- Eto izao ianao :
-
Fandraisana
-
Pastôraly
-
Kintan'ny finoana
-
All languages
- Malagasy
- Atolotr'i Miandriniaina Jules
- Lohahevitra : Vaovao
- Niantso ny hanambarana hery ihany koa i Gascar Fenosoa, manoloana ny zava-misy. Nivoaka tamin'ny fahanginany ity kandidà Ben'ny Tanànan'Antananarivo ity, ka namoaka fanambarana androany...
- Hanomboka tsy ho ela ny fametrahana ny vatofotor'ilay foibe vaovao famokarana herinaratra any Ranomafana, araka ny nambaran'ny Filoha omaly. Foibe hamokatra herinaratra 64 Mégawatts izy io...
- Tsy ankasitrahan'ny K2HB ny mbola hikarakaran'ny Federasiôna fakan-kevitra indray hanatsarana ny baolina kitra. Ny hevitra tapaka tamin'ilay fikaonan-doha tamin'ny taona 2020 no tokony hampiharina, hoy ity fikambanana ity...
- Atolotr'i Ranaivomanantsoa Harilanto
- Lohahevitra : Vanim-potoan'ny Noely
-
Voadika amin'ny fiteny :
Vakiteny voalohany
Taratasy voalohan'i Masindahy Joany Apôstôly (1 Jo 2, 12-17)
Izy manao ny sitra-pon'Andriamanitra no maharitra mandrakizay.
Manoratra ho anareo zanaka aho,
satria voavela ny helokareo noho ny Anaran’i Jesoa.
Manoratra ho anareo aho, ry ray,
satria nahalala Ilay hatramin’ny voalohany ianareo.
Manoratra ho anareo aho, ry zatovo,
satria naharesy ilay Ratsy ianareo.
Nanoratra ho anareo ankizy aho,
satria efa nahalala ny Ray ianareo.
Nanoratra ho anareo ray aho
satria efa nahalala Ilay hatramin’ny voalohany ianareo.
Nanoratra ho anareo zatovo aho,
satria mahery ianareo ka mitoetra ao aminareo ny tenin’Andriamanitra,
sady efa naharesy ilay Ratsy ianareo.
Aza tia izao tontolo izao,
na ny zavatra amin’izao tontolo izao.
Fa izay tia an’izao tontolo izao
dia tsy manana fitiavana ny Ray ao anatiny.
Satria ny zavatra rehetra amin’izao tontolo izao,
ny filan’ny nofo, ny fitiavan’ny maso,
ny rehaka amin’izao fiainana izao,
dia tsy avy amin’ny Ray, fa avy amin’izao tontolo izao.
Mandalo izao tontolo izao sy ny filàny,
fa izay manao ny sitra-pon’Andriamanitra
no maharitra mandrakizay.
— Izany àry ny tenin’ny Tompo.
Salamo fandinihana
Salamo 95, 7-8a. 8b. 9. 10
Aoka hifaly ny lanitra, ary hiravo ny tany!
Omeo ny Tompo, rey vahoaka,
irony hasina sy fahefana
mbamin’ireo
Anaram-panajana.
Ny fanatitrao
andeha atolory,
ka ny Tompo Masina iankohofy
fa ny tavany e mahajemby.
Ny tontolo
aoka hihararetra
fa hilaza dinika ny Tompo,
hotorîny amin’ny firenena.
He! Ny Tompo irery no Mpanjaka.
Itony tany: vitany mijoro.
Izany rariny
entiny mitsara.
Evanjely
Aleloia. Aleloia.
Imbetsaka fahiny Andriamanitra no niteny tamin’ny razantsika tamin’ny vavan’ny Mpaminany; nony farany, amin’izao androntsika izao kosa dia ny Zanany mihitsy no itenenany amintsika.
Aleloia.
Evanjely Masina nosoratan’i Masindahy Lioka (Lk 2, 36-40)
Nilazalaza ny Zaza tamin’izay rehetra niandry ny fanavotana an’i Israely i Ana.
Tamin’ny andro nanoloran’ny ray aman-dreniny an’i Jesoa tao an-tempoly,
dia nisy koa tao mpaminany vavy anankiray, dia i Ana,
zanak’i Fanoela, fokon’i Asera; efa antitra dia antitra izy,
dia fito taona no nanambadiany taorian’ny naha-virjiny azy
ary efa mpitondratena tokony ho efatra amby valopolo taona,
sady tsy niala tao amin’ny tempoly,
fa nanompo an’Andriamanitra andro aman’alina
tamin’ny fifadian-kanina sy fivavahana.
Tonga koa izy tamin’izany fotoana izany,
ka nidera an’Andriamanitra, ary nilazalaza ny Zaza
tamin’izay rehetra niandry ny fanavotana an’i Jerosalema.
Ary nony tanterak’izy ireo ny zavatra rehetra
araka ny Lalàn’ny Tompo,
dia nody tany Galilea tao Nazareta tanànany izy.
Ary nitombo nihanatanjaka ny Zaza
sady feno fahendrena, ary tao aminy ny fahasoavan’Andriamanitra.
— Izany àry ny tenin’ny Tompo.
- Atolotr'i Ranaivomanantsoa Harilanto
- Lohahevitra : Vanim-potoan'ny Noely
-
Voadika amin'ny fiteny :
Vakiteny voalohany
Boky voalohan’i Samoela (1 Sam 1, 20-22. 24-28)
Nentin-dray aman-dreniny tao an-Tranon’ny Tompo i Samoela kely.
Tamin’izany andro izany i Elkanà dia nahalala an’i Anà vadiny,
ary ny Tompo nahatsiaro azy.
Ary nony nitsingerina ny andro, dia efa nanana anaka i Anà ka dia tera-dahy izy,
ary nataony hoe Samoela ny anarany, fa nangatahiko tamin’ny Tompo, hoy izy.
Dia niakatra i Elkanà vadiny sy ny ankohonany rehetra,
hanatitra amin’ny Tompo ny sorona fanao isan-taona, sy hanefa ny voadiny.
Tsy mba niakatra anefa i Anà, fa hoy izy tamin’ny lahy:
“Rehefa hitsaha-nono ny zaza dia hoentiko hiseho eo anatrehan’ny Tompo
sy hitoetra eo mandrakizay...”
Nony efa notazany ny zaza dia nentiny niakatra niaraka taminy,
sady naka vantotr’omby lahy telo, sy lafarîna iray efah,
ary divay eran’ny siny hoditra izy,
dia nentiny nankao an-Tranon’ny Tompo tao Silô izy.
Mbola tanora kely ny zaza.
Dia novonoin’izy ireo ny vantotr’omby lahy iray, ary nentiny nankao amin’i Helî ny zaza.
Ka hoy i Anà:
“Aza mahafady, Tompoko, raha velona koa ny ainao, Tompoko,
dia izaho ilay vehivavy nitoetra teto akaikinao nivavaka tamin’ny Tompo.
Ny hahazoako ity zaza ity no nangatahiko,
ary neken’ny Tompo ny fangatahana nataoko taminy.
Koa inty kosa aho mahafoy azy ho an’ny Tompo;
nafoy ho an’ny Tompo izy amin’ny andro hiainany rehetra”.
Dia niankohoka teo anatrehan’ny Tompo izy ireo.
— Izany àry ny tenin’ny Tompo.
Salamo fandinihana
Sal. 83, 3. 4. 5-6. 9. 10
Mahatehotia ny fonenanao, Tompon’ny tafika.
Ny fanahiko manembona ka reraka
manina ny kianjan’ny Tompo.
Ny foko, ny nofoko mihoby
an’ilay Andriamanitra velona.
Ny fody avy no mahita rano hialofana,
ny sidintsidina mahita akany ho an-janany:
anilan’ny ôtelinao, ry Tompon’ny tafika,
ry Mpanjakako sy Andriamanitro.
Sambatra izay monina ao an-tranonao,
ka midera Anao mandrakizay.
Sambatra ny olona omenao hery
rehefa mikasa hiakatra any am-bohitrao.
Ry Tompo Andriamanitry ny tafika ô,
mba henoy vavaka re aho,
ry Andriamanitr’i Jakôba ô,
aoka Ianao hampandry sofina.
Jereo, ry Andriamanitra Mpanasoa anay:
tazano ny tavan’ilay Nohosoranao.
Eny, andro iray ao an-kianjanao
mihoatra ny arivo any an-kafa.
Vakiteny faharoa
Taratasy voalohan’i Masindahy Joany Apôstôly (1 Jo. 3, 1-2. 21-24)
Ny didy dia ny hinoantsika an’i Jesoa Kristy sy ny hifankatiavantsika.
Ry hava-malala, endrey ity haben’ny fitiavan’Andriamanitra antsika,
amin’ny iantsoana antsika hoe zanak'Andriamanitra,
sady tena zanany tokoa isika!
Fa izao tontolo izao no tsy mahalala antsika,
dia noho izy tsy mahalala Azy.
Ry hava-malala, zanak’Andriamanitra isika ankehitriny,
nefa mbola tsy naseho izay ho tena toetrantsika;
fa amin’ny andro hampisehoana izany, dia fantatsika fa hanahaka Azy isika,
satria hahita Azy araka ny tena toetrany.
Ry hava-malala, raha tsy manameloka antsika ny fontsika,
dia mahazo manatona an’Andriamanitra amin-toky isika.
Ary na inona na inona hangatahintsika dia ho azontsika,
satria mitandrina ny didiny sy manao izay tsara eo imasony isika.
Ary izao no didiny: ny hinoantsika an’i Jesoa Kristy Zanany,
sy ny hifankatiavantsika araka ny didy nomeny antsika.
Izay mitandrina ny didiny dia mitoetra ao aminy, ary Izy kosa ao aminy;
ary ny ahafantarantsika fa mitoetra ao amintsika Izy,
dia ny Fanahy Izay nomeny antsika.
— Izany àry ny tenin’ny Tompo.
Evanjely
Aleloia, aleloia.
Eny, Andriamanitra miafina Ianao, Andriamanitra ety aminay olombelona, ry Jesoa Mpamonjy.
Aleloia.
Evanjely Masina nosoratan’i Masindahy Lioka (Lk 2, 41-52)
Hitan’ny ray aman-dreniny teo afovoan’ny mpampianatra i Jesoa.
Isan-taona ny ray aman-drenin’i Jesoa
dia nankany Jerosalema amin’ny andro fetin’ny Paka;
ka nony efa roa ambin’ny folo taona Izy,
dia niakatra araka ny fanao amin’izany fety izany izy ireo.
Ary nony tapitra ny andro fety ka nody izy,
dia nijanona tany Jerosalema i Jesoa Zazakely,
nefa tsy fantatry ny ray aman-dreniny izany.
Nataon’izy ireo hoe niaraka tamin’ny niray dia taminy Izy,
ka nandeha lalana indray andro vao nitady Azy tamin’ny havany sy ny olom-pantany;
ary nony tsy nahita Azy, dia niverina tany Jerosalema indray nitady Azy.
Ary nony afaka hateloana,
dia hitany tao anatin’ny Tempoly Izy nipetraka teo afovoan’ny mpampianatra,
ka nihaino sady nanontany azy,
ary talanjona izy rehetra nandre Azy noho ny fahendreny sy ny famaliny.
Ary nony nahita Azy izy ireo dia gaga, ary hoy ireniny taminy:
“Anaka, nahoana Ianao no nanao toy izany taminay?
Inty irainao sy izaho malahelo mitady Anao”.
Fa hoy Izy taminy:
“Nahoana no nitady Ahy ianareo?
Tsy fantatrareo va fa tsy maintsy ho ao amin’ny Raiko Aho?”
Saingy tsy azon’izy ireo ny teny nolazainy taminy.
Dia niara-nidina taminy nankany Nazareta Izy, ary dia nanaiky azy;
fa ireniny kosa nandinika tsara izany zavatra rehetra izany tao am-pony.
Ary i Jesoa nitombo fahendrena sy tena,
ary nandroso nahatehotia tamin’Andriamanitra sy ny olona.
— Izany àry ny tenin’ny Tompo.
- Atolotr'i DIMBINIAINA Tsilavina Jules
- Lohahevitra : Filira
Ny "iray tampo" dia ireo iray kibo, na kitabo nifonosana ; ny iray tampo samy hafa ray izany no mitombina satria ny reny na ny vavy ihany no afaka mitondra am-bohoka. Ny zaza kambana dia mifanatrika ao an-kibon-dreniny ; araka ny finoana malagasy dia ireo kambana lahy sy vavy dia nosokajiana toy ny hoe mpivady, misy fomba hatao noho izany hanarenana ny vintan'izy ireo sy hanampahana iray fifandrohina. Rehefa teraka sy mbola minono ireo zaza dia avahana tsara ny nono ka ny Havia ho an'ny lahy ary ny Havanana dia ho an'ny vavy , rehefa tonga amin'ny maha sakan-jaza dia irosohana ny fanaovana fomba : "fanambadiana - fandravana fanambadiana"...
- Atolotr'i Miandriniaina Jules
- Lohahevitra : Vaovao
- Feno herintaona omaly ny fe-potoam-pitondrana faharaon'ny Filoham-pirenena ankehitriny. Voafehin'ny fitondrana Rajoelina tanteraka ny lafiny pôlitika, hoy ny mpamakafaka Dany Rakotoson...
- Hivoaka mialoha ny fetin'ny Noely ny vokatra vonjimaika tamin'ny fifidianana Ben'ny Tanàna sy Mpanolotsaina farany teo, hoy ny Filohan'ny CENI. Samy hanana ny fotoana hamoahany izany ny isam-paritany...
- Hihena 20% ny rotsak'orana hatramin'ny taona 2050, ka misy fiantraikany amin'ny famatsiana rano sy herinaratra izany. Nasongadina izany tamin'ny fanokafana ny taom-pambolen-kazo tany Andekaleka...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ny mpampita fampianarana ao amin'ny Eglizy : ny Aban'ny Fiangonana atao hoe "Magistères" ; fa araka ny ampianaran'ny Papa François ao amin'ny katesiziny (laharana faha-29) manomana izao taon-jaobily lehibe izao, sady voalazan'ny katesizin'ny Fiangonana Katôlika rahateo (KFK 2685-2690) dia manana adidy lehibe sady voalohany ny ray aman-dreny hampianatra mivavaka... Katesizy momba ny Eglizy, Reny mpampianatra mivavaka, iarahana amin'i P. Wagner Randriamampandry.
- Atolotr'i Ramamonjisoa Rivo Alain
- Lohahevitra : Vaovao
- Voafehin'ny fitondrana Rajoelina tanteraka ny lafiny pôlitika, tao anatin'ny herintaona nitantanany ny firenena. Very fanantenana anefa ny vahoaka Malagasy, hoy i Dany Rakotoson...
- Nampiaka-peo manoloana ny tsindry pôlitika ireo kandidà Ben'ny Tanàna tsy miankina miisa 18, izay mitarika amin'ny voka-pifidianana any amin'ny Distrikan'i Farafangana...
- Hamafisina hatrany ny fambolen-kazo, hoy ny Minisitra Max Andonirina Fontaine, satria mbola hihena 20% ny rotsak'orana hatramin'ny taona 2050...
- Atolotr'i Ravaojason Manitra Malalatiana
- Lohahevitra : Miara-dalana
- Hisokatra ho an'ny olon-drehetra manomboka ny 26 desambra 2024, ny fiofanana mikasika ny “Accompagnement spirituel” sy ny “Discernement spirituel”, karakarain'ny Fikambanan'ny Masera Cénacle eto Madagasikara...
- Mbola ao anatin'ny fankalazana ny faha-150 nahaterahan'i Masimbavy Terezin'i Jesoa Zazakely ny Fikambanan'i Karmely eto Madagasikara ankehitriny. Noho izany, mikarakara lalao fifaninana ny fikambanana...
- Nihaona tamin'ireo olom-boatokana tany Corse ny Papa François ny alahady 15 desambra 2024, nandritra ny fitsidihana nataony tany...
- Atolotr'i Ratovoarivelo Ndrasantsoa Marie Frédeline
- Lohahevitra : Kintan'ny finoana
-
Voadika amin'ny fiteny :
30 aprily — I Masindahy Pie V dia ilay papa faha-225 nitondra ny Fiangonana ny taona 1566 ka hatramin'ny taona 1572. Antonio Ghislieri no anarany, teraka tamin'ny 17 janoary 1504 tao amin'ny tanana kely tao Bosco, akaikin'i Alexandrie tao amin'ny diôsezin'i Tortone.
- Atolotr'i Ratovoarivelo Ndrasantsoa Marie Frédeline
- Lohahevitra : Kintan'ny finoana
-
Voadika amin'ny fiteny :
29 aprily — Teraka tao Sienne ny 25 marsa 1347 i Catherine Benincasa. Nambara fa io andro io dia sady fankalazana ny Annonciation no Sampankazo ihany koa. Vao 5 taona monja i Catherine, izany hoe ny taona 1352, dia nahazo fisehoana, dia ny fisehoan'i Kristy Mpanjaka.
- Atolotr'i Ratovoarivelo Ndrasantsoa Marie Frédeline
- Lohahevitra : Kintan'ny finoana
-
Voadika amin'ny fiteny :
28 aprily — I Masindahy Pierre Marie Chanel dia teraka tao Cuet, kaominina Montrevel-en-Bresse, ny 12 jolay 1803. Zaza fahadimy amin'ny valo mianadahy nateraky ny ray aman-dreniny izy. Claude François Chanel no rainy, ary i Marie Anne Sibellas no reniny. Tantsaha izy ireo.
- Atolotr'i Ratovoarivelo Ndrasantsoa Marie Frédeline
- Lohahevitra : Kintan'ny finoana
-
Voadika amin'ny fiteny :
27 aprily — Teraka tao Bozzanello akaikin'ny tananan'i Lucques ao Toscane tamin'ny taona 1212 i Zita. Nobeazain-dreniny, izay vehivavy feno hatsaram-panahy sy manetry tena izy. Mbola zaza i Zita dia efa nalefaka, malemy paika sy manetry tena ihany koa, ary notezaina hanaraka ny sitrapon'Andriamanitra.
[Vaovao manokana] Alakamisy 17 avrily 2025
Notendren’ny Papa François ho Eveka’ny Diosezin’i Fenoarivo-Atsinanana i P. Mareck Ochlak, Lehiben’ny Fikambanana Oblats de Marie Immaculée, ao amin’ny Province Pologne amin’izao fotoana izao.
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco