Atolotr'i Radio Don Bosco

Lohahevitra : Vaovao

Naseho ny : 3 marsa 2021

♦ 1,30% ny taham-pitomboan'ny mpifidy taorian'ny fanakatonana vony maika ny fanavaozana isan-taona ny lisi-pifidianana tamin'ny 28 febroary teo... ♦ Mahatratra 3.700.000.000.0000 Ariary ny fatiantoky ny Jirama nanomboka ny taona 2009 no mankaty, vokatry ny politikan'ny vidin-jiro tsy voafaritra mazava... ♦ Afa-nenina ka hitondra ny fitakiany eo anivon'ny BIT ny sendikà SAIT...

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, nanenjika an’i Jesoa ny Jody satria nanasitrana tamin’ny andro sabata Izy. Fa hoy i Jesoa tamin’izy ireo: "Ny Raiko miasa mandraka ankehitriny, ary Izaho koa miasa." Izay indray vao mainka nitady hamono Azy ny Jody, satria sady tsy nitandrina ny sabata Izy no nilaza fa Rainy Andriamanitra, ka nanao ny tenany ho mitovy amin’Andriamanitra. Dia notohizin’i Jesoa indray ny teniny, ka hoy Izy tamin’izy ireo: "Lazaiko marina aminareo: Tsy mahazo manao na inona na inona ho Azy ny Zanaka, afa-tsy izay hitany ataon’ny Ray; ary izay rehetra ataon’ny Ray dia ataon’ny Zanaka koa. Fa tia ny Zanaka ny Ray, ka maneho aminy izay rehetra ataon’ny tenany, ary mbola haneho aminy asa lehibe noho izao aza Izy, mba ho gaga ianareo. Fa toy ny ananganan’ny Ray sy amelomany ny maty no ameloman’ny Zanaka izay tiany koa. Ary ny Ray aza tsy mitsara olona, fa ny Zanaka no nomeny ny fitsarana rehetra, mba hanajan’ny olona rehetra ny Zanaka tahaka ny fanajany ny Ray. Izay tsy manaja ny Zanaka, dia tsy manaja ny Ray izay naniraka Azy. Lazaiko marina dia marina aminareo: Izay mihaino ny teniko sy mino izay naniraka Ahy no manana ny fiainana mandrakizay ka tsy hohelohina, fa efa niala tamin’ny fahafatesana ho amin’ny fiainana izy. Lazaiko marina dia marina aminareo: Avy sady efa tonga sahady ankehitriny aza ny andro handrenesan’ny maty ny feon’ny Zanak’Andriamanitra, ka izay handre dia ho velona. Fa toy ny ananan’ny Ray ny fiainana ao anatiny, no nanomezany ny Zanaka hanana ny fiainana ao anatiny koa. Ary nomeny fahefana hitsara Izy, satria Zanak’Olona. Aza gaga amin’izany, fa avy ny andro handrenesan’izay rehetra any am-pasana ny feon’ny Zanak’Andriamanitra, dia hivoaka izy, ka izay nanao soa dia ho any amin’ny fitsanganam-piainana, fa izay nanao ratsy kosa, dia ho any amin’ny fitsanganam-pahamelohana. Raha Izaho ihany, tsy mahazo manao na inona na inona; fa araka izay reko no itsarako, ka marina ny fitsarako, satria tsy mitady ny sitra-poko Aho, fa ny sitra-pon’izay naniraka Ahy."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, niakatra tany Jerosalema i Jesoa fa nisy andro fety tamin’ny Jody tamin’izay. Ary any Jerosalema ao akaikin’ny vavahadin’ny ondry, dia misy dobo anankiray atao hoe Betesdà amin’ny teny hebrio, izay misy trano heva dimy. Nisy marary maro nandry tamin’ireo trano ireo. Ary nisy lehilahy anankiray narary hatramin’ny valo amby telopolo taona teo. Nony nahita azy nivalandotra i Jesoa, sady fantany fa efa ela no naharariany, dia hoy Izy taminy: "Te-ho sitrana va ianao?" Ary hoy ny navalin’ny marary: "Tompoko, tsy mba manana olona handroboka ahy amin’ny dobo aho rahefa mihetsiketsika ny rano; ka nony mba mandeha aho, dia ny hafa, no tafidina alohako." Hoy i Jesoa taminy: "Mitsangàna, ento ny fandrianao ka mandehana." Niaraka tamin’izay dia sitrana ralehilahy, ka nentiny ny fandriany dia lasa izy nandeha. Ary sabata ny andro tamin’izay. Ka hoy ny Jody tamin’ny vao sitrana: "Sabata ny andro ka tsy mahazo mitondra ny fandrianao Ianao." Fa hoy ny navaliny azy: "Ilay nahasitrana ahy no nanao tamiko hoe: Ento ny fandrianao ka mandehana." Dia hoy ireo nanontany azy: "Iza moa izany lehilahy nanao taminao hoe: Ento ny fandrianao ka mandehana, izany?" Tsy nahalala Azy anefa ilay vao sitrana, fa ny vahoaka moa betsaka, i Jesoa koa niala teo. Taorian’izany dia hitan’i Jesoa tao an-tempoly ralehilahy ka hoy Izy taminy: "Indro fa sitrana ianao, ka aza manota intsony sao dia ratsy noho ny teo indray ny manjò anao." Dia lasa ralehilahy nilaza tamin’ny Jody fa i Jesoa no nahasitrana azy. Koa nanenjika an’i Jesoa ny Jody satria nanao izany tamin’ny andro sabata Izy.

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 3 marsa 2021

Tamin’izany andro izany, i Jesoa niala tany Samaria, ka nankany Galilea. Fa araka ny efa voalazany dia tsy misy mpaminany hajaina amin’ny taniny. Ary nony tonga tany Galilea Izy, dia noraisin’ny Galileanina, satria efa hitany izay rehetra nataony tany Jerosalema tamin’ny andro fety, fa tany koa izy ireo tamin’ny fety. Dia nankany Kanà any Galilea indray Izy, tany amin’ilay nanovàny ny rano ho divay. Ary nisy kosa manamboninahitra anankiray nanan-janaka lahy narary tany Kafarnaôma, ka nony reny fa hoe tonga avy any Jodea ao Galilea i Jesoa, dia nanatona Azy izy ka nangataka Azy hidina hanasitrana ny zanany efa ho faty. Fa hoy i Jesoa taminy: "Raha tsy mahita famantarana sy fahagagana ianareo, dia tsy mba mety mino!" Ka hoy ilay manamboninahitra taminy: "Andeha re, Tompoko, dieny mbola tsy maty ny zanako!" Dia hoy i Jesoa taminy: "Modia, fa velona ny zanakao." Ary nino ny teny nolazain’i Jesoa taminy izy ka lasa nody. Nony nandeha izy, dia notsenain’ny ankiziny ka nilazany fa velona ny zanany. Ary nanontaniany azy ireo ny ora nahasitranany, ka hoy ireo taminy: "Omaly tamin’ny ora fahafito no nialan’ny tazo taminy." Dia fantatry ny rainy, fa tamin’izany ora izany indrindra no nilazan’i Jesoa taminy hoe: "Velona ny zanakao", ka nino izy sy ny mpianakaviny rehetra. Izany no fahagagana faharoa nataon’i Jesoa, rahefa tonga tany Galilea avy tany Jodea Izy.

Atolotr'i Radio Don Bosco

Lohahevitra : Vaovao

Naseho ny : 3 marsa 2021

♦ Nitaky ny hamoahana ny vatsim-pianarana efa-bola miampy ny vola fampitaovana toa ny an'ireo mpianatry ny oniversite hafa nanao fitakiana ka nahazo valiny, omaly alina ny mpianatra teny Vontovorona... ♦ Olana eo amin'ireo vitsy an'isa miady amin'ny fitantanana ny harem-pirenena, no misy eto Madagasikara, hoy i Dama ao amin'ny tarika Mahaleo...

Tohiny...

Atolotr'i Radio Don Bosco

Lohahevitra : Vaovao

Naseho ny : 2 marsa 2021

♦ Mitohy ny fitetezam-paritra ataon'ny vadin'ny Filoham-pirenena hanamarihana ny andron'ny 8 marsa. Namboly anananambo 3.000 fototra tany Belalanda Toliara II, androany Ramatoa Mialy Rajoelina... ♦ Manainga ny fanjakana sy ny mpiara-miombon'antoka ara-teknika sy ara-bola, hametraka tahirim-bola manokana ho an'ny tantsaha mba hiatrehana ny valan'aretina Covid-19 sy ny fiovan'ny toetr'andro, ny Fivondronamben'ny Vehivavy Tantsaha Malagasy...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Finoana aina

Voadika amin'ny fiteny :      

Naseho ny : 2 marsa 2021

Modely ho antsika rehetra i Masindahy Josefa amin'ny fahamarinany sy ny fahanginany. Lehilahy marina izy noho izy tsy nivadika tamin'i Maria. Tsy hay tohaina ny fitiavany an'i Maria. Tsy te hanala baraka ny vadiny izy ary noraisiny tsy am-pisalasalana ny iraka nankininan'Andriamanitra taminy.

Tohiny...

Atolotr'i Radio Don Bosco

Lohahevitra : Vaovao

Naseho ny : 2 marsa 2021

♦ Namoaka fanambaràna ny kaominina Antananarivo, momba ny fikasàna hanova ny eny Behoririka ho "china town malagasy" na tanan-dehiben'ny sinoa, toy ny any am-pita... ♦ Hahazo vola 300.000Ariary, noho ny krizy ara-pahasalamana ireo mpampianatra Fram tsy mandray fanampiana avy amin'ny fanjakàna. Ho avy tsy ho ela koa ilay "aide spéciale", hoy ny ministry ny fanabeazam-pirenena... ♦ Filoha frantsay teo aloha : Tsy voatery any am-ponja no hanefany ny saziny fa any amin'ny trano fonenany ihany...

Tohiny...

Atolotr'i Radio Don Bosco

Lohahevitra : Ampela mihary

Voadika amin'ny fiteny :      

Naseho ny : 3 marsa 2021

Omeo lanja hatrany izay efa manandanja aminao hatramin'izay. Mila manontany tena isika. Raha te ho vahaolana dia ilaina ny mametraka ny zavatra rehetra amin'ny toerany sahaza azy araka ny lanjany. Matetika isika dia very amin'ny hamehana ary manadino ny manandanja. Raha ny fahamaikana no hatao fiainana dia tsy ho tafita isika... 

Tohiny...

Atolotr'i Radio Don Bosco

Lohahevitra : Vaovao

Naseho ny : 2 marsa 2021

♦ Nitondra fanazavàna momba ny toerana eny Soamandrakizay omaly ny fiangonana katolika, manoloana ny hisian'ny hetsika politika eny amin'iny  faritra iny... ♦ Miantso ny hanangànana governemanta vaovao ho an'ny amin'ny fanovàna ny antoko MFM, ho famahàna ny olana eto amin'ny firenena... ♦ Hahazo torolalana nomerika amin'ny alalan'ny fampiasàna tablette ny kôlejy sy ny lisea amin'ny faritra manerana ny nosy. Tanora 50.000 isa no kendrena hisitraka izany...

Tohiny...

Atolotr'i Radio Don Bosco

Lohahevitra : Vaovao

Naseho ny : 1 marsa 2021

♦ Arahanao ato amin'izao vaovao izao ny fanazava'ny Fiangonana Katôlika manoloana ny fivoizana amin'ny hisian'ny hetsika eny Soamandrakizay... ♦ Tolo-kevitry ny antoko MFM amin'izao raharaham-pirenana izao ny fananganana governemanta manana fahefana feno ary hanatanteraka andraikitra mazava... ♦ Mbola tsy mihevitra ny hanakatona sekoly any amin'ireo toerana ahitana trangana Coronavirus kosa ny Ministeran'ny Fanabeazam-pirenena...

Tohiny...

Atolotr'i Radio Don Bosco

Lohahevitra : Vaovao

Naseho ny : 1 marsa 2021

♦ Miverina tsikelikely amin'ny laoniny  ny fiainana andavanandron'ny mponina ao Toliara taorian'ny zava-nitranga tamin'ny herinandro. Tsy maintsy voaloa ny vatsim-pianarana... ♦ Manameloka ny herisetra atao amin'ny mpiasan'ny fahasalamana ny eo anivon'ny ministeran'ny fahasalamam-bahoaka... ♦ Voavaha ankehitriny ny olana momba ny fambolem-bary tsy nahafahana nampiakatra araka ny tokony ho izy ny vokatra ho an'ny ety anivon-tany noho ny tsy fahampian'ny phosphor...

Tohiny...