Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 21 septambra 2023

Ny safidy dia lalàm-piainana. Safidinao ny hiaina ny fahamarinana sy ny hahatsara ny fiainanao. Safidy ny hahatsara sy izay mba hanana ankohonana. Ny safidy dia mahatonga ny olona iray ho tompon'andraikitra. Fandaharana "mba ho vanona" iarahana amin'ny jeneraly Désiré Ramakavelo.

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :   

Naseho ny : 16 septambra 2023

Ny Fikambanana Masoandro Mody no mandray an-tanana ireo olona mararin'ny "alzheimer", ny volana septambra no nofaritan'ny firenena mikamba hanentanana sy hampahafantarana ny olona mikasika ity aretina ity. Iharan'ny herisetra ny olona tratry ny aretina Alzheimer satria sady iharan'ny herisetra ara-tsaina no mety ho lasibatry ny herisetra ara-batana ihany koa. Tsy ny olona antitra rehetra no tratran'io aretina io, fa izay olona voakasiky ny fahasimban'ny "hippocampe" ihany ; ny "alzheimer " dia miteraka fahaverezan'ny fitadidiana. Mety hampiakatra ny tranga ny : diabeta sy ny tosi-dra, raritsaina...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 23 septambra 2023

Ny aretina "alzheimer" dia aretina manafika ny atidoha, izay misy faritra mikoloko ny fitadidianana. Ny volana septambra no nofaritan'ny firenena mikamba hanentanana sy hampahafantarana ny olona mikasika ity aretina ity. Tsy ny olona antitra rehetra no tratran'io aretina io, fa izay olona voakasiky ny fahasimban'ny "hippocampe" ihany ; ny "alzheimer " dia miteraka fahaverezan'ny fitadidiana. Raha misy tranga hafahava dia tsara raha manantona mpitsabo. Mety hampiakatra ny tranga ny : diabeta sy ny tosi-dra, raritsaina...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :   

Naseho ny : 15 septambra 2023

Namolavola mari-pamantarana Label Soa Far ho an'ireo Foibem-panofanana mivondrona ao aminy ny tambazotra FARMADA. Miisa 13 ny ivon-toerana efa nisitraka izany. Nitondra anjara biriky lehibe amin'ny fanatsaràna ny kalitaom-pampiofanana atolotra ny tanora sy ny tantsaha hanabe voa ny famokarana ara-pambolena sy ny eny ambanivohitra teto amintsika ny Tambazotra FARMADA. Marika entina manavaka ny ivon-toeram-panofanana, izay mitondra fanatsaràna sy manavao ny rafitra ao aminy ny Label Soa Far...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 15 septambra 2023

Tena misy fiantraikany amin'ny manodidina azy ny fifandraisan'ny mpivady, na akaiky izany na lavitra. Mbola antontan'isa vokatry ny fandinihana ny fiaraha-monina ihany no nahitana fa ny mpivady iray manana fifandraisana tsara eo amin-dry zareo dia mahatarika mpivady 12 hafa hanana fifandraisana tsara ihany koa. Betsaka ny soatoavina avy amin'ny fampianaran'ny Eglizy, ary azo entina miaina tsara. Fandaharana "miaina sy mitia" iarahana amin'ny ivon-toerana Arrupe Madagasikara.

Tohiny...

Atolotr'i Radio Don Bosco

Lohahevitra : Mba ho vanona

Voadika amin'ny fiteny :   

Naseho ny : 13 septambra 2023

Anatin'ny vanim-potoana ialohan'ny fifidianana isika izao. Ny safidy no hahafahana mandray andraikitra eo amin'ny lafim-piainana rehetra, koa mahaiza mifidy dia hahazo sy hahita fahafaham-po ianao. Fandaharana "mba ho vanona" iarahana amin'ny jeneraly Désiré Ramakavelo.

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 8 septambra 2023

Nanao ny fivoriambe ara-potoana toa ny fanaony isan-taona ny Tranoben'ny Tantsaha Mpamokatra ny 23 sy ny 24 aogositra 2023. Nisy ny hevi-dehibe nodinihana sy nankatoavina nandritra  izany. Tapaka nandritra ity fivoriambe ity fa hiroso amin'ny fangatahana ny fanvaozana ny satan'ny Tranoben'ny Tantsaha Mpamokatra Association Reconnue d'Utilité Public na ARUP izy ireo. Ny ahafahan'ny Tranoben'ny Tantsaha Mpamokatra manatanteraka ny iraka nankinina taminy no mahazava-dehibe izay hoy ireo mpivory. Angatahana ihany ny hanamafisana ny fahaleovan-tena ara-bolan'ny rafitra...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 8 septambra 2023

Ny ivon-toerana Arrupe Madagasikara dia mandray anjara amin’ny fanentanana ny olona mba hanjakan’ny fandriam-pahalemana ny vanim-potoana hiomanana sy hanatanterahana ny fifidianana eto amin’ny nosy. Fomba iray hanatanterahana izany ny hazakazaka ho an’ny fandriam-pahalemana sy filaminana amin’ny 24 septembra eto Antananarivo hanasana ny olom-pirenana sy ny tia fandriam-pahalemana rehetra. Fandaharana "miaina sy mitia" iarahana amin'ny Ivon-toerana Arrupe Madagasikara.

Tohiny...

Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 7 septambra 2023

Ireo dingana efa nolalovan'ny fandaharana "mba ho vanona" : Ny ambaratonga voalohany dia ny fitiavana ; ankehitriny dia eo amin'ny ambaratonga faharoa isika izao, dia ny firesahana ny safidy, ity farany dia harena nomen'Andriamanitra ny olombelona. Ny olona tompon'andrikitra dia olona manana vina sy tanjona, isan'ambaratongany... Fandaharana "mba ho vanona" iaraha-miasa amin'ny jeneraly Désiré Ramakavelo.

Tohiny...

Atolotr'i Radio Don Bosco

Lohahevitra : Ampela mihary

Voadika amin'ny fiteny :      

Naseho ny : 6 septambra 2023

Ny toetsaina mifaninana mifampitaha dia efa nisy hatramin'izay ary nivoatra tsikelikaly. Ny fifaninana dia efa voajanahary mba hahafahana mandroso amin'ny dingam-piainana tsara kokoa. Amin'ny maha olombelona antsika dia nampiasa saina isika mba hafahantsika mandalina kokoa ny mikasika ny fifaninanana sy ny fifampitahana. Misy olona enefa tsy afaka ny hifaninana sy hifampitaha noho ny tsy fitovian'ny niaingana (ara-batana, fananana, fanabeazana, sehatra iainana...). Ny toe-tsaina mifaninana sy mifampitaha dia tsy azo hirobohana tsy ampy fiheverana fa mila fandanjalànjana fepetra maromaro, tokony olona mitovitovy no mifaninana amin'ny lafin-javatra maro.

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 2 septambra 2023

Ny diabeta dia aretina mitaiza mitranga rehefa tsy mamokatra "insuline" ampy ny sarakaty na tsy mampiasa araka ny tokony ho izy ny "insuline" vokariny ny vatana. Ny "insuline" dia tsirim-panentana mandrindra ny fatra sy mampiditra siramamy ao amin'ny ra sy ny vatan'ny olona. Ny tahan'ny siramamy ara-pahasalamana dia 70mg/dl hatramin'ny 110mg/dl, kanefa ny fitiliana ihany no afaka mamaritra hoe mararin'ny diabeta ny olona iray. Fambara : mivalandrano matetika, mangetaheta lava, tia rano mamy, mazoto misakafo anefa noana lava, rera-dava, mangidihidy lava ny vatana...

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 1 septambra 2023

Nandrombaka ny medaly volamena ho an'ny taty Afrika sy ny ranomasimbe Indiana tamin'ny fifaninana eran-tany amin'ny famokarana cacao mifanaraka amin'ny kalitao takian'ny tsena iraisam-pirenena ny tantsaha ao amin'ny vondron'ny kaoperativa Lazan'i Sambirano any amin'iny Faritra Diana iny tamin'ny taona 2021. Mbola tantsaha ao aminy koa no nahazo ny medaly alimo...

Tohiny...