Atolotr'i Radio Don Bosco

Lohahevitra : Vaovao

Naseho ny : 21 janoary 2021

♦ Efa any an-dranomasina no nisy ny foiben'ilay rivodoza Eloïse. Namela takaitra teo amin'ny faritra telo teto amintsika anefa izy, araka ny tatitra navoakan'ny BNGRC omaly... ♦ Niteraka tsy fitovian-kevitra eo amin'ny samy mpampita vaovao ny fahazoana ny karatra maha mpanao gazety. Nanamafy ny vaomiera mikarakara izany fa ny tena mpanao gazety no hahazo karatra amin'ity indray mitoraka ity...

Tohiny...

Atolotr'i Radio Don Bosco

Lohahevitra : Vaovao

Naseho ny : 20 janoary 2021

♦ Hiverina hivoaka any an-dranomasina anio alina na rahampitso maraina, any amin'ny faritry ny morontsirak'i Melaky ny rivodoza Eloïse. Ana'arivony ireo tra-boina naterak'izany.... ♦ Tsy afaka ny hangina intsony isika hoy ny Governoran'ny Faritra Analamanga fa be loatra ny lainga afafin'ny mpanohitra ka tsy maintsy arovantsika ny fitondrana sy ny ezaka maro efa ataony hampandrosoana an'i Madagasikara...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 25 janoary 2021

Ny hafatra dia manandanja kokoa amin'ny olona hitenenana na ny olona mandray ilay hafatra. Ny hafatra manokana ho an'ny ray aman-dreny sy ny mpampianatra mpanabe momba ny fanabeazana sy ny  fampianarana amin''ity volana janoary ity : Mafana ny andro ka mila arahimaso ny fisotrona rano, ny akanjo sy ny fahasalaman'ny ankizy... 

Tohiny...

Atolotr'i Radio Don Bosco

Lohahevitra : Vaovao

Naseho ny : 20 janoary 2021

♦ Nihena be ny herin'ilay rivodoza Eloïse, tany amin'ny Distrikan'i Mampikony no nisy ny ivony tamin'ny 9 ora maraina teo. Tombanana hivoaka an-dranomasina any Melaky izy rahampitso... ♦ Miandrandra fitoniana maharitra eto amin'ny firenena amin'izao fanombohan'ny fotoam-piasan'ny Antenimerandoholona izao ny Filoha lefitry ny CFM avy any Fianarantsoa...

Tohiny...

Atolotr'i Radio Don Bosco

Lohahevitra : Vaovao

Naseho ny : 20 janoary 2021

Nihena ny herin'ilay rivodoza Eloïse, tany amin'ny Distrikan'i Maroantsetra no nisy ny foibeny androany tamin'ny 04 ora maraina. Hamakivaky an'i Sofia sy i Boeny ny sisan-drahona miaraka aminy anio tontolo. Rahampitso no tombanana hivoaka an-dranomasina io rivodoza io.

Tohiny...

Atolotr'i Radio Don Bosco

Lohahevitra : Vaovao

Naseho ny : 19 janoary 2021

♦ Niditra an-tanety ao amin'ny Distrikan'Antalaha ilay rivodoza Eloïse tatsy amin'ny Ranomasimbe Indiana. Niakatra ho 100km/ora ny rivotra entiny, arahana tafiotra 140km/ora... ♦ Filohan'ny Antenimierandoholona vaovao, mandimby an'Andriamatoa Rivo Rakotovao, ny Loholona Razafimahefa Herimanana, kandidà tokana natolotry ny vondrona IRMAR...

Tohiny...

Atolotr'i Radio Don Bosco

Lohahevitra : Vaovao

Naseho ny : 19 janoary 2021

♦ Nahazo filoha vaovao ny Antenimieran-doholona eny Anosikely. Lany ho filohan'ny andrim-panjakàna Andriamatoa Herimanana Razafimahefa... ♦ Miha-manakaiky hatrany ny morontsirak'i Madagasikara ilay rivo-doza Eloise any amin'ny ranomasim-be Indiana. Anio alina izy no hiditra an-tanety any amin'ny distrikan'Antalaha... 

Tohiny...

Atolotr'i Radio Don Bosco

Lohahevitra : Vaovao

Naseho ny : 19 janoary 2021

Anio tolakandro no hiditra an-tanety eto Madagasikara ilay rivodoza Eloise, nitombo hery izy ka lasa "Forte tempête tropicale", raha ny vaovao farany voaray avy amin'ny sampana mpamantatra ny mety ho toetry ny andro androany maraina.

Tohiny...

Atolotr'i Radio Don Bosco

Lohahevitra : Vaovao

Naseho ny : 18 janoary 2021

♦ Feno ireo loholona valo ambin'ny folo mandrafitra ny Antenimierandoholona izay hiasa mandritra ny dimy taona. Niara-nampiaka-tsaina farany tamin'ireo mpiasan'ny Antenimierandoholona androany Andriamatoa Rivo Rakotovao... ♦ Any amin'ny 450km atsinanan'Antalaha no misy an'i Eloise. Tombanana hiditra an-tanety rahampitso alina na ny alarobia maraina...

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 janoary 2021

Tamin’izany andro izany, niantso ny roa ambin’ny folo lahy hankeo aminy i Jesoa, ka naniraka azy handroaka ny fanahy maloto. Ary noraràny tsy hitondra na inona na inona eny an-dalana izy ireo na kitapo, na mofo, na farantsa kely varahina amin’ny fehin-kibony, afa-tsy tehina ihany, fa ny tongotra no asiana kapa, ary tsy mitondra akanjo roa. Ary hoy koa Izy taminy : “Na aiza na aiza halehanareo, dia mitoera amin’izay trano hidiranareo ambara-pialanareo. Ary raha misy tsy mampiantrano na tsy mihaino anareo, dia mialà ao ka ahintsano ny vovoka amin’ny tongotrareo ho fiampangana azy.” Dia nandeha izy ireo ka nitory tamin’ny olona fa tsy maintsy mibebaka izy, sy nandroaka demony maro, ary nanosotra diloilo ny marary betsaka sy nanasitrana azy.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 janoary 2021

Tamin’izany andro izany, i Jesoa nankany amin’ny tany nahabe Azy, ary nanaraka Azy ny mpianany. Ary rahefa sabata ny andro, dia nampianatra tao amin’ny sinagôga Izy, ka be tamin’izay nihaino Azy no gaga tamin’ny fampianarany sy nanao hoe : “Taiza no nahazoan’Izy io izany rehetra izany ? Fahendrena manao ahoana izao nomena Azy izao, ary ahoana no ahefan’ny tanany izany asa lehibe izany ? Moa tsy io va ilay mpandrafitra, zanak’i Maria, rahalahin’i Jakôba sy i Jôsefa ary i Jodà sy i Simôna ? Moa tsy atý amintsika va ny anabaviny ?” Dia tafintohina taminy izy ireo. Fa hoy i Jesoa taminy: “Tsy misy mpaminany tsy enin-kaja afa-tsy amin’ny taniny sy amin’ny fianakaviany ary amin’ny havany ihany.” Ary tsy nahazo nanao fahagagana akory Izy teo, fa marary vitsivitsy monja no nositraniny tamin’ny fametrahan-tanana, ary gaga Izy noho ny tsy finoan’ireo. Dia nitety ny vohitra manodidina sy nampianatra Izy.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 janoary 2021

Tamin’izany andro izany, rehefa tapitra ny andro fidiovana araka ny lalàn’i Môizy, dia nentin’ny ray aman-dreniny ho any Jerosalema i Jesoa mba hatolotra amin’ny Tompo, araka ny voasoratra ao amin’ny lalàn’ny Tompo hoe : "Ny lahy voalohanteraka rehetra dia atao hoe masina ho an’ny Tompo", ary mba hanatitra fanatitra domohina roa, na zana-boromahailala roa, araka ny voasoratra ao amin’ny Lalan’ny Tompo. Ary indro nisy lehilahy atao hoe Simeôna tao Jerosalema ; ary marina sady mpivavaka tsara izany lehilahy izany ka niandry ny fanalana alahelo an’i Israely, ary tao aminy ny Fanahy Masina, sady efa nanambaràn’ny Fanahy Masina izy fa tsy hahita fahafatesana mandrapahitany an’i Kristin’ny Tompo. Dia nentin’ny Fanahy Masina izy hankao amin’ny Tempoly ka nony nitondra an’i Jesoa Zazakely ny rainy aman-dreniny hanao araka ny voadidin’ny Lalàna ny aminy, dia nitrotro Azy izy, ka nisaotra an’Andriamanitra nanao hoe : "Ankehitriny, ry Tompo, vao alefanao am-piadanana araka ny teninao ny mpanomponao, fa ny masoko nahita ny famonjena avy aminao, izay namboarinao teo anatrehan’ny firenena rehetra, dia fahazavana hanilo ny Jentily sady voninahitr’i Israely olonao". Dia gaga ny ray aman-drenin’ny Zaza noho ny zavatra nolazaina ny aminy. Ary nitso-drano azy ireo i Simeôna, ka nilaza tamin’i Maria Renin’ny Zaza hoe : "Indro ity Zaza ity no voatendry ho fandavoana sy ho fananganana ny maro amin’i Israely ary ho famantarana hotoherina, — ary ny fanahinao aza hotanterahin-tsabatra — mba hiseho ny hevitry ny fo maro". Ary nisy koa mpaminany vavy anankiray, dia i Anina zanak’i Fanoela, fokon’i Asera ; efa antitra dia antitra izy, dia fito taona no nanambadiany taorian’ny naha-virjiny azy, ary efa mpitondratena tokony ho efatra amby valopolo taona, sady tsy niala tao amin’ny Tempoly, fa nanompo an’Andriamanitra andro aman’alina tamin’ny fifadian-kanina sy ny fivavahana. Tonga koa izy tamin’izany fotoana izany, ka nidera an’Andriamanitra, ary nilazalaza ny Zaza tamin’izay rehetra niandry ny fanavotana an’i Jerosalema. Ary nony tanterak’izy ireo ny zavatra rehetra araka ny Lalàn’ny Tompo, dia nody tany Galilea tao Nazareta tanànany izy. Ary nitombo sy nihanatanjaka ny Zaza sady feno fahendrena, ary tao aminy ny fahasoavan’Andriamanitra.