Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 avrily 2021

Tamin’izany andro izany, i Jesoa niteny tamin’ny mpianany nanao hoe: "Aoka tsy hitebiteby ny fonareo. Mino an’Andriamanitra ianareo, ka minoa Ahy koa. Misy fitoerana maro ao an-tranon’ny Raiko; raha tsy izany, dia efa nilaza taminareo Aho; fa handeha Aho hanamboatra fitoerana ho anareo, ary rahefa lasa Aho ka voavoatra ny fitoerana ho anareo, dia ho avy indray Aho haka anareo ho any amiko, dia izay itoerako no hitoeranareo koa. Ary fantatrareo koa ny lalana ho any amin’izay alehako." Dia hoy i Tomà taminy: "Tsy fantatray izay alehanao, Tompoko, ka ahoana no ahafantaranay ny lalana?" Ary hoy i Jesoa taminy: "Izaho no lalana sy fahamarinana ary fiainana; tsy misy olona mankany amin’ny Ray afa-tsy amin’ny alalako."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 avrily 2021

Tamin’izany andro izany, nony efa voasasan’i Jesoa ny tongotry ny mpianany, dia hoy Izy tamin’izy ireo: "Lazaiko marina dia marina aminareo: Ny mpanompo tsy ambony noho ny tompony; na ny iraka tsy ambony noho izay naniraka azy. Raha fantatrareo izany, dia ho sambatra ianareo raha manao izany.

Tsy ianareo rehetra no antsoiko (fantatro izay nofidîko); fa mba ho tanteraka ny Soratra Masina manao hoe: Izay miara-mihinana mofo amiko no hanainga ny ombalahin-tongony hamely Ahy.

Ilazako izany ianareo ankehitriny dieny mbola tsy tanteraka izany, mba hinoanareo rahefa tanteraka fa Izaho no Izy. Lazaiko marina dia marina aminareo: Izay mandray izay hirahiko, dia mandray Ahy; ary izay mandray Ahy, dia mandray izay naniraka Ahy."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 avrily 2021

Tamin’izany andro izany, i Jesoa nanambara hoe: "Izay mino Ahy, dia tsy Izaho no inoany, fa izay naniraka Ahy; ary izay mahita Ahy, dia mahita izay naniraka Ahy. Tonga amin’izao tontolo izao ho fahazavana Aho, mba tsy hitoetra ao anatin’ny maizina izay rehetra mino Ahy.

Ary raha misy mandre ny teniko ka tsy mitandrina azy, dia tsy mitsara azy Aho; satria tsy hitsara izao tontolo izao no nahatongavako fa hamonjy azy.

Izay manamavo Ahy ka tsy mandray ny teniko, misy izay hitsara azy: dia ny teny voalazako no hitsara azy amin’ny farandro, satria tsy niteny ho Ahy Aho, fa ny Ray izay naniraka Ahy no nandidy izay tsy maintsy holazaiko sy hampianariko. Ary fantatro fa ny didiny no fiainana mandrakizay. Koa ny zavatra lazaiko àry, dia lazaiko araka ny voalazan’ny Ray tamiko."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 avrily 2021

Tamin’izany andro izany, dia tonga ny fetin’ny Fitokanana tany Jerosalema, sady ririnina ny andro, ary i Jesoa nitsangantsangana tao an-tempoly tao amin’ny lavarangan’i Salômôna. Dia nitangoronan’ny Jody Izy ka nilazany hoe: "Ambara-pahoviana no hampisalasalanao anay? Raha Ianao no Kristy, mba lazao tsotra aminay."

Dia hoy i Jesoa namaly azy: "Efa nilaza taminareo Aho, fa tsy mino ianareo; manambara Ahy koa ny asa ataoko amin’ny Anaran’ny Raiko; fa tsy mino ianareo satria tsy mba isan’ny ondriko. Ny ondriko mihaino ny feoko. Izaho mahalala azy, ary izy manaraka Ahy; omeko ny fiainana mandrakizay izy ka tsy ho very na oviana, na oviana ary tsy hisy haharombaka azy eo an-tanako. Izay nomen’ny Ray Ahy dia lehibe noho izao rehetra izao, ka tsy misy maharombaka eo an-tanan’ny Ray. Izaho sy ny Ray dia iray ihany."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 avrily 2021

Tamin’izany andro izany, hoy i Jesoa tamin’ny mpianany: "Lazaiko marina dia marina aminareo, fa izay tsy miditra amin’ny vavahady ho amin’ny valan’ondry, fa mananika amin’ny hafa, dia mpangalatra sy jiolahy; fa izay miditra amin’ny vavahady no mpiandry ondry. Ka ny mpiandry vavahady mamoha azy, ny ondry mihaino ny feony, ary izy miantso ny azy amin’ny anarany avy sy mamoaka azy. Rahefa tafavoaka avokoa ny azy, dia mialoha izy, ka manaraka azy ny ondry, satria mahalala ny feony: ary ny olon-kafa tsy arahiny, fa andosirany, satria tsy fantany ny feony."

Nolazain’i Jesoa taminy izany fanoharana izany, nefa tsy azon’izy ireo izay nolazainy tamin’izany. Koa hoy indray i Jesoa taminy: "Lazaiko marina dia marina aminareo fa Izaho no varavaran’ny ondry. Mpangalatra sy jiolahy izay rehetra tonga talohako, fa tsy nihaino azy ny ondry. Izaho no varavarana. Raha Izaho no hidiran’ny olona, dia hovonjena izy, ka hidiIra sy hivoaka, sady hahita hanina. Ny mpangalatra no tonga mba hangalatra sy hamono ary handringana, fa Izaho no avy kosa dia mba hananan’ny ondry fiainana, sady hananany azy be dia be."

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 24 avrily 2021

Aretina mpahazo ny biby mandinika ny Fièvre de la Vallée du Rift ka ny kaikitry ny moka no fomba fifindran'ny tsimokaretina eo amin'ny samy biby. Efa tamin'ny taona 1880 no nahafantarana ny fisiany, ary ny taona 1951, tao Afrika Atsimo, no nahitana voalohany tranga tamin'ny olombelona. Ny fikirakirana ny ran'ny biby marary sy ny fihinanana ny hena sy ny ronono tsy tsara masaka kosa no mampifindra ny tsimokaretina amin'ny olombelona.

Tohiny...

Atolotr'i Radio Don Bosco

Lohahevitra : Vaovao

Naseho ny : 23 avrily 2021

♦ Ho tonga eto Madagasikara, afaka dimy ambin'ny folo andro, ny vakisiny fanefitry ny Covid-19 izay nafaran'ny fitondrana malagasy, araka ny fampahafantaran'ny Mnisitry ny Fahasalamam-bahoaka, omaly... ♦ Efa ho ny 60%-n'ireo mpiasan'ny fahasalamana, na ny mpitsabo na ny paramed, amin'izao fotoana izao no marary na ihany koa efa nararin'ny Coronavirus tato anatin'ny iray volana, raha ny tatitra ntaon'ny sendikan'ny 6FM...

Tohiny...

Atolotr'i Radio Don Bosco

Lohahevitra : Vaovao

Naseho ny : 22 avrily 2021

♦ Hisy, rahampitso, ilay hetsiky ny olom-pirenena, hanairana ny mpitondra fanjakana momba ny fepetra horaisina hiadiana amin'ny valanaretina ankehitriny. Nilaza ny hanohana izany ny vondron'ny mpanohitra ao anatin'ny RMDM... ♦ Efa ny 60%-n'ny mpiasan'ny fahasalamana amin'izao no efa narary na mbola mararin'ny Coronavirus tao anatin'ny iray volana farany, raha ny tatitra nataon'ny sendika Paramed 6FM, androany...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Finoana aina

Voadika amin'ny fiteny :      

Naseho ny : 16 avrily 2021

Matahotra ny fahafahafatesana ny olombelona. Ramose Lucien Botovasoa, olon-tsambatra, lahika fransiskanina anefa nanaiky izany an-kafaliana. Hoy izy: " Raha ny aiko no hanavotra olona maro, aza misalasala ny hamono ahy ianareo!".

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Finoana aina

Voadika amin'ny fiteny :      

Naseho ny : 9 avrily 2021

Ny Sorona teo amin'ny Hazofijaliana ihany no antoky ny Famonjena antsika. Andriamanitra no nifidy an'i Maria sy nameno azy ny fahasoavana mba hitondra ny famonjena an'izao tontolo izao.

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 23 avrily 2021

Marihana isaky ny 22 Avrily ny andro iraisam-pirenena ho an'ny tany. Andro natokana ho fanentanana ho fampiharana ireo fepetra isan-karazany hisitrahana ny zo momba ny fananan-tany sy ny fanakanana ny fihetsika rehetra amin'ny fahapotehan'ny ala sy ny fanaovana ny doro tanety. Isan'ny misehatra amin'izay fanajàna ny zo momba ny fisitrahana tany izay ny ONG Fiantso Madagasikara... 

Tohiny...

Atolotr'i Radio Don Bosco

Lohahevitra : Vaovao

Naseho ny : 22 avrily 2021

♦ Tsy afaka miditra eto Madagasikara ny mpandeha avy any ivelany ho fiarovana ny malagasy amin'ny covid miova endrika miparitaka amin'ny firenena maro manerana izao tontolo izao... ♦ Mampiatra ny fepetra tsy hiparitahan'ny valan'aretina any aminy sy amin'ny faritra manodidina azy ny ao amin'ny Faritra Vakinankaratra... ♦ Marihina androany ny andro iraisam-pirenena ho an'ny tany, tsy misitraka ny tany misoratra amin'ny anarany ny 80%-ny tantsaha, hoy ny Fiantso Madagasikara... 

Tohiny...