Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 22 novambra 2023

Ny mpianatra amin'ny ambaratonga voalohany no tena ahitana tahotra. Ny 20 nôvambra dia andro iraisam-pirenena hitakiana ny zon'ny ankizy. Ny tahotra dia isan'ny sakana tsy mampivelatra ny mpianatra sy tsy handroso. Ny tahotra dia efa raikitra sy monina ao anatin'ny olona iray. Ny ankizy 2-6 taona, 6-11 taona dia tsy mbola anatin'ny fahamatorana, hany ka izay manaitra azy dia miteraka tahotra ho azy ireny. Mila manao ezaka ny ray aman-dreny sy ny mpanabe mba hanampy ny ankizy hiala amin'ny tahotra, eny amin'ny ambatonga voalohany, mialohan'ny hirosoana any amin'ny fiainan'ny adolantsento. Ny mpampianatra no mamoha ny tahotra ao amin'ny mpianatra ankoatra ireo mpiara-mianatra aminy...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 18 novambra 2023

Misy ary matetika mitranga ny tsy fahatomombanan'ny ahitra mandritra ny vohoka. Aty amin'ny tany an-dalam-pandrosoana dia maro ireo vehivavy no maty eo am-piterahana, ary io no mahatonga ny ministeran'ny fahasalamana mba hiterahan'ny vehivavy any amin'ny tobim-pahasalamana ; nampiofana ihany koa ireo reninjaza. Ny ahiatra dia taova mandalo, izay ny lalan-dra no mameno azy ka io no isan'ny mampifandray ny zanaka sy ny reniny mandritra ny vohoka. Ny asan'ny ahitra dia miantoka ny famatsiana ny rivotra ho an'ny zaza ary mamoaka ireo rivotra tsy ilain'ilay zaza, io taova io no mampiasa tsikelikely ny voa sy ny atin'ny zaza, io ihany koa no miaro ilay zaza amin'ny aretina na fanafihana hafa... 

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 11 novambra 2023

Tsara ny vehivavy raha mba manana karine firaiketana ny andro fahatongavan'ny fotoana sy ny fitsaharany. Ny fitondrana vohoka an-tsoson-koditra dia mitranga rehefa atodinaina masaka no mipetaka ivelan'ny tranonjaza. Antony : mety efa nanao zaza an-tsoson-koditra ilay vehivavy tao aloha anefa tsy voatsabo tsara, misy olatra noho ny fahafahan-jaza, mety hisy tsy fahatomombanana ilay fantson'ny atodinaina, tsy fanarahana toro-marika mikasika ny fanabeazanaizana, fikorontanan'ny tahan'ny tsirim-panentana, fisian'ny aretina avy amin'ny firaisana ara-nofo. Fambara : manomboka amin'ny herinandro faharoa, mety tsy miverina ny fotoana, misy ra miloko volontsôkôla, misy tsiranoka miloko hafa tsy mitovy amin'ny tapotsin'atody, manaintaina... 

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 10 novambra 2023

Trangam-piainana efa zary mahazatra ny fiolonolonana, ny tsy fananana fotoana firy ho an'ny vady aman-janaka ankehitriny vokatry ny fandrosoan'ny teknôlôjia sy ny rotorotom-piainana tsotra izao. Mandringa ny fifandraisan'ny mpianakavy ka teraka ny tsy fifankazahoana, maro ny toerana banga eo amin'ny lafin'ny fitaizana  ny ankizy. Noho izany no ilazana fa ilaina ny fanatsarana io fifandraisan'ny mpianakavy io amin'ny fiezahana mifandray amin'ny alalaln'ny fifanantonana mivantana amim-pitsikiana sy amin-tambitamby amim-panehoana fitiavana. Na eo amin'ny raiamandreny sy ny zanaka na ny mpivady na ny zanaka samy zanaka, eny ny fiaraha-monina iray manontolo...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 10 novambra 2023

Maro amin'ireo tantsaha ato amin'ny Faritra Analamanga no resy lahatra amin'ny fampiasana zezika biôlôjika tsy misy taharo simika. 10 taona nirotsahana an-tsehatra sy nampitombo fahalalana amin'ny famokarana zezika kaompôsta Andriamatoa Randriamijoro Jacques Lucien ary nahita fahombiazana tamin'izany...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 8 novambra 2023

Tamin'ny fiaraha-monina Malagasy dia manan-danja ny fanajana sy fitazomana ny teny natao. Beazina ny olona mba hanaja ny teny navoakany. Rehefa manolotena ianao hiriso amin'ny fanapahan-kevitra iray dia lazaina am-bava na atao an-tsoratra mba hampanan-danja ny fanatanterahana azy. Ny fanoloran-tena dia midika fa voakasik'izany ny lafin'ny rehefa maha-olona : vatana, saina, fanahy. Tokony ho fantarina aloha hoe ho vita ve ny teny natao vao ambara, ary tokony ho vokatry ny fo izany fa tsy terena araka ny zava-misy. Ny Mpanabe sy ny ray aman-dreny dia tokony ho môdely amin'ny fanajana ny teny natao, ary tokony hiaiky fahadisoana raha sanatria tsy mahatanteraka izany...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 4 novambra 2023

Ny "kyste" dia  fivontosana misy rano. Ny "ovaire" dia taova kely ao anatin'ny taovam-pananahan'ny vehivavy, ny asany dia mamorona ny atao hoe "ovule" isaky ny tsingerina ary koa mamokatra ny tsirim-panentana (oestrogène, progésterone). Vitsy ny tranga mety hatonga io "kyste" io ho homamiadana. Misy karazany roa io "kyste de l'ovaire" io : ny voalohany dia ny "Kystes fonctionnels" mety hahazo an'ireo vehivavy anatin'ny sokajin-taona afaka miteraka, ny faharoa kyste organique. Ny antony : fikorontanan'ny tsirim-panentana ao amin'ny vehivavy, mety ho vokatry ny fihinana fanafody fanairana ny "ovulation". Ny kyste organique dia tsy azo levonina fa tsy maintsy mandalo fandidiana.

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 3 novambra 2023

Lalana tsy maintsy diavina ny fahafatesan'ny olona akaiky ary miaina dingana ara-psykôlôjika ny olona iray rehefa misaona. Azo diavina tsara ny fisaonana ary misy 7 ny dingana mety ho lalovana ao anatin'izany. Betsaka ireo fiovana mety hiseho eo amin'ny fomba fisainana sy ny fitondran-tena ary maty ho marobe ihany koa ireo fihetsem-po izay hifamaofao mandritry ny fandalovana amin'ireo dingana ireo. Noho izany, mitaky fahaizana miatrika mahomby ny fiainana ireo dingana ireo ary miankina amin'ny fomba fiatrehana azy no hahatafavoaka na tsia ao amin'ilay fisaonana. Na mafy aza ny fisarahana an-tany dia betsaka ireo azo hatao mba hanana filaminana sy fitoniana anaty, aorian'ny fahafatesan'ny olona akaiky...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :   

Naseho ny : 3 novambra 2023

Hiroso amin'ny fifidianana any amin'ny fokontany, ny kaominina, ny distrika ary ny faritra ny eo anivon'ny Tranoben'ny Tantsaha Mpamokatra manomboka amin'ity volana nôvambra ity. Tapitra mantsy y fe-potoan-kiasan'ny birao sy ny filan-kevi-pitantanana. Hanomboka ny 20 nôvambra izao ny fifidianana eny anivon'ny kaominina ka ny tantsaha manana karatra maha mpikambana no afaka mandray anjara amin'ny fifidianana ho an'ny eo anivon'ny kaominina noho miakatra...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 1 novambra 2023

Sahiran-kevitra ny ray aman-dreny sy ny mpanabe ary velom-panontaniana hoe : inona teo amin'ny fanabeazana taloha no mbola azo tazomina ankehitriny?. Ny fanabeazana teo aloha dia izay tany ambadiky ny fandrosoana ara-teknolojika sy ny fanatontoloana. Ny tanjon'ny fanabeazana dia ny mba hampaleontena ny beazina. Ny fanabeazana dia fampitana fahalalana sy fahendrena ary fahamarinana. Teo aloha dia ny fianarana ihany no nimasoana fa ny fanatanjahantena sy ny mozika na ny zavatra hafa dia tsy navela nataon'ireo mpianatra, ankehitriny anefa ireny no hanefena ny maha olona an'ireo ankizy. Ireo fitsipi-pitondrantena nahasoa ny teo aloha dia tsara tohizana, mila mihezaka ny ray aman-dreny mba hahitsy amin'ny resaka...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 28 oktobra 2023

Misy fahasimbana lalan-dra ao amin'ny faritra iray na maromaro ao anatin'ny atidoha noho ny fahatsentsenana na fahatapahan'ny lalan-dra. Misy karazany roa io fahatapahan'ny lalan-dra io : fahatsentsenana mandalo sy ny tapaka tanteraka... Antony mahatsentsina ny lalan-dra dia ireo olona be loatra ny menaka ratsy (cholestérol) ao anatin'ny ra. Ny mahatapaka tanteraka ny lalan-dra dia ny fiakaran'ny tosi-dra tampoka sy mafy. Matetika ireo tranga ireo no miseho amin'ny alina na ao anatin'ny torimaso. Antony hafa : menaka ratsy anaty ra, betsaka ny tahan'ny siramamy anaty ra, ny hatavezana be loatra, ny tsy fanetsehambatana...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 27 oktobra 2023

Ny tombana natao, tato anatin'ny folo taona farany, dia mpiseho fa ny 40%-n'ny tranga vaovao fahazoana ny tsimokaretina VIH/SIDA dia mahakasika ny tanora 15 hatramin'ny 25 taona eto afrika. Mbola tsy foana ny VIH/SIDA, ka mila hamafisina ny fanentanana satria fanantenana lehibe ho an'ny ho avy ny tanora, dia ilaina ny miady hevitra amin'ny antsipiriany ny VIH/SIDA mba hitandreman'izy ireo sy hiarovana azy ireo.

Tohiny...