Lohahevitra : Vaovao
  • Tara 5 taona Madagasikara amin'ny firosoan'ny mpitondra hanome vahana ny famokarana eny ambanivohitra. Tsy nanana finiavana hanao izany ezaka izany ny mpitondra tamin'ny fe-potoan-kiasan'ny voalohany ny filoha mitantana ny firenena amin'izao fotoana izao hoy ny Profesora Ralison Roger...
  • Hanomboka hizara amin'ny fomba ôfisialy ny masomboly safiotra na ny riz-hybride ny filoham-pirenena. Efa eto Madagasikara ny masomboly 200 taonina nafarana avy any Chine...
  • Tsy ho tratra ny fanambin'ny mpitondra amin'ny fampandrosoana an'i Madagasikara raha tsy misy fandraisana andraikitra manoloana ny fanabeazana sy ny fampianarana hoy ny kônfederasiônan'ny SEMPAMA...
  • Voatendry ho filoha mpisolo toerana vonjimaika any Syrie Andriamatoa Ahmad Al-Chareh, izay nandray ny fitantanana an'io firenena io taorian'ny fanonganam-panjakàna tamin'ny 8 desambra 2024...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Ny firaisan-kina no hery ary ny fifampiresahana dia miteraka filaminana, ireo no mitondra amin'ny fampandrosoana. Ny fanabeazana miainga ao an-tokantrano no mampianatra ny zanaka hahay andray andraikitra miainga amin'ny fanadiovana ny vatana. Ny fifampitokisana dia mitondra amin'ny fahamarinana, ho voahaja manaraka izay ireo soatoavina hafa... Fandaharana "mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao
  • Mbola hitohy anio ny hamafin'ny rivotra any amin'ny morontsiraka atsimo andrefan'ny nosy. Tany atsimo andrefan'i Itampolo ao amin'ny Distrika Ampanihy omaly tolakandro no nisy ny foiben'i Elvis...
  • Nihaona nivantana tamin'ny tale jeneralin'ny JIRAMA sy ireo tale mpiara-miasa aminy ny Federasiônan'ny Mpiaro ny Zon'ny Mpanjifa. Tsy ho zakan'ny vahoaka ny delestazy sy ny tsy fahampian-drano hoy ireto farany...
  • Nisy fivoarana azo tsapain-tanana ny fampiharana ny mangarahara sy ny tamberin'andraikitra tamin'ireo sekoly niasan'ny tetik'asa SCORE II nandritra ny fizohiana sy ny fanaraha-maso nataony teo anivon'ny sekoly niasany...
  • Hanohitra ny fanafiham-bohitra ataon'ny miaramila mpioko tohanan'i Rwanda ao Goma ny tafi-panjakàna any RDC. Nikabary nanoloana ny vahoakany ny filoha Tshisekedi manoaloana ny zava-misy any Goma...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mba ho mpivavaka marina sy feno zotom-po, dia ilaina ny fahaizana mandrindra fotoana eo amin'ny fiainana andavanandro. Tsy mety raha omena vahana ny hakamoana sy ny hakiviana, indrindra amin'izay fahasoavana angatahintsika manokana. Matetika dia ny tsirambina vokatry ny tsy fanomanana tsara ny fandinihana na fibanjinana no miteraka ny tsy fahombiazana na hamainana anaty... Katesizy momba ny fihakahan-kevitra, iarahana amin'i P. Rabenirina Joseph.

Lohahevitra : Vaovao
  • Tany amin'ny manodidina ny 145 km andrefana somary atsimo andrefan'Itampolo, Disitrikan'Ampanihy no nisy ny foiben'i Elvis, tamin'ny 3 ora tolakandro teo...
  • Tokony havondrona ho iray ireo ray aman-dreny rehetra mahatsiaro ho manana adidy amin'ny firenena, hoy ny antoko VHT...
  • Efa misy ireo asa mivaingana notanterahana eto Madagasikara, mikasika ny fanomezan-danja ny angovo azo avy amin'ny fanodinana ny fako...

Lohahevitra : Vaovao
  • Tafakatra 11 isa ireo olona varira namoy ny ainy tamin'ny tranga fakana an-keriny niseho ny taona 2024 iny ary ankizy iray hafa mbola tsy hita popoka raha ny fanadihadiana natao tamin'ny Fikambanan'ny Varira eto Madagasikara...
  • Mila hajoro eny anivon'ny Fokontany ny atao hoe "auto-défense Villagéoise" hiadiana amin'ny tsy fandriam-pahalemana hoy ny tolo-kevitry ny solombavambahoaka Rajerison Antoine...
  • Ho fantatra amin'ny zoma izao fara-fahatarany ny anaran'izay ho mpanazatra vaovaon'ny ekipam-pirenena Malagasy amin'ny taranja baolina kitra na ny BAREA A. Anaranar roa no miverimberina amin'izany...
  • Mihamafy hatrany ny fifandonana eo amin'ny tafi-panjakàna any amin'ny RDC sy ny mpihoko mitam-piadiana M23 izay tohanan'ny fitondrana Rwandais...

Lohahevitra : Ampela mihary
Voadika amin'ny fiteny :  Français (France) 

Ny reny dia isan'ireo manana andraikitra lehibe ao an-tokantrano, noho izany mba mila manana fotoana hialana voly izy. Ny fialam-boly dia fiatohana afahana mamerina ny hery ho entina miasa na mihetsika indray. Ny fialam-bola ihany dia fialana amin'ny asa fanao andavanandro, ialana amin'ny harerahana, hanovozana hery vao. Ny fiatohana dia fotoana afahana mankafy izay natao. Fandaharana "ampela miary" tontosaina eto amin'ny radio Don Bosco.

Lohahevitra : Vaovao
  • Olona miisa 8 no tra-tehaky ny avy amin'ny zandary sampana misahana ny heloka bevava eny Fiadanana noho ny resaka halatra sy fanapohana solika tany amin'ny lalam-pirenena RN2...
  • Kaominina miisa 9 amina Faritany miisa 3 eto amin'ny nosy no hamerenana ny fifidianana ben'ny tanàna, tokony hanaja ny tany tan-dalàna ny Fanjakàna ka hanomana ny famerenana ny fifidianana hoy ny sampana hanaraha-maso SAFIDY...
  • Isika eto Madagasikara no mampiantrano ny atrik'asa andiany faha-30 momba ny vinavinan'ny taom-pahavaratra 2025 ho an'i Afrika na ny SARCOF-30 amin'ity taona ity...
  • Nametra-pialana omaly talata ny praiministra lehiben'ny governemanta Serbe, Milos Vucevic, taorian'ny hetsi-bahoaka naharitra 3 volana nitaky ny fametraham-pialany...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Misy ezaka toa tsy misy vokany, toa mangina Andriamanitra, ary izany dia mahatonga fahamainana. Noho izany dia kivy isika fa hoe tsy mivaly ny vavaka. Andriamanitra dia eo amin'ny fiainantsika mandrakariva, mankahery antsika ary mihaino ny vavaka ataontsika. Aza kivy na reraka fa aoreno ny finoana an'Andriamanitra, aoka hanana faharetana isika rehefa mivavaka... Katesizy momba ny fihakahan-kevitra, iarahana amin'i P. Rabenirina Joseph.

Lohahevitra : Vaovao
  • Tany amin'ny manodidina ny 170 km atsimo andrefan'i Toliara no nisy ny foiben'ilay faritra andro ratsy ao amin'ny Lakandranon'i Mozambika, tamin'ny 3 ora tolakandro teo. Mety hitombo hery miandalana izy ao anatin'ny 24 ora ka hivadika ho rivodoza...
  • Tokony hanaja ny tany tan-dalana ny mpitondra ka hanomana ireo fifidianana teny anivon'ny kaominina didian'ny Fitsarana misahana ny ady atao amin'ny fanjakana averiny, hoy ny Sampana Anaraha-maso SAFIDY...
  • Miteraka disadisa eny anivon'ny fiaraha-monina ny fifindra-monina mahakasika ny faritra atsimo sy Menabe. Ny tsy fahampian'ny sakafo sy ny rano ary ny toerana handraisana mpifindra monina no antony...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Jeremia Mpaminany (Jer. 17, 5-8)

Ho voaozona ny olona izay mitoky amin’olombelona, hosoavina ny olona mitoky amin’ny Tompo.

Izao no lazain’ny Tompo:
Ho voaozona ny olona izay mitoky amin’olombelona,
sy manao ny nofo ho sandriny, ary miala amin’ny Tompo ny fony!
Manahaka ny anjavidy eny an-tany lava volo izy,
ary rehefa misy hasambarana tonga, tsy ifaliany;
honina amin’ny tany karankaina any an’efitra,
any amin’ny tany sira, tsy misy mponina!
Hohasoavina ny olona mitoky amin’ny Tompo, sy manantena ny Tompo ho tokiny!
Manahaka ny hazo nambolena eo amoron-drano Izy,
mandatsaka ny vahany mankany amin’ny rano mandeha;
tsy matahotra rehefa tonga ny hainandro, sady maitso ravina mandrakariva;
tsy manahy izay taona fahamainana izy, ary tsy mitsahatra ny mamoa.

— Izany àry ny tenin’ny Tompo.

Salamo fandinihana

Sal. 1, 1ab-2. 3. 4 sy 6

Tsy ho very mandeha izay rehetra mifefy aminao.

Endrey, sambatra loatra
izay tsy momba ny ratsy fanahy,
fa ny lalàn’ny Tompo no maminy,
io no saininy andro aman’alina!

Hazo amoron-drano velona izy:
ka miroborobo faniry,
mamoa ara-potoana, tsy mba malazo ravina:
izay rehetra ataony dia mahomby avokoa.

Ny ratsy fanahy kosa tsy izany velively;
akofa paohin-drivotra tsy maharitra eto an-tany.

Eny, fantatry ny Tompo ny lalan’ny olo-marina;
fa ny an’ny olon-dratsy mitondra any an-tevana.

Vakiteny faharoa

Taratasy voalohan’i Masindahy Paoly Apôstôly ho an’ny kristianina tany Kôrinty (1 Kôr. 15, 12. 16-20)

Raha tsy nitsangan-ko velona i Kristy, dia foana ny finoanareo.

Ry kristianina havana, raha torìna ho nitsangan-ko velona àry i Kristy,
ahoana no ilazan’ny sasany aminareo hoe: tsy misy fitsanganan’ny maty?
Fa na dia i Kristy aza dia tsy nitsangan-ko velona, raha tsy mitsangana ny maty.
Ary raha tsy mitsangana ny maty, dia foana ny finoanareo;
mbola ao aminareo ihany ny fahotanareo, ary very ry zareo nody mandry ao amin’i Kristy.
Ka dia isika no fara fahoriana indrindra amin’ny olon-drehetra,
raha amin’ity fiainana ity ihany no anantenantsika an’i Kristy.
Tsy izany anefa, fa efa nitsangan-ko velona tokoa i Kristy,
ary Izy no santatr’izay efa nody mandry.

— Izany àry ny tenin’ny Tompo.

Evanjely

Aleloia. Aleloia.

Mitenena, ry Tompo, fa mihaino ny mpanomponao; Ianao no manana ny teny mahavelona mandrakizay.

Aleloia.

Evanjely Masina nosoratan’i Masindahy Lioka (Lk. 6, 17. 20-26)

Sambatra ianareo mahantra. Mila loza kosa ianareo mpanan-karena.

Tamin’izany andro izany, i Jesoa niara-nidina tamin’izy roa ambin’ny folo lahy
ka nankeo amin’ny tany lemaka izay nijanonan’ny mpianany maro
sy ny vahoaka betsaka avy tany Jodea rehetra sy Jerosalema,
ary ny tanin’i Tira sy i Sidôna amorontsiraka.
Tamin’izay, dia niatrana nijery an’ireo mpianany Izy, ka nanao hoe:

“Sambatra ianareo mahantra, fa anareo ny Fanjakan’Andriamanitra.
Sambatra ianareo noana ankehitriny, fa ho voky ianareo!
Sambatra ianareo mitomany ankehitriny, fa hifaly ianareo.
Ho sambatra ianareo raha hankahalain’ny olona, horoahiny amin’ny fikambanany,
hotevatevainy ary holaviny toy ny zava-dratsy ny anaranareo
noho ny amin’ny Zanak’Olona.
Mifalia ianareo amin’izany andro izany ary miravoravoa,
fa indro lehibe ny valisoanareo any an-danitra;
fa tahaka izany koa no nataon’ny razany tamin’ny Mpaminany.
Fa mila loza kosa ianareo mpanan-karena, fa manana ny fahafaham-ponareo ianareo.
Mila loza ianareo izay voky ankehitriny, fa hitomany sy higogogogo ianareo.
Mila loza ianareo raha ataon’ny olona tsara laza,
fa tahaka izany no nataon’ny razany, tamin’ny mpaminany sandoka.”

— Izany àry ny tenin’ny Tompo.

{/tab}

Lohahevitra : Vaovao
  • Nijoro ny "SERA" ivondronan'ireo raiamandreny saika hanelanelana ny raharaham-pifidianana tamin'ny 2023. Nahery vaika avy hatrany ny fanenjehan'ireo mpomba ny fitondràna azy ireo...
  • Hadinina any Génève Suisse ny momba ny fanajàna ny zon'olombelona ataon'ny mpitondra eto Madagasikara. Ministra no misolo tena ny fitondràna Malagasy any an-toerana...
  • Miha-mitombo hery, ka ahiana hivadika rivo-doza ato anatin'ny 30 ora ilay faritra andro ratsy ao amin'ny lakan-dranon'i Môzambika. Miteraka fikorontanan'ny toetry ny andro an-dranomasina izy...
  • NIha-nahery vaika androany maraina ny fifandonana eo amin'ny tafi-panjakàna Congolais sy ny M23 any Goma, RDC. Tsy mahita izay halehany ny mponina manoloana io ady io...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...