Lohahevitra : Vaovao

♦ Tokony holaniana ny tolo-dalàna hanovana ny lalàm-pifidianana, raha ny zava-misy amin'izao, hoy ny Vondrona Panorama. Handalo fankatoavana eny amin'ny Antenimiera mpanao lalàna amin'ny volana mey izao, izany tolo-dalàna izany... ♦ Tsy misy idiran'ny fitondrana ny olan'ny Jirama, amin'ny famatsiana menaka mavesatra, hoy ny Minisitry ny Toekarena sy ny Fitantanam-bola. Nambarany fa vola 441 Miliara no efa nampindramin'ny fitondram-panjakana ity orinasa ity, tao anatin'ny telo volana...

Lohahevitra : Vaovao

♦ Ho fampahafantarana ny olom-pirenena ny lalàna sy ny zony, hiadiana amin'ny fanaovana kolikoly dia atomboka anio eny Talatan'i Volonondrry ny hetsika "Fiara Zo" na ny "Caravane de Droit"... ♦ Mbola mahatratra hatrany amin'ny 30% ny olona tratry ny tazomoka any atsimo atsinanana, taha ambony indrindra eto Madagasikara. Any Farafangana noho izany no hanamarihana ny andro eran-tany hiadiana amin'ny tazomoka, amin'ny 9 jona izao... ♦ 2 tapitrisa ny kara-tany ho zarain'ny Fanjakàna hatramin'ny volana desambra. Ny 561.039 no efa voazara tamin'ny alalan'ny tetik'asa CASEF. Andro fahatelo amin'ny heriandro ho an'ny kara-tany ny anio...

Lohahevitra : Vaovao

♦ Andro iraisam-pirenena ho an'ny fizaka-manana ara-tsaina na ny "propriété intellectuelle" ny anio 26 avrily. Loha-hevitra entina hanamarihana izany amin'ity taona ity ny hoe : "Ny vehivavy sy ny fizaka-manana ara-tsaina, mitantsoroka amin'ny fanafainganana ny fahitana vao sy ny famoronana"... ♦ Sakana ho an'ny fahitan'ny tanora asa ny tsy fananany fahaiza-manao sy traik'efa takian'ny orinasa. Lalana iray hitondra ho amin'ny fampandrosoana ny fanofanana arak'asa ny tanora hoy Mopera Bizimana Innocent, lehiben'ny Salezianina eto Madagasikara sy Maurice... ♦ Nanomboka tamin'ny fomba ôfisialy teny amin'ny lycée Rabearivelo Analakely ny hetsika "Asako rahampitso" andrian'ny faha-15, haharitra hatramin'ny zoma 28 avrily 2023...

Lohahevitra : Vaovao

♦ Tanterahana eny Ampefiloha mandritra ny telo andro, ny dinika hiresahana ny olana momba ny fanofanana arak'asa. Miara-miombona antoka ny Fikambanana Salezianina Don Bosco Madagasikara sy ny Minisiteran'ny Fampianarana Teknika sy ny Fanofanana arak'asa... ♦ Mpianatra 8000 isa, avy amin'ny Lisea miisa valo ao an-drenivohitra, sy any amin'ny Distrika telo hafa, no misitraka fahalalana amin'ilay hetsika "Asako rahampitso", nanomboka androany, hatramin'ny zoma ho avy izao...

Lohahevitra : Vaovao

♦ Manambana hanao fitokonam-be ireo mpamily fiara vaventy mpitatitr'entana amin'ny lalam-pirenena faharoa mankany Toamasina, noho ny mbola faharatsian-dalana. Fiarabe 10 no efa nivadika tao Mandraka tao anatin'ny roa volana, vokatr'izany... ♦ Olona 5000 isa eo ho eo, avy aminà fianakaviana 1000 isa, no tratry ny kere any amin'ny Distrikan'i Vangaindrano amin'izao. Mbola tsy voamarina hatramin'izao ny fisian'ny olona matin'izany hanoanana izany hoy ny eo anivon'ny BNGRC... ♦ Mirongatra amin'ny toerana samihafa eto Antananarivo sy ny manodidina ny tsy fandriam-pahalemana amin'izao. Nirefodrefotra omaly teny amin'ny 67Ha atsimo, jiolahy iray nirongo basy notifirin'ny Pôlisy tamin'ny andro antoandro...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Mila mahay miaina anaty fandanjalanjana ny olona mba tsy hiteraka olana amin'ny lafin-javatra hafa. Mila miezaka mahay ambony, mahay ambany isika, ary koa mila manaiky tsotra izao ny lalana nodiavina, indrindra raha tena fahasahiranana na lalan-tsarotra no nodiavina. Mila mahay miatrika fahasahiranana ary ihany koa mahay miaina fiadanana sy filaminana... Fandaharana "Ampela Miary" tontosaina eto amin'ny radio Don Bosco.

Lohahevitra : Fankalazana ny Paka
Voadika amin'ny fiteny :  Français (France)   English (United Kingdom) 

Vakiteny voalohany

Boky mitantara ny Asan’ny Apôstôly (Asa 7, 1-7)

Nifidy lehilahy fito feno ny Fanahy Masina ny Apôstôly.

Tamin’izany andro izany, rehefa nitombo ny isan’ny mpianatra,
dia nimonjomonjo tamin’ny Hebrio ny Helenista,
satria tsy mba nahìna loatra tamin’ny fizarana ny fiantrana isan’andro
ny mpitondra tena tao aminy.
Ka novorian’ny roa ambin’ny folo lahy ny mpianatra rehetra nilazany hoe:

“Tsy mety raha ilaozanay mitandrina ny sakafo,
ny fampianarana ny tenin’Andriamanitra.
Koa amin’izany,
ry rahalahy havana iray finoana,
mifidiana fito lahy eo aminareo,
izay tsara laza sady feno ny Fanahy Masina sy fahendrena,
mba hametrahanay izany raharaha izany;
ary izahay kosa hikely aina amin’ny fivavahana sy ny fitorian-teny”.

Nankasitrahin’ny olona rehetra izany teny izany,
ka nofidìny i Etiena lehilahy feno finoana sy ny Fanahy Masina,
i Filipo, i Prôkôra, i Nikanôra, i Timôna, i Parmenasy,
ary i Nikôlà, prôzelita avy any Antiôkia.
Narosony teo anatrehan’ny Apôstôly izy ireo,
ka nametrahany tanana nony efa vita ny fivavahana.
Dia niely ny tenin’Andriamanitra,
nihamaro be dia be ny mpianatra tao Jerosalema,
ary betsaka koa ny mpisorona nanaiky ny finoana.

— Izany àry ny tenin’ny Tompo.

Salamo fandinihana

Sal. 32, 1-2. 4-5. 18-19

Homba anay anie ny hatsaram-ponao, ry Tompo, araka ny hitokianay Anao.

Ry olo-marina, hobio ny Tompo.
Ny olo-mahitsy no mendrika hidera.
Derao amin-dokanga ny Tompo,
antsao am-baliha tory folo.

Fa marina ny tenin’ny Tompo,
ny asany rehetra mahatoky,
ny rariny sy hitsiny no tiany,
mameno ny tany ny fitiavany.

Izay matahotra ny Tompo no ahìny;
eny, izay miantehitra amin’ny fitiavany
hafahany amin’ny fahafatesana,
hovelominy amin’ny tao-mosarena.

Vakiteny faharoa

Taratasy voalohan’i Masindahy Piera Apôstôly (1 Pi. 2, 4-9)

Ianareo kosa dia taranaka voafidy, mpisorona manjaka.

Ry hava-malala,
manatòna an’i Jesoa Tompo, izay vato velona nolavin’ny olona ihany tokoa,
nefa voafidy sy sarobidy eo anatrehan’Andriamanitra kosa;
ary ianareo koa dia mirafeta eo amboniny, toy ny vato velona,
mba hitsangana ho tempoly fanahy,
ho mpisorona masina,
ka hanolotra fanati-panahy ankasitrahin’Andriamanitra amin’ny alalan’i Jesoa Kristy.
Fa izany no ilazan’ny Soratra Masina hoe:

“Indro Aho mametraka vato fehizoro ao Siôna,
dia vato voafidy sy saro-bidy,
ary izay mino Azy tsy hangaihay”.

Koa voninahitra ho anareo izay mino;
fa ho an’izay tsy mino kosa dia:

“Ny vato nolavin’ny mpanao trano
no efa tonga fehizoro ary vato mahasolafaka sy vatolampy mahatafintohina”;

fa tafintohina amin’ny teny izy ireo satria tsy nanaiky,
sady izany rahateo no nanendrena azy.
Fa ianareo kosa dia taranaka voafidy,
mpisorona manjaka,
firenena masina,
vahoaka navotana,
mba hitorianareo ny hatsaran’ilay niantso anareo
hiala tamin’ny haizina,
ho amin’ny fahazavany mahagaga.

— Izany àry ny tenin’ny Tompo.

Evanjely

Aleloia. Aleloia.

Izaho no Lalana sy Fahamarinana ary Fiainana, hoy ny Tompo;
tsy misy olona mankany amin’ny Ray afa-tsy amin’ny alalako.

Aleloia.

Evanjely Masina nosoratan’i Masindahy Joany (Jo. 14, 1-12)

Izaho no Lalana sy Fahamarinana ary Fiainana.

Tamin’izany andro izany,
i Jesoa nilaza tamin’ny mpianany nanao hoe:

“Aoka tsy hitebiteby ny fonareo.
Mino an’Andriamanitra ianareo, ka minoa Ahy koa.
Misy toerana maro ao an-tranon’ny Raiko,
raha tsy izany, dia efa nilaza taminareo Aho;
fa handeha Aho hanamboatra toerana ho anareo,
ary rehefa lasa Aho ka voavoatra ny toerana ho anareo,
dia ho avy indray Aho haka anareo ho any amiko,
dia izay itoerako no hitoeranareo koa.
Ary fantatrareo koa ny lalana ho any amin’izay alehako”.

Dia hoy i Tômà taminy:

“Tsy fantatray izay alehanao, Tompoko,
ka ahoana no hahafantaranay ny lalana?”

Ary hoy i Jesoa taminy:

“Izaho no lalana sy fahamarinana ary fiainana;
tsy misy olona mankany amin’ny Ray afa-tsy amin’ny alalako.
Raha nahafantatra Ahy ianareo,
dia ho nahafantatra ny Raiko koa;
hatramin’izao, dia mahafantatra Azy ianareo,
sady efa nahita Azy”.

Dia hoy i Filipo taminy:

“Asehoy anay ny Ray, Tompoko,
dia ampy ho anay izany”.

Fa hoy i Jesoa taminy:

“Izay ela izay no nitoerako teto aminareo,
ka tsy mbola fantatrareo ihany ve Aho, ry Filipo?
Izay nahita Ahy,
dia nahita ny Ray koa;
ka ahoana no anaovanao hoe:
Asehoy anay ny Ray?
Tsy mino va ianao fa Izaho ao amin’ny Ray,
ary ny Ray ato amiko?
Ny teny izay lazaiko aminareo dia tsy avy amiko,
fa ny Ray Izay mitoetra ato amiko no manao ny asa.
Minoa ny teniko fa Izaho ao amin’ny Ray ary ny Ray ato amiko;
na fara fahakeliny minoa ahay noho ny asa ihany.
Lazaiko marina dia marina aminareo fa izay mino Ahy,
dia hanao ny asa ataoko koa,
ary hanao mihoatra noho izany aza izy,
satria mankany amin’ny Ray Aho”.

— Izany àry ny tenin’ny Tompo.

Lohahevitra : Vaovao

♦ Tsy tokony hiziriziriana ny fanatsarana ny fanomanana ny fifidianana hoy ny antoko Malagasy Miara-Miainga. Nitondra fanamarihana ny antoko amin'ny mbola tsy nahatratra ny isan'ny mpifidy tamin'ny fifidianana ben'ny tanàna anatin'ny lisi-pifidianana hatramin'izao... ♦ Tokantrano miisa 2 tapitrisa no kendrena hahazo karatany manerana an'i Madagasikara amin'ity taona ity. Misy indray ilay hetsika herinandron'ny kara-tany, nosantarina tamin'ny fomba ôfisialy tao an-drenivohitra, omaly... ♦ Miverina indray ny "delestage" eto amin'ny tambajotra iraisan'Antananarivo. Nilaza ny Ministry ny Angovo sy ny Ankoran'Afo fa misy olan'ny famatsiana solika eo anivon'ny orinasa JIRAMA izay mitarika fahatapahan'ny herinaratra...

Lohahevitra : Vaovao

♦ Mbola ilaina ny fifanakalozan-kevitra, hanatsarana ny asan'ny CENI, ka miantso ny FFKM, ny antoko MMM... ♦ Nahita ny lesoka eny amin'ny fonja Antanimora, ny Minisitry ny Fitsarana, nandritra ny fitsidihana tampoka teny amin'ity fonja ity... ♦ Ahiana hanimba ny faritra avo misy ny Rovan'i Madagasikara, ny fanorenana tsy ara-dalana ataon'ny mponina, hoy ireo mpampianatra mpikaroka...

Lohahevitra : Miara-dalana

♦ Mifantoka amin'ny zava-misy iainan'ny firenena, ny hafatra avy amin'ny Justice et Paix, izay nanatanteraka ny Fihaonambe, ny 18 hatramin'ny 21 aprily 2023... ♦ Nanatanteraka Zaikabe sady nanokatra tamin'ny fomba ôfisialy ny fankalazana ny faha-90 taona niorenany, ny MDMK-CVX ao amin'ny Diôsezin'i Toamasina... ♦ Fianakaviambe Fransiskana, tia sy manaja ny Tranobe iombonana, io no lohahevitra nifampizarana nandritra ny fanamarihana ny Andro Maneran-tany ho an'ny Tany, ny Rano ary ny Ala, teny amin'ny trano fivarotam-boky Masindahy Paoly Analakely, ny sabotsy teo...

Lohahevitra : Vaovao

♦ Tsy maintsy hovaina ny lalàm-pifidianana, raha tiana ny hametraka ny vola azon'ny kandidà ampiasaina amin'ny fampielezan-kevitra hoy ny mpahay lalàna, Sahondra Rabenarivo... ♦ Tovovavy malagasy miisa 07 no lasa mpivaro-tena atsy amin'ny nosy Mayotte, ary nosamborin'ny Zandary any an-toerana. Nofitahina ka noterena hivaro-tena izy ireo, rehefa niantohana ara-bola niala teto Madagasikara... ♦ Handaniana 20 ka hatramin'ny 100 tapitrisa Ariary ny fandefasana mpianatra mandranto fianarana any ivelany amin'izao. Manana vahaolana amin'izany ny orinasa Andafy-Study, izay mahavita mandefa mpianatra malagasy miisa 4000 eo isan-taona...

Lohahevitra : Filira

Ny jijy dia iray amin'ny lahabolana tsimihety sy sakalava, ary ireo no tena miangaly azy. Ny betsimisaraka sy n sihanaka sy ny betsileo dia samy manao jijy daholo ; fitanisana sy fitariavana lavareny no fanaovana azy, entina handokoana zavatra iray. Tsy dia mifanalavitra amin'ny "Sôva" ny endriny saingy ny rafitra sy ny hafaingana no mampiavaka azy roa. Ankoatra ny jijy mifototra amin'ny lohahevitra iray dia misy koa ny jijy mirendra izay tsy voafaritra ny lohahevitra ambarany... Fandaharana "Filira".

Sous-catégories

Malagasy

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...