Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny olombelona rehetra no mpihavana satria tonga mpiray tampoho noho ny zanak'Andriamanitra. Tsy maintsy miala amin'ny toe-tsaina samy maka ho azy ary mandray ny olona rehetra ho rahalahy ka tsy hanavakavaka na hanilika na iza naiza raha tena mivelona ny misterin'ny fahatongavana ho Nofo ny olona tsirairay. Miantso antsika hiverina amin'ny tany sy hikarakara azy hamokatra ny misterin'ny fahatongavana ho Nofo. Katesizy momba ny Eglizy, ny fianakaviana sy ny fivoaram-piainana, iarahana amin'i P. Bertrand Ratovoalinirina. 

Lohahevitra : Vaovao

♦ Tombony lehibe ho an'ireo maniry ho kandidà amin'ny taona ho avy io ny firotsahana amin'ny anaran'ny tsy miankina, fa tsy miaraka amin'ny antoko pôlitika hoy ny olom-pirenena tompon'andraikitra Herimanjaka Tsilavo... ♦ Jery todika samihafa sy ny olana sedrain'ireo kaominina amin'izao taona madiva hivalona izao... ♦ Efa milamina sy voafehy ny fandriam-pahalemana ankehitriny any amin'ny distrika Ankazobe. Efa navotsotr'ireo olon-dratsy ireo olona roa nalainy an-keriny... ♦ Mitombo miandalana ireo fanjakana amerikana manilika an'ingahy Donald Trump tsy ho isan'ireo kandidà filoham-pirenena amin'ny taona 2024. Nanaradia an'i Colorado koa ny ao Maine...

Lohahevitra : Vaovao

♦ Niharan'ny fisamborana ary nentina eo an-drenivohitra ny mpanao gazety Rakotomalala Rossignol. Voarohirohy ho tompon'antoka tamin'ny fiparitahan'ny teny mamoafady tao amin'ny "facebook"-ny solombavambahoaka voafidy tao Manakara izy... ♦ Hanatanteraka fivoriambe hanomanana ny fihaonana an-tampon'ny olom-pirenena anio ny "cellule de crise Diovy Madagasikara"... ♦ Velontaraina amin'ny fahatarana eo amin'ny fandraisan-karaman'ny Kaominina Anatananarivo renivohitra ny sendikà mahaleo tena eo anivon'ity kaominina ity...  ♦ Naneho firaisan-kina hatrany ireo mpino kristiana vitsy an'isa ao amin'ny Nosy Kaomoro, na dia andro niasàna aza ny andron'ny Noely ao amin'ity Nosy ity, rehefa tsy mitontona andro alahady...

Lohahevitra : Vaovao

♦ Hanao laha-teny ho an'ny vahoaka malagasy ny filoham-pirenena Andry Rajoelina amin'ny faran'ny taona. Laha-teny heverina fa hilazàny ireo fandaharan'asan'ny fitondrana ho an'ny taona 2024 ho avy io, ankoatra ny firariantsoa, noho ny taom-baovao... ♦ Hitety faritra ny "cellule de crise Diovy Madagasikara" haka ny hevitra eny ifotony, ho fiomanana amin'ny fihaonana antampon'ny olom-pirenena hokarakarain'izy ireo. Fihaonana antampony izy io, hanarenana ny ara-toe-karena sy sôsialin'ny firenena... ♦ Nampidirina am-ponja vonjimaika ireo olona fito voarohirohy tamin'ilay fanadiovana vary efa simba 50 kaontenera tany Mahajanga. Nahitàna vary anaty gony an'arivony ny fiara telon'ilay orinasa rehefa natao ny fisavàna...

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Mifarana ny taona, tanterahina araka izany ihany koa ny tomban'ezaka ho an'ny zava-bitaa tao anatin'ny fandaharana EVA nandritra ny taona 2023. Notsiahivina ireo loha-hevitra noresahina ary noentina teo ihany koa ireo teboka tsara tohizana entina hanatsarana hatrany ny fandaharana. Niarahana tamin'ny vaomieran'ny Eveka momba ny Fianakaviana. Fandaharana "miaina sy mitia" iarahana amin'ny ivon-toerana Arrupe Madagasikara...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny olona velona dia tsy maintsy miasa, maro ny fampianaran'ny fiangonana mikasika ny maha zava-dehibe ny asa. Ny mpiandry ondry olona voalohany nahita ny zanak'Andriamanitra teraka dia olona nanana ny asany amin'ny maha mpiandry ondry azy ; toraka izany koa ireo majy olona mpandinika ny kintana sady nanana fanatitra saro-bidy izany hoe tsy olon'olom-poana. Katesizy momba ny Eglizy, ny fianakaviana sy ny fivoaram-piainana, iarahana amin'i P. Bertrand Ratovoalinirina. 

Lohahevitra : Hirika
Voadika amin'ny fiteny :  Français (France)   English (United Kingdom) 

Nifarana androany ny fandaharana Hirika tamin'ity taona 2023 ity. Fandaharana nanaovana jery todika ny vaovao nisongadina momba ny tontolo ambanivohitra. Ny zava-nitranga momba ny tontolo ambanivohitra ny volana janoary hatramin'ny volana jona 2023 lasa teo no hanaovana tamberina...

Lohahevitra : Vaovao

♦ Natolotra nandritra ny fivoriambe nataon'ny Ivom-panajariana an'Antananarivo sy ny manodidina na ny IPAM omaly ny paik'ady hitantanana ny fako hiarahan'ny kaominina Antananarivo renivohitra sy ny kaominina manodidina manatanteraka... ♦ Nitombo ny fanjifan'ny malagasy ny hazandrano. Teo amin'ny 2,16 kg isan'olona isan-taona izany taloha, nanomboka ny taona 2021 sy ny 2022 dia tafakatra 4,26 kg isan'olona isan-taona izany... ♦ Nahazo vokatra tsara amin'ny fanarenana ny ala ao aminy ny vovonam-pikambanana Union Matanjaka any amin'ny Faritr'i Diana... ♦ Nitsidika any Meksika ny lehiben'ny diplômasia amerikana, momba ireo mpitsoam-ponenana mihazo an'i Etazonia no votoanton'ny dia...

Lohahevitra : Mba ho vanona
Voadika amin'ny fiteny :  Français (France)   English (United Kingdom) 

Mahaiza mametraka safidy sy manaja ny safidin'ny hafa mba hahatsara ny fiaraha-monina. Ny safidy izay nomen'Andriamanitra ny olombelona eo amin'ny fifandraisan'ny olon-droa na maro dia tokony azahoana vokatra tsara sy mahafa-po eo amin'ny andaniny sy ny ankilany na eo amin'ny mpifankatia na mpivady na mpianaka na mpihavana na mpiara-miombon'antoka hatreny amin'ny fiaraha-monina. Fandaharana "mba ho vanona" iarahana amin'ny jeneraly Désiré Ramakavelo.

Lohahevitra : Vaovao

♦ Nisy nanafika ny tranon-dry Mompera ao Tanjomoha Distrikan'i Vohipeno. Mpiambina iray no maty nandritra ny fifandonana... ♦ Nanamarika ny faha-51 taona nijoroany ny antoko MFM. Tsy mitsahatra mandrisika ny hisian'ny fifampidinihana hikarohana vahaolana hisian'ny fifanarahana pôlitika ity antoko ity... ♦ Mangataka ny hameranana ny fandoavan-ketra mivantana eny anivon'ny kaominina ireo ben'ny tanàna mandrafitra ny Ivom-panajariana an'Antananarivo na ny IPAM. Niatrika fivoriambe teny Anosy izy ireo omaly... ♦ Mitohy ny zera baomban'ny tafika israeliana any Gaza. Maherin'ny 21.000 ankehitriny ny isan'ny palestiniana maty. Nahery vaika omaly ny fifandonan'ny Tsahal sy ny Hesbolah libanais...

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny anton'ny fahatongavana ho nofo dia ho fanatontosana ny asa famonjena. Araka ny fiekem-pinoana Nicée-Constantinople hoy isika hoe "... ary isika olombelona sy ny famonjena antsika no nidinany avy any an-danitra, ary naka nofo tamin'i Maria Virijiny Izy noho ny herin'ny Fanahy Masina ka tonga olombelona". Raha tena mino an'i Jesoa tonga olombelona dia miezaha ho mendrika. Katesizy momba ny Eglizy, ny fianakaviana sy ny fivoaram-piainana, iarahana amin'i P. Bertrand Ratovoalinirina. 

Lohahevitra : Vaovao

♦ Feno 51 taona katroka androany ny antoko MFM. Antoko nandray anjara hatrany tamin'ny raharaham-pirenena ny MFM tao anatin'izay fotoana izay, hoy ny filoha mpiara-mitantana ny antoko... ♦ Ahiana ny mety hisian'ny fiforonana tangoron-drahona ao amin'ny lakandranon'i Môzambika amin'ny faran'ny herinandro izao. Mety hifanitsy amin'ny fanaovam-beloma ny taona 2023 sy ny fitsenàna ny taona vaovao ny toetr'andro ratsy aterak'izany... ♦ Tapaka ny lalam-pirenena faha-4 mankany Mahajanga noho  ny fahasimban'ny tetezam-by ao Antsevabe. Miato ora maromaro isan'andro ny fifamoivoizana any an-toerana, noho ny fanamboarana hatramin'ny 2 janoary 2024 izao...

Sous-catégories

Malagasy

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...