Lohahevitra : Vaovao

♦ Very any an-dranomasina avokoa ny 95% amin'ny rano azo trandrahana eto Madagasikara hoy ny Ministry ny rano, ny fidiovana sy ny fahadiovana... ♦ Olana amin'ny fivadiana amin'ny fampiasana ny haitao ara-kajy mirindra no mahatara ny famoahana ny vatsim-pianarana ho an'ny mpianatra eny amin'ny Université an'Antananarivo hoy ny sekretera jeneralin'ny ministeran'ny fampianarana ambony sy ny fikarohana ara-tsiansa... ♦ Nahitàna fidinany ho 10,23% ny tahan'ny fifohana sigara eo amin'ny tanora 13 hatramin'ny 15 taona eny anivon'ny sekoly hoy ny OFNALAT... ♦ Voasambotry ny mpitandro filaminana i Ronnie Dean Stout II, izay voalaza fa tompon'antoka tamin'ny doro tanety sy ala nitranga tao Californie...

Lohahevitra : Vaovao

♦ Nihaona tamin'ny filoha Frantsay tao amin'ny lapan'i Elysée any Paris, omaly, ny filoha Rajoelina Andry, voaresaky ny roa tonta tamin'izany ny fifandraisana ara-diplômasia sy ara-toekarena... ♦ Nigadona any Antsiranana ilay sambo hopitaly "Arche de la paix" hanome fitsaboana maimaimpoana ny mponina any an-toerana mandritra ny herinandro... ♦ Miankina amin'ny fahatongavan'ny taratasim-panadinana aty amin'ny foibe ny fanombohan'ny fitsarana ny antotantaratasim-panadinana bakalôrea hoy ny Sekretera Jeneralin'ny ministeran'ny fampianarana ambony sy ny fikarohana ara-tsiansa... ♦ Nahitàna taovan'olombelona sy biby tao amin'ny toerana faka aina tao Rosehill ao Sutton, any Atsimon'i Londres...

Lohahevitra : Raki-tsarobidy
Voadika amin'ny fiteny :  Français (France) 

I Davida dia masina sy mpanota, voaenjika sy mpanenjika, nampijaliana sy mpampijaly, izany daholo mihitsy no niainany ; isika ihany koa eo amin'ny fiainantsika dia mety sendran'ireo tranga mifanohitra matetika. Ny vavaka irery ihany no lalan-tokana tsy nampihontsina an'i Davida teo amin'ny fiainany ka tsy nampivoana  azy tamin'ny sori-dalana natao hodiaviny. Ny vavaka no feo tsy maty tao anatin'i Davida... Katesizy momba ny vavak'i Davida, iarahana amin'i P. Sylvain Rafaralahimboa.

Lohahevitra : Vaovao

♦ Niantso ny rehetra mba hampitsahatra ny lainga sy ny kabary tsara lahatra ny Kardinaly Désiré Tsarahazana, Arsevekan'i Toamasina, nandirtra ny Sorona Masina famaranana ny fankalazana ny taon-jobily volamenan'ny Fihavaozana Karismatika... ♦ Niompana tamin'ny fiaraha-miasan'i Lafrantsa sy i Madagasikara amin'ny famokarana herinaratra azo avy amin'ny rian-drano, mba hamenoana ny angovo tsy ampy eto amintsika, ny fihaonana teo amin'ny Filoha frantsay, Emmanuel Macron sy ny Filoha malagasy, Andry Rajoelina androany...

Lohahevitra : Miara-dalana

♦ Notanterahana tao amin'ny renivohitry ny Diôsezin'i Mahajanga, ny fiofanana ho an'ny katesista avy ao amin'ny Distrika Misiônera Maevatanana, tamin'ity herinandro ity... ♦ Nanentana ny rehetra hiaina ny fitiavana, ny Arsevekan'i Toamasina, tamin'ny fanokafana ny lanonana famaranana ny taom-bolamenan'ny Fihavaozana Karismatika Katôlika Fiombonana, eto Madagasikara... ♦ Tontosa tamin'ny 13 jolay 2024, ny Antenimiera nataon'ny tanora tao amin'ny Diôsezin'i Farafangana, ho fanomanana ny JMJ Diôsezy...

Lohahevitra : Hirika
Voadika amin'ny fiteny :  Français (France) 

Misedra olana amin'ny fanondranana ny vokany ny kaoperativa Taratra avy Analanjirofo amin'izao fotoana izao. Manomboka miditra amin'ny fanondranana ny voly fanondrana ifotoran'izy ireo mantsy ity kaoperativa ity ankehitriny saingy betsaka loatra hoy ny tompon'andraikitra ny pitsopitsony vola aloa noho ny lamina misy.

Lohahevitra : Vaovao

♦ Nodimandry omaly i Jean André Soja, fantatra tamin'ny anarana hoe Kaleta. Nahafantaran'ny maro azy ny tontolo pôlitika, ankoatra ny naha mpandraharaha azy... ♦ Mbola mitohy anio ny fanadinam-panjakana bakalôrea, ho an'ireo hiatrika ny taranja “Sciences économiques et sociales” ary ny adina an-tsoratra EPS. Hanohy ny taranja teknika kosa ireo mpiadina bakalôrea teknika, amin'io herinandro ho avy io... ♦ Manjaka indray ny fahatapahan-jiro mifandimby amin'ny Tambajotra Iraisan'Antananarivo. Mikorontana noho izany koa ny famatsian-drano amin'ny toerana sasany...

Lohahevitra : Miaina sy mitia
Voadika amin'ny fiteny :  Français (France) 

Ny fialan-tsasatra dia fotoana ialàna amin’ny zavatra mahazatra, na hisitahana ny toeram-ponenana mihitsy aza ho an’ny ankamaroan’ny olona. Mandritra io fotoana io dia maro no mieritreritra fa fety lava ny fiainana, hany ka manadino ny fitondran-tena mendrika. Ny VIH/SIDA anefa dia misoko mangina na dia tsy hita taratra ety ivelany aza. koa ilaina hatrany ny fahamailoana, koa hamporisihana ny tsirairay amin’ny fanajana ny vatana sy ho tompon’andraikitra amin’ny safidiny. Fandaharana "miaina sy mitia" hiarahana amin’ny Vaomieran’ny Eveka, eto amin'ny radio Don Bosco, iarahana amin'ny Ivon-toerana Arrupe Madagasikara.

Lohahevitra : Raki-tsarobidy
Voadika amin'ny fiteny :  Français (France) 

Raha tsy manana fandinika pôetika ny olona iray dia mandringa ny fanahiny ; rehefa tsy ampy ny rindram-bavaka kanto dia mandringa ny fanahy, izany hoe lasa vavaka tsy tonga lafatra fa vavaka hafahafa. Rehefa mivavaka dia tena ilaina ny maneho ohatra tsara amin'ireo zava-dehibe teo amin'ny fiainana nataon'Andriamanitra. Zava-dehibe ny rindram-bavaka : mba hahatsapana ny fahalebiazan'Andriamanitra... Katesizy momba ny vavak'i Davida, iarahana amin'i P. Sylvain Rafaralahimboa.

Lohahevitra : Vaovao

♦ Mbola maro ireo laza adina niparitaka tamin'ny tambajotran-tserasera nandritra ity Bakalôrea 2024 ity. Nifarana androany izany fanadinam-panjakana izany ho an'ny fampianarana ankapobeny... ♦ Handiso ny tena fifandanjan-kery pôlitika marina, ny fifidianana Ben'ny Tanàna ho avy eo, indrindra izay hahazo ny fitantanana ny tanànan'Antananarivo, hoy ny antoko Teza... ♦ Nitotongana indray ny sandam-bola malagasy Ariary. Efa tafakatra 4.970 Ariary ny Euro iray amin'izao. Hitondra fanazavana ny mpahay teo-karena iray eo anivon'ny CREM...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Ezekiela Mpaminany (Ezek. 2, 8 — 3, 4)

Hano io taratasy io. Dia nohaniko izany, ka mamy ohatra ny tantely izy tao am-bavako.

Hoy ny Tompo tamiko:

“Ary ianao, ry zanak’olona, henoy izao lazaiko aminao izao:
Aza miodina tahaka izany taranaka miodina izany.
Sokafy ny vavanao, ka hano izay omeko anao.”

Dia nojereko, ka indro nisy tanana natsotra nankaty amiko,
ary indro fa nitana horonan-taratasy.
Novelariny teo anoloako io,
ka voasoratra ny tao anatiny sy ny teo ivelany;
ary hira fisaorana amam-pitomaniana sy fitarainana no voasoratra teo.
Hoy Izy tamiko:

“Ry zanak’olona, hano io hitanao eo anoloanao io;
hano io taratasy io, dia mandehana miteny amin’ny taranak’i Israely.”

Nosokafako ny vavako, dia nafahany ahy io taratasy io;
ka hoy Izy tamiko:

“Ry zanak’olona, vokiso ny kibonao,
ary fenoy ity taratasy atolotro anao ity ny tsinainao.”

Dia nohaniko izany, ka mamy hoatra ny tantely izy tao am-bavako.
Ary hoy Izy tamiko:

“Ry zanak’olona, mandehana mankany amin’ny taranak’i Israely,
ary lazao aminy ny teniko.”

— Izany àry ny tenin’ny Tompo.

Setriny

Salamo 118, 14 sy 24. 72 sy 103. 111 sy 131

Endrey, mamin’ny lanilaniko ny didinao.

Ny lalan’ny fanambarànao no ifaliako,
mihoatra noho ny harena rehetra.
Ny fanambarànao no firavoako;
ny fitsipikao no filàko saina.

Soa ho ahy ny lalàna avy amin’ny vavanao,
mihoatra ny volamena sy volafotsy arivoarivo!
Endrey! mamin’ny lanilaniko ny didinao,
ary tsara amin’ny vavako manoatra ny tantely.

Ny fanambarànao no lovako, ry Ilay mandrakizay:
izy no fifalifalian’ny foko!
Misokatra ny vavako: miemponempona aho;
ny baikonao no mahaliana ahy.

Evanjely

Aleloia. Aleloia.

Mitoetra be dia be ao anatinareo ny tenin’i Kristy. Isaory Andriamanitra Ray amin’ny alalan’i Kristy.

Aleloia.

Evanjely Masina nosoratan’i Masindahy Matio (Mt. 18, 1-5. 10. 12-14)

Tandremo sao ataonareo tsinontsinona na dia ny anankiray amin’ireny madinika ireny aza.

Tamin’izany andro izany,
nanatona an’i Jesoa ny mpianany ary nanao taminy hoe:

“Iza moa no ambony indrindra amin’ny fanjakan’ny lanitra?”

Dia niantso zazalahy kely anankiray i Jesoa
ka napetrany teo afovoany ary hoy Izy:

“Lazaiko marina aminareo fa raha tsy miova ianareo
ka tsy tonga tahaka ny zazakely,
dia tsy hiditra amin’ny fanjakan’ny lanitra akory.
Koa amin’izany, na iza na iza hanetry tena tahaka ity zazakely ity,
dia izy no lehibe indrindra amin’ny fanjakan’ny lanitra.
Ary izay handray zazakely anankiray tahaka ity amin’ny Anarako,
dia mandray Ahy koa.
Tandremo sao ataonareo tsinontsinona
na dia ny anankiray amin’ireny madinika ireny aza;
fa lazaiko aminareo fa ny Anjelin’izy ireny any an-danitra
dia mahita lalandava ny tarehin’ny Raiko izay any an-danitra.
Ahoana ny hevitrareo?
Raha misy olona manana ondry zato, ka nania ny anankiray,
moa tsy havelany eny an-tendrombohitra va ny sivy amby sivifolo,
ka handeha hitady ilay nania izy?
Ary raha sendra hitany izy, dia lazaiko marina aminareo
fa iny anankiray iny aza no mahafaly azy noho ny sivy amby sivifolo tsy nania.
Toy izany koa, tsy tian’ny Rainareo izay any an-danitra hisy very
na dia anankiray amin’ireo madinika ireo aza.”

— Izany àry ny tenin’ny Tompo.

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Ezekiela Mpaminany (Ezek. 1, 2-5. 24-28d)

Sarintsarin’ny voninahitr’Andriamanitra ihany izany fahitana izany.

Tamin’ny taona fahatelopolo, volana fahefatra, andro fahadimin’ny volana,
raha teo amin’ireo babo, teo amoron’ny ony Kobara aho,
dia nisokatra ny lanitra, ary nahita fahitana avy amin’Andriamanitra aho.
Tamin’ny andro fahadimin’ny volana, taona fahadimy nahababo an’i Jôasina, mpanjaka, tamin’izay, —
tonga tamin’i Ezekiela, zanak’i Bozi, mpisorona, ny tenin’ny Tompo,
tany amin’ny tany Kaldeanina, amoron’ny ony Kobara,
ary mby teo aminy teo ny tanan’ny Tompo.
Hitako, fa indro, avy any avaratra,
nisy tafio-drivotra sy rahona lehibe aman’afo mivongana,
izay manjopiaka manodidina, ary ao afovoany
dia toa zavatra mitarehi-metaly voatsoboka anaty afo no niseho teo.
Ary hitako teo afovoany, ny endrijava-manana aina efatra,
ka toa izao no fijery azy: miendrika olombelona izy.
Nony mandeha izy ireo, dia reko ny fikapokapoky ny elany,
ka toy ny firohondrohon’ny rano be, tahaka ny feon’ny Tsitoha,
fihahohahom-pitabatabana toy ny re avy amin’ny toby;
nony mijanona izy, dia avelany milefitra ny elany.
Ary nisy naneno re avy ao amin’itsy andohalambo nivelatra teo ambonin’ny lohany:
nony mijanona izy dia navelany hilefitra ny elany.

Eo ambonin’ilay andohalambo nivelatra teo ambonin’ny lohany,
nisy hoatra ny vato safira, mitarehin-tseza fiandrianana;
ary toa nisy hoatra ny endrik’olona teo ambonin’io mitarehin-tseza fiandrianana io.
Tao anatiny sy tao amin’ny manodidina
dia nisy hitako hoatra ny zavatra miendri-metaly, tahaka ny afo no fijery azy,
hatramin’izay niseho ho tahaka ny andilany no ho miakatra;
ary hatramin’izay niseho ho toa andilany no ho midina kosa
dia nisy zavatra hitako, toy ny afo no fijery azy,
ary nisy famirapiratana manodidina azy.
Hoatra ny fijery ny avana eny amin’ny rahona, amin’ny andro misy orana,
no fijery ny famirapiratana manodidina azy.
Toy izany no fijery ny sarin’ny voninahitr’Izy Tompo.

— Izany àry ny tenin’ny Tompo.

Setriny

Salamo 148, 1-2. 11-12ab. 12d-14a. 14bde

Feno ny voninahitrao ny tany aman-danitra.

Miderà ny Tompo ianareo izay any an-danitra any.
Miderà ny Tompo ianareo rehetra monina any.
Miderà ny Tompo ianareo Anjeliny rehetra.
Miderà ny Tompo ianareo, ry tafiny rehetra.

Ianareo mpanjaka, ianareo vahoaka tsy hita isa.
Ianareo andriana, ianareo mpitsara ny tontolo.
Ianareo zatovo, tsy an-kanavaka eran-tany.
Ianareo ankizy sy ny zokiolona rehetra.

Aoka ireo hidera ny Anara-masin’Izy Tompo.
Fa ny Anara-masiny no avo hany mendri-kaja.
Ka ny fiamboniany
avo noho ny lanitra sy tany.

Ireo mpanompo azy
faly mankalaza sy midera.
Tsy iza izany akory fa ny firenena Israely,
ilay vahoaka tiany, nolalainy hatrany.

Evanjely

Aleloia. Aleloia.

Mahatoky amin’ny teniny rehetra ny Tompo, ary tsara fo amin’ny asany rehetra.

Aleloia.

Evanjely Masina nosoratan’i Masindahy Matio (Mt. 17, 21-26)

Hovonoin’izy ireo Izy, nefa hitsangan-ko velona. — Afaka amin’ny hetra ny zanany.

Tamin’izany andro izany,
raha nitety an’i Galilea i Jesoa sy ny mpianany, dia hoy i Jesoa taminy:

“Efa hatolotra eo an-tanan’ny olona ny Zanak’Olona,
ary hovonoina Izy, nefa hitsangana amin’ny andro fahatelo.”

Dia nalahelo mafy izy ireo.

Nony tonga tany Kafarnaôma izy ireo,
dia nanatona an’i Piera ny mpamory ny hetra dragma roa, ka nanao hoe:

“Moa tsy mba mandoa ny dragma roa va ny Mpampianatra anareo?”

Dia hoy i Piera:

“Mandoa Izy.”

Ary raha niditra tao an-trano izy, dia notsenain’i Jesoa nilazany hoe:

“Ahoana ny hevitrao, ry Simôna?
Iza moa no angalan’ny mpanjaka ety an-tany hetra sy hajia,
ny zanany sa ny olon-kafa?”

Hoy i Piera taminy:

“Ny olon-kafa.”

Dia hoy i Jesoa:

“Raha izany àry, dia afaka ny zanany.
Kanefa sao manafintohina azy isika,
ka mandehana manjono any amin’ny ranomasina ianao,
dia raiso ny hazandrano azonao voalohany ka sokafy ny vavany,
fa hahita vola dragma efatra ao ianao, ka alao,
dia aloavy ho Ahy sy ho anao.”

— Izany àry ny tenin’ny Tompo.

Sous-catégories

Vaovao

Fanentanana

[Miara-dàlana] Zoma 22 nôvambra 2024

  • Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
  • Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
  • Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...