- Eto izao ianao :
-
Fandraisana
-
Pastôraly
-
Kintan'ny finoana
- All languages
- Atolotr'i Rakotoarisoa Sedera Joseph
- Lohahevitra : Tenin'ny Tompo
-
Voadika amin'ny fiteny :
10 jona 2024 — Alatsinainy, Herinandro Tsotra fahafolo Mandavantaona — Ny teninao, ry Tompo, no fahamarinana; ankamasino amin’ny fahamarinana izahay — Evanjely Masina nosoratan’i Masindahy Matio (Mt. 5, 1-12)
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Boky voalohan’ny Mpanjaka (1 Mpanj. 17, 1-6)
Velona ny Tompo Andriamanitr’i Israely, izay itsanganako eo anatrehany.
Tamin’izany andro izany,
i Elia Tesbita, isan’ny mponina tao Galaada,
nilaza tamin’i Akaba hoe:
“Velona ny Tompo, Andriamanitr’i Israely, izay itsanganako eo anatrehany!
Tsy hisy ando na ranonorana amin’ireto taona ireto raha tsy teniko ihany.”
Dia tonga tamin’i Elia ny tenin’ny Tompo nanao hoe:
“Mialà eto ianao, ka mandehana miantsinanana,
ary miere ao amin’ny ranon-driaka Karita, tandrifin’i Jordany.
Ny rano eo an-dranon-driaka no hisotroanao
ary ny goaika no efa nodidiako hamelona anao any.”
Dia niainga izy ary nanao araka ny tenin’ny Tompo,
ka lasa nonina tao amin’ny ranon-driaka Karita tandrifin’i Jordany.
Nitondran’ny goaika mofo sy hena isa-maraina izy, sy mofo sy hena isan-kariva,
ary nisotro rano teo an-dranon-driaka.
— Izany àry ny tenin’ny Tompo.
Setriny
Salamo 120, 1-2. 3-4. 5-6. 7-8
Ny fitahiana ahy dia avy amin’ny Tompo, Ilay nanao ny tany aman-danitra.
Miandra any an-tendrombohitra ny masoko.
Avy aiza àry no ho tonga any izany vonjiko?
Avy any amin’Izy Tompo re ny vonjiko
fa Izy nanao ny tany sy ny lanitra.
Ary Izy tsy hamela anao ho solafaka,
satria tsy sondrian-tory fa miambina.
Tokoa tsy sondrian-tory na rendremana,
fa miambina an’i Israely re ny Tompony.
Ny Tompo miahy anao amin’ny alina;
ny Tompo eo anilanao ka miambina.
Masoandron’ny antoandro tsy afaka hisompatra;
ny volan’ny alina aoka tsy hatahorana.
Tsy voan’ny loza ianao fa ambenany
ho lavitra anao ny rofy sy ny aretina.
Miambina anao mandroso sy miverina.
Ny Tompo no toky ary Izy tsy mivadika.
Evanjely
Aleloia. Aleloia.
Ny teninao, ry Tompo, no fahamarinana; ankamasino amin’ny fahamarinana izahay.
Aleloia.
Evanjely Masina nosoratan’i Masindahy Matio (Mt. 5, 1-12)
Sambatra izay mahantra am-panahy.
Tamin’izany andro izany,
nony nahita ny vahoaka i Jesoa, dia niakatra teo an-tendrombohitra;
ary rahefa tafapetraka Izy, dia nanatona Azy ny mpianany,
ka niloa-bava Izy nampianatra azy, nanao hoe:
“Sambatra ny mahantra am-panahy, fa azy ny fanjakan’ny lanitra.
Sambatra ny malemy fanahy, fa izy no handova ny tany.
Sambatra izay mitomany, fa halàna alahelo.
Sambatra izay noana sy mangetaheta ny fahamarinana, fa ho voky izy.
Sambatra ny mamindra fo, fa hamindrana fo izy.
Sambatra ny madio fo, fa hahita an’Andriamanitra izy.
Sambatra ny tia fihavanana, fa hantsoina hoe zanak’Andriamanitra izy.
Sambatra ny miaritra ny fanenjehana noho ny rariny, fa azy ireo ny fanjakan’ny lanitra.
Sambatra ianareo raha tevatevaina sy enjehina ary ampangaina lainga amin’ny ratsy rehetra noho ny amiko:
mifalia sy miravoravoa ianareo fa lehibe ny valisoanareo any an-danitra,
satria tahaka izany koa no nanenjehany ny mpaminany izay talohanareo.”
— Izany àry ny tenin’ny Tompo.
- Atolotr'i Rakotoarisoa Sedera Joseph
- Lohahevitra : Tenin'ny Tompo
-
Voadika amin'ny fiteny :
9 jona 2024 — Alahady Tsotra fahafolo Mandavantaona — Efa nataoko hoe sakaiza ianareo, hoy ny Tompo, satria efa nambarako taminareo avokoa izay rehetra reko tamin’ny Raiko — Evanjely Masina nosoratan’i Masindahy Marka (Mk. 3, 20-35)
- Atolotr'i Ranaivomanantsoa Harilanto
- Lohahevitra : Tsotra Mandavantaona
-
Voadika amin'ny fiteny :
Vakiteny voalohany
Boky Jenezy (Jen. 3, 9-15)
Hampifandrafesiko ianao sy ny vehivavy, ny taranakao sy ny taranany.
Tamin’izany andro izany ny Tompo Andriamanitra niantso an-dralehilahy nilaza taminy hoe:
“Aiza moa ianao?”
Hoy ny navaliny:
“Nandre ny feonao tao anaty saha aho,
ka natahotra, fa mitanjaka, ka dia niery aho”.
Ary hoy ny Tompo Andriamanitra:
“Iza no nahafantaranao fa mitanjaka ianao?
Moa nihinana tamin’ny hazo norarako tsy hihinananao va ianao?”
Hoy ny navalin-dralehilahy:
“Ny vehivavy izay napetrakao eto amiko no nanome ahy tamin’ilay hazo,
dia nihinana aho”.
Hoy ny Tompo Andriamanitra tamin-dravehivavy:
“Ahoana no nanaovanao izany?”
Hoy ny navalin-dravehivavy:
“Ny bibilava no namitaka ahy, ka dia nihinana aho”.
Hoy ny Tompo Andriamanitra tamin’ny bibilava:
“Noho ianao nanao izany,
dia voaozona ianao amin’ny biby fiompy rehetra sy ny biby rehetra eny an-tsaha:
hikisaka amin’ny kibonao ianao ary vovo-tany no hohaninao amin’ny andro rehetra hiainanao.
Ary hampifandrafesiko ianao sy ny vehivavy, ny taranakao sy ny taranany;
izy hanorotoro ny lohanao, ianao kosa hanorotoro ny ombalahin-tongony”.
— Izany àry ny tenin’ny Tompo.
Salamo fandinihana
Sal. 129, 1-2. 3-4ab. 4d-6. 7-8
Ianao, ry Tompo, no Mpamelona anay sy Mpamonjy anay
Anaty hantsana aho no miantso Anao:
Tompo ô, henoy ny feoko!
Aoka ny sofinao hihaino
itony feoko mitoreo.
Raha mitsikilo heloka Ianao, ry Tompo,
Tompo ô, iza no hahatanty?
Kanefa ao aminao ny famelàna
mba hieken’ny olona Anao.
Koa manantena ny Tompo ny fanahiko,
miandry ny teniny aho;
miandry ny Tompo ny fanahiko,
manoatra ny mpiambina miandry ny maraina.
Fa ny fitiavana no ao amin’ny Tompo:
ilay fanavotana lehibe no ao aminy.
Eny, Izy no hanavotra an’i Israely
amin’ny heloka rehetra nataony.
Vakiteny faharoa
Taratasy faharoan’i Masindahy Paoly Apôstôly ho an’ny kristianina tany Kôrinty (2 Kôr. 4, 13 — 5, 1)
Mino koa izahay, ka miteny.
Ry kristianina havana,
noho izahay manana ilay Fanahin’ny finoana voasoratra hoe:
Nino aho, ka niteny, dia mino koa izahay, ka miteny.
Satria fantatray fa Izay manangana an’i Jesoa Tompo ho velona,
dia hanangana anay miaraka amin’i Jesoa koa,
sy hanolotra anay aminy miaraka aminareo.
Fa noho ny aminareo no anaovana izany rehetra izany,
mba homena be ny fahasoavana,
ka hitombo be ny fisaoran’ny maro ho voninahitr’Andriamanitra.
Izany no tsy mahakivy anay;
satria na mihalevona aza ny tenanay ivelany,
dia havaozina isan’andro kosa ny tenanay anatiny.
Fa ho anay, ny fahoriana kely amin’ny fotoana ankehitriny
dia mahavokatra voninahitra lehibe mihoa-pampana maharitra mandrakizay;
fa tsy mibanjina ny hita izahay, fa ny tsy hita;
satria ny hita, mandalo, fa ny tsy hita no maharitra mandrakizay.
Fantatray fa rehefa rava ity trano lay itoeranay eto an-tany ity,
manan-trano tsy nataon-tanan’olona, fa narafitr’Andriamanitra izahay,
dia trano haharitra mandrakizay any an-danitra.
— Izany àry ny tenin’ny Tompo.
Evanjely
Aleloia. Aleloia.
Efa nataoko hoe sakaiza ianareo, hoy ny Tompo, satria efa nambarako taminareo avokoa izay rehetra reko tamin’ny Raiko.
Aleloia.
Evanjely Masina nosoratan’i Masindahy Marka (Mk. 3, 20-35)
Raha mitsangan-kanohitra ny tenany ary i Satàna, ka miady an-trano, dia tsy maharitra izy fa rava ny heriny.
Tamin’izany andro izany dia nivory indray ny vahoaka,
ka tsy afa-nihinana akory i Jesoa sy ny mpianany.
Nony nandre izany ny havany dia nivoaka hihazona Azy, fa hoy izy ireo:
“Efa very saina Izy”.
Ny mpanora-dalàna izay nidina avy tany Jerosalema kosa nanao hoe:
“Efa azon’i Belzeboba Izy,
ary ny filohan’ny demony no androahany ny demony”.
Nantsoin’i Jesoa izy ireo ka nanaovany fanoharana hoe:
“Hataon’i Satàna ahoana no fandroaka an’i Satàna?
Raha misy fanjakana miady an-trano,
dia tsy haharitra izany fanjakana izany;
ary raha misy fianakaviana miady an-trano,
dia tsy haharitra izany fianakaviana izany:
koa raha mitsangan-kanohitra ny tenany àry i Satàna, ka miady an-trano,
dia tsy maharitra izy fa rava ny heriny.
Tsy misy olona afa-miditra ao an-tranon’ny mahery sy mandroba ny entany,
raha tsy afatony aloha ilay mahery, vao robainy ny ao an-tranony.
Lazaiko marina aminareo fa hahazo famelan-keloka ihany ny zanak’olombelona amin’ny fahotany rehetra,
sy ny fitenenan-dratsy rehetra izay itenenany ratsy an’Andriamanitra;
fa izay hiteny ratsy ny Fanahy Masina no tsy hahazo famelan-keloka na oviana na oviana,
fa manam-pahotana mandrakizay”.
Satria hoy izy ireo hoe:
“Manana fanahy maloto izy”.
Ary tonga ny reniny sy ny rahalahiny, nijanona teo alatrano,
ka naniraka nampiantso azy.
Fa nisy olona maro nipetraka nanodidina azy,
dia nilazana Izy natao hoe:
“Indreo ao alatrano ny reninao sy ny rahalahinao mitady anao”.
Fa novaliany hoe:
“Iza moa no reniko sy rahalahiko?”
Dia nijery izay nipetraka nanodidina Azy Izy ka nanao hoe:
“Ireo no reniko sy rahalahiko;
fa na iza na iza manao ny sitra-pon’Andriamanitra,
dia izy no rahalahiko sy anabaviko ary reniko”.
— Izany àry ny tenin’ny Tompo.
- Atolotr'i Radio Don Bosco
- Lohahevitra : Vaovao
♦ May ny ampahany amin'ny voka-pifidianana any amin'ny distrikan'i Tsiroanomandidy, taorian'ny famaizan'ny biraon'ny SRMV ny sabotsy maraina teo ; nitondra fanazavàn ny eo anivon'ny CENI... ♦ Miseholany tsikelikely ny fanoherana ny voka-pifidianana. Nidina nanao fampitahàna teny amin'ny CENI ny 4 amin'ireo kandidà ao amin'ny boriborin-tany fahatelo. PV miisa telo no tsy hita eny Alarobia, hoy izy ireo... ♦ Azo fantarina mialoha manomboka izao ireo haban-tseranana sy ireo vola rehetra ilaina amin'ny fanafarana entana. Nampahafantarina ny herinandro teo ny fitaovana momba izany, antsoina hoe "plateforme e-tarif"... ♦ Mbola hitazona ny fampihenàna ny famokarana solika ny OPEP+...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ilaina hatsaraina ny vavaka ary tokony halalinina satria indraindray dia lasa fahazarana ny mivavaka, efa fombafomba sisa, maro koa mivavaka noho ny henatra ny hafa. Ny tena sarobidy dia ny hoe : fiainantsika ny mivavaka, sakafo mamelona antsika, hery, ary azo lazaina filàna fototra ho an'ny Kristiana. Ianarana ny mivavaka, ary na ny Apôstôly aza dia nangataka tamin'i Jesoa hoe : ampianaro mivavaka izahay. Katesizy momba ny misterin'ny vavaka, iarahana amin'i P. Aurelien Rarivoson.
- Atolotr'i Radio Don Bosco
- Lohahevitra : Vaovao
♦ Nirehitra androany tamin'ny 3 maraina ihany koa ny SRMV ao Tsiroanomandidy... ♦ Nanamafy ny Ministry ny tontolo iainana sy ny fandrosoana lovain-jafy fa ani Madagasikara ireo biby naondrana an-tsokosoko tany Thaïlande. Hihazo an'ity firenena ity Andriamatoa Ministra amin'ny herinandro hitsidika... ♦ Nihetsika ny tany halina tamin'ny 11 ora sy 03 minitra... ♦ Mahazo vahana ny famonoana kandidà any Mexique, tafakatra 25 isa, ireo maty roa andro mialoha ny fifidianana...
- Atolotr'i Radio Don Bosco
- Lohahevitra : Andriano ny fahasalamana
-
Voadika amin'ny fiteny :
Rehefa mangatsiaka ny andro dia maro ny zavatra mikorontana ao amin'ny vatan'ny olombelona sy ny tontolo manodidina. Rehefa anatin'ny hatsiaka be dia mikainkona ny lalan-dra io ilay hatao hoe "vasoconstriction" ; ny faharoa miakatra ny tahan'ny "Cholesterol" sy ny "fibrinogène"; ny fahatelo dia lasa marihitra ny ra ; mihena ny rano mpanamora ny fihetsehan'ny vanin-taolana "liquide synovial" ; malaina daholo ny taova. Fandaharana "andriano ny fahasalamana" iarahana amin'ny Radio Don Bosco.
- Atolotr'i DIMBINIAINA Tsilavina Jules
- Lohahevitra : Vatsim-panahy
-
Voadika amin'ny fiteny :
Alahady fankalazàna ny sakramenta Masina sorom-pihavanana sy sakafo mampiray ny Eokaristia ; Izaho no Mofo velona izay nidina avy any an-danitra, hoy ny Tompo: izay mihinana amin’ity Mofo ity dia ho velona mandrakizay. Ao amin'ny vatantsika olombelona dia andraikitra lehibe ny asan'ny ra : hery, aina, sakafo, fiadiana hanoherana ny aretina ; sitraki Kristy no nanolorany ny rany nalatsany teo amin'ny hazo fijaliana mba ho loharano hanovozantsika ny fiainana mandrakizay. Hoy Izy : raha tsy mihinana ny nofoko sy misotro ny rako ianareo dia tsy mba hanana ny fiainana ao aminareo. Ny manao Kaominio dia mandray ra vaovao ao amin'ny fiainana, ra an'ilay nitsanga-ko velona, ra mpanasitrana, mpanadio...
- Atolotr'i Radio Don Bosco
- Lohahevitra : Vaovao
♦ Mafana ny toe-draharaha tany Tsihombe vokatry ny tsy fitovian-kevitra amin'ny voka-pifidianana ka niafara tamin'ny fandrehetana trano... ♦ Miisa roa ireo faritra mando eto Antananarivo. Hampahafantarina amin'ny alalan'ny horonan-tsary eny amin'ny zaridainan'Antaninarenina ao anatin'ilay hetsika Haody ry Gasikarako izany anio maraina... ♦ Hohamafisina ny fanatsarana ny serasera sy ny fampitam-baovao manoloana ny fankalazana ny fetim-pirenena amin'ity taona ity, araka ny nivoitra tamin'ny atrikasa notarihan'ireo mpikarakara ny hetsika... ♦ Akon'ny korontana tany Nouvelle-Calédonie, vola hatrany amin'ny iray lavitrisa Euros no ilaina ho fanarenana ireo orinasa maherin'ny 500 simba sy rava...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Misy dingana roa ny firosoana amin'ny fanadinana : voalohany dia ny tovovavy no tena voakasika rehefa feno 12-13 taona dia efa afaka atao fofombady, tsy mbola mahazo miray trano anefa ary tsy azon'olon-kafa fofoina intsony ; faharoa rehefa vita ilay fiainana ilay hoe "fofombady" nanditra ny 1-2 taona dia miroso amin'ny dingana manaraka dia ny "contrat d'amour". Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ny tena antony misongadina mahatonga ny tanora miteraka aloha loatra, mialohan'ny fanambadiana : ireo manana fiainam-pianakaviana tsy mari-toerana, izany hoe ilay tokantrano misy ray sy reny nisaraka ; ny fahantrana sy ny tsy fahampiana hoenti-mivelona ; ny tsy fahafehezana ny teknôlôjia ; eo koa ny fandrisihan'ny hafa toy ny namana sy ny ray aman-dreny te hiala adidy. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.
Sous-catégories
[Miara-dàlana] Zoma 22 nôvambra 2024
- Fiofanana indroa miantaona no nataon'ireo Saleziana tanora, ny 16 hatramin'ny 22 nôvambra 2024...
- Fanomezan-tsamy hafa sy miavaka avy amin'ny Fanahy Masina, ny fanomezam-pahasoavana manokana, hoy ny Papa François, nandritra ny fampianarana nataony ny alarobia 20 nôvambra 2024...
- Hatolotra ny tanora avy any Corée Atsimo, handray ny Andro Maneran-tany ho an'ny Tanora amin'ny taona 2027, ny Lakroa famantarana ny JMJ sy ny Icône an'i Masina Maria, ny alahadin'i Kristy Mpanjaka, 24 nôvambra 2024...
Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco