fanaovana tsinotsinona ny lafiny ara-panabeazana dia fanimbana ny fototry ny fampandrosoana. Ny fitiavan-tanindrazana dia ny fanomezan-danja ny soa iombonana ho an'ny vahoaka 30 tapitrisa eto amin'ny nosintsika. Fandaharana "mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Mivory ara-potoana toa ny fanao isan-taona ny Fivondronamben'ny Evekan'i Madagasikara. Fivoriana nanomboka ny 5 novambra lasa teo hatramin'ny 15 novambra ho avy izao... ♦ Nosokafana tamin'ny fomba ôfisialy omaly ny taom-pianarana 2024-2025 ho an'ny sekoly Katôlika eto amin'ny Diôsezin'Antananarivo. Ny Distrika Misiôneran'i Itaosy no nandray ny lanonana... ♦ Nampiantso ministra vitsivitsy ao amin'ny governemanta hanazava ny momba ny fahapotehan'ny lalana sy ny olan'ny angovo anio ny solombavambahoaka eny Tsimbazaza raha tsy misy ny fiovana. Ny solombavambahoaka avy amin'ny fanoherana no namaritra io fandaharam-potoana io...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Voalohan-toerana manabe amin'ny fivavahana ny fianakaviana kristianina ; noho ny fianakaviana kristianina miorina amin'ny Sakramentan'ny Fanambadiana, ka manjary "Eglizy ao an-tokantrano" izy, mianatra mivavaka ao ny zanak'Andriamanitra. Tompon'andraikitra amin'ny fanabeazana ny rahalahin'izy ireo sy ny anabaviny ao amin'i Kristy, amin'ny fivavahana ireo mpandraharaha voahosotra... Katesizy momba ny "mivavaka amin'ny fiainana andavanandro", iarahana amin'i P. Raphaël Eugène Ralison.

Lohahevitra : Vaovao

♦ Nosokafana teny amin'ny Lycée Catholique Saint Michel Itaosy androany ny taom-pianarana 2024-2025 ho an'ny Sekoly Katôlika, ato anatin'ny Diôsezin'Antananarivo... ♦ Hisy indray rahampitso ny Minisitra ao amin'ny Governemanta, hihaona mivantana amin'ireo Solombavam-bahoaka eny Tsimbazaza. Nampiantsoina amin'izany ny Minisitry ny Angovo sy ny Akoranafo, sy ny Minisitry ny Asa Vanenty... ♦ Tsy hanova ny fifandraisan'i Etazonia sy i Madagasikara, na iza na iza lany ho Filoham-pirenena any an-toerana...

Lohahevitra : Vaovao

♦ Ministra miisa roa anatin'izao governemanta izao no nanao antso hampandaniana ny kandida-panjakàna ben'ny tanàna tao Mahajanga, miantso ny CENI handray andraikitra manoloana izany ny kandidàn'ny Firaisan-kina any an-toerana... ♦ Mivadika ho hetsika fanakorontanana ny fitakiana ataon'ny mpanjifa milaza ho leo "delestage" eto Antananarivo sy ny manodidina, tsy maintsy mandray andraikitra manoloana izany ny avy amin'ny mpitandro ny  filaminana hoy ny ministra miandraikitra ny zandarimariam-pirenena... ♦ Nankatoavin'ny antenimieram-pirenena ny findramam-bola mitentina 31,5 tapitrisa dôlara amerikanina hanaovana ny tetik'asa Fly Over Makis, vinavinaina ho vita amin'ny taona 2028 ny asa...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny hoe "mitoka-monina" dia ireo misafidy mandeha irery, tsy te hifandray amin'ny hafa, manohy ny fiainany manokana. Ny mahatonga ny olona "mitoka-monina" dia tahotra ary misy koa ireo mihevitra fa mahavitatena. Ny fihetsik'ireny olona mitoka-monina ireny dia manosika ny fiaraha-monina hanilika azy ireny ; sakana tsy afahana mivoatra ny fitokana-monina satria mety tsy ho voakasika daholo ny lafiny mahaolona dia ny vatana, saina, fanahy, fiaraha-monina... Fandaharana "ampela miary" tontosaina eto amin'ny radio Don Bosco.

Lohahevitra : Vaovao

♦ Nahavita ny fihaonana notanterahana teto Madagasikara ireo lehiben'ny fikamban'ny Salezianin'i Don Bosco manerana ny faritr'i Afrika sy Madagasiraka miaraka tamin'ireo solontena isaky ny Province... ♦ Nangataka herinandro indray hamahana ny olan'ny fahatapatapahan'ny herinaratra eto Antananarivo sy ny manodidina ny tale jeneralin'ny orinasa JIRAMA sy ny Ministry ny Angovo sy Akoran'afo... ♦ Nanao hetsika firaisan-kina teny amin'ny fitsaràna tampony Anosy omaly ny sendikan'ny mpitsara, taraiky noho izany ny fanombohan'ny raharaham-pitsaràna ho an'ireo nanan-draharaha... ♦ Mitarika vonjimaika tamin'ny fifidianana filoham-pirenena Amerikanina ny kandidàn'ny repoblikanina Donald Trump...

Sous-catégories

Vaovao

Fanentanana

[Miara-dàlana] Zoma 22 nôvambra 2024

  • Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
  • Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
  • Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...