Lohahevitra : Vaovao

♦ Tsy fantatra mazava na afaka madiodio tokoa, araka ny filazany, Ramatoa Rommy Voos Randrianarisoa na nisy antony hafa. Tokony hosokafana eto an-toerana ihany koa ny fanadihadiana azy hoy ny Profesora Ralison Roger... ♦ Fanararaotana atao amin'ny mpanjifa ireo fepetra noraisin'ny orinasa JIRAMA ny herinandro teo, hoy ny MCI. Miantso ny tale jeneralin'ny JIRAMA hanafoana izany ity fikambanana mpiaro ny zon'ny mpanjifa ity... ♦ Handaniam-bola hatrany amin'ny 600.000Ariary amin'izao ny ankizy iray, amin'ny fampidirana azy an-tsekoly. Ny 60% amin'ireo ray aman-dreny ihany amin'ny ankapobeny no efa nahavita ny fisoratana anarana...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny mpanoratra ny Salamo dia mametraka mazava tsara mihitsy fa ny fahafatesana no fahavalo faratampn'ny olombelona. Sazy mafy indrindra ary mampihorohoro sy mampatahotra ny olona indrindra. Ny vavaka dia ahatsapana fa voafetra ny olombelona ; io fetra io no manampy antsika tsy hanao tsinontsinona ny hafa satria isika natao hiaina ao antin'ny fiaraha-monina ; ny maha-izy antsika dia ny hafa... Katesizy momba ny vavaka miaraka amin'ny Salamo, iarahana amin'i P. Flavien Andriamirijanirina.

Lohahevitra : Vaovao

♦ Tsy fantatra mazava, na afaka madiodio tokoa, araka ny filazany, Ramatoa Rommy Voos Randrianarisoa, na nisy antony hafa. Nilaza Ramatoa Fanirisoa Herinaivo, Filohan'ny SMM teo aloha, fa fandroahana voafonja vahiny no azony... ♦ Halatra atao amin'ny mpajifa ireo fepetra nambaran'ny Jirama ny herinandro teo, hoy ny MCI. Miantso ny mpanjifa tsy hanaiky ny fidiran'ny mpiasan'ny Jirama hanapaka jiro any an-trano, ity fikambanana mpiaro ny zon'ny mpanjifa ity...

Lohahevitra : Miara-dalana

♦ Manentana ny mpino rehetra hivavaka ho an'ny mpitondra ara-pôlitika, ny Papa François, ao anatin'ilay vavaka fangantahana ampanaoviny isam-bolana... ♦ Tontosaina eny amin'ny Déhoniens Ambolonkandrina, ny fihaonan'ireo lehibem-pikambanana ao anatin'ny Congrégation Spiritain, ho an'i Afrika sy ny Ranomasimbe Indiana... ♦ Tsy mahafeno ny fiainana ny zavatra materialy, hoy ny Papa François, nandritra ny vavaka Angelus omaly...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Ezekiela Mpaminany (Ezek. 28, 1-10)

Olombelona ihany ianao, fa tsy Andriamanitra akory, na dia ataonao ho toy ny fon’Andriamanitra aza ny fonao.

Tonga tamiko ny tenin’ny Tompo nanao hoe:
Ry zanak’olona, lazao ny mpanjakan’i Tira hoe:
Izao no lazain’ny Tompo Andriamanitra:
Noho ny fonao nanandra-tena, sady ianao nanao hoe:
“andriamanitra aho,
no ipetrahako eo anivon’ny ranomasina, seza fiandrianan’Andriamanitra”;
nefa olombelona ihany ianao, fa tsy Andriamanitra tsy akory,
na dia ataonao ho toy ny fon’Andriamanitra aza ny fonao!
— Indro ianao fa hendry noho i Daniely, tsy misy zava-takona miafina aminao;
tamin’ny fahendrenao amam-pahalalanao, nahazo harena ho anao ianao;
ka nahangona volamena sy volafotsy miavosa, ho ao amin’ny rakitrao;
tamin’ny halehiben’ny fahendrenao, tamin’ny varotrao, hampitombo ny harenao,
ka dia nanandra-tena ny fonao azon’ny harenao. —
Noho izany, izao no lazain’ny Tompo Andriamanitra:

“Satria nanao ny fonao ho toy ny fon’Andriamanitra ianao,
noho izany dia indro, hitondra firenen-kafa hamely anao Aho,
dia firenena masiaka indrindra amin’ny firenena;
hotsoahany ny sabany hamelezana ny filohan’asan’ny fahendrenao,
ary hohamavoiny ny famirapiratanao.
Havariny any an-davaka ianao,
ka ho faty amin’ny fahafatesan’izay voavono ao anatin’ny ranomasina.
Ianao va mbola hilaza hoe: andriamanitra aho, eo anatrehan’ny mpamono anao;
nefa olombelona ihany ianao, fa tsy Andriamanitra tsinona,
eo an-tanan’izay mamono anao?
Toy ny fahafatin’ny tsy voafora no hahafaty anao, amin’ny tanan’ny hafa firenena;
fa Izaho no niteny izany.”

— Izany àry ny tenin’ny Tompo.

Setriny

Salamo: Det. 32, 26-27ab. 27de-28. 30. 35de-36ab

Izaho no mahafaty sy mahavelona.

Saika hataoko hoe: hofaohiko amin’ny indray mitsoka ireo,
hofoanako tsy ho eo amin’ny olombelona ny fahatsiarovana azy,
raha tsy noho ny tahotra ny hireharehan’ny fahavalo,
sy ny hahadiso hevitra ny mpandrafy azy.

Ka hilaza hoe: ny tananay no nahery.
Fa tsy ny Tompo no nanao izany rehetra izany.
Fa firenena tsy manam-pahendrena izy,
ary tsy misy saina eo aminy.

Hataon’ny irery lahy ahoana no fanenjika ny arivo,
hataon’ny roa lahy ahoana no fampandositra ny iray alina
raha tsy ny Vatolampy no efa nivarotra azy,
raha tsy ny Tompo no efa nanolotra azy?

Fa antomotra ny andro hahitany loza,
ary ho avy faingana izay anjara ho azy.
Fa homen’ny Tompo rariny ny vahoakany,
ary noho ny mpanompony dia hanenina Izy.

Evanjely

Aleloia. Aleloia.

Ny ondriko mihaino ny feoko, hoy ny Tompo, Izaho mahalala azy ary izy manaraka Ahy.

Aleloia.

Evanjely Masina nosoratan’i Masindahy Matio (Mt. 19, 23-30)

Moramora kokoa ny hidiran’ny rameva amin’ny vodifanjaitra noho ny hidiran’ny mpanan-karena amin’ny fanjakan’ny lanitra.

Tamin’izany andro izany,
i Jesoa niteny tamin’ny mpianany nanao hoe:

“Lazaiko marina aminareo fa sarotra ny hidiran’ny mpanan-karena amin’ny fanjakan’ny lanitra.
Ary izao koa no lazaiko aminareo:
moramora kokoa ny hidiran’ny rameva amin’ny vodifanjaitra
noho ny hidiran’ny mpanan-karena amin’ny fanjakan’ny lanitra.”

Gaga dia gaga ny mpianany nandre izany teny izany, ka nanao hoe:

“Koa iza ihany àry no mety ho voavonjy?”

Nijery azy ireo i Jesoa ka nanao hoe:

“Tsy hain’olombelona izany,
fa vitan’Andriamanitra ny zavatra rehetra.”

Namaly i Piera ka nanao taminy hoe:

“Indro izahay efa nahafoy ny zavatra rehetra, ary nanaraka Anao,
ka inona àry no ho azonay?”

Hoy i Jesoa taminy:

“Lazaiko marina aminareo fa raha mby amin’ny andro fanavaozana,
ny Zanak’Olona dia hipetraka eo amin’ny fiketrahan’ny fiandrianany;
ary ianareo izay nanaraka Ahy koa hipetraka amin’ny fiketrahana roa ambin’ny folo,
ka hitsara ny foko roa ambin’ny folo amin’i Israely.
Ary izay rehetra handao ny tranony, na ny rahalahiny, na ny anabaviny,
na ny rainy, na ny reniny, na ny vadiny, na ny zanany, na ny taniny,
noho ny Anarako, dia sady hahazo zato heny no handova ny fiainana mandrakizay.
Nefa maro izay voalohany no ho farany,
ary maro koa izay farany no ho voalohany.”

— Izany àry ny tenin’ny Tompo.

Lohahevitra : Vaovao

♦ Ho voavaha tsy ho ela ny olan'ny fahatapahan-jiro eny amin'ny Cité R+1 eny Ankatso faharoa... ♦ Atsaraina ny fitantanana ny fako ao Antananarivo Renivohitra misy tetik'asa iarahana amin'ny fitondrana Japoney... ♦ Mbola tsy mety tapitra ny resaka momba ny fanemorana ny fifidianana ben'ny tanàna izay hatao ny 11 desambra izao... ♦ Manodidina ny 100 isa ireo olona voasambotra noho ny fihetsiketsehana nisy tany Grande Bretagne ny faran'ny herinandro teoo... ♦ Nahazo fiaramanidina mpiady maromaro avy amin'i Etazonia i Ukraine...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Araka ny voarakitra ao anatin'ny Salamo dia toe-po tsotra sy mahitsy no tokony hoentina mivavaka. Ny hoe "tsotra sy mahitsy" dia tsy mila olona mihatsara ivelatsihy, misaro-tava, manafin-kilemana ; tsy mila olona manamboatra endrika, izany hoe raha vavaka no resahana dia tsy ilaina ireny mpanao "beauté" sy "esthétique" ireny satria tsy mila "maquiage" na zavatra amboamboarina Andriamanitra... Katesizy momba ny vavaka miaraka amin'ny Salamo, iarahana amin'i P. Flavien Andriamirijanirina.

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Alahady faha-18 mandavantaona — B : Ray aman-dreny mpamelona Andriamanitra ; Raha misy tia Ahy dia hitandrina ny teniko izy, ka ho tian’ny Raiko, ary hankao aminy izahay ka honina ao aminy. Izay manatona an'i Jesoa Kristy, tsy mba ho noana intsony, ary izay mino Azy tsy hangetaheta. Ny fimonomononana dia toetra andavanandron'ny tanora miala sakana, tsy mety manaiky sy mandray ny zava-misy, tsy mahatsapa izay tsara mahasoa azy, ary mikomy sy midongy amin'ny ray aman-dreny toa ity voalaza amin'ny vakin-teny voalohany ity izay toetran'ny vahoaka nanoloana an'i Môizy. Avy amin'ny teny hebrio "manne - o" izay midika hoe "inona itony" no niavian'ny anaran'io mofo avy any an-danitra io....

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tokony ho tsapatsika fa tsy miteny irery na manao antso an'efitra isika na miresaka amin'ny rivotra rehefa mivavaka fa tena misy sofina mihaino sy olona manongilantsofina. Tsy hoe ren'Andriamanitra fotsiny ny vavaka ataontsika fa tena mihaino ny vavaka ataontsika izy. Raha mifandray amin'Andriamanitra isika dia tsy hoe foana ny olana fa kosa mitodika sy mitarika antsika makany amin'ny tsara kokoa. Katesizy momba ny vavaka miaraka amin'ny Salamo, iarahana amin'i P. Flavien Andriamirijanirina.

Lohahevitra : Vaovao

♦ Hoarenina ny ONE eny Antaninareina. Dingana manaraka hoy ny Ministry ny tontolo iainana sy ny fandrosoana lovain-jafy ny firesahana amin'ny mpiara-miombon'antoka... ♦ Mbola ambany ny tahan'ny Malagasy manao fiantohana ny ainy sy ny fananany. Tsy misy afa-tsy 1% ny anjara entiny ao amin'ny PIB... ♦ Hanamarika ny faha-30 taona niakarany an-tsehatra etsy Antsahamanitra ny tarika Tirike sy ny mpandihiny. Fampisehoana hatao rahampitso tolakandro... ♦ Nohamafisin'ny fahefana misahana ny fifidianana any Venezuella omaly ny voka-pifidianana ka nahalany indray ny filoha amperin'asa Nicolas Maduro, hitondra ny tany sy ny fanjakàna indray...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Ny tratra dia tokony tsy hisy fanaintainana mihitsy, ary tokony tsy hisy hanelingelina ny fiaina. Ny tratra dia tsy azo orina ; ny fanaintainana eo amin'ny tratra dia tsy aretina fa fambaran'aretina : mety ho olan'ny fo, avokavoka, taovam-pandevonan-kanina. Ny dona am-bona ihany koa anefa mety hiteraka fanaintainana eo amin'ny tratra fa ny tsara indrindra dia ny fanatonana mpitsabo. Mety ho vokatry ny sita ihany koa io fanaintainana io. Fandaharana "andriano ny fahasalamana" iarahana amin'ny Radio Don Bosco.

Lohahevitra : Vaovao

♦ Nanatrika ny fanokafana ny fihaonambe eran-tany momba ny fifandraisan'ny mpiara-belona ho an'ny Saleziana tao Rome omaly ny Kardinaly Angel Fernandez Artime. Fihaonambe hatramin'ny alarobia izao miompana amin'ny loha-hevitra hoe " Mamolavola ho an'ny ho avy mamiratra"... ♦ Hiara-hiasa hiantoka ny fampiasam-bola sy ny fintantanana ny loza mety hitranga ny EDBM sy ny trano fiantohana ARO. Nosoniavina omaly teny Antaninarenina ny fifanarahana momba izany... ♦ Hanao fihaonambe eto Antananarivo ny sabotsy 31 aogositra izao ny Kômity Iombonan'ny Mpiasa Malagasy na ny K.I.M.M. Marary ny tontolon'ny asa eto Madagasikara hoy izy ireo nandritra ny fihaonana teny Faravohitra...

Sous-catégories

Malagasy

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...