- Eto izao ianao :
-
Fandraisana
-
Pastôraly
-
Kintan'ny finoana
- All languages
- Atolotr'i Ranaivomanantsoa Harilanto
- Lohahevitra : Fiavian'ny Tompo
-
Voadika amin'ny fiteny :
Vakiteny voalohany
Boky faharoan’i Samoela (2 Sam. 7, 1-5. 8b-11. 16)
Ho azo antoka mandrakizay eo anatrehan’ny Tompo ny fanjakan’i Davida.
Nony efa niorina tsara tao an-tranony i Davida mpanjaka,
sady nomen’ny Tompo fandriam-pahalemana tamin’ny fahavalony rehetra nanodidina azy,
dia hoy ny mpanjaka tamin’i Natàna mpaminany:
“Jereo ange!
izaho mitoetra an-trano sedera,
ary ny Fiaran’Andriamanitra mitoetra ao afovoan’ny lay!”
Ka hoy i Natàna, namaly ny mpanjaka:
“Andeha ataovy izay rehetra ao am-ponao,
fa momba anao ny Tompo”.
Ny alin’izay ihany,
dia tonga tamin’i Natàna ny tenin’ny Tompo nanao hoe:
“Mandehana lazao amin’ny mpanompoko,
amin’i Davida hoe:
Izao no lazain’ny Tompo:
Ianao ve no hanao trano hitoerako?
Tany an-tanim-bilona tao aorian’ny ondry no nangalako anao
ho andriana amin’ny vahoakako, amin’i Israely,
ary izay nalehanao, nombako anao avokoa;
ny fahavalonao rehetra,
naringako teo anoloanao.
Ny anaranao hataoko malaza toy ny anaran’ny olo-malaza ambonin’ny tany.
Hanokan-toerana ho an’ny vahoakako, ho an’i Israely Aho,
dia hampiorina azy eo, ka honina ao aminy izy,
ary handry tsy amin’ahiahy,
fa tsy hampahorin’ny zanaky ny faharatsiana toy ny taloha intsony,
sy toy ny tamin’ny andro nananganako mpitsara hifehy an’i Israely vahoakako.
Hanome anao fialan-janona tony,
ho afaka amin’ny fahavalonao Aho.
Ary lazain’ny Tompo aminao fa hananganany trano ianao.
Ary ho azo antoka ny faharetan’ny tranonao sy ny fanjakanao
eo anatrehako mandrakizay,
ary hiorina mandrakizay ny seza fiandriananao”.
— Izany àry ny tenin’ny Tompo.
Salamo fandinihana
Sal. 88, 2-3. 4-5. 27 sy 29
Hikalo mandrakizay ny famindram-ponao aho, ry Tompo.
Ny fitiavanao, ry Tompo,
hohiraiko mandrakizay;
ny fahamarinanao
hambarako amin’ny taona rehetra.
“Vavako no niteny, hoy Ianao:
Voaorina mandrakizay ny fitiavako,
ary ny fahamarinako
voajoro ho toy ny lanitra!”
“Nanaovako fanekena ilay voafidiko;
i Davida mpanompoko, nianianako:
Ajoroko ho mandrakizay ny taranakao,
ny fiketrahanao aoriko ho lalandava!”
Ianao no Raiko, hoy izy miantso Ahy,
Vatolampy famonjena ahy sy Andriamanitro!
Ny fitiavako hotanako aminy mandrakizay,
ho azony antoka tokoa ny fanekeko.
Vakiteny faharoa
Taratasin’i Masindahy Paoly Apôstôly ho an’ny kristianina tany Rôma (Rôm. 16, 25-27)
Nambara ary naseho ankehitriny ny zava-miafina tsy voalaza hatrizay hatrizay.
Ry kristianiana havana,
ho an’Ilay mahay mankahery anareo araka ny Evanjeliko,
izay nitoriana an’i Jesoa Kristy
sy nanambaràna ny zava-miafina tsy voalaza hatrizay hatrizay,
(fa voaseho ankehitriny tamin’ny soratry ny mpaminany,
araka ny didin’Andriamanitra mandrakizay,
ka nampahafantarina ny firenena rehetra mba hanekeny ny finoana)
dia ho an’Andriamanitra,
Ilay hany hendry indrindra anie,
ny voninahitra mandrakizay mandrakizay,
amin’ny alalan’i Jesoa Kristy. Amen.
— Izany àry ny tenin’ny Tompo.
Evanjely
Aleloia. Aleloia.
Inty aho mpanompovavin’ny Tompo aoka ho tanteraka amiko araka ny teninao.
Aleloia.
Evanjely Masina nosoratan’i Masindahy Lioka (Lk. 1, 26-38)
Indro hitoe-Jaza ianao, ka hiteraka Zazalahy.
Tamin’izany andro izany,
dia nirahin’Andriamanitra ny Anjely Gabriely
ho any amin’ny tanàna anankiray any Galilea atao hoe Nazareta
ho any amin’ny Virjiny anankiray fofom-badin’ny lehilahy atao hoe Jôsefa,
taranak’i Davida,
ary ny anaran’ilay Virjiny dia Maria.
Ary nony niditra tao aminy ilay Anjely dia nanao hoe:
“Arahaba, ry ilay feno hasoavana;
ny Tompo ao aminao;
nosoavina noho ny vehivavy rehetra ianao”.
Taitra izy nahare izany,
ka nieritreritra izay tokony ho hevitr’izany fiarahabana izany.
Fa hoy ny Anjely taminy:
“Aza matahotra, ry Maria,
fa sitrak’Andriamanitra ianao,
ka hiteraka Zazalahy,
ary Jesoa no hataonao Anarany.
Ho lehibe Izy ka hatao hoe:
Zanaky ny Avo indrindra;
dia homen’Andriamanitra ny fiketrahan’i Davida rainy Izy,
ka hanjaka mandrakizay amin’ny taranak’i Jakôba,
ary tsy hanam-pahataperana ny fanjakany”.
Fa hoy i Maria tamin’ilay Anjely:
“Ahoana no hahatongavan’izany,
fa tsy mahalala lahy aho?”
Hoy ny Anjely namaly azy:
“Ny Fanahy Masina no ho tonga ao aminao,
ary ny herin’ny Avo indrindra hanaloka anao;
noho izany dia hatao hoe:
Zanak’Andriamanitra ny Masina haterakao.
Ary indro i Elizabeta rahavavinao
fa efa mitoe-jaza koa, na dia efa antitra aza,
ary efa mandray enina izy izao
ilay natao hoe momba,
fa tsy hisy tsy ho hain’Andriamanitra atao”.
Dia hoy i Maria:
“Inty aho ankizy vavin’ny Tompo,
aoka anie ho tanteraka amiko araka ny teninao”.
Dia niala teo aminy ny Anjely.
— Izany àry ny tenin’ny Tompo.
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
23 desambra 2023 — Sabotsy, herinandro mialoha ny Noely — Ianao ilay Emanoela Mpanjaka sy Mpanalalana anay; avia hamonjy anay, ry Tompo Andriamanitray — Evanjely Masina nosoratan’i Masindahy Lioka (Lk 1, 57-66)
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
22 desambra 2023 — Zoma, herinandro mialoha ny Noely — Ry ilay Fahendrena izay mandahatra ny zavatra rehetra amin-kery sy amin-kalemem-panahy, avia mba hampianatra anay ny lalan’ny fahamarinana — Evanjely Masina nosoratan’i Masindahy Lioka (Lk 1, 46-56)
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
21 desambra 2023 — Alakamisy, herinandro mialoha ny Noely — Ianao Filohan’ny fokon’i Israely izay niseho tamin’i Môizy sy nanome azy ny lalàna teny an-tampon’i Sinaia, avia mba anavoty anay ny herin-tsandrinao — Evanjely Masina nosoratan’i Masindahy Lioka (Lk 1, 39-45)
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Manana filàna fototra maro ny olona mba tena hivelatra amin'ny maha-olona azy manontolo : maha izy feno, ho hita sy hajain'ny olona ary hitokisana, finakaviana sy namana tia ary hotiavina, filaminana afa mitsinjo ny ampitso, filàna fototra (sakafo...). Amin'ireo anefa dia tsy mbola tanteraka akory lafiny ara-tsakafo sy ny fananana trano ary ny fandriam-pahalemana. Katesizy momba ny Eglizy, ny fianakaviana sy ny fivoaram-piainana, iarahana amin'i P. Bertrand Ratovoalinirina.
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
20 desambra 2023 — Alarobia, herinandro mialoha ny Noely — Ianao ilay Emanoela Mpanjaka sy Mpanalalana anay, avia hamonjy anay, ry Tompo Andriamanitray — Evanjely Masina nosoratan’i Masindahy Lioka (Lk 1, 26-38)
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
19 desambra 2023 — Talata, herinandro mialoha ny Noely — Ry ilay Atsinanana fibaliakan’ny hazavana mandrakizay sy masoandron’ny fahamarinana, avia ary omeo an’ireo izay mandry ao amin’ny haizina sy ny aloky ny fahafatesana ny hazavana — Evanjely Masina nosoratan’i Masindahy Lioka (Lk 1, 5-25)
- Atolotr'i Radio Don Bosco
- Lohahevitra : Vaovao
♦ Mpitarika sendikà roa sy solombavambahoaka iray no samy miatrika fitsaràna nho ny raharaha pôlitika hanenjehana azy, nanomboka ny maraina teo... ♦ Tsy handefitra amin'ireo izay mihoa-pefy ny EMMO ny sabotsy izao, mandritra ny lanonam-pihanianana eny Mahamasina. Mpitandro filaminana hatrany amin'ny 6.000isa no voalaza fa hahetsika mandritra izany... ♦ Manahy ny mety ho fahavitsian'ireo mpampiasa vola vahiny hiara-hiasa amin'ireo orinasa afak'haba eto Madagasikara ny Fisemare amin'ny taona ho avy io. Nambaran'ny avy amin'ity sendikà ity fa mbola miahotra izay ireo, noho ny toe-draharaham-pirenena...
- Atolotr'i Randriamanisa Liva Niaina
- Lohahevitra : Ampela mihary
-
Voadika amin'ny fiteny :
Tanjon'ny fandaharana ny hanentana ny rehetra mba hanana fahasalamana. Noresahina ny areti-mifindra mba hitandreman'ny rehetra satria ny fahasalaman'ny tsirairay no fototry ny fahasalaman'ny daholobe izay mety hampandringa ny fampandrosoana ny ankohonana sy ny firenena. Ny volana desambra dia isan'ny fotoana natao hanentenana ny olona rehetra mikasika ny aretina azo avy amin'ny firaisana ara-nofo, indrindra ny SIDA. Entanina ny olona rehetra tsy handray, hihinana, hitsindrona zava-mahadomelina, tokony hanao ezaka ny tsirairay mba tsy hovoasarika amin'izany satria lafo ny fitsaboana hanalana ny olona iray eo ambany vahoan'ny zava-mahadomelina...
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
18 desambra 2023 — Alatsinainy, herinandro mialoha ny Noely — Ry ilay Solofon’i Jese, fisehoan’ny fivondronan’ny vahoaka, avia hamonjy anay, aza maharitra ela intsony — Evanjely Masina nosoratan’i Masindahy Matio (Mt 1, 18-24)
- Atolotr'i Rafaralahimboa Justolat Eulethère
- Lohahevitra : Tenin'ny Tompo
-
Voadika amin'ny fiteny :
17 desambra 2023 — Alahady fahatelo amin'ny Fiavian'ny Tompo — Ato amiko ny Fanahin’ny Tompo: nirahiny hitondra teny soa mahafaly amin’ny malahelo Aho — Evanjely Masina nosoratan’i Masindahy Joany (Jo. 1, 6-8. 19-28)
- Atolotr'i Radio Don Bosco
- Lohahevitra : Vaovao
♦ Hiakatra Fitsaràna eny Anosy anio ny raharaha nanenjehana ny mpitarika sendikà, Barson Rakotomanga sy ny Profesora Sammy Grégoire, noho ny fiampangàna azy ireo ho niantso miaramila hikomy ny volana nôvambra teo... ♦ Nalefa eny amin'ny Fampanoavan'ny Fitsaràna ny raharaha nanenjehana ny mpanao gazety Gascar Fenosoa. Mbola niverenana nampanantsoina teny Fiadanana indray izy sy ny mpanao pôlitika Christian Tabera omaly... ♦ Tsy mitsaha-miakatra ny vidin'ireo entana ilaina andavanandro, indrindra amin'izao ankatoky ny fety izao. Manao antso avo amin'ny fitondràna hijery akaiky ny fihenan-danjan'ny vola malagasy ARIARY ny mpiara ny zon'ny mpanjifa MCI...
Sous-catégories
[Miara-dàlana] Alatsinainy 25 nôvambra 2024
- Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
- Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
- Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco