Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 28 avrily 2021

Tamin’izany andro izany, i Jesoa niteny tamin’i Tômà nanao hoe: "Izaho no Lalana sy Fahamarinana ary Fiainana; tsy misy olona mankany amin’ny Ray afa-tsy amin’ny alalako. Raha nahafantatra Ahy ianareo, dia ho nahafantatra ny Raiko koa; hatramin’izao, dia mahafantatra Azy ianareo, sady efa nahita Azy." Dia hoy i Filipo taminy: "Asehoy anay ny Ray, Tompoko, dia ampy ho anay izany." Fa hoy i Jesoa taminy: "Izay ela izay no nitoerako teto aminareo ka tsy mbola fantatrareo ihany ve Aho, ry Filipo? Izay nahita Ahy, dia nahita ny Ray koa; ka ahoana no anaovanao hoe: Asehoy anay ny Ray? Tsy mino va ianao fa Izaho ao amin’ny Ray, ary ny Ray ato amiko? Ny teny izay lazaiko aminareo dia tsy avy amiko; fa ny Ray izay mitoetra ato amiko no manao ny asa. Minoa ny teniko fa Izaho ao amin’ny Ray ary ny Ray ato amiko; na fara fahakeliny minoa ahay noho ny asa ihany.

Lazaiko marina dia marina aminareo fa izay mino Ahy, dia hanao ny asa ataoko koa, ary hanao mihoatra noho izany aza izy, satria mankany amin’ny Ray Aho, ka izay rehetra angatahinareo amin’ny Ray amin’ny Anarako dia hotanterahiko avokoa, mba hahazoan’ny Ray voninahitra eo amin’ny Zanaka. Raha mangataka zavatra amiko amin’ny Anarako ianareo dia hotanterahiko izany."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 28 avrily 2021

Tamin’izany andro izany, i Jesoa niteny tamin’ny mpianany nanao hoe: "Izaho no tena foto-boaloboka, ary ny Raiko no mpamboly. Ny sampana rehetra tsy mamoa eo amiko dia esoriny, ary izay rehetra mamoa dia rantsanany mba hampamoa azy bebe kokoa. Efa madio ianareo izao, noho ny fampianarana nataoko taminareo.

Mitomoera ao amiko, ary Izaho hitoetra ao aminareo. Fa ny sampana izay tsy miray amin’ny foto-boaloboka, tsy mahazo mamoa ho azy, ary toy izany koa ianareo raha tsy mitoetra ao amiko. Izaho no foto-boaloboka ary ianareo no sampany. Izay mitoetra ao amiko sy itoerako no mamoa be, satria raha tsy Izaho dia tsy mahefa na inona na inona ianareo. Izay tsy mitoetra ao amiko dia ariana any ivelany tahaka ny sampana ka maina; ary hangonina ny sampana ka hatsipy ao anaty afo, dia may.

Raha mitoetra ao amiko ianareo, ka mitoetra ao aminareo ny teniko, dia hangataka izay tianareo ianareo, ka hatao aminareo izany. Ho voninahitra ho an’ny Raiko raha mamoa be ianareo sy tonga mpianatro".

Atolotr'i Ratinarivony Laurent

Lohahevitra : Tenin'ny Tompo

Voadika amin'ny fiteny :      

Naseho ny : 1 mey 2021

Sabotsy 1 mey 2021 — Herinandro fahefatra fankalazana ny Paka — Fantatsika fa nitsangan-ko velona marina tokoa i Kristy. Ianao, ry Mpanjaka nandresy, ombaombao ny fitiavanao re izahay — Evanjely Masina nosoratan'i Masindahy Joany 14, 7-14

Tohiny...

Atolotr'i Ratinarivony Laurent

Lohahevitra : Tenin'ny Tompo

Voadika amin'ny fiteny :      

Naseho ny : 30 avrily 2021

Zoma 30 avrily 2021 — Herinandro fahefatra fankalazana ny Paka — Nitsangan-ko velona i Kristy, ka tsy maty intsony, tsy manan-kery aminy intsony ny fahafatesana — Evanjely Masina nosoratan'i Masindahy Joany 14, 1-6

Tohiny...

Atolotr'i Radio Don Bosco

Lohahevitra : Vaovao

Naseho ny : 28 avrily 2021

♦ Amin'ny alalan'ny "visioconférence" no hanatanterahana ny fivoriana ara-potoana voalohan'ny Antenimieram-pirenena amin'ity taona ity, araka ny tapaky ny fivorian'ny Birao maharitra eo anivon'ity andrim-panjakana ity... ♦ Miverina ireo fandaharana naato tamin'ireo haino aman-jery maromaro eto amintsika, araka ny fanambarana ôfisialy niarahana, navoakan'ireo Mnisitera tompon'andraikitra, omaly...

Tohiny...

Atolotr'i Radio Don Bosco

Lohahevitra : Vaovao

Naseho ny : 27 avrily 2021

♦ Manohana ny Faritra Analamanga amin'ny ady atao amin'ny Coronavirus ny Ministeran'ny Rano sy ny Fanadiovana ary ny Fidiovana. Ranom-panafody famonoana otrik'aretina, apetraka amin'ireo biraom-panjakana samihafa ato amin'ny Faritra no natolotry ny Ministera... ♦ Nihena tsy toa ny isan'andro ny tranga vaovao mitondra ny tsimok'aretina Coronavirus omaly, Tranga vaovao 145 no hita tamin'ny fitiliana 734. Miisa 502 no sitrana soamantsara...

Tohiny...

Atolotr'i Ratinarivony Laurent

Lohahevitra : Tenin'ny Tompo

Voadika amin'ny fiteny :      

Naseho ny : 29 avrily 2021

Alakamisy 29 avrily 2021 — Herinandro fahefatra fankalazana ny Paka — Nahita Ahy ianao ka nino; fa sambatra izay tsy nahita ka mino — Evanjely Masina nosoratan'i Masindahy Joany 13, 16-20

Tohiny...

Atolotr'i Ratinarivony Laurent

Lohahevitra : Tenin'ny Tompo

Voadika amin'ny fiteny :      

Naseho ny : 28 avrily 2021

Alarobia 28 aprily 2021 — Herinandro fahefatra fankalazana ny Paka — Nitsangan-ko velona i Kristy, sady nitondra antsika amin’ny mazava: isika izay navotany tamin’ny Rany — Evanjely Masina nosoratan'i Masindahy Joany 12, 44-50

Tohiny...

Atolotr'i Radio Don Bosco

Lohahevitra : Vaovao

Naseho ny : 27 avrily 2021

♦ Andrasana hivoaka anio ny fanambarana ôfisialy, tohin'ilay fanapahan-kevitra omaly, nanekena ny hamerenana ireo fandaharana sy ady hevitra pôlitika amin'ny haino aman-jery maromaro, eto Antananarivo... ♦ Mbola nisy sidina avy any ivelany tonga ihany, tetsy amin'ny seranam-piaramanidina Ivato, nitondra mpandeha 280 avy any Frantsa. Miteraka resabe amin'izao ny fisina'izy ity, tao aorian'ny nanambarana fa mijanona ny sidina iraisam-pirenena...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 28 avrily 2021

Herintaona mahery no niatrehantsika ny valan'aretina nateraky ny Coronavirus. Nampisy fiovana teo amin'ny toe-tsaina sy ny fomba amam-panao ny fihanak'ity valan'aretina ity. Fiovana mankany amin'ny fandrosoana ve ? Sa mitondra fihemorana kosa ?

Tohiny...

Atolotr'i Radio Don Bosco

Lohahevitra : Vaovao

Naseho ny : 27 avrily 2021

♦ Nihemotra tamin'ny fanapahan-kevitra noraisiny ireo Minisitera dimy, tamin'ilay fampiatoana fandaharana sy ady hevitra pôlitika amin'ny haino aman-jery vitsivitsy eto Antananarivo. Efa nisy omaly, fitoriana mifandraika amin'izany tafapetraka eny amin'ny Filankevi-panjakana... ♦ Olona enina indray no matin'ny Coronavirus, mbola nahitana tranga vaovao 299 ihany koa ny fitiliana natao tamin'ny alahady lasa teo...

Tohiny...

Atolotr'i Radio Don Bosco

Lohahevitra : Vaovao

Naseho ny : 26 avrily 2021

♦ Manoloana ilay fanapahana nampiatoana andiam-pandaharana amin'ny haino aman-jery maromaro, dia samy nametraka fitoriana teny amin'ny Filankevi-panjakana androany, na ny mpisolovava ireo haino aman-jery voakasika, na ireo fiaraha-monim-pirenenana, na ny Filohan'ny Holafitry ny mpanao gazety amin'ny anaran'ny OJM... ♦ Vonona hanome tanana amin'ny ady amin'ny valan'aretina Covid-19 ireo ray aman-dreny am-panahy avy amin'ny Fiangonana maro eto amintsika ka hankahery sy hitondra am-bavaka ireo marary any amin'ny CTC, hôpitaly sy ireo toerana samihafa handraisana marary...

Tohiny...