Lohahevitra : Fiavian'ny Tompo
Voadika amin'ny fiteny :  Français (France)   English (United Kingdom) 

Vakiteny voalohany

Bokin'i Izaia Mpaminany (Iz 35, 1-10)

Andriamanitra mihitsy no ho avy ka hamonjy anareo.

Hifaly ny efitra sy ny tany karankaina,
hiravoravo ny tany lemaka lava volo,
ary hamony tahaka ny narisisa;
hirakotra voninkazo sy hientan-kafaliana
ary hanao hoby firavoravoana izy.
Homena azy ny voninahitr’i Libàna
mbamin’ny hakanton’i Karmely sy i Sarôna.
Izy ireo hahita ny voninahitry ny Tompo,
sy ny famirapiratan’ny Andriamanitsika.
Hatanjaho ny tanana osa,
herezo ny lohalika mangozohozo!
Ilazao ny mitebiteby fo ataovy hoe:

“Makà hery fa aza matahotra.
Inty ny Andriamanitrareo; tamy ny famaliana,
famalian’Andriamanitra,
Tenany no avy, dia hamonjy anareo.”

Amin’izay dia hahiratra ny mason’ny jamba,
halady ny sofin’ny marenina.
Hitsambikina hoatra ny serfa ny mandringa,
hinantsanantsan-kafaliana ny lelan’ny moana.
Fa hisy rano miboiboika any an’efitra,
ary sakeli-drano eny amin’ny tany lemaka lava volo.
Ny tany hay, hanjary ho farihy,
ary ny tany mangentana ho loharano.
Ny lavaka fonenan’ny amboadia
hanjary saham-bolotara aman-jozoro.
Hisy arabe, hisy lalana,
izay hatao hoe ny lalana masina;
ka ny tsy madio tsy mba hihazo eo;
fa ho azy ireo ihany izy io;
izay homba azy na ny olon-tsotra aza tsy hivilivily.
Ao tsy mba hisy liona,
tsy hisy biby masiaka mandia ao, tsy hisy ho hita ao.
Fa ny voavonjy no hizotra ao
ary ny navotan’ny Tompo no ho tonga ao indray;
ho tonga ao Siôna amin’ny hobin-kafaliana izy ireo;
firavoravoana mandrakizay no ho fehilohany;
fifaliana amam-piravoravoana no hahenika azy,
fa ny sento amam-pijaliana handositra.

— Izany àry ny tenin’ny Tompo.

Setriny

Salamo 84, 9ab-10. 11-12. 13-14

Inty ny Andriamanitsika izay tonga hamonjy antsika.

Mba tiako tokoa ny handre Azy Tompo
mirary fiadanana ho an’ireo tiany,
mirary fiadanana ho an’ireo olo-miandrandra ny tavany.
Akaiky izay mino Azy Tompo
ny vonjy honenan’ny lazany ety amintsika.
Koa indro mihaona tokoa ny indrafo sy ny fahamarinana.
Ny rariny ombam-piadanana hatrany,
ny hitsiny hita mitsiry amin’ny tany.
Mitsinjo avy eny amin’ny rahon’ny lanitra kosa ny rariny.
Handrotsaka orana anie Izy Tompo,
izay hampamokatra tsara ny tany.
Fa lalan-kizoran’ny Tompo ny rariny ombam-piadanana.

Evanjely

Aleloia. Aleloia.

Ampodio izahay, ry Tompo Andriamanitra ô; ny tavanao aseho, dia ho voavonjy izahay!

Aleloia.

Evanjely Masina nosoratan'i Masindahy Lioka (Lk 5, 17-26)

Nahita zava-mahagaga isika androany.

Indray andro, raha nampianatra i Jesoa,
dia nipetraka nanodidina Azy teo koa
ny Farisianina sy ny mpampiana-dalàna sasany
avy tamin’ny tanàna rehetra tany Galilea sy Jodea
mbamin’i Jerosalema,
ary tao aminy hanasitranany ny marary
ny herin’ny Tompo.
Dia indro nisy olona
nitondra lehilahy malemy anankiray tamin’ny fandriany
ka nitady hampiditra sy hametraka azy teo anatrehany;
fa tsy nahita izay hampidirany azy izy ireo
noho ny habetsahan’ny olona,
ka niakatra teo ambonin’ny tafon-trano izy
ary nanesorana ny tafo
dia nampidininy teo afovoan’ny olona
teo anatrehan’i Jesoa ralehilahy mbamin’ny fandriany.
Nony nahita ny finoan’izy ireo i Jesoa, dia nanao hoe:

“Ralehilahy, voavela ny helokao.”

Tamin’izany ny mpanora-dalàna sy ny Farisianina
dia nisaintsaina anakampo nanao hoe:

“Iza moa ity miteny ratsy toy izao ity?
Iza no mahavela heloka afa-tsy Andriamanitra irery.”

Fa fantatr’i Jesoa ny heviny, ka hoy Izy taminy:

“Nahoana ianareo no mieritreritra ao am-ponareo?
Inona no mora holazaina kokoa, ny hoe:
Voavela ny helokao;
sa ny hoe: Mitsangàna ka mandehana?
Ary mba ho fantatrareo fa manam-pahefana
hamela heloka ety an-tany ny Zanak’Olona,
dia izao no lazaiko aminao, hoy Izy tamin’ilay malemy:
Mitsangàna, ento ny fandrianao,
ary modia any an-tranonao.”

Niaraka tamin’izay
dia nitsangana teo imason’ny olona izy,
ary nitondra ny farafara nandriany
ka lasa nody any an-tranony
nankalaza an’Andriamanitra.
Nitolagaga avokoa izy rehetra
ka sady nankalaza an’Andriamanitra
no raiki-tahotra nanao hoe:

“Nahita zava-mahagaga isika androany.”

— Izany àry ny tenin’ny Tompo.

Lohahevitra : Vaovao

♦ Tsy antenaina ny hahatanterahan'ny fihaonana eo amin'ireo Solombavam-bahoka sy ny mpikamban'ny Governemanta anio, na dia mbola voatazona aza ny fandaharam-potoana ny amin'izany... ♦ Noravan'ny Filankevi-panjakana ny didy navoakan'ny Fitsarana miady amin'ny Fanjakana, izay nampiato ny fandroahana an' Baba Rakotoarisoa amin'ny asany... ♦ Niantso ny mpanjifa ho mailo amin'ireo entana lany daty, ny fikambanana mpiaro ny zon'ny mpanjifa PMH, amin'izao vanim-potoana hidirana amin'ny fety izao...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

10 desambra 2023 — Alahady faharoa amin'ny Fiavian'ny Tompo — Amboary ny lalan’ny Tompo, ahitsio ny alehany; dia hahita ny famonjen’Andriamanitra ny nofo rehetra — Evanjely Masina nosoratan’i Masindahy Marka (Mk. 1, 1-8)

Lohahevitra : Vaovao

♦ Voafidy ho Filoha Lefitry ny Antenimieram-pirenena ho an'ny Faritanin'Antananarivo, Andriamatoa Naivo Raholdina. Izy indray no hitana io andraikitra io, tao aorian'ny fodiamandrin'ny Depioten'i Faratsiho, Honoré Rasolonjatovo... ♦ Mangataka ny hamoahana ireo kôlônely roa zanak'i Vakinankaratra, voarohirohy tamin'ilay raharaha ambara fa fikotrehana fanonganam-panjakana, ny fikambanana ivondronan'ny terak'i Vakinankaratra. Nanao fanambarana tamin'ny mpanao gazety izy ireo androany...

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Efa hita taratra ny fiantraikan'ny fiovan'ny toetr'andro amin'ny sehatra maro. Isan-taona dia manao fihaonam-be ireo firenena rehetra ao anatin'ny Firenena Mikambana nanao sonia ny fifanarahana lasitra amin'ny fiovan'ny toetr'andro. Efa misy vokatra azon'i Madagasikara tamin'izany ka entanina hatrany ny tsirairay handray an-tanana ny fiarovana ny tranobe iombonana, araka izay manandrify azy avy. Fandaharana "miaina sy mitia" iarahana amin'ny ivon-toerana Arrupe Madagasikara...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny 29 mey 2018 dia nanao hafatra ny fivondronamben'ny Eveka, namporisika ny kristiana sy ny tsara sitrapo ho tonga mpanangana firenena amin'ny alalan'ny asa sy ny fahamarinana : ho taranaka mpanorina isika raha mifanaja sy manao ny marina, lavitry ny korontana sy ny herisetra, antoky ny filaminana sy ny fikatsahana ny soa iombonana, mitondra amin'ny fampandrosoana maharitra. Katesizy momba ny Eglizy, ny fianakaviana sy ny pôlitika, iarahana amin'i P. Abdon Rafidison. 

Lohahevitra : Hirika
Voadika amin'ny fiteny :  Français (France)   English (United Kingdom) 

Mila hamafisina ny fanohanana ny Faritra Atsimo-Atsinanana amin'ny ady atao amin'ny tsifanjarian-tsakafo. Nahazo vahana mantsy ny tsifanjarian-tsakafo mitarazoka sy ny mahery vaika taorian'ny fandalovan'ny rivo-doza Batsiray sy ny Emnati hoy ny governoran'ny Faritra Dokotera Mahafaky Justin. Nahatratra 48,5% ny tahan'ny tsifanjarian-tsakafo mitarazoka ho an'ny zaza latsaky ny 5 taona talohan'ny fandalovan'ny rivo-doza. Niakatra manodidina ny 50% izany taorian'ny fandalovan'ny rivo-doza araka ny fanazavany...

Lohahevitra : Vaovao

♦ Hatolotra hodinihan'ny anteniera mpanao lalàna ny volavolan-dalàna vaovao mifehy ny asa eto Madagasikara. Mbola misy andininy tokony hahitsy nefa ao anatiny hoy ny randrana sendikaly... ♦ Mahaliana ny 52% amin'ny malagasy nanaovan'ny gazety boky pôlitika fanadihadiana ny momba ny pôlitika... ♦ Mamono mpanjono miisa 100 isan-taona ny loza an-dranomasina eto Madagasikara. Ny fiovan'ny toetr'andro tapoka ny an-dranomasina sy ny tsy fahalavorarian'ny fitaovana ampiasaina no isan'ny antony hoy ny mpanjono... ♦ Vahinin'ny filoha rosianina Vladmir Poutine any Rosia ny filoha iraniana Ebrahim Raïssi. Isan'ny horesahan'ny roa tonta ny zava-misy any Gaza...

Lohahevitra : Vaovao

♦ Hifidy izay ho filoha lefitry ny Faritanin'Antananarivo eo anivon'ny antenimieram-pirenena anio ny solombavambahoaka. Hihaona amin'ny governemanta izy ireo rahampitso... ♦ Notendrena nandritra ny filan-kevitry ny ministra hisahana ny lehiben'ny mari-boninahim-pirenena Andriamatoa Ranjefa Razanakombana Marcel... ♦ Naneho ny heviny momba ny asa fanafihan-dahalo nitranga tao amin'ny Distrika Ankazobe ny solombavambahoaka, ka Rija Rasoava Rakotoarisoa... ♦ Tamim-pamendrehana no nandraisana ny filoha rosianina tany Arabie Saodite sy Emirat Arabo mitambatra omaly. Hentitra dia hentitra ny fiarovana azy...

Lohahevitra : Vaovao

♦ Hanatanteraka fifidianana izay ho Filoha Lefitry ny Faritanin'Antananarivo, ny Antenimieram-pirenena rahampitso. Hihaona amin'ny Governemanta kosa izy ireo ny zoma izao... ♦ Mila averina amin'ny olona tena Malagasy ny fitantanana ny tany sy ny firenena, ka hiverina ny tany tan-dalàna, hoy ny Fikambanan'ny Tanora ara-drazana. Hiatrika fihaonambe eto Antananarivo, izy ireo, ny 13 sy 14 desambra 2023... ♦ Mahazo vahana tato ho ato ny fakana an-keriny olona hatao takalon'aina, ka angatahana volabe an-tapitrisany, any amin'ny Distrikan'Ankazobe...

Lohahevitra : Vaovao

♦ Filan-kevitra Ambony ny Mpitsara na ny CSM : Niisa 500 ireo mpitsara vokasiky ny famindran-toerana ny taona 2021-2023... ♦ Fikambanan'ny Ray aman-dRenin'ny Foko Malagasy : Mila faranana tanteraka ny tolona nataon'ireo Malagasy tamin'ny taona 1947, ary mila hapetraka ny tondrozotra vaovao hitantanana ny firenena... ♦ Isan'ny nanamarika ny andro iraisam-pirenena ho an'ny mpilatsaka an-tsitrapo tamin'ny alalan'ny fanatanterahana ny hetsika tagnamaro teny amin'ny  Akany Fitahiantsoa teny Ankorondrano ny Ministeran'ny Kolontsaina sy ny Serasera... ♦ Mivahiny any Emirats arabes unis sy any Arabie Saoudite ny filoha rosiana Vladmir Poutine...

Lohahevitra : Vaovao

♦ Nankatoavin'ny Papa François ny fangatahan'i Monseigneur Vincent Rakotozafy, hitsahatra amin'ny fitantanana pastoraly ny Diôsezin'i Taolagnaro noho ny fahatrarany ny fetra-taona ary notendren'i Papa handimby azy i Mopera Luc Olivier Razafitsimialona, économe ao amin'ny Seminera zokiny Masindahy Joany Batista, vohitsoa Fianarantsoa... ♦ Nahatratra 6,2 miliara ariary ny vola nogiazan'ny sampan-draharaha misahana ny fandrakofana ny harena azo tamin'ny fomba tsy ara-dalàna na ny ARAI... ♦ Haharitra 6 herinandro ny fanamboarana ny lalàna eny Ankadimbahoaka miazo ny fasan'ny Karàna ary Anosizato, nanomboka omaly ny asa fanamboarana, tanterahin'ny Ministeran'ny Asa Vaventy...

Sous-catégories

Malagasy

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...