Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, nanatona hihaino an’i Jesoa ny Poblikanina sy ny mpanota, ka nimonjomonjo ny Farisianina sy ny mpanora-dalàna nanao hoe: "Ilay ity mandray ny mpanota sy miara-mihinana aminy". Dia nilaza ity fanoharana ity taminy i Jesoa nanao hoe: "Iza moa aminareo no manana ondry zato ka very ny anankiray no tsy handao ny sivy amby sivifolo any an’efitra, ka handeha hitady ilay very mandra-pahitany azy? Ary rehefa hitany dia ataony eo an-tsorony an-kafaliana, ka nony tonga any an-tranony izy, dia mamory ny sakaizany sy ny olo-mifanakaiky aminy ary manao amin’ireo hoe: ‘Miaraha mifaly amiko, fa efa hitako ny ondriko very’. Lazaiko aminareo, fa toy izany koa hisy hafaliana lehibe kokoa any an-danitra amin’ny mpanota iray mibebaka, noho ny amin’ny olo-marina sivy amby sivifolo tsy mila fibebahana. Sa iza no vehivavy manana dragma folo ka very ny anankiray no tsy hampirehitra jiro sy hifafa trano, ary hitady azy tsara ambara-pahitany azy? Ary rehefa hitany dia mamory ny sakaizany sy ny vehivavy mifanakaiky aminy izy ka manao hoe: ‘Miaraha mifaly amiko, fa efa hitako ny dragmako very’. Toy izany koa: lazaiko aminareo fa hisy hafaliana lehibe eo anatrehan’ny Anjelin’Andriamanitra raha misy mpanota iray mibebaka".

Hoy koa Izy: "Nisy lehilahy anankiray nanan-janaka mirahalahy, ka hoy ilay zandriny tamin-drainy: ‘Dada ô, omeo ahy ny anjara fananana tokony ho ahy’. Dia nozarainy tamin’izy roa lahy ny fananany. Nony afaka andro vitsivitsy, dia nangonin’ilay zandriny ny fananany rehetra ka lasa nankany an-tany lavitra izy, nandany ny fananany tamin’ny fitondran-tena ratsy. Rehefa laniny avokoa ny fananany rehetra dia nisy mosary lehibe tamin’izany tany izany ka nahantra izy. Dia lasa ny anao nikarama tamin’ny tompon-tany anankiray tany, ka nirahiny hiandry kisoa tany an-tsaha. Naniry hivoky amin’ny hodi-boan-javatra nohanin’ny kisoa izy, fa tsy nisy nanome azy. Izay vao nody ny sainy ka hoy izy: ‘Firifiry akory moa ny mpikaraman’i dada no manan-kanina be, nefa izaho kosa ity maty noana aty! Hitsangana aho ho any amin’ny raiko ka hanao aminy hoe: Dada ô! efa nanota tamin’ny lanitra sy teo anatrehanao aho, ka tsy mendrika hantsoina hoe zanakao intsony; fa mba ataovy tahaka ny anankiray amin’ny mpikaramanao re aho’. Dia niainga izy ka lasa nankany amin-drainy. Mbola lavitra kosa izy, dia nahatazana azy rainy, ka onena nidodododo nitsena azy, ary namihina ny vozony sy nanoroka azy. Dia hoy ity zanany taminy: ‘Dada ô! efa nanota tamin’ny lanitra sy teo anatrehanao aho, ka tsy mendrika hantsoina ho zanakao intsony’. Fa hoy ny rainy tamin’ny mpanompony: ‘Alao haingana ny akanjo tsara indrindra ka ampiakanjoy azy; asio peratra ny rantsan-tanany, kiraroy ny tongony, ary ento ny zanak’omby matavy ka vonoy, dia aoka hihinana sy hifaly isika, fa ity zanako ity dia maty ka velona indray, ary very ka hita indray’.

Dia nifaly izy rehetra. Sendra tany an-tsaha kosa ny zanany lahy matoa tamin’izay. Nony nody izy sy mby teo akaikin’ny trano, dia nandre zava-maneno sy dihy, ka niantso ankizilahy anankiray sy nanontany azy izay anton’izany. Dia hoy ilay mpanompo taminy: ‘Tonga ny rahalahinao, ka namono zanak’omby matavy irainao, satria tafaverina soa aman-tsara izy’. Dia tezitra izy, ka tsy nety niditra ary nivoaka irainy hampandroso azy. Fa hoy ny navaliny an-drainy: ‘Indro efa ela no nanompoako anao, ary tsy mbola nandika ny didinao akory aho, nefa tsy mbola mba nomenao zanak’osy iray akory hifaliako amin’ny sakaizako; fa nony tonga kosa io zanakao io izay avy nandany ny fanananao tamin’ny vehivavy janga, dia namonoanao zanak’omby matavy izy’. Fa hoy rainy taminy: ‘Ianao, anaka, dia eto amiko mandrakariva ka anao avokoa izay rehetra ananako; fa mety kosa ny manao fihinanam-be sy fifaliana, satria io rahalahinao io, dia maty ka velona indray, ary very ka hita indray".

Lohahevitra : Lahatsoratry ny Evanjely
Voadika amin'ny fiteny :  Français (France)   English (United Kingdom) 

Tamin’izany andro izany, i Jesoa niatrana nijery an’ireo mpianany, ka nanao hoe: "Sambatra ianareo mahantra, fa anareo ny fanjakan’ny lanitra. Sambatra ianareo noana ankehitriny, fa ho voky ianareo. Sambatra ianareo mitomany ankehitriny, fa hifaly ianareo. Ho sambatra ianareo raha hankahalain’ny olona, horoahiny amin’ny fikambanany, hotevatevainy ary holaviny toy ny zava-dratsy ny anaranareo, noho ny amin’ny Zanak’Olona. Mifalia ianareo amin’izany andro izany ary miravoravoa, fa indro lehibe ny valisoanareo any an-danitra; fa tahaka izany koa no nataon’ny razany tamin’ny mpaminany.

Fa loza ho anareo kosa, ry mpanan-karena, fa manana ny fahafaham-ponareo ianareo. Loza ho anareo izay voky ankehitriny, fa ho noana ianareo. Loza ho anareo izay mihomehy ankehitriny, fa hitomany sy higogogogo ianareo: Loza ho anareo raha hataon’ny olona tsara laza ianareo, fa tahaka izany no nataon’ny razany tamin’ny mpaminany sandoka."

Lohahevitra : Andriano ny fahasalamana
Voadika amin'ny fiteny :  Français (France) 

Ny toerana misy ny sarakaty dia eo amin'ny ila-takiba avia. Misy asany roa ny sarakaty : mamorina ny "insuline" manampy ny sela ampiditra ny siramamy ao amin'ny vatana, mamokatra "enzyme" manampy amin'ny fandevonan-kanina. Aretina mpahazo azy : tsimokaretina epatita A, B, C, E, kista, omamiadana, voasaron'ny tavy ny sarakaty. Fisehony : Marary ny ilany avia, fipetraka miforitra miendrika efatra ka manindry miankavia, maloiloy...

Lohahevitra : Vaovao

♦ Tsy maharesy lahatra ny antoko Fiombonana ny fanazavan'ny tompon'andraikitra momba ny fahasahiranan'ny any amin'ny faritra samihafa amin'ny fanjifana ny gasoil. Tombanan'izy ireo ho vokatry ny olan'ny mpandraharaha sy ny fanjakàna no antony... ♦ Kaominina 28 manodidina an'Antananarivo renivohitra sy ny boriborin-tany efatra ao an-drenivohitra no hisitraka ilay tetik'asa GUGA natomboka omaly. Famatsiam-bolan'ny AFD mitentina 5 tapitrisa Euro... ♦ Nidina ny taham-pahafahana bakalôrea ho an'ny teto amin'ny faritanin'Antananarivo tamin'ity taona ity. 41,34% izany raha toa ka nahatratra 58,48% izany tamin'ny taona lasa...

Lohahevitra : Vaovao

♦ Efa nivoaka avokoa ny valim-panadinana Bakalôrea manerana ny nosy. Ny faritanin'Antananarivo no nahitàna taham-pahafahana ambany indrindra, taorian'ny fivoahan'ny vokatra ny faran'ny herinandro teo... ♦ Marary mafy ary manaraka fitsaboana any amin'ny hopitaly ao Nosy-be efa ho herinandro izao, ilay mpanakanto Ninie Donie. Manao antso avo amin'ny fanjakàna mahefa hitsaboana azy aty an-drenivohitra ny eo anivon'ny RMDM... ♦ Namoaka gazety boky voalohany ny "Aumonerie catholique universitaire de Madagascar ny faran'ny herinandro teo. FANJARY no anaran'izy io, hivoaka isaky ny enim-bolana... ♦ Mangataka ny fahafahan'ireo voamaina avy any Rosia ahondrana eo amin'ny tsena iraisim-pirenena ny Firenena Mikambana...

Lohahevitra : Vaovao

♦ Natolotry ny Minisitra Edgard Razafindravahy an-tanana ampahibemaso, ho an'ireo mpandraharaha 70 tany Antalaha, ny fanavaozana ny fahazoan-dalana hanondrana lavanila... ♦ Handefa taratasy any amin'ny Masoivoho Britanika, hangataka ny hanokafana fanadihadiana momba ilay vola 25 tapitrisa doalara, nanaovan'ny Tale Jeneralin'ny APMF fifanarahana momba ny AIS, niaraka tamin'ny orinasa britanika iray, ny sendikan'ny mpiasan'ny APMF... ♦ Niakatra ho 160 tapitrisa ny ankizy efa miasa eran-tany tamin'ny taona 2020, araka ny fanadihadiana nataon'ny UNICEF sy ny OIT. Aty Afrika ny ankamaroany...

Lohahevitra : Miara-dalana

♦ Hanana karatra famantarana manokana ireo mpisehatra ao amin'ny Vaomieran'ny Fifandraisan'ny Mpiara-belona eto Madagasikara, mandritra ny JMJ Mada X... ♦ Ho marihana ny 28 aogositra 2022 ny andron'ny Diôsezy eto Antananarivo... ♦ Mitombo ny fahantrana ao Dublin, Irlande, hoy i Fr. Kevin Crowley...

Lohahevitra : Vaovao

♦ Efa niharan'ny sakan-dalana nataon'ny dahalo tao antampon'Ihorombe ireo mpizaika avy any Ambovombe Androy, nialohan'ilay lozam-pifamoivoizana nitranga tany Ikelivaho... ♦ Miverina indray ny tsy fandriampahalemana any amin'ny Kaominina Ambanivohitra Ambatoboeny. Nisy hatrany ny fanafihana isan-kalina tao anatin'ny herinandro... ♦ Ny fanovana ny lalana mifehy ny antoko pôlitika sy ny fanaovana pôlitika ihany no ahafahana misoroka ny krizy ateraky ny fifidianana, hoy ny Solombavam-bahoaka teo aloha, ny Dr. Andriambololona Barson Claude...

Lohahevitra : Vaovao

♦ Mpamilin'ny solontenan'i Madagasikara eo anivon'ny UNESCO any Paris, fa tsy olona eto Madagasikara no naka ny sarin'ny "étiquette"-n'ny valizin'ny Filohan'ny Repoblika. Enjehina noho ny fanohintohinana ny ain'ny Filoha sy ny fianakaviany izy... ♦ Mbola manamafy ny antsony mba hisian'ny dinika eo amin'ireo mpisehatra pôlitika ny Masoivohon'ny Vondrona Eorôpeanina eto Madagasikara, mialoha ny handaozany an'i Madagasikara amin'ny alatsinainy izao... ♦ Omen'ny CENI alalana malalaka hanao fitsirihana ny lisitry ny mpifidy, ireo herivelona rehetra eto amin'ny firenena...

Lohahevitra : Vaovao

♦ Mpiasan'ny UNESCO tany an-dafy fa tsy olona eto Madagasikara no naka, ka niparitahan'ilay sary misy ny "étiquette"-n'ny valizin'ny Filoham-pirenena, nandritra ny diany tany ivelany. Nanazava ny momba ity raharaha ity androany, ny Talen'ny kabinetran'ny Fiadidiana ny Repoblika... ♦ Mbola manamafy ny antsony hisian'ny dinika eo amin'ireo mpisehatra pôlitika, ny Masoivohon'ny Vondrona Eorôpeanina eto amintsika. Nambarany fa zava-dehibe ny mifampiresaka, mialohan'ny fifidianana amin'ny taona 2023... ♦ Handray fepetra hisorohana ny tsy fitovian-kevitra miainga amin'ny firafitry ny lisitry ny mpifidy ny CENI...

Lohahevitra : Hirika
Voadika amin'ny fiteny :  Français (France)   English (United Kingdom) 

Kavin'omby maherin'ny 14000 no hapetraka amin'ny omby ao amin'ny Distrikan'Amboasary Atsimo sy Taolagnaro, mialohan'ny faran'ity taona ity. Ny 6700 amin'ireo no ho an'ny Distrikan'i Taolagnaro raha toa ka 7900 kosa ho an'Amboasary Atsimo. Mbola mila entanina hatrany anefa ny tantsaha ahafahana manatratra ny tanjona.

Lohahevitra : Vaovao

♦ Telo ambin'ny folo andro sisa dia hanomboka ny Andro eran-tany ho an'ny Tanora na ny JMJ andiany faha-10, hatao ao amin'ny Diôsezin'Antsirabe. Nihaona tamin'ireo pretra rehetra ao amin'ny Diôsezy omaly, ny evekan'Antsirabe... ♦ Niisa 85 ny lozam-pifamoivoizana nitranga tao Antananarivo Renivohitra tamin'ny volana jolay lasa teo iny. Saika olana ara-teknika no nahatonga ny loza niteraka faharatrana sy famoizana ain'olona... ♦ Ratsy ny voka-panadinana bakalorea ho an'ny Lisea any Vohipeno. Olana ara-tsôsialy no antony voalohany nahatonga izany, hoy ny tompon'andraikitra...

Sous-catégories

Malagasy

[Miara-dàlana] Zoma 29 nôvambra 2024

  • Miomana amin'ny fandraisana ny Eveka vaovao, Mgr Marcellin Randriamamonjy, ny Diôsezin'i Farafangana...
  • Nanatanteraka fihaonambe fanao isan-taona nandritra ny hateloana, ny Vaomiera misahana ny fampanjariana ny Rariny sy ny Fiadanana tao amin'ny Diôsezin'Antsirabe...
  • Torio an-kafaliana ny Evanjely, hoy ny Papa François, tamin'ny fampianarana nataony nandritra ny Audience générale, ny alarobia 27 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...