Atolotr'i Ranaivoarisoa Jean Philippe

Lohahevitra : Tenin'ny Tompo

Naseho ny : 29 aogositra 2021

Alahady 29 aogositra 2021 — Alahady faharoa amby roapolo mandavantaona — Hanazava ny masom-panahintsika anie Andriamanitra, Rain’i Jesoa Kristy Tompontsika; mba hahalalantsika ny fanantenana niantsoany antsika — Evanjely Masina nosoratan'i Masindahy Marka 7, 1-8. 14-15. 21-23

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 25 aogositra 2021

Indray Sabata, raha nandeha namaky ny tanimbary i Jesoa, dia nioty salohim-bary ny mpianany, ka nohaniny nony efa nokosokosohiny tamin’ny tanany. Dia hoy ny Farisianina sasany taminy: "Nahoana ianareo no manao ny tsy fanao amin’ny Sabata?" Ary i Jesoa namaly azy hoe: "Tsy novakinareo va izay nataon’i Davida raha noana izy mbamin’izay nanaraka azy, fa niditra tao an-tranon’Andriamanitra izy ka naka ny mofo alahatra, dia nihinana izany sy nanome izay nanaraka azy koa, nefa tsy misy mahazo mihinana azy afa-tsy ny mpisorona ihany?" Sady nampiany hoe: "Ny Zanak’Olona no tompon’ny Sabata."

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 25 aogositra 2021

Tamin’izany andro izany, ny Farisianina sy ny mpanora-dalàna dia nanontany an’i Jesoa nanao hoe: "Nahoana ny mpianatr’i Joany sy ny an’ny Farisianina no mifady hanina matetika sy mivavaka lalandava, fa ny anao kosa mihinana sy misotro ihany?" Ary hoy Izy tamin’izy ireo: "Moa ianareo mahazo mampifady hanina ny zatovon’ny mpampakatra, raha mbola eo aminy koa ny mpampakatra? Fa ho avy ny andro hanesorana ny mpampakatra aminy, ka amin’izay vao hifady hanina izy ireo." Dia nanao fanoharana taminy indray Izy nanao hoe: "Tsy misy olona manampina lamba tonta amin’ny tapa-damba nalaina tamin’ny vaovao, fa raha izany, ny vaovao moa rovitra, ny tonta koa tsy hifanendrika amin’ny tapa-damba vaovao. Tsy misy manisy divay vaovao amin’ny siny hoditra tonta koa, fa raha izany dia ho simban’ny divay vaovao ny siny hoditra ka ny divay moa raraka, ny siny hoditra koa very maina; fa siny hoditra vaovao no tokony hasiana ny divay vaovao, dia samy haharitra izy roroa. Ary tsy misy olona vao avy nisotro divay tranainy ka hangataka ny vaovao, satria hoy izy hoe: ‘Ny tranainy no tsaratsara kokoa.’"

Atolotr'i Radio Don Bosco

Lohahevitra : Vaovao

Naseho ny : 25 aogositra 2021

♦ Be loatra ny fitarainana momba ny resaka kolikoly, teo anivon'ny tahirim-bolam-panjakana, ka antony nampiatoana teo amin'ny asany ny Tele jeneraly teo aloha, hoy ny Minisitry ny Vola sy ny Fitantanam-bola... ♦ Omby roanjato ny tratry ny aretina any Arivonimamo, ka iray no maty tamin'izy ireo...

Tohiny...

Atolotr'i Radio Don Bosco

Lohahevitra : Vaovao

Naseho ny : 24 aogositra 2021

♦ Nitondra fanazavana amin'ny antony nanesorana ny Tale Jeneralin'ny Tahirim-bolam-panjakana ny Minisitry ny Fitantanam-bola androany. Nambarany fa be loatra ny fitarainana momba ny resaka kolikoly teo anivon'ity tahirim-bola ity... ♦ Tsy ho ampy handoavana ny karaman'ny mpampianatra Fram ilay filazana "zéro Ariary" amin'ny fampidirana mpianatra eny amin'ny sekolim-panjakana, hoy ny federasiôn'ny mpampianatra eo anivon'ny sendika FISEMARE...

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 aogositra 2021

Tamin’izany andro izany, raha teo amoron’ny farihin’i Genezareta i Jesoa, dia nifanesika nankeo aminy ny vahoaka mba hihaino ny tenin’Andriamanitra. Nahita sambo kely roa niantsona teo amoron-drano Izy (fa niala hanasa ny haratony ny mpanarato), dia niditra tamin’ny sambo kely anankiray izay an’i Simôna ka nangataka taminy mba hihataka kely amin’ny tany, vao nipetraka teo an-tsambo kely nampianatra ny vahoaka.

Rahefa nitsahatra niteny Izy, dia nanao tamin’i Simôna hoe: "Mandrosoa eny amin’ny lalina, dia alatsaho ny haratonareo hahazoana hazandrano." Fa hoy ny navalin’i Simôna Azy: "Tompoko, efa niasa mafy nandritra ny alina izahay, fa tsy nahazo na inona na inona; nefa noho ny teninao, dia halatsako ihany ny harato." Nony nanao izany izy, dia nahazo hazandrano be dia be ka nisy rovitra ny haratony. Ary nanàtsika ny namany izay teny amin’ny sambo kely hafa izy ireo mba ho avy hanampy azy: dia tonga ireo, nofenoiny ny sambo kely roa ka efa saika nilentika ny sambo. Nony nahita izany i Simôna Piera dia niankohoka tamin’ny tongotr’i Jesoa ka nanao hoe: "Mialà amiko, Tompoko, fa mpanota aho." Fa talanjona izy sy izay rehetra teo aminy, noho ny habetsahan’ny hazandrano azony; ary toy izany koa i Jakôba sy i Joany, zanak’i Zebede izay iray raharaha tamin’i Simôna. Dia hoy i Jesoa tamin’i Simôna: "Aza matahotra, fa hatramin’izao dia hanarato olona ianao." Dia nampiantsona ny sambo kely tamin’ny tany niaraka tamin’izay izy ireo ka namoy ny zavatra rehetra ary nanaraka Azy.

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 24 aogositra 2021

Tamin’izany andro izany, nony nitsangana niala tao amin’ny sinagôga i Jesoa, dia niditra tao an-tranon’i Simôna. Sendra azon’ny tazo mahery ny rafozambavin’i Simôna tamin’izay, ka niangavian’ny olona Izy hahasitrana azy. Niondrika teo amin’ny marary Izy nandidy ny tazo, dia niala ny tazo, ka nitsangana niaraka tamin’izay ravehivavy ary nampihinana azy ireo.

Nony maty ny masoandro, izay nanana marary na inona na inona aretiny dia samy nitondra ny azy teo aminy, ka nametra-tanana tamin’izy ireo tsirairay avy dia nahasitrana azy. Nisy demony nivoaka tamin’ny olona maro koa niantso hoe: "Ianao no Zanak’Andriamanitra"; fa norahonany tsy hiteny izy ireo noho izy nahalala Azy ho i Kristy.

Raha vao naraina ny andro, dia lasa nankany amin’ny toerana mangingina anankiray Izy. Vahoaka maro no nandeha nikaroka Azy, ka nony tonga tao aminy dia nitady hihazona Azy tsy hisaraka aminy intsony; fa hoy Izy taminy: "Tsy maintsy mitory ny fanjakan’Andriamanitra amin’ny tanàna maro hafa koa Aho, fa izany no nanirahana Ahy." Dia nitory teny tao amin’ny sinagôgan’i Galilea manontolo Izy.

Atolotr'i Radio Don Bosco

Lohahevitra : Vaovao

Naseho ny : 24 aogositra 2021

♦ Natomboka androany ny fizaràna faobe ny lay misy ody moka. Manokatra izany amin'ny fomba ôfisialy ny Praiministra Ntsay Christian... ♦ Nitombo ireo ray aman-dreny maniry hampiana-janaka any amin'ny sekolim-panjakàna raha ny fanadihadiana natao momba ny fisoratana anarana any ami'ny EPP sy CEG... ♦ Mbola lesoka amin'ny fampiroboroboana ny fiompiana eto amintsika ny fikarohana lalam-barotra any ivelany, ny tsy fananana antontan'isan'ny biby fiompy...

Tohiny...

Atolotr'i Radio Don Bosco

Lohahevitra : Vaovao

Naseho ny : 24 aogositra 2021

♦ Tsy ekena intsony ny gaboraraka amin'ny fivezivezen'ny harena ankibon'ny tany tsy ara-dalana, hoy ny Praiminisitra Ntsay Christian, raha nihaona tamin'ny mpiasa teo anivon'ny minisitera misahana izany izy omaly... ♦ Nankasitrahan'ny vondron'ny mpitatitra eto Madagasikara, ny fisarahan'ny Minisiteran'ny fitaterana amin'ny minisitera hafa...

Tohiny...

Atolotr'i Radio Don Bosco

Lohahevitra : Vaovao

Naseho ny : 23 aogositra 2021

♦ Voavaha amin'ny ampahany ny olan'ireo mpiasan'ny Aviation Civile de Madagascar, izay saika hiroso tamin'ny fitokonana fanairana androany. Hahazo ny karama roa volana tsy voaloa sy hatramin'ny faran'ny taona, izy ireo... ♦ Ny Praminisitra no hitantana vonjimaika ny Minisiteran'ny Herana ankibon'ny tany, manomboka androany. Fitantanana vonjimaika, tao aorian'ny fametraham-pialan'ny Minisitra vao notendrena, ny alakamisy teo...

Tohiny...

Atolotr'i Radio Don Bosco

Lohahevitra : Miara-dalana

Naseho ny : 23 aogositra 2021

♦ Tontosa ny fitsidihana pastôraly nataon'i Mgr Benjamin Marc Ramaroson, tao amin'ny Diôsezin'Ambanja... ♦ Nijoro ny Birao Mpandrindra ny FIFAKRI ao amin'ny Diôsezin'i Mananjary... ♦ Hotanterahina any Toliara ny 14 hatramin'ny 16 septambra 2021 ny filan-kevitra nasiônalin'ny Ekipan'ny Raozery... ♦ Manampy amin'ny fanohanana ireo traboina noho ny horohorontany ny Caritas ao Haïti...

Tohiny...

Atolotr'i Radio Don Bosco

Lohahevitra : Vaovao

Naseho ny : 23 aogositra 2021

♦ Hiakatra fitsarana anio ny raharaha nanaovana filan-dratsy tamin'ny ankizivavy kely mirahavavy teny Andraondrikely Ivato. Maniry ny tsy hanamaivanana ity raharaha ity sy ny hanasaziana ny nahavanon-doza, araka ny rariny sy ny hitsiny ny fianakaviana... ♦ Andrasana ny fanapahana manamarina ny fahabangan-toerana eny amin'ny Antenimieram-pirenena sy ny Antenimieran-doholona, fanamarihana avy amin'ny HCC, vao afaka manendry ny solontenan'ireo parlemantera lasa minisitra...

Tohiny...