Atolotr'i Radio Don Bosco

Lohahevitra : Vaovao

Naseho ny : 25 marsa 2024

♦ Tsy niandry ela ny valin-kafatra avy amin'ny solombavambahoaka IRD izay mitaky ny fandraisana andraikitra amin-dRamatoa Razanamahasoa Christine filohan'ny antenimieram-pirenena... ♦ Mbola maro ireo fepetra tsy voahaja hahafahana miroso amin'ny fifidianana tena lavitry ny herisetra raha ny zava-misy ankehitriny hoy ny tamba-jotra misoroka ny fifandirana amin'ny fifidianana na ny ROPE... ♦ Misedra olana goavana ny mpiasa malagasy hoy ny eo anivon'ny Valaben'ny Sendikan'ny mpiasa malagasy na ny SSM... ♦ Natokan'ny fitondrana rosiana ho andro fisaonana omaly alahady taorian'ilay asa fampihorohoroana nitranga tao Moscou...

Tohiny...

Atolotr'i Radio Don Bosco

Lohahevitra : Vaovao

Naseho ny : 25 marsa 2024

♦ Nanaporofo ny fisarahan-dalana eo aminy sy ny fitondrana ankehitriny ny filohan'ny antenimieram-pirenena Christine Razanamahasoa. Milaza ho vonona sy hijoro ho vahaolana ny tenany saingy mbola tsy namaritra mazava ny dingana ho atao amin'izany... ♦ Miala sasatra noho ny fiatrehana ny herinandro Masina hidirana any amin'ny Paka ny sekoly katôlika eto Madagasikara raha toa ka manohy ny fianarana toy ny mahazatra ny sekolim-panjakàna... ♦ Iniana tsy resahana fa antony iray mampirongatra ny fanolanana ny fahantrana. Misy ireo ray aman-dreny manao sorona ny zanany raha ny fanadihadiana nataon'ny mpanao gazety Rina Raymond... ♦ Nahatsiaro am-bavaka ireo olona 137 maty tao Moscou ny Papa François...

Tohiny...

Atolotr'i Radio Don Bosco

Lohahevitra : Vaovao

Naseho ny : 23 marsa 2024

♦ Miantso ny hery velona sy ny ankolafi-politika tsy ankanavaka hanatrika ilay fihaonana hatao eny Tsimbazaza anio ny filohan'ny antenimieram-pirenena. Fihaonana hanehoana ny olana eto amin'ny Firenena sady hikatsahana vahaolana momba izany... ♦ Natomboka tamin'ny fomba ôfisialy omaly ny amin'ny fampirantiana eny amin'ny zaridainan'Anosy ny fahatsiarovana ny tolom-panafahana ny 29 marsa 1947... ♦ Nivory omaly sendikan'ny Mpiraki-draharaham-panjakàna eto Madagasikara. Herinandro no omen'izy ireo ny fitondrana hamaliana ny fitakiana, raha tsy izany handray fepetra amin'ny tohin'ny tolona izy ireo... ♦ Notafihin'ny kômandô mitam-piadiana alina ny efitrano fijerena fampisehoana iray tao Moscou any Rosia, maro ny maty...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 25 marsa 2024

Raran'ny fiangonana ny fanalan-jaza satria eloka mamoafady tokoa. Hoy ny Papa Joany faha-II : Fikorontanan-tsaina lehibe ny fanalan-jaza hiniana atao ho toy ny tanjona na toy ny fomba enti-manao satria mamono an-tsitra-po ny olona tsy manan-tsiny. Heloka bevava mitarika tsy fahazoana mandray Sakramenta ny fanalan-jaza na ny firaisana tsikombakomba amin'ny fanaovana izany. Katesizy momba ny fanalan-jaza, iarahana amin'i P. Sedera Joseph Rakotoarisoa. 

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 24 marsa 2024

Tsy mora ny manala zaza sady misy fiantraikany ratsy amin'ny tenan'ilay reny manao ilay fanalan-jaza. Misy ratra anaty tranon-jaza rehefa iharan'ny fanalan-jaza, miteraka tsy fahasalamana ho an'ilay reny manala zaza io fihetsika io. Fanomezana avy amin'Andriamanitra ny aina, raha vao miforona ao an-kibo. Niavaka ny fitiavan'i Jesoa ny ankizy sy ny zaza araka izay voalaza hoe : avelao ny zaza hanatona Ahy fa aza raranareo. Katesizy momba ny fanalan-jaza, iarahana amin'i P. Sedera Joseph Rakotoarisoa. 

Tohiny...

Atolotr'i DIMBINIAINA Tsilavina Jules

Lohahevitra : Vaovao

Naseho ny : 23 marsa 2024

♦ Manamarika ny andro iraisam-pirenena ho an'ny famantarana ny toetry ny andro isika eto Madagasikara. Hifarana anio ny hetsika natokana anamarihana izany eny amin'ny Lapan'ny Tanàna Analakely... ♦ Haparitaka eny amin'ny tantsaha ilay karazam-bary Mavitrika vokatry ny fikarohana nataon'ny manam-pahaizana teto Madagasikara sy tany ivelany. Misy ny paik'ady momba izany hoy ny tompon'andraikitra... ♦ Notolorana fankasitrahana ireo mpianatra teny Japoney mendrika teny amin'ny Oniversite an'Antananarivo. Tsy ampy nefa ny mpampianatra... ♦ Notsipahan'ny rosianina sy ny sinoa tamin'ny alalan'ny didy tsy azo ivalozana ny volavolan-kevitra naroson'i Etazonia, mitaky ny hampihtoana ny ady any Gaza...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 23 marsa 2024

Ny raboka dia mbola misy ary betsaka ny olona matin'ity aretina ity. Ny raboka dia misy foana mandavantaona, avy amin'ny fidiran'ny otrik'atetina BK no iavian'ny aretina. Misy ny karazanà raboka mpahazo ny olona ary misy ireo mankarary ny omby. Ny avokavoka no tena taova matetika tafian'ity aretina ity. Mifindra amin'ny alalan'ny piti-drora, na rehoky ny marary. Ny fihotrehany ao amin'ny olona dia 4 hatrmin'ny 12 herinandro. Fandaharana "andriano ny fahasalamana" iarahana amin'ny Radio Don Bosco.

Tohiny...

Atolotr'i DIMBINIAINA Tsilavina Jules

Lohahevitra : Vatsim-panahy

Voadika amin'ny fiteny :      

Naseho ny : 24 marsa 2024

Alahadin'ny sampan-kazo : fahatsiarovana ny nidiran'ny Tompo tao Jerosalema sy fandinihana ny nijalian'i Jesoa Kristy. Ho antsika dia nanolon-tena i Kristy, nanaiky hatramin'ny fahafatesana, dia fahafatesana tamin'ny hazo fijaliana, ho valin'izany dia nasandratr'Andriamanitra ambony indrindra izy ary nomeny anarana ambony mihoatra ny anarana rehetra. Zavatra roa mifanohitra no hita taratra amin'ity fankalazana ity dia fifaliana, fiombiana ary fanamelohana, fivadiham-pitokisana. Misy ny tsy fahamarinana hita taratra tamin'ny fitsarana an'i Jesoa, mbola mitohy ny fijalian'i Jesoa isaky ny mandika izay voalazan'ny Evanjely, isika. Ho antsika izay hiaran'ny tsindry hazo lena dia ohatra ho antsika i Jesoa, banjino izy, raha mino isika dia hiara-velona aminy...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 23 marsa 2024

Tsapan'ireo vehivavy nanala zaza ireo fa silaky ny ainy no novonoiny, tsapany ihany ko a fa fihetsika mamoafady ny vitany, hany ka na izy latsa-panenenana na izy voan'ny aretin-tsaina na mitondra ratra am-po, isaky ny mahita zaza izy dia mitamberina ao an-tsainy ny zavatra nataony. Soso-kevitra ho an'ireo tafalatsaka tao anatin'io fomba tsy mendrika io dia ny miresaka amin'ireo pretra na eveka afaka mitantana am-panahy. Katesizy momba ny fanalan-jaza, iarahana amin'i P. Sedera Joseph Rakotoarisoa. 

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 22 marsa 2024

Manana anjara toerana lehibe eo anivon’ny fianakaviana ny fifandraisana eo amin’ny samy mpivady. Antoka iray mampirindra sy mampandroso ny fiainam-piankohonana izany. Ny fahasalaman’ny fianakaviana dia miankina indrindra ihany koa amin’ny fandrindram-piterahana manaja ny lalàna voajanahary. Fandaharana "miaina sy mitia" eto amin'ny radio Don Bosco, iarahana amin'ny Ivon-toerana Arrupe Madagasikasa.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Raki-tsarobidy

Voadika amin'ny fiteny :      

Naseho ny : 22 marsa 2024

Misy ny voka-dratsin'ny fanalan-jaza no tena mihatra mivantana amin'ilay olona nitondra vohoka nanala zaza ; mety tsy hiteraka intsony ilay vehivavy aorian'iny fanalana zaza natao an-tery iny, mety hiteraka fahafatesana ho an'ilay reny. ARaka ny antotanisa voasoratra tao amin'ny hôpitaly Befelatanana dia maro ireo vehivavy maty vokatry ny fanalan-jaza. Katesizy momba ny fanalan-jaza, iarahana amin'i P. Sedera Joseph Rakotoarisoa. 

Tohiny...

Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 21 marsa 2024

Ny fanantenana dia ilaina foana eo amin'ny fiainana satria hananana tanjona, ary tsy misaraka amin'ny finoana na dia kely aza izany finoana izany hahavitana zavatra goavana. Fandaharana "mba ho vanona" iarahana amin'ny jeneraly Désiré Ramakavelo.

Tohiny...