Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Tamin’izany andro izany, i Jesoa nanao izao fanoharana izao tamin’ny mpianany: "Moa ny jamba mahatari-dalana ny jamba va? Moa tsy hiara-mianjera any an-kady va izy roa? Ny mpianatra tsy mihoatra noho ny mpampianatra, fa izay mpianatra tapi-pianarana no hoatra ny mpampianatra azy ihany. Nahoana no ny sombim-bozaka amin’ny mason’ny rahalahinao jerenao, nefa ny sakamandimby ao amin’ny masonao tsy hitanao? Ary ataonao ahoana no filaza amin’ny rahalahinao hoe: ‘Ry rahalahy, aoka hoesoriko ny sombim-bozaka amin’ny masonao’ nefa ny sakamandimby ao amin’ny masonao aza tsy hitanao? Ry mpihatsaravelatsihy, esory aloha ny sakamandimby amin’ny masonao; izay vao ho hitanao ny hanesoranao ny sombim-bozaka amin’ny mason’ny rahalahinao."

Atolotr'i Radio Don Bosco

Lohahevitra : Vaovao

Naseho ny : 31 aogositra 2021

♦ Nigadona ny antoandro teo tety Ivato ireo iraky ny Kônfederasiôna afrikànan'ny baolina kitra, izay hijery ny kianjaben'i Mahamasina.... ♦ Naneho ny heviny ny kômity hamerina ny hasin'ny baolina kitra malagasy, manoloana ny zava-misy nanomboka omaly. Mitsabaka loatra amin'ny asan'ny federasiôna ny fitondràna hoy ny K2HB... ♦ Nametraka fitarainana any amin'ny manam-pahefana ny "Agence routière", mpanara-maso ny fanamboarana azy, misy maka sahady ny vy samihafa amin'ny lalam-baovao... 

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Tamin’izany andro izany, i Jesoa niteny tamin’ny mpianany nanao hoe: "Izao no lazaiko aminareo izay mihaino Ahy: Tiavo ny fahavalonareo, manaova soa an’izay mankahala anareo, misaora an’izay manozona anareo ary mivavaha ho an’izay manisy ratsy anareo. Raha misy mamely ny takolakao anankiray, dia atolory azy koa ny ilany ary raha misy maka ny lambanao, aza sakanana na alainy mbamin’ny akanjonao aza. Omeo izay rehetra mangataka aminao, ary raha misy mifaoka ny anananao, dia aza mitaky izany aminy intsony.

Izay tianareo hataon’ny olona aminareo, no mba ataovy amin’ny olona koa. Raha izay tia anareo ihany no tianareo, fankasitrahana inona no tokony ho anareo? Fa na dia ny mpanota aza tia izay tia azy koa. Raha izay manisy soa anareo ihany no asianareo soa, fankasitrahana inona moa no tokony ho anareo? Fa na dia ny mpanota aza mba manao toraka izany ihany koa. Ary raha izay antenainareo hanonitra ihany no ampisamborinareo, fankasitrahana inona moa no tokony ho anareo? Fa na dia ny mpanota koa aza, mampisambotra ny mpanota ihany, mba handraisany toraka izany. Fa ianareo kosa, tiavo ny fahavalonareo, manaova soa ary mampisambora tsy manantena valiny: dia ho lehibe ny valisoanareo, ary ianareo ho zanaky ny Avo indrindra, dia Ilay tsara fo amin’ny tsy mpankasitraka sy ny ratsy fanahy.

Aoka ho mpamindra fo tahaka ny Rainareo mpamindra fo ianareo. Ary aza mitsara, dia tsy hotsaraina ianareo; aza manameloka, dia tsy hohelohina ianareo; mamelà, dia havela ianareo. Manomeza dia homena ianareo; fatra tsara, mifatratra, sady mihintsana no avo loha no homena ho ao am-pofoanareo: fa izay famarana namaranareo ihany no hamarana ho anareo koa."

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Filazana ny razan’i Jesoa Kristy, Zanak’i Davida, Zanak’i Abrahama: I Abrahama niteraka an’i Isaaka; i Isaaka niteraka an’i Jakôba; i Jakôba niteraka an’i Jodà mirahalahy avy; i Jodà niteraka an’i Faresa sy i Zarà tamin’i Tamara; i Faresa niteraka an’i Esrôna; i Esrôna niteraka an’i Arama; i Arama niteraka an’i Aminadaba; i Aminadaba niteraka an’i Naasôna; i Naasôna niteraka an’i Salmôna; i Salmôna niteraka an’i Bôôza tamin’i Rahaba; i Bôôza niteraka an’i Obeda tamin’i Rota; i Obeda niteraka an’i Jese; i Jese niteraka an’i Davida mpanjaka; i Davida niteraka an’i Salômôna tamin’ilay vadin’i Oria; i Salômôna niteraka an’i Rôbôama; i Rôbôama niteraka an’i Asà; i Asà niteraka an’i Jôsafata; i Jôsafata niteraka an’i Jôrama; i Jôrama niteraka an’i Oziasa; i Oziasa niteraka an’i Jôatama; i Jôatama niteraka an’i Akaza; i Akaza niteraka an’i Ezekiasa; i Ezekiasa niteraka an’i Manase; i Manase niteraka an’i Amôna; i Amôna niteraka an’i Jôsiasa; i Jôsiasa niteraka an’i Jekôniasa mirahalahy avy, tamin’ny andro nifindrana tany Babilôna. Ary rahefa nifindra tany Babilôna, i Jekôniasa niteraka an’i Salatiela; i Salatiela niteraka an’i Zôrôbabela; i Zôrôbabela niteraka an’i Abioda; i Abioda niteraka an’i Eliakima; i Eliakima niteraka an’i Azôra; i Azôra niteraka an’i Sadôka; i Sadôka niteraka an’i Akima; i Akima niteraka an’i Elioda; i Elioda niteraka an’i Eleazara; i Eleazara niteraka an’i Matàna; i Matàna niteraka an’i Jakôba; ary i Jakôba niteraka an’i Jôsefa vadin’i Maria izay niteraka an’i Jesoa, ilay natao hoe i Kristy.

Ary toy izao no nahaterahan’i Kristy: i Maria reniny dia efa fofom-badin’i Jôsefa; fa raha mbola tsy niray trano izy ireo, dia hita fa nanana anaka avy tamin’ny Fanahy Masina izy. Ary i Jôsefa vadiny, noho izy lehilahy marina, sady tsy ta-hanala baraka azy, dia nikasa hametraka azy mangingina. Nefa raha mbola nieritreritra izany izy, indro ny anjelin’ny Tompo niseho taminy, tamin’ny nofy, ka nanao hoe: "Ry Jôsefa, zanak’i Davida, aza matahotra hampakatra an’i Maria vadinao, fa ny Zaza ao an-kibony dia avy amin’ny Fanahy Masina ary hiteraka Zazalahy izy, ka ny anarany hataonao hoe Jesoa, fa Izy no hamonjy ny olony ho afaka amin’ny fahotany." Ary izany rehetra izany no tonga, dia mba hahatanteraka izay nampilazain’ny Tompo ny mpaminany hoe: "Indro ny Virjiny hitoe-jaza ka hiteraka Zazalahy, ary ny anarany hatao hoe Emanoela, izany hoe amintsika Andriamanitra."

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Tamin’izany andro izany, i Jesoa lasa tany an-tendrombohitra mba hivavaka, ka nivavaka tamin’Andriamanitra nandritra ny alina. Nony maraina ny andro dia niantso ny mpianany Izy ka nifidy roa ambin’ny folo lahy tamin’izy ireo, izay nomeny anarana hoe Apôstôly: dia i Simôna izay nataony hoe i Piera, sy i Andre rahalahiny, i Jakôba sy i Joany, i Filipo sy i Bartelemy, i Matio sy i Tômà, i Jakôba zanak’i Alfe, sy i Simôna izay atao hoe Zelôty, ary i Jodà rahalahin’i Jakôba, sy i Jodasy Iskariôta ilay namadika.

Dia niara-nidina tamin’izy ireo Izy ka nankeo amin’ny tany lemaka izay nijanonan’ny mpianany maro sy ny vahoaka betsaka avy tany Jodea rehetra sy Jerosalema, ary ny tanin’i Tira sy i Sidôna amoron-tsiraka, izay tonga teo mba hihaino Azy, sy mba hositraniny amin’ny aretiny: dia nositraniny izay nampijalian’ny fanahy maloto, ary nitady hanendry Azy ny vahoaka rehetra, satria nisy hery niala taminy ka nahasitrana azy rehetra.

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 31 aogositra 2021

Indray sabata hafa koa i Jesoa, dia niditra tao amin’ny sinagôga, ka nampianatra, ary nisy lehilahy anankiray maty tanana ankavanana teo. Tamin’izay dia nitsikilo Azy ny mpanora-dalàna sy ny Farisianina na hanasitrana amin’ny andro sabata Izy na tsia, mba hahitany antony hiampangana Azy. Fa fantatr’i Jesoa kosa ny hevitr’izy ireo, ka hoy Izy tamin’ilay maty tanana: "Mitsangàna ka mijoroa etsy afovoany." Dia nitsangana ilay io ka nijoro, ary hoy i Jesoa tamin’izy ireo: "Manontany anareo Aho, inona no mety hatao amin’ny sabata, ny manao soa sa ny manao ratsy; ny mamonjy aina sa ny manala aina?" Dia noherikerehiny nojerena daholo izy rehetra teo ka hoy Izy tamin-dralehilahy: "Ahinjiro ny tananao." Dia nahinjiny ka sitrana terý ny tanany. Fa iretsy kosa safotry ny hatezerana, ka nioko amin’izay hanaovany an’i Jesoa.

Atolotr'i Radio Don Bosco

Lohahevitra : Vaovao

Naseho ny : 31 aogositra 2021

♦ Mety hotanterahana tsy hatrehan'ny mpijery ihany ny lalaon'ny Barea, ny alakamisy hariva izao. Namoaka fanambarana omaly, ny CAF. Tsy misy mpijery avokoa ny andro voalohan'ny lalao rehetra amin'ny fifanitsanana Mondial 2022... ♦ Nitondra valin-kafatra tamin'ny alalan'ny fanambarana ny teo anivon'ny Federasiona Malagasy Baolina kitra, manoloana ny kabary nataon'ny Filoham-pirenena momba ny lalaon'ny Barea, ka niteraka resabe nanomboka omaly antoandro...

Tohiny...

Atolotr'i Radio Don Bosco

Lohahevitra : Miara-dalana

Naseho ny : 30 aogositra 2021

♦ Homarihana manomboka ny 1 septambra 2021 izao ny fankalazana ny faha-120 taonan'ny Eglizy Iraka Masina Misely Arkanjely, ao Antsiranana... ♦ Nifarana omaly ny fiofanana ntaon'ireo katesista 66 mianadahy tao amin'ny Diôsezin'i Port-Bergé... ♦ Nanao antso avo amin'ny mpino katôlika, ny Papa François, mba hifady hanina sy hivavaka ho an'i Afghanistan...

Tohiny...

Atolotr'i Radio Don Bosco

Lohahevitra : Vaovao

Naseho ny : 30 aogositra 2021

♦ Nahemotra amin'ny sabotsy ny lalaon'ny Barea sy Bénin miaraka amin'ny fitokànana ny kianjaben'i Mahamasina. Nilaza izany ny filoham-pirenena ny maraina teo, tesy Ivato... ♦ Andrasana amin'ity herinandro ity ny fihaonan'ny ministeran'ny indostria sy ny varotra amin'ireo mpandraharaha mpanafatr'entana avy any ivelany, fifampidinihana mikasika ny vidin'ny PPN... ♦ Tsy eken'ireo chef ZAP sasany ny fitakian'ny SEMPAMA ny hanesorana amin'ny toerany ny lehiben'ny Cisco Mananjary, nambara fa nanodikodim-bola...

Tohiny...

Atolotr'i Ranaivoarisoa Jean Philippe

Lohahevitra : Tenin'ny Tompo

Naseho ny : 4 septambra 2021

Sabotsy 4 septambra 2021 — Herinandro faharoa amby roapolo mandavantaona — Asehoy ahy, ry Tompo ny lalanao, ary tariho amin’ny lala-mahitsy aho — Evanjely Masina nosoratan'i Masindahy Lioka 6, 1-5

Tohiny...

Atolotr'i Ranaivoarisoa Jean Philippe

Lohahevitra : Tenin'ny Tompo

Naseho ny : 3 septambra 2021

Zoma 3 septambra 2021 — Herinandro faharoa amby roapolo mandavantaona — Izaho no Lalana sy Fahamarinana ary Fiainana, hoy ny Tompo, tsy misy olona mankany amin’ny Ray afa-tsy amin’ny alalako — Evanjely Masina nosoratan'i Masindahy Lioka 5, 33-39

Tohiny...

Atolotr'i Ranaivoarisoa Jean Philippe

Lohahevitra : Tenin'ny Tompo

Naseho ny : 2 septambra 2021

Alakamisy 2 septambra 2021 — Herinandro faharoa amby roapolo mandavantaona — Efa nataoko hoe sakaiza ianareo, hoy ny Tompo; satria efa nambarako taminareo avokoa izay rehetra reko tamin’ny Ray — Evanjely Masina nosoratan'i Masindahy Lioka 5, 1-11

Tohiny...