Lohahevitra : Vaovao

♦ Misy vola mivezivezy hikasana hividianana vato amin'ny fifidianana, na "fond vautour", eto Madagasikara, hoy ny Praiminisitra teo aloha, Monja Roindefo... ♦ Mpiasa hatrany amin'ny 300 isa no atahorahana ho very asa, noho ny fikasan'ny orinasa afaka haba iray, hampiasa milina hanoloana ny asan'izy ireo... ♦ Hisy tetikasa "Jeritany", iarahana amin'ny Sehatra Iombonana ho an'ny Fananan-tany na ny SIF. Tetikasa hamoriana ireo mpisehatra, hitadiavana vahaolana momba ny tany lova sy ny fanajariana ny tanim-panjakana...

Lohahevitra : Vaovao

♦ Izingizinan'ny FFKM ny tokony hanandratana ny fahamarinana. Maty heritreritra izao tontolo izao raha mangina ny Fiangonana hoy ny filohany, ny mpitandrina Irako Andriamahazosoa Ammi... ♦ Tsy tokony toa izao ny toerana misy an'i Madagasikara raha mbola tahaka ny an'ireo ray aman-dreny nitolona tamin'ny 29 marsa 1947 ny fitiavan-tanindrazana nanantsika sy ireo mpitondra nifanesy hoy ny sekretera nasiônalin'ny Antoko Arema Annic Ratsiraka... ♦ Nahazo fanonerana ara-bola avy amin'ny orinasa RIO TINTO QMM ny mpanjono sy ny mpampiasa harena voajanahary maherin'ny 5.000 isa any amin'ny Faritra Anosy...

Lohahevitra : Hirika
Voadika amin'ny fiteny :  Français (France)   English (United Kingdom) 

Fikambanana mitondra ny anjara birikiny amin'ny asa fampandrosoana ny eny ambanivohitra ny "Tsara Voatra". Andriamatoa Mamy Razanakolona no filohan'ny fikambanana. Tsy zoviana amin'ireo tantsaha ato amin'ny Faritra Analamanga amin'ny sehatr'asa fampandrosoana izay.

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Rehefa tsapan'ny vahoaka tsirairay ao anatin'ny firenena iray fa azy ny fireneny dia miezaka izy manao ny anjara tandrify azy hahatsara azy, hahasoa azy, na dia hamoizany ny ainy aza. Tsy manana fahamendrehana ny olona tsy misy tanindrazana, tsy misy faneva, tsy fantatra avy aiza. Fandaharana "miaina sy mitia" iarahana amin'ny Ivon-toerana Arrupe Madagasikara, tontosaina eto amin'ny radio Don Bosco.

Lohahevitra : Vaovao

♦ Mitsidika eto Madagasikara ny iraky ny Firenena Mikambana, mifanakalo hevitra amin'ny tompon'andraikitra Malagasy momba ny tontolon'ny fifidianana eto amintsika. Ny Filohan'ny CENI no nandray azy ireo androany... ♦ Natolotra ho an'ny Distrikan'Antananarivo Atsimondrano, teny Vontovorona, Kaominina Alakamisy Fenoarivo, ny milina fanodinana tantely, avy amin'ny Minisitera Fampiroboroboana ny Indostria sy ny Varotra ary ny Fanjifana... ♦ Hiala tsy ho mpanazatra ny Barean'i Madagasikara intsony Andriamatoa Nicolas Dupuis, tao aorian'ny faharesena roa misesy nahazo ny Ekipam-pirenena Malagasy tamin'ny fihaonana tamin'i Centrafrique...

Lohahevitra : Vaovao

♦ Tsy tokony hiziriziry ny fitondram-panjakàna, raha misy ny fehin-kevitra tapaka hisian'ny fifidianana madio sy eken'ny rehetra, aorian'ny fampihaonana ataon'ny FFKM, hoy ny vovonana Gasy Leo... ♦ Tra-tehaky ny pôlisy ireo olona miisa 09 mpamono mpampily taxi amin'ny alina eto Antananarivo. Entin'izy ireo mitsoaka ny fiara, hakàna ireo kojakoja fanolo, ka amidy eny Andravoahangy. Mpamily miisa 03 no efa niharan'izany... ♦ Hanomboka ny Alatsinainy izao eny Betongolo ny Fitsaràna miaramila ho an'Antananarivo ho an'ity taona ity. Misy ny tsara ho fantatra momba izany...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny vehivavy dia manana ny lanjany amin'ny fampandrosoana ny firenena. Manana adidy ny vehivavy manoloana ny tolom-panafahana amin'ny alalan'ny firaisan-kina ho an'ny tanindrazana. Fahaleovan-tena mampisalasala no azon'ny Malagasy, noho izany dia amin'ny endrika hafa no handraisan'ny vehivavy an-tanana ny fanohizana ny tolom-panafahana. Amin'ny alalan'ny asa isan-karazany no hanatontosany izany. Manao ny ezaka rehetra ny vehivavy, maneho firaisan-kina mba ahafahana mampandroso ny tanindrazana ary mba ho lovain-jafy, amin'ny lafiny fihariana, sy ny fanabeazana, fifanampiana amin'ny lehilahy. Fandaharana "ampela miary" tontosaina eto amin'ny radio Don Bosco.

Lohahevitra : Vaovao

♦ Miahiahy ambadika pôlitika amin'ny fisamborana sy fampidirana am-ponja vonjimaika ny tompon'ny La Gazette de la Grande Île ny Federasiôn'ny mpanao gazety eto Madagasikara. Nanao fanambaràna izy ireo omaly, manoloana ity raharaha ity... ♦ Hosokafana amin'ny mpandraharaha hafa ny fanomezan-dalana amin'ny fahafahana mikirakira lavanila, hoy ny ministry ny varotra sy ny fanjifàna. Nivory niaraka tamin'ireo mpandraharaha mpanondrana ity vokatra ity indray ny Ministera omaly... ♦ Nitombo 36 isa indray ireo nahazo laharam-boninahitra jeneraly eo anivon'ny Foloalindahy malagasy ho an'ny taona 2022. Naseho tamin'ny fomba ôfisaly omaly tamin'ny ministry ny fiarovam-pirenena izy ireo...

Lohahevitra : Vaovao

♦ Niaiky ny Minisitra Edgar Razafindrahy androany, fa mandalo krizy ny lavanila. Andrasana ny fehin-kevitra tinapaka tamin'ny dinika niarahany tamin'ireo mpandraharaha... ♦ Tsy tokony atao kabary pôlitika fa amin'ny alalan'ny fitsinjaram-pahefana tena izy, ny famahana ny olan'ny orinasa SECREN, hoy ny Filoha Nasiônalin'ny antoko MMM... ♦ Nosokajian'ny mpitandro ny filaminana ho mpandimby an'ny Del Kely kosa, ilay jiolahy maty voatifitra antsoina hoe Iaris...

Lohahevitra : Miara-dalana

♦ Nanamarika ny 25 marsa ny MDMK-CVX tao amin'ny Diôsezin'i Mahajanga, ny sabotsy teo. Nandritra izany ihany koa ny nakofana tamin'ny fomba ôfisialy ny faha-100 taoan'ny Antilin'i Madagasikara... ♦ Manohy hatrany ny fitsidihana pastôraly izay tanterahany ao amin'ny Diôsezin'Ambanja i Mgr Donatien Randriamalala, ka ny Paroasin'i Maromandia no nadehanany omaly... ♦ Fomba iray hanehoana ny finoana ny fivahinianana masina, ka tokony hitodika bebe kokoa amin'Andriamanitra isika, hiala amin'ny fitiavan-tena, hikajy ny tontolo iainana, io no fanentanana nataon'i Mgr Benjamin Marc Ramaroson, nandritra ny pèlerinage notontosaina teny amin'ny Montagne des Français, ho an'ny tao amin'ny Arsidiôsezin'Antisranana...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Sabotsy 8 aprily 2023 — Sabotsy Masina — Fiaretan-tory ankalazana ny Fitsanganan'i Jesoa Kristy — Taona A — Evanjely Masina nosoratan’i Masindahy Matio (Mt. 28, 1-10)

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

Zoma 7 aprily 2023 — Zoma Masina — Fankalazana ny fijalian'ny Tompo — Nanolo-tena hanaiky hatramin’ny fahafatesana ho antsika i Kristy, dia fahafatesana tamin’ny Hazofijaliana. Ho valin’izany kosa, dia nasandratr’Andriamanitra ambony indrindra Izy, ary nomeny Anarana mihoatra ny anarana rehetra — Fijalian'i Jesoa Kristy Tompontsika nosoratan'i Masindahy Joany (Jo. 18, 1-40 ; 19, 1-42)

Sous-catégories

Malagasy

[Miara-dàlana] Zoma 29 nôvambra 2024

  • Miomana amin'ny fandraisana ny Eveka vaovao, Mgr Marcellin Randriamamonjy, ny Diôsezin'i Farafangana...
  • Nanatanteraka fihaonambe fanao isan-taona nandritra ny hateloana, ny Vaomiera misahana ny fampanjariana ny Rariny sy ny Fiadanana tao amin'ny Diôsezin'Antsirabe...
  • Torio an-kafaliana ny Evanjely, hoy ny Papa François, tamin'ny fampianarana nataony nandritra ny Audience générale, ny alarobia 27 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...