Lohahevitra : Hono hoy aho Mompera ?

Amin'izao taona arivo fahatelo izao dia ilaina ny fampanjakàna ny fiadanana amin'ny fiainana ny fahaiza-mamela, fahaizana mifampihaino ary ny fahaiza-mivavaka sy mifampivavaka. Samy manana ny fanomezam-pahasoavana avy amin'Andriamanitra ny tsirairay ka tsy tokony hatao ny fifampitsikerana sy ny fifanakianana fa natao aza ireny mba hifamenoana ; ny lavorary dia tsy misy fa ny miezaka ho lavorary no azo atao... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Lohahevitra : Vaovao

• Asa goavana miandry ny Minisiteran'ny Fitsarana amin'ity taom-piasana vaovao ity, ny fanaraha-maso ny fifidianana rehetra hotanterahana eto Madagasikara, isorohana mialoha ny hala-bato. Eo koa ny fampodiana an-tanindrazana ireo vola an'ny fanjakana Malagasy izay voageja any ivelany, hoy ny Minisitry ny Fitsarana... • Nampahafantarina ireo mpandraharaha malagasy tamin'ny alalan'ny atrikasa androany teny Antaninarenina, ny dingana sy ny fepetra takina raha hanondrana entana any Eoropa... • Tsy hisy fanerena ny fisoratana anarana biometrika hotanterahana manerana ny nosy. Tsy hisitraka ireo tolo-draharaham-panjakana kosa ireo tsy ao anaty angon-drakitra...

Lohahevitra : Hirika

Nizotra araka ny namaritana azy ny sehatr’asan’ny tetik’asa Profi-Lait tamin’iny taona 2025 lasa iny. Niakatra ny taham-bokatra hoan’ireo mpamokatra miara-miasa amin’ny tetik’asa noho ny fampidirana an’ireo haitao ara-teknika niainga tamin’ny fanatsaràna ny sakafon’ny omby sy ny fanatsaràna ny taranaka. Iray amin’ny tetik’asa tantatan’ny Malagasy Dairy Board na ny MDB anatin’ny fandaharan’asa AFAFI Centre tohanan’ny Vondrona Eraopeana vola ny Profi-Lait Plus.

Lohahevitra : Vaovao

♦ Namoaka fanambarana manoloana ny fisian'ny aretina samihafa sy ny fitsaboana azo atao toy ny fanaovam-baksiny, ny Vaomieran'ny Eveka misahana ny Fahasalamana... ♦ Loza mitatao, hoy ny mpanao gazety Maka Alphonse, raha tsy voahevitra sy voalanjalanja tsara ny mety handraisan'i Madagasikara an'ireo mpifindra-monina... ♦ Nihazo an'i Toamasina indray androany ny Filohan'ny Fanavaozana Randrianirina Michaël, mivady, sy ireo mpanolontsaina avon'ny fanavaozana roalahy... ♦ Noravain'ny praiministra japoney, Sanae Takaichi, androany, ny antenimieram-pirenena any Japon...

Lohahevitra : Miaina sy mitia

Andro iraisam-pirenena ho an’ny fanabeazana no hankalazaina ny sabotsy 24 Janoary 2026 izao, izay andraisana ny lohahevitra mikasika ny fanabeazana ara-pahasalamana hafahan’ny isam-batan’olona mandray ny fahalalàna mivoatra hananana fomba fiaina raikitra misoroka aretina. Ny fanabeazana ara-pahasalamana dia dingana fanabeazana izay mikendry ny hanatsaràna ny fahasalaman’ny olona tsirairay sy ny fiaraha-monina... Fandaharana "Miaina - Mitia" tontosaina eto amin'ny radio Don Bosco.

Lohahevitra : Vaovao

♦ Nisy ny atrik'asa voalohany nataon'ny kômity hitarika ny fikaonandoham-pirenena, izay notarihan'ny Filohan'ny Fanavaozana ny repoblika ny Kôlônely Randrianirina Michaël... ♦ Nampahatsiahy ny lalàna mamaritra ny fanendrena PDS ny ministeran'ny atitany sy ny fitsinjaram-pahefana... ♦ Miisa telo sisa ireo Faritra tsy ahitàna ny MPox eto Madagasikara. Mbola goragora anefa ny fitandremana ho an'ny tsirairay... ♦ Ny Itatra Atidoha (IA) no loha-hevitra iray novoboasan'ny Kardinaly Pietro Parolin niaraka tamin'ireo tanora tao Roma...

Lohahevitra : Vaovao

• Mifamahofaho ny vaovao momba ny nanendrena an'Andriamatoa Serge Vital, hitantana ny Kaominin'i Toliara. Nilaza ho tsy nanao sonia ny fanendrena azy ny Minisitry ny Atitany sy ny Fitsinjaram-pahefana... • Ho tonga amin'ny volana febroary izao ny vakisiny fanefitry ny MPOX. Faritra telo eto Madagasikara sisa tsy ahitana trangan'ity aretina nendran-drajako ity, hoy ny teo anivon'ny Minisiteran'ny Fahasalamam-bahoaka androany... • Miverina ny sidina mampitohy an'i Toamasina sy i Sainte Marie, hatrany Sambava sy Antalaha, rehefa tsy nisy intsony an-taonany maro. Nosantarina tamin'ny fomba ofisialy nanomboka androany izany...

Lohahevitra : Vaovao

♦  Manohana ny ezaka ataon'i Madagasikara irosoana any amin'ny fitoniana, ny fitantanana ara-demôkrasia ary ny fanamafisana ny andrim-panjakàna misy ny SADC. Nivoitra izany nandritry ny fitsidihana ara-pomba fanajàna nataon'ny irak'izy ireo, teny Iavoloha omaly... ♦ Tohana lehibe ara-toe-karena hampiroboroboana ny jono sy ny toe-karena manga ny voka-pikarohana hoy ny Ministra Chan Kit Way Jaco. Isan'izany ny voka-pikarohana momba ny dingadingana... ♦ Atahorana ho tapaka ny lalana mankany Ambatomanoina, Distrika Anjozorobe, raha tsy misy ny fanamboarana. Maharitra 2 andro no hanaovan'ny mpitatitra dia mampitohy an'i Talata-volonondry sy Ambatomanoina...

Lohahevitra : Vaovao

♦ Tsy mitsaha-mitombo ny isan'ny olona mararin'ny MPox eto Madagasikara. Iray volana mahery nahitàna azy, 395 ny tranga rehetra hita manerana ny nosy, Faritra 20 ankehitriny no misy azy... ♦ Hanaraka ny fivoarana misy eran-tany ny fanavaozana ny fiankohonana sy ny fahiziny eto Madagasikara. Hoampiasaina ny fisoratana anarana biômetrika. Notanterahana omaly teny Anosy ny atrik'asa teknika nandinihana ny momba izany... ♦ Tapa-kevitra ny hanome lanja ny fikarohana hipaka amin'ny fampandrosoana ny fitondram-panjakàna. Natao omaly teny amin'ny lapam-panjakàna Mahazoarivo ny sonia fiaraha-miasa momba izany...

Lohahevitra : Vaovao

• Tao amin'ny Kaominina Belafika, Distrikan'Ampanihy no nisy ny foiben'i Ewetse tamin'ny 3 ora tolakandro, raha ny fampitam-baovao avy amin'ny Météo, tamin'ny 4 ora tolakandro... • Hiroso amin'ny fisoratana biometrika isika eto Madagasikara manomboka izao. Hisitraka izany avokoa ny olom-pirenena Malagasy rehetra feno 18 taona no mihoatra, ho fanavoazana ny fiankohonana sy ny fahizina... • Omena lanja manomboka izao ny fikarohana, mba tena hipaka any amin'ny fandrosoana. Tontosa androany teny amin'ny Lapam-panjakana Mahazoarivo, ny fanaovan-tsonia ny fiaraha-miasa momba izany...

Lohahevitra : Vaovao

♦ Tsy tafiditra ny toeram-piasàny teny Ambohidahy nanomboka ny maraina teo ireo mpiasa sy mpandraharaha eo anivon'ny Fitsaràna Avo momba ny Lalam-panorenana (HCC)... ♦ Mampatahotra ny fomba fanao pôlitika eto Madagasikara satria tsy mifototra amin'ny tsy fanarahan-dalàna ny fanenjehana olona hoy ny Filoha Lefitra fahafito avy amin'ny fanoherana eny anivon'ny Antenimieram-pirenena... ♦ Manao fitokonana fanairana ny sendikan'ny mpiasa eo anivon'ny ministeran'ny fambolena sy ny fiompiana, tsy nahitam-bahaolana mantsy ny dinika niarahan'izy ireo sy ny tompon'andraikitra...

Lohahevitra : Ampela mihary

Ny herisetra an-tsekoly dia tsy izay mihatraika mivantana amin'ny vatana fa eo indrindra ny ara-tsaina, ara-môraly. Ny herisetra any an-tsekoly dia mety ho avy amin'ny samy mpianatra, avy amin'ny mpampianatra sy ny mpandraharahan-tsekoly, ary mety ho avy amin'ny ray aman-dreny sy ny fiaraha-monina. Ny fampiorohoroana, fanesoana, teny mahery dia voasokajy ho isan'ny herisetra... Fandaharana "Ampela Miary" tontosaina eto amin'ny Radio Don Bosco.

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...