Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 19 mey 2021

Tamin’izany andro izany, i Piera nanao tamin’i Jesoa hoe: "Indro izahay efa nahafoy ny zavatra rehetra ka nanaraka Anao." Dia hoy ny navalin’i Jesoa azy: "Lazaiko marina aminareo fa tsy misy olona mahafoy trano, na rahalahy, na anabavy, na ray, na reny, na zanaka, na tany noho ny fitiavany Ahy sy ny Evanjely, ka tsy hahazo zato heny ankehitriny amin’itý fiainana itý, dia trano, rahalahy, anabavy, reny, zanaka, tany, na dia ao anatin’ny fanenjehana aza, ary ny fiainana mandrakizay any amin’ny ho avy. Fa maro amin’izay farany no ho voalohany, ary amin’izay voalohany no ho farany."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 19 mey 2021

Ary nitsangana teo akaikin'ny hazo fijalian'i Jesoa ny reniny sy ny rahavavin-dreniny, dia Maria vadin'i Kleofasy, ary Maria Madelena. Nony hitan'i Jesoa ny reniny sy ilay mpianany malalany nitsangana teo akaikiny, dia hoy izy tamin-dreniny: Ravehivavy, indro ny zanakao. Ary hoy koa izy tamin'ilay mpianatra: Indro ny reninao. Ka hatramin'izay dia noraisin'ilay mpianatra ho any aminy izy. Nony afaka izany, dia fantatr'i Jesoa fa efa tanteraka ny zavatra rehetra, ka hoy izy mba hahatanteraka ny Soratra Masina: Mangetaheta aho. Ary nisy bakoly feno vinaingitra kosa teo, ka nalaina ny sponjy novontosana vinaingitra, sy notohizana tamin'ny hazo hisopy, dia natohoka teo am-bavany. Vao nanandrana ny vinaingitra izy dia nanao hoe: Tanteraka ny zavatra rehetra. Dia nanondrika ny lohany izy ka niala aina.

Ary andro fiomanana tamin'izay, ka nangataka tamin'i Pilaty ny Jody mba hotapahina ny ranjon'izy ireo, dia hoesorina, mba tsy hisy faty mihantona amin'ny hazo fijaliana amin'ny andro sabata (fa andro lehibe izany sabata izany). Dia tonga ny miaramila ka nanapaka ny ranjon'ny voalohany sy ny an'ilay anankiray niara-nofantsihana taminy koa; fa nony nankeo amin'i Jesoa izy ireo, dia hitany fa efa maty sahady izy, ka tsy mba notapahiny ny ranjony. Fa nolefonin'ny miaramila anankiray kosa ny lanivoany, ka nisy ra sy rano nivoaka niaraka tamin'izay.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 19 mey 2021

Tamin’izany andro izany, nony nivoaka handeha i Jesoa, dia nisy lehilahy nidodododo nandohalika teo anatrehany ka nanontany Azy hoe: "Ry Mpampianatra tsara ô, inona no hataoko hahazoako ny fiainana mandrakizay?" ary hoy i Jesoa taminy: "Nahoana no ataonao hoe tsara Aho? Tsy misy tsara afa-tsy Andriamanitra irery. Fantatrao ny didy hoe: Aza mijangajanga; aza mamono olona; aza mangalatra; aza mety ho vavolombelona tsy marina; aza manambaka; manajà ny rainao aman-dreninao." Dia hoy ny navaliny Azy: "Ry Mpampianatra ô, hatra ny fony kely aho no efa nitandrina izany rehetra izany." Ary nijery azy i Jesoa, dia tia azy ka nanao taminy hoe: "Zavatra iray loha no tsy ampy aminao: mandehana, amidio ny fanananao rehetra ka omeo ny mahantra, dia hanan-drakitra any an-danitra ianao, ary rahefa izany dia avia hanaraka Ahy." Nampahory azy izany teny izany fa nanan-karena be izy, ka niala tamin’alahelo. Ary nijerijery nanodidina i Jesoa ka nanao tamin’ny mpianany hoe: "Akory ny hasarotry ny hidiran’ny mpanan-karena amin’ny Fanjakan’Andriamanitra!" Nony gaga tamin’izany teny izany ny mpianany, dia hoy indray i Jesoa taminy: "Sarotra, anaka, ny hidiran’izay miankina amin’ny harena amin’ny Fanjakan’Andriamanitra. Moramora kokoa ny hidiran’ny rameva amin’ny vodifanjaitra noho ny hidiran’ny mpanan-karena amin’ny Fanjakan’Andriamanitra." Vao mainka gaga izy ireo ka nifampilaza hoe: "Iza àry no mety ho voavonjy?" Fa nojeren’i Jesoa izy ka nilazany hoe: "Amin’ny olombelona, zava-tsy vitany izany; tsy mba toy izany amin’Andriamanitra, satria mahavita ny zavatra rehetra Andriamanitra."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 19 mey 2021

Tamin’izany andro izany i Jesoa nilaza tamin’ny mpianany hoe: "Rehefa tonga ny Mpanafaka alahelo, Izay hirahiko aminareo avy amin’ny Ray, dia Izy no hanambara Ahy. Ary ianareo koa hanambara, satria teo amiko hatramin’ny voalohany ianareo... Mbola manan-javatra betsaka holazaina aminareo Aho, nefa tsy zakanareo ankehitriny; fa rehefa tonga ny Fanahy fahamarinana, dia Izy no hitari-dalana anareo amin’ny marina rehetra, satria tsy hiteny ho Azy Izy, fa izay rehetra ho reny no holazainy, ary ny zavatra ho avy no hambarany aminareo. Hanome voninahitra Ahy Izy, satria handray ny avy amiko, ka hanambara izany aminareo. Ahy izay rehetra ananan’ny Raiko; ka izany no nanaovako hoe: Handray ny avy amiko Izy, ka hanambara izany aminareo. Rehefa afaka kelikely dia tsy hahita Ahy intsony ianareo; ary rehefa afaka kelikely indray dia hahita Ahy ianareo, satria mankany amin’ny Ray Aho.

Atolotr'i Radio Don Bosco

Lohahevitra : Tontolo meva

Voadika amin'ny fiteny :   

Naseho ny : 20 mey 2021

♦ Sehatr'asan'ny fikambanana Graine de vie ny fikajiana ny tontolo iainana. Fikambanana tsy miankina amin'ny fanjakàna miezaka amin'ny fampiroboroboana ny fambolen-kazo eto Madagasikara. Amin'ny alalan'ny fizaràna zana-kazo sy masomboly maimaimpoana no hanatanterahany ny vinany, 10 taona izao... ♦ Ny Babakoto na Amboanala : Iray amin'ireo varika mampiavaka an'i Madagasikara, milanja 6kg hatramin'ny 9,5kg izy ary miloko mainty sy fotsy ny vatany... 

Tohiny...

Atolotr'i Radio Don Bosco

Lohahevitra : Vaovao

Naseho ny : 19 mey 2021

♦ Mbola mitàna ny laharana fahaefatra amin'ireo aretina voasokajy ho mahafaty indrindra eny anivon'ny hopitaly ny tazomoka eto Madagasikara... ♦ Ho vita amin'ny herinandro ambony ny fanitarana ny toby famokarana rano eny Mandroseza... ♦ Soso-kevitry ny ministry ny atitany ny hanaovana ny fifanatrehan'ny mpikamban'ny governemanta sy ny solombavambahoaka amin'ny alalan'ny viséo-conférence... 

Tohiny...

Atolotr'i Ralison Raphaël Eugène

Lohahevitra : Tenin'ny Tompo

Voadika amin'ny fiteny :      

Naseho ny : 22 mey 2021

Sabotsy 22 mey 2021 — Herinandro fahafito fankalazana ny Paka — Hirahiko ho eo aminareo ny Fanahin’ny Fahamarinana, hoy ny Tompo; Izy no hitari-dalana anareo amin’ny marina rehetra — Evanjely Masina nosoratan'i Masindahy Joany 21, 20-25

Tohiny...

Atolotr'i Ralison Raphaël Eugène

Lohahevitra : Tenin'ny Tompo

Naseho ny : 21 mey 2021

Zoma 21 mey 2021 — Herinandro fahafito fankalazana ny Paka — Mandehana, mampianara ny firenena rehetra. Indro Aho eo aminareo ambara-pahatapitr’izao tontolo izao — Evanjely Masina nosoratan'i Masindahy Joany 21, 15-19

Tohiny...

Atolotr'i Ralison Raphaël Eugène

Lohahevitra : Tenin'ny Tompo

Naseho ny : 20 mey 2021

Alakamisy 20 mey 2021 — Herinandro fahafito fankalazana ny Paka — Raha niara-nitsangana tamin’i Kristy ianareo, dia ny zavatra any ambony amin’izay itoeran’i Kristy eo ankavanan’Andriamanitra no katsaho — Evanjely Masina nosoratan'i Masindahy Joany 17, 20-26

Tohiny...

Atolotr'i Radio Don Bosco

Lohahevitra : Vaovao

Naseho ny : 19 mey 2021

♦ Natomboka omaly ny fanaovanam-baksiny Covid-19 ho an'ny andian-taona manaraka afaka misitraka izany,ato amin'ny faritra Analamanga, dia ireo maherin'ny 60 taona... ♦ Hofidian'ireo solombavambahoaka amin'ny 26 Mey izao ny filohan'ny vaomiera miandraikitra ny fandinihana ireo fangatahana fampiatoana ny fitanana am-ponja ny solombavambahoaka... ♦ Judo Afrikana : Andriamatoa Siteny Andrianasoloniaiko no lany ho filohan'ny UAJ... 

Tohiny...

Atolotr'i Radio Don Bosco

Lohahevitra : Vaovao

Naseho ny : 18 mey 2021

♦ Natomboka androany ny andian-taona manaraka afaka misitraka ny vakisinin'ny Covid-19 eto amin'ny Faritra Analamanga, dia ireo zokiolona maherin'ny 60 taona... ♦ Ny 94,66%-n'ireo olona mararin'ny Covid-19 no efa sitrana teto Madagasikara. Ny 1,73% kosa no namoy ny ainy, araka ny antontan'isa nivoaka androany...

Tohiny...

Atolotr'i Radio Don Bosco

Lohahevitra : Vaovao

Naseho ny : 18 mey 2021

♦ Ahitàna filaharam-ben'ireo manan-draharaha nanomboka omaly eny amin'ny fitsaràna Anosy, taorian'ny fiverenan'ny asa ao amin'ny sampana firaiketan-draharaha... ♦ Nankatoavin'ny HCC ho mifanaraka amin'ny Lalam-panorenana ilay tolo-pehin-kevitra momba ny fitsipika anatiny manokana ampiharina eo anivon'ny Antenimieram-pirenena... ♦ kajikajy politika sy fanitsakitsahana lalam-panorenana ny mbola nanolorana tolo-dalàna vaovao mifehy ny mpanohitra... 

Tohiny...