Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Loza mananontanona efatra lehibe ihany no tsongaina androany ; raha tsy mifankahery sy mifanohana isika rehetra dia mitondra mankany amin'ny aretina sy mety ho fahafatesana daholo : ny fahalotoan'ny rivotra iainana, ny valanaretina covid-19, ny tsy fahampian-drano saika manerana ny faritra maro eto Madagasikara, ary ny fahaefatra dia ny fahantrana lalina.

Lohahevitra : Vaovao

♦ Voatohitohina ny fahafahan'ny mpanao gazety manao ny asany any amin'ny faritra Menabe. Voafetra ny fahafahan'izy ireo mahazo vaovao momba ny Covid-19... ♦ Miatrika zaikabe eto an-drenivohitra mandritra ny roa andro hifarana anio ny vondron'ny mpivaro-panafody matihanina eto Madagasikara. Dinihana mandritra izany ny olana iainan'izy ireo amin'izao fotoana izao... ♦ Nanomboka omaly ny fotoam-pihotazana letchi any amin'ny faritra atsinanan'ny nosy. Tombanana ho 16 000 taonina ny vokatra haondran'i Madagasikara amin'ity taona ity...

Lohahevitra : Vaovao

♦ Misedra olana amin'ny fandrakofana ny vaovao momba ny Covid-19, ireo mpanao gazety any amin'ny Faritra Menabe... ♦ Efa hita ao amin'ny tranonkalan'ny Minisiteran'ny Toe-karena sy ny Fitantanam-bola manomboka izao, ny volavolan-dalana lasitra mifehy ny teti-bolam-panjakana ho an'ny taona 2022... ♦ Toherin'ny vondron'ny mpampianatra mpikaroka eo anivon'ny valanjavaboahary Tsimbazaza ny fikasana hanome ny fitantanana ity  valanjavaboahary ity ho an'ny mpandraharaha vahihy, mandritra ny 30 taona...

Lohahevitra : Vaovao

♦ Marobe ny basy tsy ara-dalàna mifamoivoy any anatin'ny fiaraha-monina any eto Madagasikara. Omena iray volana, nanomboka omaly, ireo izay manana izany, mba hanatitra azy ireny eny amin'ny biraon'ny mpitandro filaminana, tsy misy arakaraka... ♦ Litchis hatrany amin'ny 16 000 taonina no ho aondran'i Madagasikara any ivelany amin'ity taona ity. Misokatra ôfisialy anio ny fotoam-piotazana ho an'ny faritra atsinanana... ♦ Nomena vahana ao amin'ny volavolan-dalàna mifehy ny teti-bolam-panjakàna 2022 ny lafiny sôsialy, ary tsapa fa saika niakatra avokoa ny teti-bola natokana ho an'ny ministera tsirairay...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Maro ny endrika ahafahana maneho fitiavana. Ny endrika fahaefatry ny fanehoana fitiavana dia ny fanomezana. Mba hiainana ny tena fitiavana dia irina mba ho tanteraka izay "fanomezana" izay, amin'ny lafiny maro, eo amin'ny fianankaviana sy ny namana, ary indrindra eo amin'ny mpivady sy mpifankatia. Fandraharana "Mba ho vanona" iarahana amin'i Jeneraly Désiré Philippe Ramakavelo.

Lohahevitra : Vaovao

♦ Misy ny simenitra eto Madagasikara fa ny mpanararaotra no betsaka, ka tsy maintsy nanafatra simenitra ny fitondrana, hanamaivanana ny fahasahiranan'ny vahoaka, izay efa ao Toamasina... ♦ Hiakatra fampanoavana ny raharahan'ilay polisy namono lehilahy nitrotro zazakely, teny Miandrarivo Ambanidia, izay niteraka resabe tao amin'ny FB omaly... ♦ Maherin'ny 1 500 000 ireo ankizy latsaky ny 5 taona mamoy ny ainy isan-taona vokatry ny fahalotoan'ny tontolo iainana, raha ny tatitry ny OMS...

Lohahevitra : Vaovao

♦ Polisy nanao herisetra teny Ambanidia, ao Antananarivo Renivohitra. Nanameloka iny tranga iny ary nitaky ny hisian'ny fanadihadiana ny CNIDH... ♦ Ao anatin'ny fotoam-pahavaratra ny eto afovoan-tany. Handray fepetra momba ireo olona mipetra amin'ny faritra nametrahaha saina mena eny Manjakamiadana sy ny manodidina ny BNGRC...

Lohahevitra : Vaovao

♦ Ahiana indray ny hiakaran'ny tarehimarika momba ny valan'aretina Coronavirus eto Madagasikara. Efa hatrany amin'ny 20 ireo tranga vaovao nanomboka ny faran'ny herinandro teo... ♦ Nankasitrahan'ny holafitry ny Farmasiana eto Madagasikara ny nanemorana ny fandaniana ilay tolo-dalàna momba ny toeram-pivarotana fanafody, izay ahian'izy ireo hanome vahana ny fivarotana fanafody tsy ara-dalàna... ♦ Manaitra ny rehetra hisoroka dieny izao ireo loza mety hitranga mandritra ny fotoam-pahavaratra ny Sampana Mpamonjy Voina. Anisan'ireny ny tany mihotsaka sy hazo atahorana mianjera mandritra vanim-potoanan'ny  orana izao... 

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Misy olana amin'ny fifandraisan'ny ray aman-dreny sy ny zanaka noho izy ireo avy amin'ny vanim-potoana samihafa. Ny 20 novambra no andro iraisam-pirenena ho an'ny zon'ny ankizy ; Madagasikara dia isan'ireo nanao sonia sy nankatoa io zo io. Ny fampisitrahana io zon'ny ankizy io dia miainga amin'ny ankohonana, betsaka anefa ireo izay minia tsy halala izany zo izany. Diso ao amin'ny fampitahana ny zava-misy ankehitriny sy ny taloha ny ray aman-dreny, ary ankilany anefa dia tsy voatery hitovy ny zava-misy amin'ireo vanim-potoana roa ireo. Tokony hifandray sy hirindra ny fifampiresahana, ny fifampihainoana, fifankahazoana, fandanjalanjàna ny tranga rehetra...

Lohahevitra : Vaovao

♦ Niakatra fitsaràna ady heloka teny Anosy omaly ny raharaha hanenjehana an'i Rivo Nambinina, ilay mpiasan'ny Ministeran'ny fahasalamam-bahoaka nahasahy namoaka vaovao momba ny tsy fetezan'ny fanomezana tsenambaro-panjakàna... ♦ Nampitsahatra ny asa fanaraha-maso ara-teknika ireo tetik'asan'ny filoham-pirenena ireo mpiasa eo anivon'ny LNTPB, tsy hijanona ny hetsika raha tsy miala ireo tale vitsivitsy takiana esorina... ♦ Mbola hitohy ny hafanàna midanika eto amintsika, raha ny vina voaray avy amin'ny Météo. Mety ho tafakatra 41°C ny maripàna ambony indrindra... 

Lohahevitra : Finoana aina
Voadika amin'ny fiteny :  Français (France)   English (United Kingdom) 

Nankahery ny vahoaka mba hahay hifampihaino sy hifanampy ny Fivondronam-ben'ny Eveka eto Madagasikara, amin'ny hafatra vokatry ny fivoriam-be ara-potoana nataon'izy ireo ny 03 ka hatramin'ny 12 novambra 2021. Indro ny lahatsoratra feno momba izany, entin'i Mgr Gabriel Randrianantenaina, Evekan'i Tsiroanomandidy, Sekretera jeneralin'ny Fivondronam-ben'ny Eveka eto Madagasikara

Lohahevitra : Vaovao

♦ Hivoaka ny 29 novambra izao ny didim-pitsarana mahakasika ny raharaha nitorian'ny fanjakana an'i Ravo Nambinina Ramasomanana... ♦ Niroso tamin'ny fampitsaharana ny fanaraha-maso ny asa ara-teknika ireo tetik'asan'ny Filohan'ny Repoblika androany, ireo mpiasa eo anivon'ny LNTPB... ♦ Nitondra valin-kafatra ho an'ireo mpanao pôlitika nivory teny Anosy ny faran'ny herinandro teo, ny Governoran'Analamanga...

Sous-catégories

Vaovao

Arofanina

[Vaovao manokana] Alakamisy 17 avrily 2025

Notendren’ny Papa François ho Eveka’ny Diosezin’i Fenoarivo-Atsinanana i P. Mareck Ochlak, Lehiben’ny Fikambanana Oblats de Marie Immaculée, ao amin’ny Province Pologne amin’izao fotoana izao.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...