Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky Fahendrena (Fah. 17, 7-11)

Nataoko tsy misy vidiny ny harena miolotra amin’ny fahendrena.

Nivavaka aho, ka nomena ahy ny fahiratan-tsaina;
niantso aho, ka tonga tamiko ny Fanahy Fahendrena.
Naleoko izany, toy izay tehim-panjakana aman-tsatro-boninahitra;
ary nataoko tsy misy vidiny ny harena, miolotra amin’izany.
Tsy nampitovìko taminy, ny vato saro-bidy indrindra;
fa fasika kely ihany ny volamena rehetra amin’izao tontolo izao miolotra aminy,
ary tsy maintsy ho fotaka ihany ny volafotsy mitaha aminy.
Tiako noho ny hasalamana aman-katsaran-tarehy izy;
naleoko manana azy, toy izay manana ny fahazavana,
satria tsy mba maty na oviana na oviana ny fanilony.
Tonga tamiko miaraka aminy ny soa rehetra;
ary harena tsy hita lany, no eo an-tanany.

— Izany àry ny tenin’ny Tompo.

Salamo fandinihana

Sal. 89, 12-13. 14-15. 16-17

Hetsaho amin’ny hatsaram-ponao izahay ka hihoby sy hifaly.

Asehoy ny tokony ho fanisanay ny andronay,
dia mba hisy fahendrena ao am-ponay.
Miverena, Tompo ô! — Mandra-pahoviana?
Aoka Ianao hilefaka amin’ny olonao!

Hetsaho faingana amin’ny fitiavanao izahay,
ka hihoby sy hifaly amin’ny andronay sisa.
Araka ny taona sy ny andro nanasazianao
no aoka hampifalianao anay.

Asehoy ny mpanomponao ny asanao;
ny voninahitrao asehoy ny zanany.
Tongava ao aminay ny hamamian’ny Tompo!
Hamafiso ny asan’ny tananao!

Vakiteny faharoa

Taratasy ho an’ny kristianina Hebrio (Heb. 4, 12-13)

Fantatry ny tenin’Andriamanitra mazava ny fieritreretana amam-pisainan’ny fo.

Ry kristianina havana, velona sy mahery ny tenin’Andriamanitra,
ka maranitra noho ny sabatra roa lela,
maninteraka ny fiavahan’ny aina sy ny fanahy, ary ny famavàny sy ny tsoka aza;
fantany mazava ny fieritreretana amam-pisainan’ny fo.
Tsy misy zava-boaary miafina eo anatrehan’Andriamanitra,
fa mihanjahanja sy miharihary eo imason’Izy hampamoaka antsika,
ny zavatra rehetra.

— Izany àry ny tenin’ny Tompo.

Evanjely

Aleloia. Aleloia.

Hataoko hoe sakaiza ianareo, hoy ny Tompo, satria efa nambarako taminareo avokoa izay rehetra reko tamin’ny Raiko.

Aleloia.

Evanjely Masina nosoratan’i Masindahy Marka (Mk. 10, 17-30)

Amidio ny fanananao rehetra, ary avia manaraka Ahy.

Tamin’izany andro izany, nony nivoaka handeha i Jesoa,
dia nisy lehilahy anankiray nidodododo nandohalika teo anatrehany,
ka nanontany Azy hoe:

“Ry Mpampianatra tsara ô,
inona no hataoko hahazoako ny fiainana mandrakizay?”

Ary hoy i Jesoa taminy:

“Nahoana no ataonao hoe tsara aho?
Tsy misy tsara afa-tsy Andriamanitra irery.
Fantatrao ny didy hoe:
Aza mijangajanga,
aza mamono olona,
aza mangalatra,
aza mety ho vavolombelona tsy marina,
aza manambaka,
manajà ny rainao aman-dreninao”.

Dia hoy ny navaliny Azy:

“Mpampianatra ô,
hatry ny fony kely aho no efa nitandrina izany rehetra izany”.

Ary nijery azy i Jesoa, dia tia azy ka nanao taminy hoe:

“Zavatra iray loha no tsy ampy aminao:
mandehana, amidio ny fanananao rehetra ka omeo ny mahantra,
dia hanan-drakitra any an-danitra ianao,
ary raha efa izany dia avia hanaraka Ahy”.

Nampahory azy izany teny izany satria nanan-karena be izy,
ka niala tamin’alahelo.
Ary nijerijery manodidina i Jesoa ka nanao tamin’ny mpianany hoe:

“Akory ny hasarotry ny hidiran’ny mpanan-karena amin’ny Fanjakan’Andriamanitra!”

Nony gaga tamin’izany teny izany ny mpianany,
dia hoy indray i Jesoa taminy:

“Sarotra, anaka, ny hidiran’izay miankina amin’ny harena amin’ny Fanjakan’Andriamanitra.
Moramora kokoa ny hidiran’ny rameva amin’ny vodifanjaitra
noho ny hidiran’ny mpanan-karena amin’ny Fanjakan’Andriamanitra”.

Vao mainka gaga izy ireo ka nifampilaza hoe:

“Iza àry no mety ho voavonjy?”

Fa nojeren’i Jesoa izy ka nilazany hoe:

“Amin’ny olombelona zava-tsy vitany izany;
tsy mba toy izany amin’Andriamanitra,
satria mahavita ny zavatra rehetra Andriamanitra”.

Ary hoy i Piera taminy:

“Indro izahay efa nahafoy ny zavatra rehetra ka nanaraka Anao”.

Dia hoy ny navalin’i Jesoa azy:

“Lazaiko marina aminareo fa tsy misy olona mahafoy trano,
na rahalahy, na anabavy, na ray, na reny, na zanaka, na tany
noho ny fitiavany Ahy sy ny Evanjely,
ka tsy hahazo zato heny ankehitriny amin’ity fiainana ity,
dia trano, rahalahy, anabavy, ray, reny, zanaka, tany,
na dia ao anatin’ny fanenjehana aza,
ary ny fiainana mandrakizay any amin’ny ho avy”.

— Izany àry ny tenin’ny Tompo.

Lohahevitra : Vaovao

♦ Notsipahan'Andriamatoa Siteny Randrianasoloniaiko ny firotsahan-kofidian'Andriamatoa Rivo Rakotovao ho ben'ny Tanàna ao Mahajanga-I, amin'ny anaran'ny vovonana Firaisan-kina. Nametraka fitoriana teny amin'ny CENI izy ny faran'ny herinandro teo... ♦ Atsy amin'ny nosy Maorisy ny filohan'ny repoblika Andry Rajoelina, hanatrika ny lanonam-pianianan'ny sekretera jeneralin'ny Vaomieran'ny Ranomasimbe Indiana vaovao Edgard Razafindravahy hotanterahana anio izy... ♦ Nomarihana ny sabotsy 28 septambra teo ny andro eran-tany iadiana amin'ny haromontana. Aretina mbola mamono olona am-polony maro eto Madagasikara vokatry ny kaikitry ny alika mararain'ny haromontana...

Lohahevitra : Vaovao

♦Olan'ny famatsiana rano sy herinatra : Miha mitombo hatrany ireo toerana sy faritra hanaovan'ny mponina hetsika fanoherana ao Antananarivo-Renivohitra... ♦ Tsy nisy afa-tsy 17% ny vohoakan'Antananarivo renivohitra no nahavita nandoa ny hetrany tamin'ny taona 2021, nahatratra 3.000 mahery ireo fitarainana sy fangatahana fanitsiana hetra voarain'ny Kaominina... ♦ Antony faharoa hanatonan'ny olona ny toeram-pahasalamana ary aretina fahatelo mahatonga fahafatesana eto Madagasikara ny tazo moka... ♦ Any Gaza : 2 taona nisesy izao no niaina taona fotsy ireo mpianatra Palestiniana, mandranto fianarana amin'ny fampiasana teknolojia ampitain-davitra voakatr'izany ireo ankizy...

Lohahevitra : Vaovao

♦Olan'ny famatsiana rano sy herinatra : Miha mitombo hatrany ireo toerana sy faritra hanaovan'ny mponina hetsika fanoherana ao Antananarivo-Renivohitra... ♦ Tsy nisy afa-tsy 17% ny vohoakan'Antananarivo renivohitra no nahavita nandoa ny hetrany tamin'ny taona 2021, nahatratra 3.000 mahery ireo fitarainana sy fangatahana fanitsiana hetra voarain'ny Kaominina... ♦ Antony faharoa hanatonan'ny olona ny toeram-pahasalamana ary aretina fahatelo mahatonga fahafatesana eto Madagasikara ny tazo moka... ♦ Any Gaza : 2 taona nisesy izao no niaina taona fotsy ireo mpianatra Palestiniana, mandranto fianarana amin'ny fampiasana teknolojia ampitain-davitra voakatr'izany ireo ankizy...

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Alahady faha-26 mandavantaona - B : Iza avy no tena an'i Kristy ; Sokafy ny fonay, ry Tompo, mba hitandremanay ny tenin’ny Zanakao. Ny vahoaka rehetra no tokony ho mpaminany, mitondra ny tenin'Andriamanitra. Raha tsy isika fa olon-kafa no mahita hevitra hampandrosoana ny fiangonana, mialona ve isika sa sambatra? Aoka tsy ny tombontsoa no hibahana amin'ny fanapahan-kevitra amin'ny fampandrosoana ny finoana. Tsy ny vola aman-karena no miantoka ny fahasambarana marina ; ilaina ny vola fa atao hanampy izy ireny fa tsy tanjona izay mety hatakona ny hafa sy Andriamanitra. Azo atao ny mampiasa ny harena hanompoana ny hafa, ary mitondra amin'ny fahasambarana marina...

Lohahevitra : Vaovao

♦ Fifidianana ben'ny tanàna sy mpanolontsaina : Naharaisana taratasy firotsahan-kofidiana avokoa ny kaominina 1.695, ny alatsinainy 30 septambra no hamoaka ny lisitra vonjimaikan'ireo kandidà ny OVEC manerana ny nosy... ♦ Olan'ny vokam-panadinana bakalôrea tany Toamasina : Nandray fepetra hiantso ireo mpiadina afaka tamin'ny alalan'ny "délibération" nefa tsy voasoratra tao anatin'ny peta-drindrin'ny "université" ny sampandraharaha misahana ny fanadinana bakalôrea any an-toerana...  ♦ Nahazo tohana tamin'ilay fandaharan'asa Business Linkage Program vatsian'ny Banky Afrikana ho an'ny fampandrosoana ny orinasa madinika sy salatsalany miisa 300 avy amin'ny Faritra 18 teto Madagasikara...

Lohahevitra : Vaovao

♦ Tsy afaka mirotsaka ho Ben'ny Tanàna any Fianarantsoa, ny Filohan'ny Antenimieram-pirenena teo aloha, Christine Razanamahasoa... ♦ Fampiroboroboana ny dinika sôsialy eny anivon'ny orinasa, no niadian-kevitra sy nasongadina, nandritra ny fanamarihana ny andro natokana ho an'ny Ivom-pirenena momba ny asa... ♦ Niadian-kevitra an-databatra boribory, niarahan'ny CREA sy ny Ivontoerana fikarohana ho an'ny fampandrosoana eo anivon'ny Université Catholique de Madagascar, ny fanomezan-danja ny maha olona...

Lohahevitra : Miara-dalana

♦ Hateloana andro izao no nankalazana ny fetin'i Masindahy Vincent de Paul, ho an'ny Diôsezin'i Tolagnaro, nanomboka ny 25 septambra 2024... ♦ Nandresy ny demony i Kristy ary nanome antsika ny Fanahy Masina, mba handresentsika toa azy koa. Io no hevi-dehibe nifantohan'ny Papa François nandritra ny fampianarany tamin'ny Audience générale, ny 25 septambra 2024... ♦ Nanentana ny hisian'ny fiaraha-miasa sy ny firaisan-kinan'ny firenena ny Papa François, tamin'ny Fitsidihana apôstôlika ivelan'i Roma, andiany faha-46, nataony tany Luxembourg...

Lohahevitra : Vaovao

♦ Antontan-taratasy firotsahan-ko fidian'ny Ben'ny Tanàna amperin'asa, Andriambolanarivo Parisoa ihany, no voarain'ny OVEC ho an'ny Kaominina Imerintsiatosika... ♦ Zara raha manondrana ny ampahafolon'ny vokatra trondro azo avy amin'ny jono i Madagasikara, isan-taona... ♦ Mbola misedra olana amin'ny fisitrahana rano madio fisotro sy toeram-pivoahana sy fidiovana ny any ambanivohitra...

Lohahevitra : Vaovao

♦ Miisa fito ireo nandrotsaka antontan-taratasy firotsahan-ko fidiana ho Ben'ny Tanàna ao amin'ny Kaominina Antananarivo Renivohitra. Enin-dahy sy vavy tokana... ♦ Tsy isan'ireo hifaninana ary tsy hanohana kandidà amin'ny fifidianana Ben'ny Tanàna ao Antananarivo Renivohitra Ramatoa Rakotomnaga Rinah... ♦ Mbola tsy anio no hifarana ny fahatapahan-jiro mifandimby ho an'ny Tambajotra Iraisan'Antananarivo. Mitombo hatrany koa ireo faritra manao hetsika maneho tsy fahafaliana amin'ny tsy fisian-jiro sy rano...

Lohahevitra : Vaovao

♦ Entina amin'izao vaovao izao ny akon'ny fametrahana antontan-taratasy firotsahan-ko fidiana Ben'ny Tanàna, ho an'ny Kaominina Antananarivo Renivohitra... ♦ Ny 89,32%-n'ny kaominina no manana kandidà, hoy ny tatitry ny CENI. Ny kandidà nirotsaka amin'ny tsy miankina no maro an'isa: miisa 1.542 izy ireo... ♦ Tra-tehaka ihany rehefa notadiavina tao anatin'ny telo taona, ny tompony sy kaomandan'ny sambo M/S Francia III, izay nahafaty mpandeha 88...

Lohahevitra : Vaovao

♦ Nanatitra ny antontan-taratasy amin'ny firotsahan-kofidiana teny amin'ny OVEC Isotry androany Andriamatoa Tahina Razafinjoelina, mitarika ny lisitra Tia Tanindrazana amin'ny fifidianana Ben'ny tanàna ao Antananarivo-renivohitra... ♦ Hisitraka tohana amin'ny lafiny fahasalamana sy ny fampianarana ary tohana amin'ny fitsinjovana ny voina ateraky ny loza voajanahary ireo EPP anatin'ny boriborin-tany miisa telo ao Antananarivo-renivohitra... ♦ Mankalaza ny faha-35 taona nijoroany ny Vovonam-pikambanana Fampivoarana ny Tantsaha na ny FIFATA. Maherin'ny 3.000 isa ireo tantsaha mivondrona ao aminy mihaona sy mifanakalo traik'efa ao Antsirabe...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...