Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 jolay 2022

Tamin’izany andro izany, i Jesoa niteny tamin’ny mpianany nanao hoe: "Aza matahotra, ry ondry vitsy, fa efa sitraky ny Rainareo ny hanome anareo ny Fanjakana. Amidio izay anananareo ka anaovy fiantrana; manaova kitapom-bola tsy tontan’ny ela ho anareo, dia rakitra tsy mety lany any an-danitra, izay tsy azon’ny mpangalatra idirana sady tsy misy kalalao manimba; fa izay misy ny harenareo no hisy ny fonareo koa".

"Aoka ho voaetra ny andilanareo, ary ho voarehitra ny jironareo. Manaova toy ny olona izay miandry ny fotoana hiverenan’ny tompony avy any amin’ny fampakaram-bady, mba hamoha azy miaraka amin’izay raha vantany vao tonga sy mandondòna izy. Sambatra ireo mpanompo tratran’ny tompony miambina raha tonga izy; lazaiko marina aminareo fa hisikina ny tompony ka hampipetraka azy hihinana, ary ho avy hampihinana azy. Na tonga amin’ny fiambenana faharoa izy, na tonga amin’ny fiambenana fahatelo ka mahatratra azy manao toy izany, dia sambatra ireo mpanompo ireo. Ary fantaro tsara fa raha fantatry ny tompon-trano ny ora hiavian’ny mpangalatra, dia hiambina izy, fa tsy hamela ny tranony hotamîna. Koa mivonòna koa ianareo, fa ho avy amin’ny ora tsy hampoizinareo ny Zanak’Olona".

Dia hoy i Piera taminy: "Tompoko, ho anay ihany va no ilazanao izany fanoharana izany, sa ho an’ny olona rehetra koa?" Ary hoy ny Tompo: "Iza moa no mpitandrim-pananana mahatoky sy hendry izay hotendren’ny tompony hifehy ny mpanompony mba hanome azy ny anjara variny ara-potoana? Sambatra izany mpanompo izany raha tratran’ny tompony manao tahaka izany raha avy izy. Lazaiko marina aminareo fa hotendreny ho mpitandrina ny fananany rehetra izy. Fa raha izany mpanompo izany kosa, manao anakampo hoe: ‘Ela vao ho avy ny tompoko’, ka amin’izany dia mikapoka ny ankizy lahy sy ny ankizy vavy izy, sady mihinana sy misotro ka mamo, dia ho avy amin’ny andro tsy ampoiziny sy amin’ny ora tsy fantany ny tompon’izany mpanompo izany, ka hataony rotiky ny kapoka izy, ary homeny anjara any amin’ny mpanompo ratsy. Izay mpanompo nahalala ny sitra-pon’ny tompony ihany nefa tsy niomana, na tsy nanao araka ny sitra-pony, no hokapohina imbetsaka; fa izay tsy nahalala kosa, na nanao zavatra mendri-pamaizana aza, dia hokapohina kelikely ihany. Izay nomena be no hitakiana be, ary izay nanankinana be no hadinina be koa".

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 jolay 2022

Tamin’izany andro izany, i Jesoa nilaza tamin’ny mpianany nanao hoe: "Raha misy ta-hanaraka Ahy, aoka izy handà ny tenany, sy hitondra ny hazofijaliany, ka hanaraka Ahy. Fa izay ta-hamonjy ny ainy no hahavery azy, ary izay hahafoy azy noho ny amiko no hahazo azy. Inona no soa azon’ny olona raha mahazo izao tontolo izao izy, nefa very ny fanahiny? Ary inona no homen’ny olona ho takalon’ny fanahiny? Fa ny Zanak’Olona dia ho avy amin’ny voninahitry ny Rainy miaraka amin’ny anjeliny, ka amin’izay dia hamaly ny olona araka ny nataony Izy. Lazaiko aminareo marina tokoa, fa ny sasany eto, dia tsy hanandrana fahafatesana, raha tsy efa mahita ny Zanak’Olona avy amin’ny fanjakany."

Atolotr'i Rakotoarisoa Sedera Joseph

Lohahevitra : Tenin'ny Tompo

Voadika amin'ny fiteny :      

Naseho ny : 23 jolay 2022

Sabotsy 23 jolay 2022 — Herinandro fahenina ambin'ny folo mandavantaona — Raiso amim-pahalemem-panahy ny teny voafafy aminareo, izay mahavonjy ny fanahinareo — Evanjely Masina nosoratan'i Masindahy Matio 13, 24-30

Tohiny...

Atolotr'i Radio Don Bosco

Lohahevitra : Vaovao

Naseho ny : 18 jolay 2022

♦ Nanova ny fomba fijeriny momba ny asa fitrandrahana fasi-mainty ataon'ny Orinasa Base-Toliara ao amin'ny Faritra Atsimo-andrefana ny ankamaroan'ireo olona nanohitra ny asa fitrandrahana, roa taona sy tapany taorian'ny fampihatoana ny sehatr'asan'izany orinasa izany tao Toliara... ♦ Nahaliana ireo tantsaha sy izay misehatra manokana amin'ny sehatry ny fiompiana ny andro natokan'ny Malagasy Professionnel d'Elevage na ny MPE nivoizana ny lafiny teknika momba ny fiompiana ny faran'ny herinandro teo... ♦ Fifindramonina anatiny : Tsy nisy afa-tsy ny famahana ny olana eny ifotony amin'ny faritra hisian'ny fifindra-monina ihany no vahaolana, tsy hisian'izany eto amintsika hoy ny antoko Otrikafo...

Tohiny...

Atolotr'i DIMBINIAINA Tsilavina Jules

Lohahevitra : Filira

Naseho ny : 19 jolay 2022

NY famadihana dia famindrana toerana ny razana iray natao anirotra na avy amin'ny fasana hafa na ihany koa avy amin'ny faritra hafa ho amin'ny fasana iray. Ny fotoana fanaovana ny famadihana dia amin'ny vanim-potoana ririnina, izany hoe eo anelanelan'ny volana jona sy septambra, ka ny famongarana dia amin'ny faharavan'ny volana ary ny fanitrihana dia amin'ny tsinam-bolana. Ny fitaovana tena ilaina rehefa manatanteraka ny famadihana dia ny tsihy sy ny lamba. Misy dinga maromaro atao amin'ny fanatanterahana famadihana : ny fanomanana, fiantsoana ambiroa, famongarana, fanitrihana...  Ireo dingana hisandratan'ny olona manomboka amin'ny fahafatesana : Maty (vatana mangatsiaka), an-dalana maha razana, aorian'ny famadihana dia lasa ho razana mitahy ary mety ho tonga amin'ny hoe zanahary.

Tohiny...

Atolotr'i Radio Don Bosco

Lohahevitra : Vaovao

Naseho ny : 18 jolay 2022

♦ Mpiadina miisa 192.435 no hiatrika ny fanadinana Bakalôrea manomboka anio 18 jolay hatramin'ny zoma 22 jolay 2022 izao, manerana an'i Madagasikara... ♦ Tsy manaiky ny saran'ny fitanterana "Bus" ho 800 Ariary ao an-drenivohitra ireo Mpiaro ny Zon'ny Mpanjifa, 600 Ariary hoy izy ireo no nifanarahana. Nanentana ny mpanjifa tsy hanaiky ny 800 Ariary izy ireo... ♦ Nankasitraka ny fitondram-panjakana amin'ny ezaka ataony hamahana ny olan'ny vahoaka amin'ny fiakaran'ny vidim-piainana ny FFKM. Niantso ny rehetra samy handini-tena amin'ny andraikiny ny avy amin'ny FFKM, ka hiala amin'ny fifampihantsiana sy ny fanamarinan-tena...

Tohiny...

Atolotr'i Radio Don Bosco

Lohahevitra : Vaovao

Naseho ny : 16 jolay 2022

♦ Manan-trosa 375 miliara Ariary any amin'ny fanjakàna, vokatry ny tsy nandoavana vidin'herinaratra ny orinasa Jirama. Vola maherin'ny 100 miliara Ariary ihany koa no tsy niditra, noho ny halatra nataon'ny 30%ny mpanjifa, araka ny tatitry ny filan-kevi-pitantanan'ny Jirama... ♦ Mitaraina ny Federasiôn'ny mpampiasa rano fa tototry ny fako avokoa ny ankamaroan'ireo lakan-drano mpamatsy ny lemak'Antananarivo. Miantso ny fahatongavan-tsain'ny rehetra izy ireo, manoloana izany olana goavana izany... ♦ Mpiadina 8 mianadahy no tsy afaka hiatrika ny fanadinam-panjakana Bakalôrea any Antsiranana. Nisy nanolo anaran'olon-kafa ny antotan-taratasim-panadinan'izy ireo, araka ny fitarainan'ireo ray aman-dreny...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 16 jolay 2022

Ny taovam-pananahan'ny lehilahy dia manana firafitra, izay hita ety ivelany sy ny any anaty. Ireo tazana ety ivelany dia ny filahiana, ny voa izay misy fonony ; ireo ao anatiny kosa dia ny fantson'amany sy ny ranonaina, ny taova mamokatra ranonaina. Ireo aretina mety hahazo ny taovam-pananahan'ny lehilahy : areti-koditra, aretina azo avy amin'ny firaisana na vokatry ny tsy fahadiovana "herpes", syphillis. Mba hitsinjovana ny fahasalamana dia tsy tokony ho tery loatra ny pataloha ary tokony ho "coton" ny karazan-damba manolo-koditra, tandremana tsara mba tsy ho voadona.

Tohiny...

Atolotr'i Radio Don Bosco

Lohahevitra : Vaovao

Naseho ny : 16 jolay 2022

♦ Milaza ny hitady vahaolana tsy hiakaran'ny vidin-tsolika intsony ny filoham-pirenena tamin'ny kabary tany Mandoto omaly. Nambarany fa efa nahita tolotra 89 dôlara isaky ny Baryl any ivelany izy... ♦ Miantso ny FFKM hitarika donakafom-pirenena itadiavam-bahaolana eto amin'ny firenena ny vondrona ALDR sy ny KMSI. Nanano fanambaràna, etsy ankilany, ny VMF, mpiaro ny fitondràna, nampitandrina ireo manao kajikajy politika amin'ny toe-draharaha eto amin'ny firenena... ♦ Nanolotra famatsiam-bola ho an'ny PAM ho fanampiana ara-tsakafo any atsimon'ny nosy  ny Governemanta japoney. Mponina 39 000isa any amin'ny distrika Ambovombe sy Amboasary-Atsimo no hisitraka izany...

Tohiny...

Atolotr'i Radio Don Bosco

Lohahevitra : Vaovao

Naseho ny : 15 jolay 2022

♦ Mitady hevitra tsy hiakaran'ny vidin-tsolika intsony ny fitondram-panjakana, hoy ny Filoha Andry Rajoelina, androany tany Mandoto. Hampivory ny mpiasan'ny JIRAMA ihany koa izy amin'ny herinandro, ka tsy maintsy hojerena ny vahaolana fohy ezaka sy lavitrezaka mikasika ny JIRAMA... ♦ Tsy hanavahana antoko ny fampandrosoana an'i Madagasikara, fa miara-miasa amin'izay rehetra mitovy tanjona amin'izany ny Filoha Andry Rajoelina, ka novaliany avy hatrany androany, ny fangatahan'ny Solombavam-bahoakan'i Mandoto, izay avy amin'ny antoko TIM...

Tohiny...

Atolotr'i Rakotoarisoa Sedera Joseph

Lohahevitra : Tenin'ny Tompo

Voadika amin'ny fiteny :      

Naseho ny : 22 jolay 2022

Zoma 22 jolay 2022 — Masimbavy Marie Madeleine — Lazao anay, ry Maria, izay hitanao teny an-dalana. Ny fasan'i Kristy velona no hitako sy ny voninahitr'Izy tafatsangan-ko velona — Evanjely Masina nosoratan'i Masindahy Joany 20, 1-2. 11-18

Tohiny...

Atolotr'i Radio Don Bosco

Lohahevitra : Miara-dalana

Naseho ny : 15 jolay 2022

♦ Tanterahina ny 13 hatramin'ny 18 jolay 2022 ny Fihaonamben'ny ankizy ao amin'ny Diôsezin'i Morondava... ♦ "Ankizy mivelona ny Tenin'Andriamanitra sy ny Eokaristia no fanantenan'ny Eglizy" no teny  ifanentanan'ny ankizy ao amin'ny Diôsezin'Ambanja, ny 13 hatramin'ny 17 jolay 2022... ♦ Hanatanteraka ny fihaonambe ny 18 hatramin'ny 22 jolay 2022, ny ACP eto Antananarivo...

Tohiny...