Lohahevitra : Hirika

Velon-taraina ireo tantsaha, ny fikambanan'ny tantsaha samihafa, ny vovonam-pikambanana ary ny sendikan'ny mpamboly vary fa mamono antoka tanteraka azy ireo ny vidin'ny vary akotry. Manahy ny amin'ny ho avy izy ireo raha izao no mitohy. Tandindomin-doza ny ho avin'ny famokarana sy ny fahaleovan-tena ara-tsakafo ary ny fahamarinan-toerana ara-toekarena. Mamono antoka ny mpamokatra ny vidin'ny vary akotry amin'izao fotoana izao. Fanamambarana nataon'ireo Vondron'ny fikambanan'ny tantsaha mpamokatra ahitàna ny FTM CPM, ny FEKRITAMA, ny FIFATA, ny KOLOHARENA, ny SOA, ny FVTM, ny MDB ary ny Tranoben'ny Tantsaha mpamokatra Nasiônaly...

Lohahevitra : Vaovao

♦ Dingana maika andrasana amin’ireo ministra mandrafitra ny governemanta tarihin’ny Praiministra Mamitiana Rajaonarison ny hanaovan’izy ireo ny fanambaram-pananana araka ny toromarika nomen’ny Filohan’ny Fanavaozana ny Repoblika an’i Madagasikara… ♦ Laharam-pahamehana amin’ny ady doro ala sy doro tanety ny fihomanana mialoha, nizara traik’efa ny mikasika izany ny tompon’andraikitry ny tetik’asa ny fitantanana maharitra lovain-jafy (FMH)… ♦ Nijoro vavolombelona tamin’ny fitaizany sy ny fampianarany ary ny fahalalany, ireo olona akaiky ny Profesora Jaona Siméon, nandritry ny fankalazana ny faha-100 taona ho an’ity olo-malaza ity… ♦ Nanomboka androany ny fampielezan-kevitra, amin’ny fifidiana ho filoham-pirenena, izay hotanterahiana any Bénin amin’ny alahady 12 avrily ho avy izao…

Lohahevitra : Miaina sy mitia

Ny fanovana dia dingana mankany amin’ny tsara kokoa, ary ny mpitarika dia olona afaka mandresy lahatra sy manome ohatra ampiariny "Modely". Mitaky toetra toy ny fahamarinana, fahasahiana, fahaiza-mihaino, fiaraha-miasa, fahatokisan-tena ary faharetana izany. Ny fahaiza-mitarika dia fomba fiaina sy firotsahana, ary ny tanora mpitarika fanovana dia fitaratra sy hery manosika ho an’ny fiaraha-monina. Mitaky toetra sy fomba fisainana sy fieritreritra: fahatsapna andraikitra, fahamarinana sy fahitsiana, fahauza-mihaino sy manaja ny hafa... Fandaharana "Miaina - Mitia" tontosaina eto amin'ny Radio Don Bosco.

Lohahevitra : Vaovao

♦ Misedra olana amin’ny fisitrahana herinaratra indray ireo mpanjifan’ny JIRAMA. Antony samihafa no ambaran’ny JIRAMA eo amin’ny pejiny fa mahatonga izany olana izany… ♦ Hamafisina manomboka izao ny fameranana amin’ny Fanjakàna sy amin’ny vahoaka, ireo vola sy fananana voageja azo tamin’ny kolikoly. Laharam-pahamehana ihany koa ny fanenjehana ireo olom-baventy tompon’andraikitra ara-panjakàna mpanao kolikoly… ♦ Olona telo tamin’ireo enina natolotra teo anivon’ny Fitsaràna no nampidirina am-ponja, izay voasaringontra amin’ny fivarotrana sy famoahana laza adina eny amin’ny ENMG… ♦ Hatsahatra mandritra ny 10 andro indray hoy Donald Trump ny fikasana handrava ireo tobi-pamokarana herinaratra any Iran…

Lohahevitra : Raki-tsarobidy

Ao anatin'ny Gaudium et Spes n°4 dia mandinika ny toe-javatra iainan'ny olombelona amin'ny tontolo ankehitriny, izay voamariky ny fandrosoana lehibe nefa koa anaty fikorontanana sy tebiteby lalina, ny Eglizy. I Kristy no fanantenana marina afaka mandresy ny tebiteby lalina indrindra ao am-pon'ny olona. Ao Aminy no ahitàn'ny olombelona ny valin'ny fanontaniana fototra momba ny ho avy... Katesizy momba ny foto-pampianaran'ny Eglizy "Gaudium Et Spes iarahana amin'i P. Germain Thierry Randriamiarantsoa.

Lohahevitra : Raki-tsarobidy

Ny fiovana ara-tsôsialy sy ara-kolontsaina dia miseho amiin'ny fanovana ny rafitra ara-pianarana, asa, sy ny fitantanana, fanitarana ny fahalalana sy ny fidirana amin'ny vaovao, fivoaran'ny fomba fiainana sy ny soatoavina, fiovan'ny fomba fifandraisana eo amin'ny olona sy ny vondrom-piaraha-monina. Ireo fiovana ireo dia mitaky fahatsiarovan-tena sy fanabeazana vaovao... Katesizy momba ny foto-pampianaran'ny Eglizy "Gaudium Et Spes iarahana amin'i P. Germain Thierry Randriamiarantsoa.

Lohahevitra : Vaovao

♦ Nihazo an’i Guinée Equatorial, androany, ny Filohan’ny Fanavaozana ny Repoblikan’i Madagasikara, hidinika amin’ireo mpitondra Afrikana ny momba ny sazy apetraka amin’i Madagasikara, eo amin’ny sehatra iraisam-pirenena… ♦ Arovan’ny fitondrana Fanavaozana ireo miady amin’ny kolikoly, ireo mpitondra ambony, hoy ny Praiministra ; ambarany fa tena henjehina amin’izany ireo vaventy manomboka izao… ♦ Ministera maromaro sahady no nahavita famindram-pahefana, teo amin’ny ministra vaovao sy ny teo aloha, androany, taorian’ny fanendrena omaly… ♦ Namoy ny ainy ny lehiben’ny tafika an-dranomasina Iraniana, izay voalaza fa niantsy an’i Filoha Amerikana…

Lohahevitra : Vaovao

♦ Hanao vaindohan-draharaha amin'ny ady amin'ny kolikoly ny fitondrana hoy ny filohan'ny fanavaozana ny Repoblika. Tsy handeferana intsony ireo fambolena korontana sy fampisaraham-bazana ny samy Malagasy hoy ny Kôlônely Randrianirina Michaël... ♦ Niatrika fanadihadiana teo anivon'ny Inspection Générale de l'Etat teny Antaninarenina omaly ny ministry ny fanabeazam-pirenena teo aloha, Sahondranirina Marie Michelle... ♦ Malagasy avokoa ny ankamaroan'ireo miasa ao amin'ny Madagascar Oil amin'izao fotoana izao. Manome lanja ny fiarovana ny tontolo iainana ihany koa ny orinasa...

Lohahevitra : Mba ho vanona

Misy teboka miisa telo tokony hananana raha te hanana ho avy tsara isika dia : ny fitiavana, ny fahamarinana ary ny fifampitokisana. Mba ho azo antoka ny atao hoe fanavaozana dia misy dingana telo farafaharatsiny tsy maintsy atao ho zava-dehibe dia : ny fanadiovana, ny fanarenana ary ny fanavaozana. Manoloana ny famahana ny olana misy eto amin'ny firenena dia tokony hatao laharam-pahamehana ny famaliana ny filàn'ny Malagasy fa tsy izay tsindry avy any ivelany na tombontsoa manokana ; hantenaintsika mba ho olom-boatendry filamatra sy manana fahamarinana no hanana andraikitra eto amin'ny firenena... Fandaharana "Mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Nijoro alina ny governemanta tarihan'ny Praiministra Rajaonarison Mamitiana. Ministra 17 tamin'ny governemanta teo aloha no naverina amin'ny toerana niadidiany. Governemanta andraisan'ny ankolafin-kery samihafa no najoro hoy ny Filohan'ny Fanavaozana ny repoblika... ♦ Naneho ny heviny omaly ny Ben'ny tanàna an'Antananarivo-renivohitra, teo aloha, Harilala Ramanantsoa fa tsy misy idirany ny findramam-bola nataon'ny orinasa SMDG tamin'ny CNaPs. Nohenoina teny amin'ny Pac 67Ha izy omaly... ♦ Miroso amin'ny fanatanterahana ny dinika misokatra, tsy manavaka sokajin'olona ny firaisa-monim-pirenena, hanombohana izany Analamanga...

Lohahevitra : Raki-tsarobidy

Ny Fiangonana dia mahita fa tsy afaka misaraka ny famonjena ara-panahy sy ny fandrosoana maha-olona. Ny Fiangonana dia maniry ny hanampy ny olombelona hahalala ny fahamarinana momba ny tenany sy ny fiainany, hiaro ny hasin'ny maha-olona, hiady amin'ny tsy rariny,ny fanandevozana ary ny fanilikilihana, hanangana fiaraha-monina mifototra amin'ny rariny sy ny fitiavana... Katesizy momba ny foto-pampianaran'ny Eglizy "Gaudium Et Spes iarahana amin'i P. Germain Thierry Randriamiarantsoa.

Lohahevitra : Vaovao

♦ Efa mandeha ankehitriny ny famotorana ara-pitsaràna atao amin'ny tompon'andraikitry ny orinasa "Fond Souverain Malagasy" (F.S.M) izay nahitàna fanodikodinam-bolam-panjakàna... ♦ Niakatra teny anivon'ny Tendrom-pitsaràna misahana ny ady amin'ny kolikoly teny amin'ny 67Ha (PAC), androany ny ben'ny tanàna an'Antananarivo-renivohitra teo aloha, Ramanantsoa Harilala... ♦ Nanambara tamin'ny fomba ôfisaly androany ny firaisa-monim-pirenena fa manatanteraka dinika misokatra, tsy manavaka ny sokajin'olona rehetra izy ireo, ka manerana ny Faritra miisa 24 no hanatanterahana izany...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...