Fanamby ho an'ny Radio Don Bosco, hatramin'ny nisiany tamin'ny 1996, ny hiara-dia amin'ny olona amin'ny toerana rehetra misy azy. Onjam-peo naorin'ny salezianin'i Don Bosco, manana tanjona ny hitory ny Vaovao mahafaly sy hanabe ny vahoaka malagasy, indrindra ny tanora.
25 taona izy ankehitriny, afaka mampita hafatra sy mampifandray ireo radio diosezanina manerana an'i Madagasikara amin'ny alalan'ny tamba-jotran'ny satelita, raha toa ka natao ho an'ny mponina eto Antananarivo ihany tany am-boalohany. Tamberina entin'i P. Luca Treglia, sdb, mpanorina ny Radio Don Bosco, miaraka amin'ireo pretra mpiara-miasa.
