Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 2 desambra 2022

Manana drafitr'asa vaovao 2023-2025 hampandrosoana ny lalam-pihariana ronono manerana ny nosy ny Malagasy Dairy Board na ny MDB. Natolotra tamin'ireo mpisehatra samihafa misahana ny fiompiana indrindra ireo misehatra amin'ny lalam-pihariana ronono, tamin'ny alalan'ny atrik'asa teny Antanimena izany drafitr'asa vaovao izany ny 25 nôvambra 2022 teo... 

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :      

Naseho ny : 2 desambra 2022

Tanan-dehibe maro mponina indrindra ny eto Antananarivo renivohitra, ary tsy afa-miala amin'ny vokatry ny fiovan'ny toetrandro fa mila miatrika na mitady fomba fanalefahana ny voka-dratsiny. Ndeha isika hanova fomba fiainana hiarovana ny tranobe iombonana. Kajio ny tontolo iainana, rehefa tsy mandoto isika dia efa isan'ireo miaro ny tontolo iainana ihany. Ny vahaolana amin'ny fiovan'ny toetrandro dia miantomboka amin'ny fandraisan'andraikitry ny tsirairay noho izany dia samia isika manao ezaka toy ny : fambolen-kazo sy ny fanajana ny fahadiovana...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :   

Naseho ny : 30 novambra 2022

Tamin'ny fomba fiheverana teo aloha, ny atao hoe aina tamin'ny malagasy dia : lahitokana ny aina ; tsy ananam-piry ny aina ; tavim-bilany ny aina ka tsy hita izay havakisany ; fofon'andro ny aina ka tsy hita izay halevonany. Isan'ny soatoavina malagasy ny fitandrovana ny aina. Ny aina dia avy amin'Andriamanitra, vokatry ny fitiavana. Mety marary ny aina, re ny aina izay zavatra ratsy ahatra aminy. Mba hankamamiana ny aina dia zava-dehibe ny fanabeazana. Tena mbola mankamamy ny aina ny malagasy porofon'izany ny fahitana ireo olona mamonjy tobim-pahasalamana. Ny zava-misy ankehitriny dia voakatry ny fanalana ireo taranja nanabeazana ara-pitsipi-pitondrantena sy fanabeazana ho olom-pirenena.

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :   

Naseho ny : 26 novambra 2022

Mila mitandrina ny olona rehetra satria misy mandavantaona ny covid-19 ary mety ho tratrany daholo ny sokajin'olona rehetra. Marihina fa ity coronavirus ity dia mety hiditra amin'ny : orona, maso, lalan-drivotra, sofina, ary mamonjy ny avokavoka. Rehefa tonga ao amin'ny avokavoka ny tsimokaretina dia miparitaka amin'ny vatana amin'ny alalan'ny lalan-dra. Maro ny taova tafian'io tsimokaretina io. Ny fambara : mikohoka, voan'ny sery, manavy, sempotra, reraka, mangovingovitra, miakatra ny tosi-dra... Ny fahavoazana mety hitranga : mivonto ny fo, marary ny voa, fahasimban'ny sarakaty ka mampihetsika ny toe-batana diabetika, misy tsy fahatomombanana ny saina, marary ny hoditra...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 25 novambra 2022

Hanatsarana ny fambolena dia hatao ny fomba rehetra mba hitahirizana ny rano ela indrindra na hanangonana betsaka amin'ny alalan'ny lava voakarakara manokana. Ny fomba hikarakaràna ny lavaka : manao lavaka lehibe sy lalina, mampiasa labasy na sachet matevina, na mandalotra ilay lavaka mba tsy hisy rano hifantsitritra any ivelany, asiana fasika ny lavaka hanampy amin'ny fitahirizana. Azo atao koa ny manao lavaka toy ny volan-tsinana eo anelanelan'ny tanimboly mba hitanana ny hamandoana. Ny zezika kankana no azo antoka fa hampiakatra ny tahan'ny vokatra amin'ny voly vary, ary miezaka mampihatra ireo teknika vaovao. Tokony hanao ezaka hanao voly rakotra ny tantsaha...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :   

Naseho ny : 23 novambra 2022

Ny ankohonana no tompon'andraikitra voalohany amin'ny fampanajàna ny fitsipi-pifehezana, noho izany dia manana adidy amin'ny fanorona ireo tokony hataon'ny zanaka ny ray aman-dreny. Ny miala sakana dia vanim-potoana tsy azo hiodivirana ho an'ny zanak'olombelona. Ny dingam-piainan'ny olombelona dia miatomboka amin'ny fahazazana, mandalo amin'ny fahatanoràna sy ny fahalebiazana ary miafara amin'ny fahanterana. Ny vanim-potoana tetezamita eo amin'ny fahazazana miampita amin'ny fahalebiazana no hisehoan'ny fialana sakana. Miatrika olana maro samihafa ny tanora satria miova ny toe-batany, miseho lany ny fanahiana, eo koa ny fitobahan'ny fakam-panahy, ny tsy fahatokisan-tena...

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 19 novambra 2022

Tsy tokony hisy kantsentsitra hivelona ao anatin'ny olombelona. Rehefa betsaka loatra ireo kankana ao anatin'ny olombelona iray dia mety hanentsina ny lalan-kanina, vavony, aty, tsinay. Ireo fambara : mihamahia, marary kibo matetika, mety mitarika tsy fahampian-dra, mangidihidy ny lava-body. Ny kankana dia azo avy amin'ny tanana maloto, sakafo tsy voadio tsara na amin'ny fitaovam-pihinanana maloto, mety ho avy amin'ny rano nosotroina na nirobohana ihany koa ny kankana. Ny kankana dia mety ho tafiditra avy any am-bava na amin'ny alalan'ny maso-koditra...

Tohiny...

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 18 novambra 2022

Maro ny tranga mamoafady ataon'ny sokajin'olona rehetra. Fanabeazana tsara no vahaolana ahafahan'ny tsirairay mifehy ny fakam-panahy mivoana amin'ny sitrapon'Andriamanitra eo amin'ny lafiny ara-pananahana. Fandaharana momba ny fahaiza-miaina sy mitia, tontosaina eto amin'ny radio Don Bosco iarahana amin'ny centre Arrupe Madagasikara.

Tohiny...

Atolotr'i Radio Don Bosco

Lohahevitra : Mba ho vanona

Voadika amin'ny fiteny :      

Naseho ny : 17 novambra 2022

Ny fahefana anaty dia ahitana ireto : ny finoana, ny fanantenana ary ny fitiavana. Ny sakana anaty dia hatarafana ireto : ny fialonana, ny fanaratsiana ary ny fiandaniana. Ny safidy dia anao : na ny fahefana anaty no iainana na ny sakana anaty. Fandaharana "mba ho vanonoa" iarahana amin'ny jeneraly Ramakavelo Désiré.

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 16 novambra 2022

Ny sora-tanana dia misy lanjany eo amin'ny fampitàna fahalalana ankehitriny. Na miroborobo aza ny teknôlôjia dia mbola misy lanjany ny sora-tanana. Ny soratra dia fitaovana hifaneraseràna maharitra sy azo tehirizina. Ny sora-tanana dia mampiseho ny maha-izy azy ny olona iray, ahafahana mamantatra ny toetrany ihany koa. Misy fiatraikany mivantana amin'ny mpamaky ny soratra iray. Ny mpampianatra dia tokony ho filamatra amin'ny lafiny ara-tsoratra. Ny mpampianatra ratsy soratra dia mety hatonga ny ankizy ho sahirana amin'ny fianarana ataony, ary mety hatonga azy ho kamo. Ny soratra tsara sy milamina eny amin'ny solaitrabe dia manampy ny ankizy hifantoka sy manampy azy haazo kokoa ny lesona.

Tohiny...

Atolotr'i Radio Don Bosco

Lohahevitra : Andriano ny fahasalamana

Voadika amin'ny fiteny :      

Naseho ny : 12 novambra 2022

Manan-danja lehibe ary tsy maintsy ilain'ny vatan'olombelona iray, mitovy amin'ny rano sy ny sakafo, ny torimaso. Misy fihatraikany ratsy ho an'ny fahasalamana ny tsy fahampian'ny torimaso. Ny faharetan'ny torimaso dia miankina amin'ny toe-batan'ny olombelona iray sy ny asa ataony. Ny zaza 0-3 volana dia maharitra 14-17 ora ny torimasony ; ny ankizy 6-13 taona dia 9-11 ora ; ny tanora 14-17 taona dia 8-10 ora, ary ny olon-dehibe 26-64 taona dia 7 ora hatramin'ny 9 ora ny faharetan'ny torimasony.  Rehefa mitombo ny taonan'ny olombelona iray dia miha-antitra koa ny ao anaty atidoha ary misy fihatraikany amin'ny torimaso.

Tohiny...

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 11 novambra 2022

Nahomby amin'ny ankapobeny ny Fandaharan'asa PLAE-IV eo ambany fiahian'ny Ministeran'ny Fambolena sy ny Fiompiana. Namatsy vola ny Fiaraha-miasa Alemana KFW sy ny Governemanta Malagasy. Fandaharan'asa nandritra ny 5 taona, niasa tamin'ny Faritra miisa 4 teto Madagasikara : Sofia, Amoron'i Mania, Matsiatra-Ambony ary Ihorombe...

Tohiny...