Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny khat dia amidy toy ny fivarotana legioma any amin'ny faritra maro. Ny fiankinan-doha amin'ny khat dia ahitana ny ambaratonga rehetra misy amin'ny fiaraha-monina. Olon-tsotra, olona tsy an'asa, ny mpamily sy ny mpandeha taxi-brousse, mpitantana, mpianatra, manampahefana, ny zaza amam-behivavy, samy mihinana azy avokoa. Ny mpivarotra iray dia mety halafo 9 ka hatramin'ny 10 fehezana isan'andro. Katesizy momba ny fandraisana zava-mahadomelina, iarahana amin'i P. Avellin Ravelonanosy. 

Lohahevitra : Vaovao

♦ Nitombo be ny isan'ireo olona mitondra ny tsimok'aretina VIH/Sida eto Madagasikara. Ny tanora, indrindra ny zatovovavy 17 hatramin'ny 25 taona, no maro voan'izany... ♦ Hanohana an'i Madagasikara amin'ny adisisika hiarovana ny vidin'ny lavanila eo amin'ny tsena iraisam-pirenena, ny Fandaharan'asa CIR (Cadre Intégré Renforcé)... ♦ Hamafisina ny fiaraha-miasa ara-tafika eo amin'i Madagasikara sy i Frantsa. Isan'izany ny fanofanana miaramila, misy koa ny fanazaran-tena iarahana amin'ny FAZSOI...

Lohahevitra : Vaovao

♦ Nahatratra 13 isa ireo trangana fanolanana niseho nanerana an'i Madagasikara hatramin'ny volana janoary no nakaty, tranga izay feno habibiana ny ankamaroany ary misy no miafara hatramin'ny fahafatesan'ilay niharam-boina hoy ny Ministry ny Fitsaràna... ♦ Miisa 20 isa amin'izao ireo olona voamarina fa misandoka ny asan'ny infirmier, sady tsy manana ny fahaiza-manao no tsy manana marim-pahaizana mifandraika amin'izany, raha ny hita tamin'ny fidinana ifotony nataon'ny holafitra... ♦ Hanarina ny fahatarana tamin'ny sehatry ny fampandrosoana ny firenena tato anatin'ny 60 taona ny fitondrana hoy ny filoha Rajoelina Andry raha nandray fitenenana tamin'ilay fihaonana an-tampon'ny governemanta maneran-tany any Emirat Arabes Unis ...

Lohahevitra : Vaovao

♦ Olona 11 nomoy ny ainy, 25 hafa tsy hita popoka noho ny fisian'ny rano trambo tany amin'ny Distrikan' Benenitra, Faritra Atsimo-Andrefana, araka ny tatitra vonjimaika avy amin'ny BNGRC... ♦ Lavon'ny balan'ny zandary ny ben'ny tanàna ny kaominina ambanivohitra Tsimafana Distrika Belo-sur-Tsiribihina, izy izay voalaza fa isan'ny mpiray tsikombakomba amin'ireo dahalo mpaka ankeriny any an-toerana... ♦ Tafajoro ary nampahafantarina teny Antaninarenina omaly ny vondrona "kolektifan'ny Malagasy hanohy ny tolona nataon'ireo kolektifan'ny kandida tamin'ny fifidianana filoham-pirenena farany teo...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mbola tsy misy lalàna mifehy ny famokarana, ny famarotana sy ny fanjifàna ny khat, eto Madagasikara. Asa fivelomana ary betsaka mpanjifa ny khat satria ao ireo mpamboly sy mpivarotra manao azy ho asa. Amin'ny faritra avaratr'i Madagasikara no tena mpamboly ny khat, izay toerana mandomando sy mafana... Katesizy momba ny fandraisana zava-mahadomelina, iarahana amin'i P. Avellin Ravelonanosy. 

Lohahevitra : Vaovao

♦ Nifampitaona teny amin'ny ESCA Antanimena androany, niara-nakalaza ny Andron'ny Sekoly Ambony Katôlika, ireo sekoly ambony miisa valo mivondrona ao amin'ny ESSCATHO, eto Antananarivo sy ny manodidina... ♦ Nanangana vovonana pôlitika hafa indray, izy dimy mirahalahy nandrafitra ny vondron'ny kandidà 11. Nijoro androany ny “Kolektifa an'ny Malagasy”... ♦ Tsy mankasitraka ny hamindrana ny Distrikan'i Marolambo ho ao amin'ny Faritra Mangoro hijoro tsy ho ela, ny Fikambanan'ny terak'i Marolambo...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny faha-11 febroary dia andro manokana hijerena sy hitsinjovana ireo marary rehetra, fa ny 12 febroary dia natokana ho an'ireo mararin'ny androbe. Ny hepatita dia areti-mifindra, izay aretina mpahazo ny aty. Ny asan'ny aty dia manadio ny ra, amin'ireo singa izay manampoizina ny vatan'ny olombelona, izay miditra amin'ny alalan'ny rivotra fohana sy ny maso-koditra, sakafo, firaisana ara-nofo. Ny hepatita dia fahasimban'ny aty vokatry ny zavatra misy poizina na otrik'aretina...  Fandaharana "ampela miary" tontosaina eto amin'ny radio Don Bosco.

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

24 febroary 2024 — Sabotsy, Herinandro Voalohany amin'ny Karemy — Ario lavitra anareo ny fahadisoana rehetra nataonareo, hoy ny Tompo, ary manaova fo vaovao sy saina vaovao — Evanjely Masina nosoratan’i Masindahy Matio (Mt. 5, 43-48)

Lohahevitra : Karemy
Voadika amin'ny fiteny :  Français (France)   English (United Kingdom) 

Vakiteny voalohany

Boky Deteronômy (Det. 26, 16-19)

Mba ho vahoaka masina ho an’ny Tompo Andriamanitrao ianao.

Tamin’izany andro izany,
niteny tamin’ny vahoaka Israely i Môizy nanao hoe:

“Ny Tompo Andriamanitrao no mandidy anao anio,
hanaraka ireo didy amam-pitsipika ireo,
koa tandremo sy araho amin’ny fonao rehetra sy ny fanahinao rehetra ireo.
Nampanambara tamin’ny Tompo ianao androany,
fa Izy no ho Andriamanitrao
ka nametra-teny ianao fa handeha amin’ny lalany,
hitandrina ny didiny sy ny lalàna amam-pitsipiny,
ary hihaino ny feony.
Ary ny Tompo kosa efa nampanambara anao androany,
fa ianao araka ny efa voalazany taminao,
dia ho vahoakany manokana,
mitandrina ny didiny rehetra;
ary Izy nametra-teny hanandratra anao ambonin’ny firenena rehetra nataony,
na amin’ny voninahitra na amin’ny laza, na amin’ny fahalehibeazana,
ka dia ho vahoaka masina ho an’ny Tompo Andriamanitrao ianao,
araka ny efa voalazany.”

— Izany àry ny tenin’ny Tompo.

Setriny

Salamo (Sal. 118, 1-2. 4-5. 7-8)

Sambatra izay mizotra amin’ny lalan’ny Tompo.

Sambatra izay madio famindra,
fa mizotra amin’ny Lalàn’ny Tompo!
Sambatra izay mitandrina ny fanambaràny
sy mitady azy amin’ny fony tontolo!

Ianao ihany no mamoaka ny Lahatrao
mba hotandremana fatratra.
Enga anie ho marin-toetra ny lalako
amin’ny fitandremana ny Fitsipikao.

Mankalaza Anao amim-po mahitsy aho,
eo am-pianarana ny Satanao izay ara-drariny.
Mitandrina fatratra ny Fitsipikao aho;
fa aza dia ilaozana kosa!

Evanjely

Voninahitra sy dera anie ho anao, ry Kristy!

Ario lavitra anareo ny fahadisoana rehetra nataonareo, hoy ny Tompo, ary manaova fo vaovao sy saina vaovao.

Voninahitra sy dera anie ho anao, ry Kristy!

Evanjely Masina nosoratan’i Masindahy Matio (Mt. 5, 43-48)

Aoka ho lavorary ianareo tahaka ny Rainareo izay any an-danitra.

Tamin’izany andro izany,
i Jesoa niteny tamin’ny mpianany nanao hoe:

“Efa renareo fa voalaza hoe:

Ho tia ny namana ianao ary hankahala ny fahavalonao.

Fa Izaho kosa milaza aminareo:
Tiavo ny fahavalonareo, manaova soa an’izay mankahala anareo,
ary mivavaha ho an’izay manenjika sy manendrikendrika anareo;
mba ho zanaky ny Rainareo izay any an-danitra ianareo,
dia ilay mampiposaka ny masoandrony amin’ny tsara fanahy sy ny ratsy fanahy,
ary mandatsaka ny ranonorana amin’ny marina sy ny tsy marina.
Fa raha izay tia anareo ihany no tianareo,
inona no valisoa ho azonareo?
Moa va na dia ny poblikanina aza tsy manao izany koa?
Ary raha ny rahalahinareo ihany no arahabainareo,
inona no mihoatra amin’ny ataonareo?
Moa na dia ny jentily aza tsy mba manao izany ihany koa?
Koa aoka ho lavorary ianareo
tahaka ny fahalavorarian’ny Rainareo izay any an-danitra.”

— Izany àry ny tenin’ny Tompo.

Lohahevitra : Vaovao

♦ Marihina androany 13 febroary ny andro maneran-tany ho an'ny Radio. Hisy anio manomboka amin'ny 2 ora tolak'andro ny hetsika fanamarihana izany, miainga mivantana amin'ny Onjam-peom-pirenena... ♦ Tahotra ny mpanohitra hahazo ny fitantanana an'Antananarivo no nanemorana ny fifidianana ben'ny tanàna amin'ny volana novambra, hoy ny Vovonana Gasy Leo... ♦ Vinavinaina hiakatra 3,42% ny mpifidy voasoratra anarana anaty lisi-pifidianana. Hitombo maherin'ny 370.000 ny isan'ny mpifidy, aorian'ny famaranana vonjimaika ny lisitra hoy ny Ceni... ♦ Mihamafy ny tsindry avy amin'ny iraisam-pirenena ho an'i Israel sy Palestine, amin'ny tokony ahitàna fifanarahana mba hitsaharan'ny adin'ny roa tonta any Gaza...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

23 febroary 2024 — Zoma, Herinandro Voalohany amin'ny Karemy — Tsy ny hahafatesan’ny ratsy fanahy no sitrako fa ny hialan’ny ratsy fanahy amin’ny lalany ka ho velona izy — Evanjely Masina nosoratan’i Masindahy Matio (Mt. 5, 20-26)

Lohahevitra : Karemy
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Ezekiela Mpaminany (Ezek. 18, 21-28)

Moa ny hahafatesan’ny ratsy fanahy ve no sitrako, fa tsy ny hialany amin’ny helony rehetra ka ho velona izy?

Izao no lazain’ny Tompo Andriamanitra:

“Ny ratsy fanahy kosa raha miala amin’ny fahotana rehetra nataony
ka mitandrina ny didiko rehetra sy manaraka ny hitsiny sy ny rariny,
ho velona izy, fa tsy ho faty.
Tsy hotsarovana intsony ny fahadisoana rehetra nataony;
ho velona izy noho ny fanarahany ny marina.
Moa ny hahafatesan’ny ratsy fanahy ve no sitrako,
— teny marin’ny Tompo Andriamanitra —,
fa tsy ny hialany amin’ny helony rehetra ka ho velona izy?
Ary raha miala amin’ny fahamarinana kosa ny marina ka manao ny tsy marina,
araka ny fahavetavetana rehetra ataon’ny ratsy fanahy,
— moa hanao izany izy va ka ho velona? —
Tsy hotsarovana intsony ny asa fahamarinana rehetra narahiny;
noho ny fahadisoana nahameloka azy sy ny fahotana nataony;
noho izany, dia ho faty izy.

Ianareo manao hoe:

‘Tsy marina ny lalan’ny Tompo!’

Mihainoa àry, ry taranak’i Israely:
Moa ny lalako va no tsy mahitsy?
Moa tsy ny lalanareo va no tsy mahitsy?
Raha miala amin’ny fahamarinany ny marina ka manao ny tsy marina ary maty amin’izany,
dia noho ny tsy marina nataony no ahafatesany.
Fa raha miala amin’ny haratsiana nataony kosa ny ratsy fanahy,
ka manaraka ny hitsiny sy ny rariny amin’ny ataony dia hamelona ny fanahiny izy.
Raha sokafany ny masony, ka miala amin’ny fahadisoana rehetra nataony izy,
dia ho velona tokoa izy fa tsy ho faty.”

— Izany àry ny tenin’ny Tompo.

Setriny

Salamo (Sal. 129, 1-2. 3-4ab. 4d-6. 7-8)

Raha mitsikilo heloka Ianao, Tompo ô, iza no hahatanty?

Avy ato anaty hantsana aho, ry Tompo, no miantso;
Tompo ô, henoy re izany feoko.
Ho tandrin-tsofinao anie ny antsoko miangavy.
He! fa mitoreo izato feoko.

Raha tsikilovinao irony heloka natao.
Zovy re, ry Tompo, no haharitra?
Saingy eo anilanao no hahitako famelana.
Toky ho ahy Ianao, ka dia toaviko.

Ny Tompo no antenain’ny fanahiko hatrany.
Vonona aho miandry izany teniny.
Manoatra ny mpiambina miandry ny maraina
no aoka hiandrasantsika an’Andriamanitra.

Fa tsara fo endre ka fanaperana Izy Tompo.
Avotra lehibe ka ianteherana.
Dia Izy no andrasan’i Israely hanavotra azy.
Afaka tanteraka ny helony.

Evanjely

Voninahitra sy dera anie ho Anao, ry Kristy!

Tsy ny hahafatesan’ny ratsy fanahy no sitrako fa ny hialan’ny ratsy fanahy amin’ny lalany ka ho velona izy.

Voninahitra sy dera anie ho Anao, ry Kristy!.

Evanjely Masina nosoratan’i Masindahy Matio (Mt. 5, 20-26)

Mandehana aloha mihavana amin’ny rahalahinao.

Tamin’izany andro izany,
i Jesoa niteny tamin’ny mpianany nanao hoe:

“Raha tsy lehibe noho ny an’ny mpanora-dalàna sy ny Farisianina ny fahamarinanareo,
dia tsy hiditra amin’ny fanjakan’ny lanitra akory ianareo.

Efa renareo fa voalaza tamin’ny ntaolo hoe:

Aza mamono olona,
ary izay hamono olona dia hohelohina amin’ny fitsarana.

Fa Izaho kosa milaza aminareo
fa izay rehetra mitezitra ny rahalahiny
dia hohelohina amin’ny fitsarana;
ary izay hanao aminy hoe Raka,
dia hohelohina amin’ny Sanedrina
ary izay hanao azy hoe Foka
dia hohelohina any amin’ny gehen’afo.
Koa raha manatitra ny fanatitrao eo amin’ny ôtely ianao,
ka eo vao mahatsiaro fa manana alahelo aminao ny rahalahinao,
dia avelao eo amin’ny ôtely aloha ny fanatitrao,
ka mandehana mihavana amin’ny rahalahinao
vao miverina hanolotra ny fanatitrao indray.
Mihavàna faingana amin’izay manana ady aminao,
dieny samy mbola eo an-dalana ianareo,
fandrao atolotr’izay manana ady aminao amin’ny mpitsara ianao,
ary ny mpitsara kosa hanatitra anao amin’ny mpamatotra,
ka hatao an-tranomaizina ianao.
Lazaiko marina tokoa fa tsy ho afaka ao mihitsy ianao,
ambara-pandoanao ny variraiventy farany.”

— Izany àry ny tenin’ny Tompo.

Sous-catégories

Vaovao

Fanentanana

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...