Lohahevitra : Vaovao

♦ Miantso ny Malagasy hiaro ny demôkrasia sy ny tany tan-dalàna ny Vovonana Firainsankina. Mandika ny lalàna mifehy ny fifidianana ny Filoham-pirenena, hoy izy ireo, amin'ireo fitetezam-paritra sy fitokanana ataony... ♦ Miandrandra fandriamphalemana maharitra ao amin'ny Distrikan'Ankazobe ny mponina, manoloana ny vokatra sy ny ezaka ataon'ny mpitandro ny filaminana amin'ny fampandrian-tany ataony... ♦ Mihamihena tsikelikely ny tantely, tsy eto amintsika ihany fa eran-tany. Manainga ny rehetra hiaro azy ireny ny mpisehatra. Nivoitra izany androany nandritra ny fanamarihana ny Andro eran-tany ho an'ny Tantely...

Lohahevitra : Vaovao

♦ Nampitsahatra ny fampielezan-keviny ireo kandidà roa mpifaninana amin'i Mamy Meryson Claver amin'ny distrikan'i Morondava, taorian'ny fahafatesany tampoka omaly maraina... ♦ Kandidà roa no nitsoaka an-daharana any amin'ny distrikan'i Manakara. Milaza ny tsy hanohy intsony ny fampielezan-keviny izy ireo, fa hanohana kandidà hafa... ♦ Nandiso ny vaovao miparitaka ny orinasa JIRAMA androany maraina fa tsy nametra-pialàna ny tale jeneraly vaovao, Rhon Weiss. Manohy ny asa nanendrena azy izy hoy ny fanambaràna... ♦ Mangataka ny hamoahana didy fisamborana ny Praiministra israeliana, Benjamin Netanyahou ny tonia mpampanoa lalàna eo anivon'ny fitsaràna iraisam-pirenena...

Lohahevitra : Vaovao

♦ Nodimandry tampoka omaly maraina ny kandidàn'ny vovonana Firaisan-kina any amin'ny Distrikan'i Morondava. Andrasana ny fanapahan-kevitra horaisin'ny CENI sy ny HCC noho izao voina izao... ♦ Hanao hetsika famotorana mitety vohitra ny mpanao famotorana eo anivon'ny fisaràna noho ny raharaha fakàna an-keriny any amin'ny distrikan'Anjozorobe. Mobla mitohy ny fanadihadiana hoy ny tonia mpampanoa lalàna... ♦ Somary nangingina raha mitaha ny amin'ny alatsinain'ny Paka ny fialan-tsasatry ny alatsinainin'ny Pantekôty omaly. Nahasarika mpitsangatsangana na izany aza ireo toeram-pialam-boly indrindra ny tao an-drenivohitra...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Mila fehezina ny faniriana hitady fahafinaretana amin'ny tena ; diso ny fiheverana fa ahafahana miala amin'ny filàna fahafinaretana avy amin'ny tena ny fisakaizana amin'ny olona iray, indrindra ny firaisana sy ny kilalao hahazoam-pahafinaretana hafa. Ny maha tanora sy ny maha olon-dehibe dia ny fahaizana mifandray amin'ny hafa, tsy mampiasa azy ho fitaovana fakàna fahafinaretana. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Lohahevitra : Hono hoy aho Mompera ?
Voadika amin'ny fiteny :  Français (France)   English (United Kingdom) 

Ny pantekôty dia isany fotoana lehibe ho an'ny Kristiana, ary mandrisika ny tsirairay handeha hikonfesy matetika, isaky ny herinandro, araka ny voalaza ao amin'ny Konsily " trente". Mba hananana fiadanana eo amin'Andriamanitra sy amin'ny samy olombelona dia ny konfesy no fototra. Ny fahafantarana ny didy folo no isany azo afahana mandini-tena, manampy ny tsirairay amin'ny firosoana amin'ny konfesy. Fandaharana "hono hoy aho Mompera", fandarahana atao eto amin'ny Radio Don Bosco, isaky ny alarobia alina.

Lohahevitra : Vaovao

♦ Manaitra ny olom-pirenena hanapaka ny rafi-panjanahana an'i Madagasikara ny Antenimieran'ny ray aman-dreny ara-drazana. Kihon-dalana amin'izany ny fifidianana solombavambahoaka hoy ny fanambaran'izay ireo omaly... ♦ Niakatra fampanoavana teny amin'ny PAC 67ha omaly ny ben'ny tanànan'Antsiranana. Nitolo-batana teny amin'ny Brigady misahana ny heloka bevava teny Anosy mialohan'izay, noho ny raharaha hanenjehina azy... ♦ Ben'ny tanàna telo, sy mpitandro filaminana maromaro no nosamborina, voarohirohy noho ny raharaha fakàna an-keriny sy asan-dahalo any amin'ny distrikan'Anjozorobe... ♦ Namoaka didim-panjakàna mampiantso ireo vonona hanatevina ny tafika ny filoha okraniana, hiatriehana ady...

Lohahevitra : Andriano ny fahasalamana
Voadika amin'ny fiteny :  Français (France)   English (United Kingdom) 

Misy fiantraikany amin'ny vatana sy ny fahasalamana ny tsy fahampian'ny torimaso : mety hanana olona amin'ny fitadidiana, kizintina, tsy ampy fifantohana... 24 ora ny faharetany andro iray : 8 ora hiasana, 8ora hatoriana, 8 ora hanaovana zavatra hafa. Ny faretan'ny torimaso ara-pahasalamana 7 - 8 ora ho an'ny olon-dehibe. Misy tsingerina maromaro ao anaty torimaso : ny rendremana ; ny torimaso lalina ary ny torimaso feno izay misy ny nofy tadidy rehefa mifoha. Fandaharana "andriano ny fahasalamana" iarahana amin'ny Radio Don Bosco.

Lohahevitra : Vatsim-panahy
Voadika amin'ny fiteny :  Français (France)   English (United Kingdom) 

Alahady fankalazana ny nidinan'ny Fanahy Masina tamin'ny Apôstôly sy Masina Maria : Mpankahery sy mpanazava ary mpampihavana ny Fanahy Masina ; Avia, ry Fanahy Masina, fenoy Anao ny fonay mpino, ary ampireheto ao am-ponay ny afon’ny fitiavana. Fa rehefa tonga ny Fanahy fahamarinana, dia Izy no hitari-dalana anareo amin’ny marina rehetra, satria tsy hiteny ho Azy Izy, fa izay rehetra ho reny no holazainy, ary ny zavatra ho avy no hambarany aminareo. Ny fidinan'ny Fanahy Masina dia tsy nijanona tamin'ny andro niainan'ireo Apôstôly sy Masina Maria fa mbola mitohy hatramin'izao, indrindra rehefa miantso ny Fanahy Masina isika amin'ny vavaka atao...

Lohahevitra : Vaovao

♦ Namoaka hafatra ny FFKM noho izao fetin'ny Pantekôty izao. Voaresaka ao ny fiainam-pirenena sy ny fifidianana amin'ny 29 mey... ♦ Manaitra ny Fitsaràna Avo momba ny Lalam-panorenana, handray ny andraikiny ny KMF/Cnoe amin'ireo fandikan-dalàna amin'izao vanim-potoanan'ny fampielezan-kevitra izao... ♦ Be loatra ny olona matin'ny fiakaran'ny tosi-drà aty amin'ny tany andalam-pandrosoana. Miantso ny rehetra tsy hanao hatsirambina ny fitsaboana ho an'ireo manana tosi-drà ambony ny Fikambanana MAEVA... ♦ Efa tsy voafehin'ny fanjakàna intsony ny korontana amina kartie maromaro any Nouméa renivohitr'i Nouvelle Caledonie, noho ny toe-draharaha politika. Olona 5 ireo efa namoy ny ainy hatramin'ny omaly...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tsy misy fakam-panahy miseho amin'ny endrika ratsy izany fa tsara sy manintona mandrakariva. Mila mandinika tsara ny tanora hiroso amin'ny fanambadiana, mety vokatry ny fakam-panahy mantsy izany fa tsy tena fitiavana. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Alohan'ny fahafito taonany  ny zaza dia efa mahazo sary ny vatany : ny tsy fitoviana eo amin'ny vavy sy ny lahy. Rehefa feno 7 taona ny zaza dia efa manomboka mitombon-tsaina ka afaka mampitombo miandalana ny fitiavany te hahalala zavatra maro : fotoana hidiran'ny an-tsekoly. Rehefa miditra amin'ny fahamaotina ny tanora dia te handray anjara feno amin'ny fiainany ary tia mifanakalo hevitra. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Tsy ny toe-batana ihany no misy fiovàna lehibe eo amin'ireo tanora fa amin'ny fitiavana indrindra no hisehoany eo amin'ny filan'ny nofo. Eo amin'ny faha-14 taonany ny zazalahy no mahatsapa ny filàna fahafinaretana, indrindra manodidina ny taovam-pananahany, ; ny zazavavy kosa dia mandre izany amin'ny vatany manontolo ary mora miontana mihitsy amin'ny alalan'ny fifampikasohana. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

Sous-catégories

Vaovao

Arofanina

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...