Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Boky Fahendrena (Fahendrena 6, 1-11)

Mihainoa, ry mpanjaka, mba hianaranareo ny fahendrena.

Mihainoa, ry mpanjaka, ary mamantara;
mihainoa ny fampianarana,
ianareo mitsara hatramin’ny faran’ny tany.
Mampandria sofina,
ianareo mpifehy ny sarambabem-bahoaka...
ianareo mirehareha amin’ny fifehezanareo vahoaka be.
Fantaro fa ny Tompo no nanome anareo ny hery,
ary ny Avo indrindra no nanome anareo ny fahefana,
dia Izy no handinika ny asanareo,
sy hizaha toetra ny hevitrareo.
Noho ianareo izay mpanao raharaha amin’ny fanjakany
tsy mbola nitsara ara-drariny,
na nitandrina ny lalàna,
na nandeha araka ny sitrapon’Andriamanitra;
dia hiantefa aminareo Izy,
mahatsiravina sy tampoka
fa fitsarana mafy no hatao amin’izay mandidy.
Ny madinika,
avela heloka amim-pamindram-po,
fa ny manam-pahefana kosa
faizina mafy.
Tsy misy olona hihemoran’Ilay Mpanjakan’ny olona rehetra,
ary tsy misy olona ambony hiatoany amin-kenamaso;
fa samy noarìny ny lehibe sy ny kely,
ary samy ahìny na ireto na iretsy.
Nefa ny manam-pahefana hanaovana fitsapana mafy.
Koa dia ianareo no hitenenako, ry mpanjaka,
mba hianaranareo ny fahendrena,
ka tsy ho lavo ianareo.
Izay mitandrina ny lalàna masina, amim-pahamasinana,
hohamarinina;
ary izay mianatra azy hanan-kavaly.
Koa aoka hankamamìnareo ny teniko;
aoka haniry azy ianareo dia hahazo fampianarana.

— Izany àry ny tenin’ny Tompo.

Setriny

Salamo 81, 3-4. 6-7

Mitsangàna, ry Andriamanitra, hitsara ny tany.

Omeo rariny ny malahelo sy ny kamboty;
omeo hitsiny ny tsy manana sy ny ory!
Afaho ny malahelo sy ny mahantra
ka esory amin’ny tanan’ny olon-dratsy!
Andriamanitra ianareo, hoy Aho fahiny, sy zanak’Ilay Avo avokoa!
Aoka, fa ho faty toy ny olombelona ihany ianareo,
sy ho lavo tahaka ny nofo rehetra!

Evanjely

Aleloia. Aleloia.

Ankalazao ny Tompo, ry Jerosalema, Izy Ilay mandefa ny didiny eto an-tany.

Aleloia.

Evanjely Masina nosoratan’i Masindahy Lioka (Lk. 17, 11-19)

Ny vahiny indray itý no hany niverina hankalaza ny voninahitr’Andriamanitra.

Tamin’izany andro izany
nony nandeha ho any Jerosalema i Jesoa,
dia nanara-tsisina an’i Samaria sy Galilea.
Ary raha niditra tao amin’ny vohitra anankiray Izy,
dia nifanena tamin’ny boka folo lahy
izay nijanona teny lavidavitra teny.
Dia niantso izy ireo ka nanao hoe:

“Ry Jesoa Mpampianatra ô,
mamindrà fo aminay.”

Vantany vao nahita azy ireo Izy, dia nanao hoe:

“Mandehana, misehoa amin’ny mpisorona”;

ka nony nandeha ho any izy ireo
dia sitrana teny am-pandehanana.
Ary ny anankiray tamin’ireny,
rahefa nahita fa sitrana izy,
dia niverina ka nankalaza an’Andriamanitra
tamin’ny feo mahery.
Niankohoka tamin’ny tongotr’i Jesoa izy,
dia nisaotra Azy;
ary Samaritanina izy io.
Dia niteny i Jesoa ka nanao hoe:

“Moa tsy folo lahy va no nadio?
Ka nankaiza àry ny sivy?
Ny vahiny indray itý no hany niverina tamin’izy ireny
mba hankalaza an’Andriamanitra?”

Dia hoy Izy taminy:

“Mitsangana, ary mandehana,
fa ny finoanao no nahavonjy anao.”

— Izany àry ny tenin’ny Tompo.

Lohahevitra : Vaovao

♦ Hanefa ny adidiny hifidy izay ho Filoham-pirenena, ny Malagasy feno taona rahampitso, araka ny voalazan'ny lalàna manan-kery. Voararan'ny lalàna ny finiavana hanakorontana mandritra ny fotoam-pifidianana, hoy ny Tonia Mpampanoa lalàna, Rakotoniaina Narindra Navalona... ♦ Tombanana hiverina hianatra ireo mpianatra eny amin'ny Oniversiten'Antananarivo, tsy mbola nianatra noho ny fitokonan'ny SECES, ny alatsinainy ho avy izao, hoy ny tompon'andraikitra. Nidina an-dalambe nandoro kodiarana omaly, ny ampahany amin'ny mpianatra...

Lohahevitra : Vaovao

♦ Manentana ny olom-pirenena hanefa ny adidiny amin'ny fifidianana ho Filohan'ny Repoblika amin'ny alakamisy ho avy izao ny Minisitry ny Asa, ny Fampananana Asa, ny Asam-panjakana ary ny Lalàna Sôsialy, Rivotiana Jean Bosco... ♦ Miantso ny antoko pôlitika mivondrona ao aminy sy ny vahoaka mpanara-dia azy, tsy handeha hifidy amin'ny alakamisy izao, ny RMDM... ♦ Nidina an-dalambe, nandoro kodiarana indray androany, ny ampahana mpianatra eny amin'ny Oniversiten'Antananarivo. Hiverina hianatra ireo mpianatra tsy mbola nianatra noho ny fitokonan'ny SECES ny alatsinainy izao...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tsy eken'i Jesoa ny fahefana mamoritra sy ny fahefana jadona ampiharin'ireo mpitondra amin'ny fireneny (Mk 10, 42). Tsy nisalasala i Jesoa niteny mafy teo anatrehan'ny tsy rariny nataon'ny mpitondra. Hita ohatra amin'izany ny fifandraisany tamin'i Heroda "... mandehana lazao amin'izany amboadia izany hoe : indro mandroaka ny demony sy manasitrana marary aho...". Katesizy momba ny Eglizy, ny fianakaviana sy ny pôlitika, iarahana amin'i P. Abdon Rafidison. 

Lohahevitra : Vaovao

♦ Hifarana afaka 12 ora ny fampielezan-kevitra eto amin'ny tanin'ny Repoblikan'i Madagasikara, ho an'ny fifidianana amin'ny alakamisy izao. Mbola manana fe-potoana hatramin'ny anio amin'ny misasakalina, handresen-dahatra ny mpifidy azy, ireo kandidà telo... ♦ Ahiana ho vao mainka hafana ny tsy fitovian-kevitra eto amin'ny firenena, amin'ny 16 nôvambra 2023, hoy ny FMKT, ikambanan'ireo mpikamban'ny Kôngresin'ny Tetezamita teo aloha. Nambaran'izy ireo fa tsy hovoaravin'ny fifidianana ny toe-draharaha ankehitriny...

Lohahevitra : Vaovao

♦ Handray anjara amin'ny fanaraha-maso ny fifidianana ny Safidy, amin'ny alakamisy izao... ♦ Samy manana ny heviny ny amin'ny fiatrehana ny fifidianana amin'ny alakamisy 16 nôvambra 2023, ireo olom-pirenena nanaovana fanadihadiana... ♦ Miroso amin'ny fanorenena fotodrafitrasa manomboka izao, ilay tetikasa fitarihan-drano Pipeline Efao, any atsimon'ny nosy...

Lohahevitra : Miara-dalana

♦ Tontosa ny sabotsy 11 nôvambra 2023, ny fanaovam-beloma farany an'i P. Jean Marcellin Ramiandrisoa, pretra Salezianin'i Don Bosco; sy i Sr. Teresa Leonik, Fille de Marie Auxiliatrice, izay samy nodimandry ny 7 nôvambra 2023... ♦ Nanasa ny rehetra hikarakara ny fiainana anaty ny Papa François, nandritra ny vavaka Angélus, ny alahady teo...

Lohahevitra : Vaovao

♦ Nitsidika tamin'ny fomba fanajàna ny solotenan'ny Papa François eto Madagasikara Nonce Apostolique Mgr Tomaz Gryz ny fikamban'ny silamo eto Madagasikara... ♦ Mpanao gazety iray no niharan'ny herisetra sy ny ramatahora teo am-panatanterahana ny asany, amin'izao vanim-potoanan'ny fampielezan-kevitra izao... ♦ Hanatanteraka adihevitra mivantana ao amin'ny haino aman-jerim-panjakàna; anio hariva, ireo kandidà miisa 3, efa niroso tao anati'ny fampielezan-kevitra... ♦ Miisa 200.000 ny isan'ireo olona afaka nandositra nihazo ny faritra atsimon'i Gaza, tao anatin'ny 3 andro noho ny famelan'ny tafika israeliana azy ireo, hiala anatin'ny ora voafetra...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tamin'ny andron'i Kristy : Lk 20, 25 : aloavy ho an'i Sezara izay an'i Sezara, ary ho an'Andriamanitra izay an'Andriamanitra, tsy raisina ho fanehoana fifanoheran'ny mpitondra Fanjakàna sy ny mpitondra ny Eglizy fa famporisihan'i Jesoa ny mpanara-dia Azy hanaraka ny satan-tany. Tsy misaraka velively ny fiainana ny finoana sy ny fandraisana anjara amin'ny asa sôsialy. Katesizy momba ny Eglizy, ny fianakaviana sy ny pôlitika, iarahana amin'i P. Abdon Rafidison. 

Lohahevitra : Filira

Ny kilalao dia ireo fitaovana entina milalao. Ny lalao dia fitaizana sy fanabeazana. Anatin'ny lalao no hatarafana ny fifanorona, fifampitaizana, ary manefy ny olona hahay hitondra tena ary hanitarana fahalalana. Ny tanjona amin'ny lalao iray dia fitantanana ny olona iray haleo-tena. Ny lalao dia malagasy dia efa nisy niampita ranomasina, izany hoe efa lasa lalao iraisam-pirenena dia ny fanorona sy ny fampitaha. Ny lalao fifaninanana dia harenesana foto-teny hoe "inana" izay midika fihezahana hanao mihoatra ny vitan'ny hafa na ny tena teo aloha, mikendry hai-zatra...

Lohahevitra : Vaovao

♦ Hihahenjana ny fitandroana ny filaminana ao anatin'izao herinandro voatondro hanatanterahana ny fifidianana izao hoy ny prefet an'Antananarivo. Miaramila 4 sy sivily miisa 2, ary olona 11 no voasambotra nandritra ny hetsika fotsy ny sabotsy teo... ♦ Manomboka mandray sy mihaino ny mpisehatra pôlitika ny mpanara-maso ny fifidianana avy amin'ny SADEC izay efa manao ny asany eto Madagasikara... ♦ Efa niala teto Madagasikara omaly nihazo an'i Ghana ny delegasiôn'ny Barean'i Madagasikara hiatrika ny lalao fifanitsanana ho an'ny Mondial 2026... ♦ Manameloka ny fampiasan'i Hamas ny hôpitaly ho fitaovana amin'ny ady ifanandrinany amin'ny Israely ny vondrona erôpeana...

Lohahevitra : Hono hoy aho Mompera ?
Voadika amin'ny fiteny :  Français (France)   English (United Kingdom) 

Ny fiangonana mampianatra mikasika ny fiaraha-monina sy ny hay fitantanana ary ny fitandroana ny rariny sy ny hitsiny ho an'ny vahoaka. Ny fiangonana dia mampianatra fa ny fahefana rehetra dia avy amin'Andriamanitra, natao hikatsaka ny soa iombonana ary ihany koa tsy manavakavaka ; mifanaja sy mifampitaona ho amin'ny fiombonana sy ny fihavanana.

Sous-catégories

Vaovao

Fanentanana

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...