Lohahevitra : Ampela mihary
Voadika amin'ny fiteny :  Français (France)   English (United Kingdom) 

Ny fitiavana dia sahala amin'ny tady tsy hita maso mampifandray fon'olona roa, lahy sy vavy. Sarotra ho an'ny tanora ny mamantatra ny tena fitiavana sy ny haitraitra, ny fitiavana anefa tsy lamaody. Raha mbola latsaky ny 17 taona dia mbola tsy matotra ary mbola tsy mahalala ny lanjan'ny fitiavana ny tanora iray. Maro ny diso amin'ny hoe "fitiavana" mira " firaisana ara-nofo...  Fandaharana "ampela miary" tontosaina eto amin'ny radio Don Bosco.

Lohahevitra : Vaovao
  • Nahazo fampitandremana miloko MENA amin'ny fiakaran'ny renirano araka ny fampahafantarana navoakan'ny teo anivon'ny BNGRC omaly talata tamin'ny 4 ora tolak'andro ny lemak'Antananarivo...
  • Mbola miato ny fampianarana ho amin'ity alarobia 19 febroary ity ho an'ny farim-piadidiam-pampianarana Antananarivo renivohitra, Atsimondrano, Avaradrano, Ambohidratrimo, Manjakandriana ary Anjozorobe noho ny fiakaran'ny rano araka ny fampahafantarana nataon'ny DREN Analamanga...
  • Namoaka fanambarana ny amin'ny mbola tsy nisian'ny fanovana ny tambin-karama raisin'ireo mpikamban'ny governemanta hatramin'ny taona 2018 ny teo anivon'ny ministeran'ny toe-karena sy ny fitantanam-bola...
  • Noraràn'ny fitondrana Taliban ny fahafahan'ny Onjam-peo BEGUM mandeha any Afghanistan, ity onjam-peo ity ihany no hany miady ho an'ny zon'ny vehivavy any amin'ity firenena ity...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tena sarotra ny mamaritra ny atao hoe "Fivavahana", fa azo lazaina hoe toe-po sy toe-panahy hoentina mivavaka sy manatanteraka vavaka ao anatin'ny toerana sy fotoana. Ny Fivavahana dia sarotra satria tsy azo tsapain-tanana na jeren'ny maso fa toe-piainana tahaka ny asa masina ; izany hoe olona mivavaka, olona tia vavaka, olona zatra mivavaka no misy... Katesizy momba ny faharetana mivavaka, iarahana amin'i P. Ramiandrasoa Louis Marc.

Lohahevitra : Vaovao

• Haneho hevitra ankalamanjana ary hangataka lalana amin'ny Préfet an'Antananarivo, ahafahana manao izany, ny Hery Politika Mitambatra sy ny mpiara-dia aminy, rehefa tsy navela hivory sy haneho hevitra anaty trano. Nomena anarana ho Vondrona Fanarenam-pirenena koa ny fiombonamben'izy ireo, hoy ny Profesora Ralison Roger... • Natao androany ny atrikasa fampahafantarana sy fanentanana ny olona amin'ny fampiasana ny harina sy kitay madio sy manaja tontolo iainana sy fenitra... • Efa afaka mandeha ny baka fitaterana ao Ifasy sy Mahavavy amin'ny Lalam-pirenena fahenina. Laharam-pahamehana, hoy ny Minisitra tompon'andraikitra, ny fampitana ireo mpianatra isa-maraina...

Lohahevitra : Vaovao
  • Tsy mbola nisy mangirana, iray volana sy tapany aty aoriana ilay fitorian'ny Antoko HVM teny anivon'ny Sampana Misahana ny Heloka an'habaka,  mikasika ny  raharaha faénapariahana vaovao tsy marina, sy fanalambaraka nataona tambazotran-tserasera iray...
  • Tsy marisika intsony amin'y fisoratana anarana anaty lisitry ny mpifidy ny olom-pirenena feno taona, tamin'ny fanavaozana isan-taona ny lisi-pifidianana (RALE)...
  • Tantsaha manodidina ny 1.300 isa no voakasika amin'ny famerenana ny masomboly vary safiotra, nozarain'ny fitondram-panjakàna tao amin'ny kaominina Antanambe-Distrika Amparafaravola...
  • Mitohy ny fitsaboana sy ny fanaraha-maso ny fahasalaman'ny Papa François ao amin'ny Hôpitaly Gemelli...

Lohahevitra : Filira

Lahabolana "JIHE" dia lahabolana fanao an-kira arahina hazakazaka madinika. Ny Jihe dia lahabolana fanao amin'ny fifaliana, fahoriana, famondrona hery hanao asa na dia iraisana. Amin'ny fihaonan'ny antoko mpiangaly jihe amin'ny sampanan-dalana iray dia misy ny fifanandrinana, fifamelezana io ilay atao hoe "BILO", eto dia tanana no hifamelezana fa tsy mampiasa fitaovana hafa. Azo ampilaharina amin'ny sangy mahery ny BILO...

Lohahevitra : Vaovao
  • Hiavaka ny fankalazan'ny mpitandro filaminana ny faha-65 taona niverenan'ny fahaleovantena sy nijoroan'ny foloalindahy Malagasy amin'ity taona ity...
  • Nanao diabe nilanja sora-baventy ary nihaona tamin'ny ben'ny tanàna eny Imerintsiatosika ireo mponina voakasiky ny tetikasa Tanamasoandro, omaly...
  • Miandry ny tatitra mahakasika ny fitsirihana ny bozaka eo amin'ny kianjan'ny Barea Mahamasina ny mety ho fankatoavan'ny CAF na tsia ity kianja ity...
  • Ho tontosaina anio talata any RYAD Arabie-Saoudite ny fihaonana eo amin'ny lehiben'ny diplômasia Amerikanina Marco Rubio sy Rosianina Sergei Lavrof, handinihina ny raharaha any Ukraine...
  • Anio talata no daty farany tokony hialan'ny tafika Israelianina any amin'ny faritra atsimon'i Liban...

Lohahevitra : Raki-tsarobidy

Ho an'i Masimbavy Terezin'i Jesoa Zazakely : " ho ahy ho izy ny vavaka dia fisitahan'ny FO, fijery tsotra atodika any an-danitra, hiaram-pahalalana sy hiakam-pitiavana eo anivon'ny hafaliana". Ny vavaka dia manokana ary miainga avy ao anaty, avy ao am-po asandratra amin'Andriamanitra. Azo lazaina hoe valim-pitia atolotra amin'Izy Tompo ny vavaka ary fanandratana ny fanahy... Katesizy momba ny faharetana mivavaka, iarahana amin'i P. Ramiandrasoa Louis Marc.

Lohahevitra : Vaovao

• Hitohy hatrany ny oram-pahavaratra saika manerana ny nosy, ato anatin'ny telo andro manaraka... • Tsy resy na nandefitra ny sendikan'ny Seces, fa nanova fomba fiady amin'ny fitakiana izay efa natombony... • Nanao diabe nilanja sorabaventy ary nanatona ny Ben'ny Tananan'Imerintsiatosika androany, ireo mponina manana tany voakasiky ny tetikasa Tanamasoandro...

Lohahevitra : Miara-dalana

• Nanentana ny kristianina aty Afrika ny Fiombonan'ny Fivondronamben'ny Evekan'i Afrika sy i Madagasikara, mba hiray hina amin'ny vavaka sy ny fifadian-kanina araka ny fomba amam-panaon'ny tsirairay sy ny fahafahany, ny 3 hatramin'ny 5 marsa 2025... • Notontosaina ny sabotsy 15 sy ny alahady 16 febroary 2025 ny fihaonan'ny Filankevitra Fitondrana ny Vahoakan'Andriamanitra eto amin'ny Diôsezin'Antananarivo... • Mampiely hatsarana sy mampiombona ny vahoaka ny zava-kanto, hoy ny Papa François, tamin'ny fampianarana nataony ho fankalazana ny Jobilin'ny mpanakanto omaly...

Lohahevitra : Karemy
Voadika amin'ny fiteny :  Français (France)   English (United Kingdom) 

Vakiteny voalohany

Boky Deteronômy (Det. 26, 16-19)

Mba ho vahoaka masina ho an’ny Tompo Andriamanitrao ianao.

Tamin’izany andro izany,
niteny tamin’ny vahoaka Israely i Môizy nanao hoe:

“Ny Tompo Andriamanitrao no mandidy anao anio,
hanaraka ireo didy amam-pitsipika ireo,
koa tandremo sy araho amin’ny fonao rehetra sy ny fanahinao rehetra ireo.
Nampanambara tamin’ny Tompo ianao androany,
fa Izy no ho Andriamanitrao
ka nametra-teny ianao fa handeha amin’ny lalany,
hitandrina ny didiny sy ny lalàna amam-pitsipiny,
ary hihaino ny feony.
Ary ny Tompo kosa efa nampanambara anao androany,
fa ianao araka ny efa voalazany taminao,
dia ho vahoakany manokana,
mitandrina ny didiny rehetra;
ary Izy nametra-teny hanandratra anao ambonin’ny firenena rehetra nataony,
na amin’ny voninahitra na amin’ny laza, na amin’ny fahalehibeazana,
ka dia ho vahoaka masina ho an’ny Tompo Andriamanitrao ianao,
araka ny efa voalazany.”

— Izany àry ny tenin’ny Tompo.

Setriny

Salamo (Sal. 118, 1-2. 4-5. 7-8)

Sambatra izay mizotra amin’ny lalan’ny Tompo.

Sambatra izay madio famindra,
fa mizotra amin’ny Lalàn’ny Tompo!
Sambatra izay mitandrina ny fanambaràny
sy mitady azy amin’ny fony tontolo!

Ianao ihany no mamoaka ny Lahatrao
mba hotandremana fatratra.
Enga anie ho marin-toetra ny lalako
amin’ny fitandremana ny Fitsipikao.

Mankalaza Anao amim-po mahitsy aho,
eo am-pianarana ny Satanao izay ara-drariny.
Mitandrina fatratra ny Fitsipikao aho;
fa aza dia ilaozana kosa!

Evanjely

Voninahitra sy dera anie ho anao, ry Kristy!

Ario lavitra anareo ny fahadisoana rehetra nataonareo, hoy ny Tompo, ary manaova fo vaovao sy saina vaovao.

Voninahitra sy dera anie ho anao, ry Kristy!

Evanjely Masina nosoratan’i Masindahy Matio (Mt. 5, 43-48)

Aoka ho lavorary ianareo tahaka ny Rainareo izay any an-danitra.

Tamin’izany andro izany,
i Jesoa niteny tamin’ny mpianany nanao hoe:

“Efa renareo fa voalaza hoe:

Ho tia ny namana ianao ary hankahala ny fahavalonao.

Fa Izaho kosa milaza aminareo:
Tiavo ny fahavalonareo, manaova soa an’izay mankahala anareo,
ary mivavaha ho an’izay manenjika sy manendrikendrika anareo;
mba ho zanaky ny Rainareo izay any an-danitra ianareo,
dia ilay mampiposaka ny masoandrony amin’ny tsara fanahy sy ny ratsy fanahy,
ary mandatsaka ny ranonorana amin’ny marina sy ny tsy marina.
Fa raha izay tia anareo ihany no tianareo,
inona no valisoa ho azonareo?
Moa va na dia ny poblikanina aza tsy manao izany koa?
Ary raha ny rahalahinareo ihany no arahabainareo,
inona no mihoatra amin’ny ataonareo?
Moa na dia ny jentily aza tsy mba manao izany ihany koa?
Koa aoka ho lavorary ianareo
tahaka ny fahalavorarian’ny Rainareo izay any an-danitra.”

— Izany àry ny tenin’ny Tompo.

Lohahevitra : Karemy
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Ezekiela Mpaminany (Ezek. 18, 21-28)

Moa ny hahafatesan’ny ratsy fanahy ve no sitrako, fa tsy ny hialany amin’ny helony rehetra ka ho velona izy?

Izao no lazain’ny Tompo Andriamanitra:

“Ny ratsy fanahy kosa raha miala amin’ny fahotana rehetra nataony
ka mitandrina ny didiko rehetra sy manaraka ny hitsiny sy ny rariny,
ho velona izy, fa tsy ho faty.
Tsy hotsarovana intsony ny fahadisoana rehetra nataony;
ho velona izy noho ny fanarahany ny marina.
Moa ny hahafatesan’ny ratsy fanahy ve no sitrako,
— teny marin’ny Tompo Andriamanitra —,
fa tsy ny hialany amin’ny helony rehetra ka ho velona izy?
Ary raha miala amin’ny fahamarinana kosa ny marina ka manao ny tsy marina,
araka ny fahavetavetana rehetra ataon’ny ratsy fanahy,
— moa hanao izany izy va ka ho velona? —
Tsy hotsarovana intsony ny asa fahamarinana rehetra narahiny;
noho ny fahadisoana nahameloka azy sy ny fahotana nataony;
noho izany, dia ho faty izy.

Ianareo manao hoe:

‘Tsy marina ny lalan’ny Tompo!’

Mihainoa àry, ry taranak’i Israely:
Moa ny lalako va no tsy mahitsy?
Moa tsy ny lalanareo va no tsy mahitsy?
Raha miala amin’ny fahamarinany ny marina ka manao ny tsy marina ary maty amin’izany,
dia noho ny tsy marina nataony no ahafatesany.
Fa raha miala amin’ny haratsiana nataony kosa ny ratsy fanahy,
ka manaraka ny hitsiny sy ny rariny amin’ny ataony dia hamelona ny fanahiny izy.
Raha sokafany ny masony, ka miala amin’ny fahadisoana rehetra nataony izy,
dia ho velona tokoa izy fa tsy ho faty.”

— Izany àry ny tenin’ny Tompo.

Setriny

Salamo (Sal. 129, 1-2. 3-4ab. 4d-6. 7-8)

Raha mitsikilo heloka Ianao, Tompo ô, iza no hahatanty?

Avy ato anaty hantsana aho, ry Tompo, no miantso;
Tompo ô, henoy re izany feoko.
Ho tandrin-tsofinao anie ny antsoko miangavy.
He! fa mitoreo izato feoko.

Raha tsikilovinao irony heloka natao.
Zovy re, ry Tompo, no haharitra?
Saingy eo anilanao no hahitako famelana.
Toky ho ahy Ianao, ka dia toaviko.

Ny Tompo no antenain’ny fanahiko hatrany.
Vonona aho miandry izany teniny.
Manoatra ny mpiambina miandry ny maraina
no aoka hiandrasantsika an’Andriamanitra.

Fa tsara fo endre ka fanaperana Izy Tompo.
Avotra lehibe ka ianteherana.
Dia Izy no andrasan’i Israely hanavotra azy.
Afaka tanteraka ny helony.

Evanjely

Voninahitra sy dera anie ho Anao, ry Kristy!

Tsy ny hahafatesan’ny ratsy fanahy no sitrako fa ny hialan’ny ratsy fanahy amin’ny lalany ka ho velona izy.

Voninahitra sy dera anie ho Anao, ry Kristy!.

Evanjely Masina nosoratan’i Masindahy Matio (Mt. 5, 20-26)

Mandehana aloha mihavana amin’ny rahalahinao.

Tamin’izany andro izany,
i Jesoa niteny tamin’ny mpianany nanao hoe:

“Raha tsy lehibe noho ny an’ny mpanora-dalàna sy ny Farisianina ny fahamarinanareo,
dia tsy hiditra amin’ny fanjakan’ny lanitra akory ianareo.

Efa renareo fa voalaza tamin’ny ntaolo hoe:

Aza mamono olona,
ary izay hamono olona dia hohelohina amin’ny fitsarana.

Fa Izaho kosa milaza aminareo
fa izay rehetra mitezitra ny rahalahiny
dia hohelohina amin’ny fitsarana;
ary izay hanao aminy hoe Raka,
dia hohelohina amin’ny Sanedrina
ary izay hanao azy hoe Foka
dia hohelohina any amin’ny gehen’afo.
Koa raha manatitra ny fanatitrao eo amin’ny ôtely ianao,
ka eo vao mahatsiaro fa manana alahelo aminao ny rahalahinao,
dia avelao eo amin’ny ôtely aloha ny fanatitrao,
ka mandehana mihavana amin’ny rahalahinao
vao miverina hanolotra ny fanatitrao indray.
Mihavàna faingana amin’izay manana ady aminao,
dieny samy mbola eo an-dalana ianareo,
fandrao atolotr’izay manana ady aminao amin’ny mpitsara ianao,
ary ny mpitsara kosa hanatitra anao amin’ny mpamatotra,
ka hatao an-tranomaizina ianao.
Lazaiko marina tokoa fa tsy ho afaka ao mihitsy ianao,
ambara-pandoanao ny variraiventy farany.”

— Izany àry ny tenin’ny Tompo.

Sous-catégories

Vaovao

Arofanina

[Miara-dàlana] Alatsinainy 18 aogositra 2025

• Nanentana ireo olom-boatokana handray andraikitra ho vavolombelon'ny fitiavana sy ny fahamarinana eo amin'ny fiaraha-monina, ny Arsevekan'Antananarivo, nandritra ny fankalazana ny Jobily nasionaly ho an'ny olom-boatokana eto Madagasikara... • Nigadona tany amin'ny Arsidiosezin'i Toamasina, toerana hanatanterahana ny JMJ Mada 11, ny Lakoran'ny JMJ sy ny Icône an'i Masina Maria ny sabotsy lasa teo... • Aza mamaly herisetra amin'ny valifaty, hoy ny hafatra fanentanana nataon'ny Papa Léon XIV omaly, nandritra ny vavaka Angelus...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...