- Eto izao ianao :
-
Fandraisana
-
Pastôraly
-
Kintan'ny finoana
- All languages
- Atolotr'i Radio Don Bosco
- Lohahevitra : Hono hoy aho Mompera ?
-
Voadika amin'ny fiteny :
Mahakasika ny mpiasa sy ny mpampiasa ny sehtra rehetra : mpivarotra, mpandraharaha, ny tantsaha... Ny Mpampiasa dia manana ny zony manoloana ny mpiasa ; ity farany dia manana andraikitra hamita ny asa nifanarahany tamin'ny mpampiasa, ary mananjo handray karama ara-drariny. Mila fandanjalanjana ny sandan'ny asa nataon'ny olona iray, manan-jo hakaina ny mpiasa. Tsy tokony hifangalatra ny mpiara-belona... Fandaharana "hono hoy aho mopera", eto amin’ny Radio Don Bosco, isaky ny alarobia alina.
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Ny "AVC" dia tsy fahatomombanana tampoky ny fiasan'ny atidoha noho ny fijanonan'ny famatsiana ra ho an'ny atidoha. Ny olona rehetra dia mety ho voakasiky ny "AVC" ; izy ity dia vokatry ny fahatsentsenan'ny lalan-dra na ihany koa mihenjana mafy loatra ny lalan-dra. Ny "AVC" dia misy karazany roa : 1- AVC isquemique (tsentsina ny lalan-dra) ; 2- AVC hemoragique (tena tapaka ny lalan-dra), samy mamela takaitra ireo... Fandaharana "andriano ny fahasalamana" iarahana amin'ny Radio Don Bosco.
- Atolotr'i Miandriniaina Jules
- Lohahevitra : Vaovao
♦ Vonona hanohana an'i Madagasikara hanatsaràna ny famatsiana herinaratra ny Governemanta amerikàna. Nisy ny fivoriana sy fanaovana sonia fiaraha-miasa amin'ny tetik'asa Power Africa... ♦ Tsy mitsaha-mitombo ny Malagasy tratry ny aretina ateraky ny fiakaran'ny tosi-drà amin'izao. Efa misy mpianatra 19 taona ankehitriny no efa tratran'izany, araka ny nambaran'ireo mpitsabo... ♦ Zanaky ny sahirana 320 amin'izao no ampianarina sy omen'ny ONG Tsaramanasoa sakafo antoandro isan'andro. Miantso mpiara-miombon'antoka ity Firaisamonim-pirenena mpiaro ny zon'ny ankizy ity... ♦ Notafihan'i Israel alina ny toby fanamboarana missile iraniana...
- Atolotr'i DIMBINIAINA Tsilavina Jules
- Lohahevitra : Vatsim-panahy
-
Voadika amin'ny fiteny :
Alahady faha-30 mandavantaona — B : mpanelanelana sy mpanasitrana mahay miantra i jesoa kristy ; Izaho no fahazavan’izao tontolo izao, hoy ny Tompo: izay manaraka Ahy no hanana ny fahazavan’ny fiainana. Nanova ny fon'ny olona i Jesoa, ary ny finoana no tena mahasitrana. Jamba ara-panahy isika ka mila mpanasitrana, matevina loatra ny sarona mandrakotra ny fahitana anaty manazava antsika. Saritsarin'Andriamanitra no fahazoantsika an'Andriamanitra izay zary sakana tsy hanompoantsika an'Andriamanitra marina amin'ny fo faly. Ny tena finoana no tena hery mampitsangana hitsena an'i Kristy sy hiara-hiasa amin'ny hafa, tsy olona mibahan-toerana, tsy tia tena fa manao ho zava-dehibe ny antson'Andriamanitra...
- Atolotr'i Miandriniaina Jules
- Lohahevitra : Vaovao
♦ Miatrika fivoriambe isan-taona ireo lehiben'ny fikambanan-drelijiozy lehilahy eto Madagasikara... ♦ Nisy indray ny fihetsiketsehana fanoherana ny fahatapahan-jiro teny Anatihazo Isotry, omaly hariva. Hetsika fanindroany teto Antananarivo, tao anatin'ny telo andro farany... ♦ Fitsabahan'ny Fanjakàna Malagasy any amin'ny CAF ny nambaran'ny Ministry ny Fanatanjahantena fa hanaraka akaiky ny fitoriana momba ny lalaon'ny Barea, hoy ny K2HB... ♦ Tafakatra 1.500 ireo olona namoy ny ainy any Liban hatrizay nipoahan'ny ady eto amin'ity firenena ity sy i Israel, Efa maherin'ny 700.000 hatramin'izao ireo nitsoam-ponenana...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Manampy antsika ny vavaka fiderana, ary ny katesizy dia mamaritra izany. Ny fiderana no endrika vavaka izay manaiky eo no eo mivantana fa Andriamanitra no Andriamanitra. Mihira Azy ho an'ny Tenany ihany ny fiderana, manome voninahitra Azy, ary ambadik'izay ataon'Izy Andriamanitra satria Izy no Izy. Ny fiderana no mandray anjara amin'ny hasambaran'ny fo madio izay mino Azy amin'ny finoana... Katesizy momba ny vavaka fiderana, iarahana amin'i P. Rakotoarisoa Sedera Joseph.
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Noho i Kristy, misy dikany marina ny fahafatesana kristiana "raha ny amiko dia i Kristy no ahavelomako ary, fahafatesana no azahoako tombony" ; teny mahatoky tokoa izao : raha miara maty Aminy isika, hiara-belona Aminy. Ao amin'ny fahafatesana no niantso ny olombelona hakany Aminy Andriamanitra. Tsy manana afa-tsy fotoana voafetra ihany isika ary ny fahafatesana no hahatsiarovantsika izany... Katesizy momba ny vavaka fiderana, iarahana amin'i P. Rakotoarisoa Sedera Joseph.
- Atolotr'i Rasolofo Joelina
- Lohahevitra : Vaovao
♦ Miatrika fivoriambe fanao isan-taona eny amin'ny Masera Filles de la Sagesse Benasandratra, ny lehiben'ny fikambanan-drelijiozy lehilahy eto Madagasikara... ♦ Namoaka ny andiany vaovao misalotra ny anarana TAFARAY androany, ny ivontoerana fanofanana araka asa, Centre de Formation Professionnelle Marie Auxiliatrice, Ivato... ♦ 20 taona nisehatra tamin'ny fanomezana tantsoroka ho an'ny fianakaviana marefo ny fikambanana Kolo Aina...
- Atolotr'i Ravaojason Manitra Malalatiana
- Lohahevitra : Miara-dalana
♦ Nitsodrano manokana ny vahoaka Malagasy ny Papa François, nandritra ny fanatanterahana ny dingana faharoa amin'ny Sinaodin'ny Eveka, tanterahana any Roma nanomboka ny 30 septambra ary hifarana ny 27 ôktôbra 2024... ♦ Miatrika fivoriambe fanao isan-taona eny amin'ny Masera Filles de la Sagesse Benasandratra, ny lehiben'ny fikambanan-drelijiozy lehilahy, eto Madagasikara... ♦ Lalivain'ny hafaliana sy ny fitiavan'ny mpivady, ny Fanahy Masina, hoy ny fampianaran'ny Papa François tamin'ny Audience générale, ny alarobia 23 ôktôbra 2024...
- Atolotr'i Ranaivoarisoa Jean Philippe
- Lohahevitra : Tenin'ny Tompo
2 nôvambra 2024 — Fahatsiroavana ny mpino nody mandry — Avia ianareo, ry nosoavin’ny Raiko, handova ny fanjakana izay voavoatra ho anareo, hatrizay naharina an’izao tontolo izao — Evanjely Masina nosoratan’i Masindahy Joany (Jo. 14, 1-6)
- Atolotr'i Ranaivomanantsoa Harilanto
- Lohahevitra : Fankalazana manetriketrika — Fety — Fahatsiarovana
-
Voadika amin'ny fiteny :
Vakiteny voalohany
Bokin’i Ezekiela Mpaminany (Ez. 47, 1-2. 8-9. 12)
Ary nahita rano nivoaka avy ao an-Tempoly aho, ary velona avokoa izay nalehan’io rano io.
Tamin’izany andro izany,
dia nentin’ny Anjely niverina ho eo amin’ny varavaran’ny trano indray aho.
Ary indro nisy rano nivoaka avy eo ambanin’ny tokonan’ny trano,
amin’ny lafiny atsinanana,
fa mitodika miatsinanana ny anoloan’ny trano;
ka nidina ny rano
avy ao ambanin’ny lafin-trano ankavanana tao atsimon’ny ôtely.
Nentiny nivoaka tamin’ny alo-baravarana avaratra aho,
dia nsainy nanodidina eo ivelany aho
mandra-pahatonga eo amin’ny alo-baravarana ivelany
mitodika miatsinanana;
ka indro ny rano nandeha tamin’ny lafiny ankvanana.
Hoy izy tamiko:
“Ity rano ity
dia mandeha mankany amin’ny faritany atsinanana;
hidina ho any amin’ny tany lemaka
vao hiditra ho ao amin’ny ranomasina;
hoentina mankany amin’ny ranomasina izy,
dia ho tonga mahasalama ny rano.
Ny zava-manana aina mihetsiketsika
any amin’izay alehan’ny ony roa,
na aiza na aiza,
ho velona avokoa,
ka ho be dia be ny hazandrano;
satria raha vao tonga any ity rano ity,
dia ho tonga mahasalama ny ranomasina,
ary hahavelona avokoa izay alehan’ny ony maria.
Eo akaikin’ny ony,
amin’ny morony an-daniny avy,
hisy hazo mamoa isan-karazany haniry,
ka ny raviny tsy mba halazo,
ary ny voany tsy mba hitsahatra.
Hamoa voa vaovao isam-bolana izy,
satria hivoaka avy ao amin’ny fitoerana masina ny ranony;
ny voany ho fihinana tsara
ary ny raviny ho fanasitranana tsara”.
— Izany àry ny tenin’ny Tompo.
Salamo fandinihana
Salamo 45, 2-3. 5-6. 8-9
Ny Tompon’ny Tafika no momba anay, ny Andriamanitr’i Jakôba no Fiarovana-Avonay.
Andriamanitra ny anay no aro sy hery,
hita hatrizay fa mamonjy amin’ny sarotra;
izahay tsy hanahy raha ny tany hihozona,
ny vohitra hihovotra afovoan-dranomasina.
Misy ony mampifaly ny tanànan’Andriamanitra,
ny masina indrindra amin’ny fonenan’ny Avo:
tsy hirona fa Andriamanitra eo anivony
ka hamonjy raha ho avy ny maraina.
Ny Tompon’ny Tafika momba anay;
ny Andriamanitr’i Jakôba: Fiarovana-Avonay!
Tongava hizaha ny asan’ny Tompo,
ny zava-mahagaga vitany eran-tany.
Vakiteny faharoa
Taratasy voalohan’i Masindahy Paoly Apôstôly ho an’ny kristianina tany Kôrinto (1 Kôr. 3, 9b-11. 16-17)
Tempolin’Andriamanitra ianareo.
Ry kristianina havana,
trano arafitr’Andriamanitra ianareo.
Noho ny fahasoavana nomen’Andriamanitra ahy,
dia nanao fanorenana toy ny tompo-marika mahay aho,
ary ny hafa kosa nandrafitra eo amboniny.
Samia anefa mitandrina izay narafiny eo amboniny;
satria tsy misy mahazo manao fanorenana hafa
afa-tsy izay efa vita, dia i Jesoa Kristy.
Tsy fantatrareo va
fa tempolin’Andriamanitra ianareo,
ka mitoetra ao anatinareo ny Fanahin’Andriamanitra?
Koa izay mandrava ny tempolin’Andriamanitra
dia horavan’Andriamanitra kosa,
satria masina ny tempolin’Andriamanitra,
dia ianareo izany.
— Izany àry ny tenin’ny Tompo.
Evanjely
Evanjely Masina nosoratan’i Masindahy Joany (Jo. 2, 13-22)
Ny Vatany no Tempoly nolazainy.
Nony akaiky ny Pakan’ny Jody
dia niakatra tany Jerosalema i Jesoa.
Ary hitany tao anatin’ny Tempoly
ny mpivarotra omby aman’ondry sy voromahailala
ary ny mpanakalo vola nipetraka tao,
ka nanao kotopia tamin’ny tady madinika Izy,
dia nandroaka azy rehetra mbamin’ny omby aman’ondry
hiala amin’ny Tempoly;
nararany ny volan’ny mpanakalo vola,
nazerany ny latabatra,
ary hoy Izy tamin’izay nivaro-boromahailala:
“Esory eto ireo,
fa aza ataonareo trano fivarotana ny tranon’ny Raiko”.
Dia tsaroan’ny mpianany fa efa voasoratra hoe:
Ny fitiavako ny tranonao no maharìtra ny aiko.
Fa niteny koa ny Jody ka nanao taminy hoe:
“Inona no famantarana asehonao aminay
no manao toy izao Ianao?”
Dia namaly azy i Jesoa nanao hoe:
“Ravao ity Tempoly ity,
fa hatsangako indray amin’ny hateloana”.
Ka hoy ny Jody:
“Enina amby efapolo taona
no nanaovana ity Tempoly ity,
ka Ianao ve dia hanangana azy indray
amin’ny hateloana e?”
Ny Vatany anefa no Tempoly nolazainy.
Ary nony tafatsangan-ko velona Izy,
dia tsaroan’ny mpianany fa voalazany izany,
ka nino ny Soratra Masina
sy ny teny voalazan’i Jesoa izy ireo.
— Izany àry ny tenin’ny Tompo.
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Taratasin’i Masindahy Paoly Apôstôly ho an’ny kristianina tany Filipy (Fil. 3, 17 — 4, 1)
Miandry Mpamonjy izay hanova ity vatantsika mora simba ity isika, hampitovy endrika azy amin’ny vatany be voninahitra.
Ry kristianina havana, makà tahaka ahy ianareo;
ary diniho ireo mandeha araka ny ohatra hitany taminay.
Voalazako taminareo matetika, sady mbola lazaiko amin-dranomaso koa ankehitriny,
fa maro no mandeha miseho ho fahavalon’ny Hazofijalian’i Jesoa Kristy mihitsy.
Fahaverezana no hiafaran’ireny, fa ny kibony no andriamaniny,
ny tokony hampahamenatra azy no ireharehany,
ny zavatry ny tany no hany ankamamìny.
Fa isika kosa dia any an-danitra no fanjakantsika,
ary avy any koa no iandrasantsika Mpamonjy, dia i Jesoa Kristy Tompontsika,
izay hanova ity vatantsika tsinontsinona ity,
ka hampitovy endrika azy amin’ny vatany be voninahitra,
araka ny herin’ny fahefana nampanekeny Azy ny zavatra rehetra.
Koa amin’izany, ry kristianina havako, mamiko indrindra, fifaliako aman-tsatro-boninahitro,
mahareta tsara ao amin’ny Tompo araka izany.
— Izany àry ny tenin’ny Tompo.
Setriny
Salamo 121, 1-2. 3-4a. 4b-5
Faly aho nilazana hoe: Andao ho any an-tranon’ny Tompo.
Hafaliana no nanenika ny tenako rehetra.
Nilazana fa hizotra any an-tranon’Izy Tompo.
Indro tonga soa ’zahay tapitr’eto re ny dia.
Eto am-bavahadinao, ry Siôna tsara rindra.
Ao no niakaran’ireo foko, dia ny fokon’Izy Tompo.
Ao ny Anaran’Izy Tompo no derain’i Israely.
Fiketraham-pitsarana no mijoro anatiny ao.
Ary miorina ao anivony ao ny tranon’i Davida.
Evanjely
Aleloia. Aleloia.
Sokafy, ry Tompo, ny fonay mba hitandremanay ny tenin-Janakao.
Aleloia.
Evanjely Masina nosoratan’i Masindahy Lioka (Lk. 16, 1-8)
Hendrihendry kokoa ny zanak’izao tontolo izao amin’izy samy izy, noho ny zanaky ny fahazavana.
Tamin’izany andro izany, i Jesoa niteny tamin’ny mpianany nanao hoe:
“Nisy lehilahy mpanan-karena anankiray nanana mpitandrim-pananana
izay nampangain’ny olona taminy fa nandany ny fananany.
Dia nantsoiny izy ka nilazany hoe:
‘Ahoana izany fandrenesako anao izany?
Avoahy kely hoe ny fitandremanao,
fa amin’ny sisa dia tsy hahazo miadidy ny fananako intsony ianao.’
Tamin’izay ilay mpitandrina dia nanao anakampo hoe:
‘Inona re no hataoko,
fa esorin’ny tompoko amin’ny fitandremana ny fananany aho ity?
Ny miasa tany moa tsy vitako, ny mangataka indray mahamenatra ahy.
Aoka fa fantatro izay hataoko,
mba handraisan’ny olona ahy any an-tranony rahefa esorina amin’ny raharahako aho.’
Dia nampanalainy tsirairay izay rehetra nitrosa tamin’ny tompony,
ka hoy izy tamin’ny voalohany:
‘Ananan’ny tompoko hoatrinona ianao?’
Dia hoy io:
‘Diloilo injaton’ny barika.’
Dia hoy ilay mpitandrina taminy:
‘Raiso ny taratasinao, ary mipetraha ka soraty haingana dimampolo.’
Dia hoy indray izy tamin’ny anankiray:
‘Hoatrinona kosa ny trosa aminao?’
Hoy io hoe:
‘Vary injaton’ny famarana.’
Dia hoy ilay mpitandrina:
‘Raiso ny taratasinao, ka soraty valopolo.’
Noderain’ny tompony ilay mpitandrina tsy marina satria nampiseho hafetsena,
fa hendrihendry kokoa ny zanak’izao tontolo izao amin’izy samy izy
noho ny zanaky ny fahazavana.”
— Izany àry ny tenin’ny Tompo.
Sous-catégories
[Miara-dàlana] Zoma 22 nôvambra 2024
- Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
- Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
- Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco