Lohahevitra : Mba ho vanona
Voadika amin'ny fiteny :  Français (France) 

Fantaro hoe : inona no safidinao eo amin'ny fiainana. Ny safidinao no hitondra fiadanam-po, fiadanan-tsaina, fiadanam-panahy. Ny safidy no mampivelatra sy mampisondrotra ary manatsara ny fiainana ho avy. Fandaharana "mba ho vanona" iarahana amin'ny jeneraly Désiré Ramakavelo.

Lohahevitra : Vaovao

♦ Vonona hiaro ny voka-pifidianana filoham-pirenena avoakan'ny Fitsaràna Avo momba ny Lalam-panorenana rahampitso ny Emoo Nat. Tsy azon'ny mpitandro filaminana atao koa ny miteny amin'ny anaran'ny tafika hoy ny lefitry ny lehiben'ireo Etamajaorin'ny tafika malagasy... ♦ Ampamaranana ankehitriny ny asa fandavahana ny vava fantsona ao amin'ny reniranon'i Efaho, Kaominina Manambaro ahafahana manatanteraka ny tetik'asa fitarihandrano na ny "Pipeline Efaho... ♦ Handray anjara amin'ny fihaonana antampon'ny firenena mikambana andinihana ny tokony hatao momba ny fihafanan'ny tany sy ny fiovan'ny toetr'andro any Dubaï, na ny COP 28, ny delegasiôna tarihan'ny UNICEF ahitana malagasy tanora 10 mianadahy...

Lohahevitra : Vaovao

♦ Tsy hanaiky ny asa fanakorontanana amin'ny endriny rehetra, na avy eto an-toerana na avy any ivelany, eo am-piandrasana ny famoahan'ny Fitsarana Avo momba ny Lalàm-panorenana ny vokatra ôfisialy tamin'ny fifidianana, ny EMMO-NAT... ♦ Miroso ny fanatanterahana ny tetik'asa "Pipeline Efaho", fitarihan-drano miala any amin'ny reniranon'i Efaho, Distrikan'i Taolagnaro, mihazo ny kaominina maro any amin'ny faritra atsimon'ny nosy... ♦ Isan'ny firenena folo maneran-tany voasokajy ho iharan'ny fiovan'ny toetrandro i Madagasikara, nefa tsy isan'ireo mpandoto, na mandefa ny entona mangeja hafanana...

Lohahevitra : Vaovao

♦ Ho fantatra afaka roa andro izay ho Filohan'ny Repoblika, hitantana an'i Madagasikara ao anatin'ny dimy taona. Hotontosaina amin'ny zoma izao ny famoahan'ny HCC ny voka-pifidianana ôfisialy... ♦ Mbola manohy ny dingana entina hanatrarana ny fitakiany, ny vondron'ireo kandidà. Nisy ny fanaterany "mémorandum" teny amin'ny Vondrona Eorôpeana omaly... ♦ Maika loatra ny hanana ny diplaoma bakalôrea ireo mpianatra eny amin'ny lycée ka vitsy ireo misafidy ny "Série scientifique"...

Lohahevitra : Vaovao

♦ Nanamafy ny fisian'ny Manamboninahitra roa lahy avy ao amin'ny Tafika izay nikasa hikomy, ny Tonia Mpampanoa Lalàna, eo anivon'ny Fitsarana Ambaratonga Voalohany eto Antananarivo... ♦ Nahazo rariny teo amin'ny Fitsarana Antampony ny mpitarika ny Sendikà Asa, Fama Razafimahazo. Nampiatoin'ny Fitsarana ny famindran-toerana azy any amin'ny rantsan'ny Antenimieran-doholona any Antsiranana, araka ny didiy nivoaka... ♦ Asa fampihorohoroana no nandikan'ny Solombam-bahoakan'i Vondrozo, ny tranga fanapahan-doha any amin'ity Distrika ity...

Lohahevitra : Vaovao

♦ Nanatitra taratasy teny amin'ny Fitsarana Avo momba ny Lalàm-panorenana androany, ny Ray aman-dreny ara-drazana mijoro. Nambaran'izy ireo fa nisy hosoka sy tsy fanarahan-dalàna maro tamin'iny fifidianana izay ho Filoham-pirenena lasa teo iny... ♦ Nodinihina tanatin'ny asam-baomiera teny amin'ny Antenimieram-pirenena androany, ny volavolan'ny teti-bolam-panjakana ho an'ny taona 2024... ♦ Nitombo ny tahan'ny tsy fanjarian-tsakafo mitarazoka sy mahery vaika any Faritra Atsimo-Atsinanana, tao aorian'ny fandalovan'ny rivodoza Batsirai sy Emnati, hoy ny Governoran'ny Faritra...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

30 nôvambra 2023 — Masindahy André, Apôstôly — Fety — Avia hanaraka Ahy, hoy ny Tompo fa hataoko mpanarato olona ianareo — Evanjely Masina nosoratan’i Masindahy Matio 4, 18-22

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Daniely Mpaminany (Dan. 6, 12-28)

Naniraka ny anjeliny Andriamanitra nanakombona ny vavan’ny liona.

Tamin’izany andro izany,
dia avy nirodorodo ny olona ka nahita an’i Daniely nivavaka
sy niantso an’Andriamanitra Tompony;
dia nanatona ny mpanjaka sy niteny taminy
ny amin’ilay didim-panjakana izy ireo nanao hoe:

“Moa tsy nanoratra lalàna ianao
fa na zovy na zovy mivavaka amin’andriamanitra na amin’olombelona,
afa-tsy aminao irery mandritra ny telopolo andro, ry mpanjaka,
dia hatsipy ao an-davaky ny liona?”

Namaly ny mpanjaka nanao hoe:

“Marina tokoa izany,
araka ny lalàn’ny Meda sy ny Persa izay tsy azo ovàna.”

Dia niteny indray izy ireo,
ka nilaza teo anatrehan’ny mpanjaka hoe:

“I Daniely anankiray amin’ireo babo avy amin’i Jodà anefa, ry mpanjaka,
namotsifotsy anao, sy ny didy nosoratanao;
fa manao ny fivavahany intelo isan’andro.”

Nalahelo mafy ny mpanjaka nony nandre izany;
raikitra tao am-pony ny hanafaka an’i Daniely,
ka mandra-pilentiky ny masoandro izy,
nitady hamonjy azy ihany.
Fa nirodorodo nankao amin’ny mpanjaka ireo olona ireo,
ka nanao tamin’ny mpanjaka hoe:

“Aoka ho fantatrao, ry mpanjaka ô,
fa lalàn’ny Meda sy ny Persa
ny tsy ahazoana manova ny didy aman-dalàna rehetra
efa navoaky ny mpanjaka.”

Tamin’izay ny mpanjaka nanome teny
hitondra an’i Daniely sy hanipy azy ao an-davaky ny liona.
Niteny ny mpanjaka,
ka nanao tamin’i Daniely hoe:

“Ny Andriamanitrao izay tompoinao mandrakariva anie,
no hanafaka anao!”

Dia nalaina ny vato natampina ny vava lavaka,
ka nasian’ny mpanjaka fitomboka tamin’ny fanombohan-kaseny
sy ny fanombohan-kasen’ireo andriantompomenakeliny,
mba tsy hisy hovana ny amin’i Daniely.

Avy eo ny mpanjaka dia nankany an-dapany
tsy nitendry hanina mandritra ny alina,
tsy nampiantso vehivavy ho eo aminy,
ary lasa lavitra azy ny torimaso.
Vao marainakoa ilay nangiran-dratsy iny ny andro
dia niarina ny mpanjaka,
ka nidodododo nankany an-davaky ny liona.
Nony mby teo akaikin’ny lavaka izy,
niantso an’i Daniely tamin’ny feo malahelo,
ary niteny ny mpanjaka ka nanao tamin’i Daniely hoe:

“Ry Daniely mpanompon’Andriamanitra velona ô;
nahavonjy anao tamin’ny liona va
ny Andriamanitrao tompoinao mandrakariva?”

Dia niteny tamin’ny mpanjaka i Daniely:

“Ry mpanjaka ô,
velona mandrakizay anie ianao!
Ny Andriamanitro efa naniraka ny anjeliny
ka nanakombona ny vavan’ny liona ka tsy naninona tsy naninona ahy akory ireo,
satria hita fa tsy manan-tsiny eo anatrehany aho,
sady tsy nanao ratsy teo anatrehanao koa aho, ry mpanjaka o!”

Faly dia faly ny mpanjaka ny amin’i Daniely
ka nasainy nesorina tao an-davaka i Daniely.
Dia nesorina tao an-davaka i Daniely,
ka tsy nisy ratra kely akory hita tao aminy,
satria nino ny Andriamanitra Tompony izy.
Fa nandidy kosa ny mpanjaka,
ka ireo olona nilaza ratsy an’i Daniely
dia nalaina ary natsipy tao an-davaky ny liona izy
mbamin’ny vady aman-janany.
Ka mbola tsy nipaka tamin’ny vodilavaka akory
dia noraisin’ny liona,
ary notapatapahiny ny taolany rehetra.

Tamin’izay i Dariosa mpanjaka
nanoratra ho any amin’ny foko amam-pirenena rehetra
mbamin’ny samihafa fiteny,
izay monina eto ambonin’ny tany nanao hoe:

“Hitombo fiadanana anie ianareo!
Lalàna avoakako ny mba hatahorana sy hangovitan’ny olona
eo anatrehan’ny Andriamanitr’i Daniely eran’ny fanjakako rehetra,
fa Izy no Andriamanitra velona,
maharitra mandrakizay,
ny fanjakany tsy mba ho rava,
ary ny fifehezany tsy hanam-pahataperana.
Manafaka sy mamonjy Izy
ary manao famantarana amam-pahagagana eny an-danitra
sy etý an-tany.
Izy no nanafaka an’i Daniely tamin’ny hohon’ny liona.”

— Izany àry ny tenin’ny Tompo.

Setriny

Salamo: Dan. 3, 68. 69. 70. 71. 72. 73. 74

Ankalazao sy asandrato indrindra mandrakizay Izy.

Ry ando aman’erika:
isaory ny Tompo!
Ry rano sy havandra:
isaory ny Tompo!

Fanala sy zavona:
isaory ny Tompo!
Antoandro sy alina:
isaory ny Tompo!

Mazava sy maizina:
isaory ny Tompo!
Ry raho-mamiratra:
isaory ny Tompo

Ry tany tontolo:
isaory ny Tompo!
Tongava hihoby:
isaory ny Tompo!

Evanjely

Aleloia. Aleloia.

Miandrandrà, ka asandrato ny lohanareo; fa efa akaiky ny fanavotana anareo.

Aleloia.

Evanjely Masina nosoratan’i Masindahy Lioka (Lk. 21, 20-28)

Nohitsakitsahin’ny Jentily i Jerosalema mandra-pahafenon’ny andron’ny Jentily.

Tamin’izany andro izany,
i Jesoa niteny tamin’ny mpianany nanao hoe:

“Rahefa hitanareo voahodidin’ny miaramila i Jerosalema,
dia fantaro amin’izany fa efa antomotra ny fandravana azy,
ka amin’izany,
izay any Jodea aoka handositra any an-tendrombohitra,
izay ao an-tanàna aoka hivoaka any ivelany,
ary izay any an-tsaha aoka tsy hiditra ao an-tanàna intsony,
satria izany andro izany no ho andro famaizana
sy hahatanterahan’izay rehetra voasoratra.
Loza ho an’ny bevohoka sy ny mitaiza kely amin’izany andro izany,
fa ho lehibe tokoa ny fahoriana eto an-tany,
ary ho mafy ny hatezeran’Andriamanitra amin’itý firenena itý:
haringana amin’ny lela sabatra izy,
sy ho lasan-ko babo any amin’ny firenena rehetra,
ary hohitsakitsahin’ny Jentily i Jerosalema
mandrapahafenon’ny andron’ny Jentily.
Hisy famantarana koa
eny amin’ny masoandro sy ny volana ary ny kintana,
ary etý an-tany dia ho ory sy very hevitra ny firenena
noho ny fikotrokotroky ny ranomasina sy ny onjany;
ho ankona foana ny olona
noho ny fahatahorany sy ny fiandrasany izay loza hanjò an’izao tontolo izao,
fa hihozongozona ny herin’ny lanitra.
Dia ho hita amin’izay ny Zanak’Olona
avy any ambonin’ny rahona amim-pahefana sy voninahitra lehibe.
Raha vao miantomboka izany zavatra izany,
dia miandrandrà ka asandrato ny lohanareo,
fa efa akaiky ny fanavotana anareo.”

— Izany àry ny tenin’ny Tompo.

Lohahevitra : Vaovao

♦ Mitaky tsy misy fepetra ny hamoahana ireo gadra pôlitika ary miantso ny hisian'ny fifampidinihana an-databatra boribory eo amin'ireo mpisehatra pôlitika ny Federasiônin'ny gadra pôlitika eto Madagasikara... ♦ Ho tratra ara-potoana ny fandinihan'ireo loholona ny volavolan-dalàna mifehy ny teti-bolam-panjakàna 2024, efa talohan'ny fanatanterahana ny fifidianana mantsy no efa tonga teny lapa maitso an'Anosikely io volavolan-dalàna io... ♦ Nanome toro-marika ny Ministry ny Fampianarana Ambony sy ny Fikarohana ara-tsiansa sy ny Ministeran'ny Toekarena sy ny Fitantanam-bola hampiato ny fanapahana karama ho an'ireo mpampianatra mpikaroka sy mpikaroka mpampianatra ny filoham-panjakana mpisolo toerana...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Misy ny zo fototra 10 ananan'ny zanaka, takian'ny ankizy amin'ny mpanabe, ny ray aman-dreny ary ny fiaraha-monina. Ao anatin'ny 16 andro hiadiana amin'ny herisetra mifototra amin'ny maha lahy sy maha vavy isika, nanomboka tamin'ny 25 nôvambra teo. Mpiray tsikombatomba ny olona mahita herisetra anefa tsy mitoroka. Santionany amin'ny zo ireto : Zo hanana ankohonana izay hoe ray sy  reny niteraka ary ara-dalana, zo hanana anarana raha vao teraka izay hoe hanana kôpia, zo hitafy mifanaraka amin'ny toetr'andro... 

Lohahevitra : Vaovao

♦Manana fito andro manomboka anio ny Fitsarana Avo momba ny Lalam-panorenana hitsarana ireo antontataratasin'ady voarainy mahakasika ny zotram-pifidianana sy vokam-pifidianana taorian'ny fahataperan'ny fe-potoana nandraisana izany alina... ♦ Hamory ireo mpisehatra samihafa handraisana andraikitra ho an'ny firenena eny amin'ny Motel Anosy anio ny antenimieran'ny Ray aman-dreny Foko Malagasy... ♦ Hampahafantatra ny volavolan-dalàna mifehy ny teti-bolam-panjakàna 2024 eny amin'ny antenimieram-pirenena amin'ity anio ity ny ministry ny toe-karena sy ny fitantanam-bola... ♦ Maniry ny hitohizan'ny fampiatoana ny fanafihana ataon'ny Israeliana 2 na 4 andro fanampiny ny mpitondra any Hamas...

Lohahevitra : Vaovao

♦ Hifarana afaka adiny efatra sy sasany ny fandraisan'ny HCC ny fitoriana momba ny zotram-pifidianana sy ny voka-pifidianana... ♦ Hankatoavina eny Tsimbazaza amin'ity herinandro ity ny volavolan-dàlana hifehy ny teti-bolam-panjakana ho an'ny taona 2024... ♦ Mifandona ny lalàna sy ny kolontsaina malagasy, manoloana ilay fikasihan-tànana mpianatra nataon'ny Talen-tsekoly iray teny Ivandry, hoy ny "Observatoire de la jeunesse"...

Sous-catégories

Malagasy

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...