Lohahevitra : Tenin'ny Tompo
Voadika amin'ny fiteny :  Français (France)   English (United Kingdom) 

13 ôktôbra 2024 — Alahady Tsotra fahavalo amby roapolo Mandavantaona — Hataoko hoe sakaiza ianareo, hoy ny Tompo, satria efa nambarako taminareo avokoa izay rehetra reko tamin’ny Raiko — Evanjely Masina nosoratan’i Masindahy Marka (Mk. 10, 17-27)

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Raha ny trangam-piaraha-monina amin'ny ankapobeny no jerena dia matetika misy olana eo amin'ny fifandraisn'ny rafozana sy ny vinanto. Ny ankamaroan'ny mpaneho hevitra dia milaza fa ny tsy fitovian-kevitra no fototra hiavian'ny olana. Azo ambara fa anton'izany manokana ny fahasamihafan'ny fianakaviana nipoirana, izay samy manana ny hanitra ho azy ankilany eo amin'ny lafiny fanabeazana. Noho izany dia samy mila ezaka na ny andaniny na ny ankilany mba hanatsarana ny fifandraisana sy hisorohana ny disadisa mety hiseho. : fifanajana, fifandeferana, fifampihainoana, fifampitokisana... Fandaharana "miaina sy mitia" eto amin'ny radio Don Bosco, iarahana amin'ny ivon-toerana Arrupe.

Lohahevitra : Vaovao

♦ Efa any amin'ny Diôsezin'Ambatondrazaka i Mgr Orthasie Marcellin Herivonjilalaina, izay voatendry ho Evekan'Ambatondrazaka... ♦ Navaozina ny kiôska momba ny torohay ara-pitsarana eo anivon'ny Fitsarana Ambaratonga Voalohany Antananarivo... ♦ Manome tanana amin'ny famatsian-drano ao Toamasina amin'ny alalan'ny JICA i Japon...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Nanentana ireo kristiana tany Tesalonika i Md Paoly ny mba hivavahan'izy ireo lalandava ary hisaotra amin'ny zavatra rehetra, fa izany no sitrapon'Andriamanitra ao amin'i Kristy Jesoa ho azy ireo. Ny irin'ny Tompo amintsika dia ny hisaorana Azy mandrakariva. Mila faharetana ny mivavaka. Mampiavaka ny Taratasy nosoratan'i Md Paoly dia mazàna manomboka sy mifarana amin'ny fisaorana...  Katesizy momba ny vavaka fisaorana, iarahana amin'i P. Eric Franck Randriamiandrinirinarivo.

Lohahevitra : Vaovao

♦ Nanetriketrika ny fitsenana ny Eveka vaovaon'ny Diôsezin'Ambatondrazaka omaly. Tomefy olona tany Vohidiala, toerana nandraisana azy voalohany... ♦ Napetraka ny “Centre de Commandement Opérationnel”, handrindra ny asa famatsiana rano ho an'Antananarivo. Hifarimbona ao anatin'izany ny Governemanta manontolo... ♦ Najoro ny sampana miaro ny mpanao gazety eto Madagasikara. Natao izany ho fiarovana azy ireo amin'ny teritery sy ny herisetra samihafa amin'ny fanatanterahana ny asany...

Lohahevitra : Vaovao

♦ Tsy mametraka olana amin'ny fanokafana n lisi-pifidianana amin'ny alalan'ny didy avy amin'ny Fitsaràna Ramatoa Raharivololoniaina Ninah, kandidà ho ben'ny tanàna mifaninana ao amin'ny kaominina Ivato ato amin'ny Distrika Ambohidratrimo... ♦ Hovitaina amin'ny volana jona amin'ny taona ho avy ny asa rehetra amin'ny tetik'asa Lac Iarivo. Tetik'asa fanomezana foto-drafitr'asa ho an'ny daholobe ho an'ny ao amin'ny Koaminina Antananarivo renivohitra. Voakasika ny lalana 8km mampitohy ny ety Ivato hatreo amin'ny sampanana Tsarasaotra... ♦ Miaina delestazy ny ao amin'ny Distrika Ikalamavony Faritra Matsiatra-Ambony. Manao antso avo amin'ny tompon'andraikitra hijery akaiky ny olan'izy ireo ny solombavambahoaka Pety Rakotoniaina...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Manoloana ny fifidianana ben'ny tanàna sy ny mpanolontsaina dia tokony hamantatra tsara ny safidiny ny olom-pirenena rehetra, izay manan-jo hifidy. Ny fitiavan-tanindrazana dia safidy, porofon'izany ny safidin'ireo vahiny manana finiavana hampandroso ity firenena ity. Teny filamatra tsara tadidiana ny hoe : Fandrosoana - Filaminana - Fifanajàna. Tsy tokony hiandry fananan'andraikitra vao haneho fitiavan-tanindrazana, tsy tokony hifidianana sehatra ihany koa. Fandaharana "mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Samy nahavita ny antsapaka amin'ny laharan'ireo kandidà ben'ny tanàna ao amin'ny bileta tokana ireo OVEC manerana ny nosy omaly. 50 mahery ireo kandidà mirotsaka ao Toamasina-I sy Toamasina-II, raha toa Ka maherin'ny 200 kosa izany ho an'ny ato amin'ny Distrika Ambohidratrimo... ♦ Nandroso hevitra hamahàna maika ny olan'ny rano ao an-drenivohitra ny filohan'ny repoblika nandritra ny filan-kevitry ny ministra. Havondrona avokoa ireo fiarabe afaka mitatitra rano hamatsiana ny tanàna misedra olana... ♦ Anjaran'ireo tompon'andraikitra misahana ny ady amin'ny kolikoly any amin'ny ministera samihafa no nanolotra ny heviny amin'ny fanavaozana ny paik'adim-pirenena vaovao hiadiana amin'ny kolikoly...

Lohahevitra : Vaovao

♦ Tontosa androany manerana ny OVEC 120, any amin'ny Distrika eto Madagasikara ny fanaovana ny antsapaka ny laharan'ireo kandidà ho Ben'ny Tanàna ao amin'ny bileta tokana, amin'ny fifidianana ny 11 desambra 2024... ♦ Anjaran'ireo tompon'andraikitra any amin'ny minisitera samihafa indray androany, no naneho ny heviny momba ny pôlitika anatiny amin'ny ady amin'ny kolikoly... ♦ Nankalazaina androany ny andro maneran-tany ho an'ny Paositra. Mivoatra sy manaraka ny toetr'andro ny Paositra Malagasy...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Taratasin’i Masindahy Paoly Apôstôly ho an’ny kristianina tany Efezy (Efez. 4, 7-16)

I Kristy no loha izay iankinan’ny tena manontolo.

Ry kristianina havana,
samy manana ny ambaratongany ny fahasoavana nomen’i Kristy antsika tsirairay avy.
Izany no anaovan’ny Soratra Masina hoe:

“Niakatra any ambony Izy, nitondra olona maro ho babo,
ary nanome fanomezana maro ho an’ny olona.”

Inona no ilazana hoe niakatra Izy,
afa-tsy noho Izy efa nidina ho any ambanin’ny tany koa?
Ary tsy iza Ilay nidina fa Ilay niakatra any ambonin’ny Lanitra rehetra ihany,
mba hamenoany ny zavatra rehetra.
Dia Izy no nanome ny sasany ho Apôstôly, ny sasany ho Evanjelista,
ary ny sasany ho mpiandry sy mpampianatra,
mba samy hanana ny fandraharahany avy, amin’ny fandavorariana ny olona masina,
dia amin’ny fandrafetana ny Tenan’i Kristy,
mandra-pahatongantsika rehetra ho amin’ny firaisam-pinoana amam-pahalalana lavorary ny Zanak’Andriamanitra,
sy ho lehilahy lehibe tonga ohatra, mahatratra ny halehibeazana amam-pahafenoan’i Kristy;
dia tsy ho zaza intsony isika,
ka tsy ho azon’ny rivotry ny fampianaran-tsamihafa rehetra ahilangilana sy avezivezy,
tsy ho voafitaky ny saim-petsy itarihan’ny olona ho amin’ny hevi-diso;
fa hanaraka ny marina amin’ny fitiavana,
ka hitombo hatrany hatrany amin’ny zavatra rehetra, amin’ny firaisana amin’ny Loha dia i Kristy,
Izy no iankinan’ny tena manontolo,
ka mahatonga ny rantsam-batana rehetra hilamina fatratra, hitambatra mafy, hifanampy hatrany,
samy miasa araka ny anjarany tsirairay avy,
ka mitombo sy toa mandrafitra tena amin’ny fitiavana.

— Izany àry ny tenin’ny Tompo.

Setriny

Salamo 121, 1-2. 3-4a. 4b-5

Faly aho nilazana hoe: Andao ho any an-tranon’ny Tompo.

Hafaliana no nanenika ny tenako rehetra.
Nilazana fa hizotra ho any an-tranon’Izy Tompo.
Indro tonga soa ’zahay, tapitr’eto re ny dia.
Eto am-bavahadinao, ry Siôna tsara rindra.

Ao no miakatra ireo foko, dia ny fokon’Izy Tompo.
Ao ny Anaran’Izy Tompo ho derain’i Israely.
Fiketraham-pitsarana no mijoro anatiny ao,
ary miorina ao anivony ao ny tranon’i Davida.

Evanjely

Aleloia. Aleloia.

Fa ny tenin’Andriamanitra kosa dia maharitra mandrakizay; ary izany no tenin’ny Evanjely izay notorìna taminareo.

Aleloia.

Evanjely Masina nosoratan’i Masindahy Lioka (Lk. 13, 1-9)

Raha tsy mibebaka ianareo dia ho very tahaka azy koa ianareo rehetra.

Tamin’izany andro izany,
nisy olona sasany tonga nilaza tamin’i Jesoa ny nanjo an’ireo Galileanina
fa nalatsak’i Pilaty niaraka tamin’ny soron’izy ireo ny rany.
Ary novaliany hoe:

“Moa ataonareo fa ireny Galileanina ireny
dia mpanota mihoatra noho ny Galileanina rehetra matoa nozoin-doza toy izany?
Tsia hoy Aho aminareo;
fa raha tsy mibebaka ianareo, dia ho very tahaka azy avokoa ianareo rehetra.
Na moa ataonareo fa ny olona valo ambin’ny folo maty nianjeran’ny tilikambon’i Silôe
no meloka noho ny mponina rehetra tao Jerosalema?
Tsia, hoy Aho aminareo;
fa raha tsy mibebaka ianareo, dia ho very tahaka azy avokoa ianareo rehetra.”

Dia nanao ity fanoharana ity Izy:

“Nisy lehilahy anankiray nanana aviavy nambolena tamin’ny tanim-boalobony,
dia nankeo aminy mba hitady voa fa tsy nahita.
Dia hoy izy tamin’ny mpiasa ny tanim-boalobony:
‘Indro efa telo taona izay no tonga mitady voa amin’ity aviavy ity aho,
nefa tsy mahita;
koa kapao io, fa nahoana no manimba ny tany foana eo?’
Ary hoy ny mpiasa namaly azy:
‘Aoka re ho eo ihany izy amin’ity taona ity, tompoko,
dia hohevoiko ny fotony sady hasiako zezika;
angamba hamoa izy, fa raha tsy izany dia hokapainao ihany izy.’”

— Izany àry ny tenin’ny Tompo.

Lohahevitra : Vaovao

♦ Tontosa ny maraina teo ny fanaovana ny hatsapaka ny laharan'ireo kandidà anatin'ny bileta tokana ho an'ireo hiazakazaka amin'ny fifidianana ben'ny tanàna sy mpanolontsaina ny tanàna, laharana hamaritra ny fahafahan'izy ireo miditra amin'ny haino aman-jerim-panjakàna... ♦ Miantso ny hampitsaharana ireo tsindry mahazo ny mpiasam-panjakàna hampandany ny kandidàm-panjakàna amin'ny fifidianana ben'ny tanàna sy mpanolontsaina ny tanàna ao amin'ny kaominina Mahaiza distrika Betafo ireo kandidà mpifaninana hafa... ♦ Marihina isaky ny 10 oktobra ny andro manerantany ho an'ny fahasalamana ara-tsaina, tsy ampy ny fandraisana sy ireo manampahaizana afaka manao tantsoroka ireo marary eto Madagasikara...

Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Taratasin’i Masindahy Paoly Apôstôly ho an’ny kristianina tany Efezy (Efez. 4, 1-6)

Tsy misy afa-tsy tena iray, Tompo iray, finoana iray, Batemy iray.

Ry kristianina havana, mangataka aminareo aho,
dia izaho izay an-tranomaizina noho ny amin’ny Tompo
mba hanao fitondran-tena mendrika ny fiantsoana niantsoana anareo ianareo,
amin’ny fanetren-tena sy halemem-panahy rehetra, amin’ny fahari-po, amin’ny fifandeferana, amim-pitiavana;
mikeleza aina hitana ny firaisam-po amam-panahy akamban’ny fihavanana;
fa tsy misy afa-tsy tena iray, sy Fanahy iray,
araka ny niantsoana anareo ho amin’ny fanantenana iray;
tsy misy afa-tsy Tompo iray, finoana iray, Batemy iray,
ary Andriamanitra iray, izay Rain’izy rehetra, ambonin’izy rehetra,
manerana azy rehetra, ary ao anatin’izy rehetra.

— Izany àry ny tenin’ny Tompo.

Setriny

Salamo 23, 1-2. 3-4ab. 5-6

Indreto ny dimbin’ireo izay nizaha ny endrikao, ry Tompo.

Ny tany, ny hareny, Azy Tompo avokoa.
Dia izao rehetra izao ary izay monina ao.
Naoriny ambonin’ny rano izy ireny.
Napetrany tsara eo ambonin’ny ony.

Koa zovy no hiakatra hihaona amy Tompo;
hanorim-ponenana an-toerany masina.
Ny olon-tsy meloka, ny olo-mahitsy,
sy izay tsy mianiana tsy tò amin’ny hafa.

Dia izy no hany hotsofina rano,
ny Tompo Mpamonjy hanome rariny azy.
Fa izy no dimbin’ireo izay nizaha
ny endrik’ilay Andriamanitra Tompo.

Evanjely

Aleloia. Aleloia.

Asehoy ny mpanomponao ny tavanao, ary ampianaro ahy ny fitsaranao.

Aleloia.

Evanjely Masina nosoratan’i Masindahy Lioka (Lk. 12, 54-59)

Fantatrareo ny toetry ny lanitra sy ny tany. Ahoana àry no tsy ahafantaranareo ny toetr’izao andro diavintsika izao!

Tamin’izany andro izany, i Jesoa niteny tamin’ny vahoaka nanao hoe:

“Raha vao mahita rahona avy any andrefana ianareo, dia manao hoe:
‘Ho avy ny orana’, ka avy tokoa izy;
ary raha renareo avy atsimo ny rivotra, dia hoy ianareo:
‘Hafana ny andro’, ka tonga tokoa izany.
Ry mpihatsaravelatsihy,
hainareo fantarina ny toetry ny lanitra sy ny tany,
ka ahoana àry no tsy ahafantaranareo izao andro diavintsika izao?
Nahoana koa no tsy amantaran’ny tenanareo izay marina?
Fa raha miara-mandeha amin’izay manana ady aminao ianao hanatrika ny mpitsara,
dia ataovy izay hahafahanao aminy raha mbola eny an-dalana ianareo,
fandrao tongany any amin’ny mpitsara ianao ka atolotry ny mpitsara amin’ny mpamatotra,
ary alatsaky ny mpamatotra an-tranomaizina.
Lazaiko aminao fa tsy ho afaka ao ianao ambara-pahaloanao ny variraiventy farany indrindra.”

— Izany àry ny tenin’ny Tompo.

Sous-catégories

Vaovao

Fanentanana

[Miara-dàlana] Zoma 22 nôvambra 2024

  • Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
  • Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
  • Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...