Lohahevitra : Vaovao

♦ Telo taona sy tapany an-tranomaizina. izay no sazy navokan'ny fitsaràna britanika ho an'ny tale kabinetran'ny filohan'ny repoblika teo aloha Ramatoa Romy Voos Andrianarisoa. Didim-pitsarana noho ny raharaha kolikoly nanenjehana azy... ♦ Manahy amin'ny ho avin'ny orinasa iasany manoloana ny fiovan-drafitra amin'ny fitantanana ao amin'ny OMNIS ireo mpiasa. Nisy omaly ny fivoriambe niarahan'ny mpiasa tamin'ny Ministra tompon'andraikitra... ♦ Tsy vahaolana hanarenana ny JIRAMA ny fampiharana ny vidin'ny tena izy amin'ny jiro sy rano hoy ny Fikambanana mpiaro ny zon'ny mpanjifa PMH... ♦ Miantso an'i Israël hanajanona ny fanafihana ataony ao Rafah faritra atsimon'i Palestine ny firenena tandrefana...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mety hiteraka fahafatesana eo am-piterahana ny fitondrana vohoka aloha loatra. Ny fitondrana vohoka aloha loatra dia antony hialan'ny tanora amin'ny fianarany satria miteraka henatra sy tsy fifantohana ny tranga. Ny fiainana ny fahadiovana dia sady voninahitra ho an'ny tena no voninahitry ny fianakaviana no sady fanatanterahana ny sitrapon'Andriamanitra ihany koa satria tenimpolin'ny Fanahy Masina. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Lohahevitra : Vaovao

♦ Velona ahiahy amin'ny ho aviny, manoloana ny fiovan-drafitra amin'ny fitantanana misy eo anivon'ny OMNIS, ireo mpiasa... ♦ Tanora avy amin'ny tontolo ambanivohitra miisa 142 no tafiditra miasa amin'ireo orinasa samihafa vokatry ny tetikasa Pro-Agri-Youth, izay tanterahan'ny OIT eto Madagasikara... ♦ Tsy vahaolana hanarenana ny orinasa Jirama ny fampiharana ny vidiny tena izy amin'ny jiro sy ny rano, hoy ny fikambanana mpiaro ny zon'ny mpanjifa PMH...

Lohahevitra : Miara-dalana

♦ Tontosa ny alarobia 8 mey 2024 ny Sorona Masina fanaovam-beloma farany an'i P. Giovanni Follese, Salezianina Don Bosco... ♦ Hafatra mifono teny fankaherezana no nentin'ny Vikera Jeneraly, P. Wagner Randriamampandry, ho an'ireo mpanabe sy beazina rehetra eo anivon'ny Sekoly Katôlika eto amin'ny Diôsezin'Antananarivo, nandritra ny fankalazana ny Andron'ny Sekoly Katôlika izay notanterahana androany... ♦ Niompana tamin'ny fanantenana, izay hatsaram-panahy fototra, ny katesizin'ny Papa François tamin'ny alarobia 8 mey 2024...

Lohahevitra : Vaovao

♦ Andrasana amin'izay ho Solombavam-bahoaka vaovao ho lany eo, ny fandraisana fepetra hentitra amin'ireo mpitondra tsy manaja ny Lalam-panorenana sy tsy manome hasina ny andrim-panjakana, hoy Andriamatoa Constant Raveloson... ♦ Hihamafy ny fanapahan-kevitra horaisina amin'ny fivoriana tsy ara-potoana hataon'ny Sendikàn'ny Mpirakidraharaham-pitsarana eto Madagasikara, raha toa ka mbola minia manampin-tsofina amin'ny fitakiany ireo tompon'andraikitra...

Lohahevitra : Vaovao

♦ Hanomboka anio ny fanaparitahana ireo fitaovana samihafa ilaina amin'ny fifidianana, araka ny tetiandro nampahafantarin'ny CENI... ♦ Manentana ny vahoaka Malagasy mba handray anjara amin'ny zotram-pifidianana ny Masoivoho Amerikana eto Madagasikara. Antoka hampahomby izany anefa, hoy ny fanamabarany, ny hanatanterahana fifidianana malalaka sy ara-drariny ary amim-pilaminana... ♦ Manomboka anio zoma amin'ny 3 ora tolakandro no ao am-bohitra, ao Tsaramihafara Itaosy, ny nofo mangatsiakan'i Tsimitoviaminandriandehibe Rajaofetra Guy, fantatra amin'ny anarana hoe Xhi...

Lohahevitra : Raki-tsarobidy
Voadika amin'ny fiteny :  English (United Kingdom) 

Vokatry ny fidorohana zava-mahadomelina sy ny fisotroana zava-pisotro misy alikaola dia maro ny tanora voasarika amin'ny filan'ny nofo, mety ho tonga ho amin'ny vohoka aloha loatra ireny. Tena zava-doza ho an'ny reny sy zaza ny fitondrana vohoka aloha loatra satria lasa misy olana eo amin'ny fianakaviana, fiaraha-monina ary ny firenena. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Isika olom-pirenena malagasy dia hiatrika fifidianana solombavambahoaka amin'ity taona ity, zo sy adidy ny mifidy. Ny safidy dia zava-dehibe ary fototry ny ho avy koa samia miezaka ho tony sy hisaina tsara izay mety hampandrosoana ny firenena. Fandaharana "mba ho vanona" iarahana amin'ny jeneraly Désiré Ramakavelo.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tokony hampidirina ao an-tsain'ny tanora fa Masina sy Voatokana ny firaisana ara-nofo ka tsy azo hatao alohan'ny fanambadiana. Masina satria voajanahary izay fifamenoin'ny lahy sy ny vavy ho fanohizana ny asa-pahariana nataon'Andriamanitra. Ireo tanora lahy sy vavy miroso amin'ny firaisana ara-nofo dia tokony hizaka ny vokatry ny safidiny. Herisetra ny fanararaotana ara-nofo. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Lohahevitra : Vaovao

♦ Noraisin'ny CENI tetsy amin'ny seranam-piaramanidina Ivato androany, irao fitaovana samihafa hampiasaina amin'ny fifidianana Solombavam-bahoaka ny 29 mey 2024... ♦ Nanomboka androany, manerana an'i Madagasikara, ny fampielezan-kevitra amin'ny fifidianana Solombavam-bahoaka, hatao amin'ny 29 mey 2024... ♦ Nomarihana androany 8 mey teny amin'ny Parvis Analakely ny andro iraisam-pirenena ho an'ny Vokovoko Mena. Lohahevitra tamin'izany ny hoe: "Koloy aina, ny mahaolona"...

Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

18 mey 2024 — Sabotsy, Herinandro fahafito Fankalazana ny Paka — Hirahiko ho eo aminareo ny Fanahin’ny Fahamarinana, hoy ny Tompo; Izy no hitari-dalana anareo amin’ny marina rehetra — Evanjely Masina nosoratan’i Masindahy Joany (Jo. 21, 20-25)

Lohahevitra : Fankalazana ny Paka
Voadika amin'ny fiteny :  Français (France)   English (United Kingdom) 

Vakiteny voalohany

Boky mitantara ny Asan’ny Apôstôly (Asa 28, 16-20. 30-31)

Nijanona tao Rôma izy nitory ny fanjakan’Andriamanitra.

Rahefa tonga tany Rôma izahay,
dia nahazo nitoetra nitokana i Paoly, fa miaramila no niambina azy.
Nony afaka hateloana,
dia nampiantsoin’i Paoly ny lohandohan’ny Jody,
ka nony tafavory izy ireo dia hoy izy taminy:

“Ry rahalahy,
izaho dia nafatotra hatrany Jerosalema sy natolotra teo an-tanan’ny Rômanina
na dia tsy nanao na inona na inona manohitra ny firenentsika
sy ny fanaon-drazantsika aza.
Nony namatotra ahy ireo,
ka nahita fa tsy nisy tokony hahafaty ahy,
dia nikasa handefa ahy ihany izy ireo;
nefa notoherin’ny Jody izany,
ka voatery ho nangataka hotsarain’i Sezara aho;
tsy ao an-tsaiko velively anefa izay hiampanga ny fireneko amin’izany.
Izany ny niangaviako ny mba hifankahita sy hidinika aminareo;
fa noho ny fanantenan’i Israely ity,
no ifatorako amin’izao rojo vy izao.”

Nitoetra roa taona nipaka tao amin’ny trano anankiray nohofany i Paoly;
ary nandray tsara an’izay rehetra nankao aminy.
Nitory ny fanjakan’Andriamanitra
sy nampianatra ny amin’i Jesoa Kristy Tompo tamin-kasahiana lehibe izy,
sady tsy nisy nisakana.

— Izany àry ny tenin’ny Tompo.

Setriny

Salamo 10, 4. 5 sy 7

Izay mahitsy fo dia hibanjina ny tavanao, ry Tompo.

Ny Tompo ao an-tempoliny masina;
ny Tompo amin’ny fiketrahany any an-danitra;
ny masony mitazana;
ny fijeriny mandinika ny zanak’olombelona.

Ny Tompo mandinika ny ratsy fanahy sy ny olo-marina:
halany mainty ny mpanao an-keriny!
Eny, marina ny Tompo, ny fahamarinana no tiany:
ka izay mahitsy fo dia hibanjina ny tavany.

Evanjely

Aleloia. Aleloia.

Hirahiko ho eo aminareo ny Fanahin’ny Fahamarinana, hoy ny Tompo; Izy no hitari-dalana anareo amin’ny marina rehetra.

Aleloia.

Evanjely Masina nosoratan’i Masindahy Joany (Jo. 21, 20-25)

Izy no ilay mpianatra nanoratra izany, ary fantatsika fa marina ny filazany.

Tamin’izany andro izany, nony nitodika i Piera,
dia hitany teo aoriany ilay mpianatra malalan’i Jesoa
izay niankina tamin’ny tratrany teo am-pisakafoana sy nanao hoe:

“Tompoko, iza no hamadika Anao?”

Ary nony nahita azy i Piera dia hoy izy tamin’i Jesoa:

“Tompoko, mba inona kosa no ho anjaran’ity?”

Dia hoy i Jesoa taminy:

“Raha tiako hitoetra izy mandrapiaviko, mampaninona anao izany?
Fa manaraha Ahy ianao.”

Dia niely tamin’ny rahalahy fa hoe tsy ho faty izany mpianatra izany;
nefa i Jesoa tsy nilaza hoe tsy ho faty izy, fa hoe:
Raha tiako hitoetra izy mandra-piaviko, mampaninona anao izany?
Izy no ilay mpianatra manambara izany sy nanoratra azy,
ary fantatsika fa marina ny filazany.
Maro koa ny zavatra hafa nataon’i Jesoa,
ka raha izany rehetra izany no hosoratana tsirairay,
dia ataoko fa na izao tontolo izao aza
tsy ho omby ny boky hosoratana.

— Izany àry ny tenin’ny Tompo.

Sous-catégories

Malagasy

[Miara-dàlana] Zoma 22 nôvambra 2024

  • Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
  • Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
  • Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...