- Eto izao ianao :
-
Fandraisana
-
Pastôraly
-
Kintan'ny finoana
-
All languages
- Malagasy
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
29 aprily 2024 — Alatsinainy, Herinandro fahadimy Fankalazana ny Paka — Raha niara-nitsangana tamin’i Kristy ianareo, dia ny zavatra any ambony, amin’izay itoeran’i Kristy eo ankavanan’Andriamanitra, no katsaho — Evanjely Masina nosoratan’i Masindahy Joany (Jo. 14, 21-26)
- Atolotr'i Ranaivomanantsoa Harilanto
- Lohahevitra : Fankalazana ny Paka
-
Voadika amin'ny fiteny :
Vakiteny voalohany
Boky mitantara ny Asan’ny Apôstôly (Asa 14, 5-17)
Ny mitory aminareo no anay, mba hialanareo amin’izao zava-poana izao, sy hanatonanareo an’Andriamanitra velona.
Tamin’izany andro izany,
dia efa nivonon-kanala baràka sy hitora-bato ny Apôstôly ny Jentily sy ny Jody mbamin’ny lehibeny;
saingy ren’i Paoly sy i Barnabe izany,
ka lasa izy ireo nankany Listra sy Derbe, tanàna any Likaônia,
ary tamin’ny tany rehetra manodidina,
dia nitory ny Evanjely tany.
Tany Listra,
nisy lehilahy anankiray nalemy tongotra hatrany an-kibon-dreniny,
ka tsy mbola namindra, fa nipetraka hatrany hatrany.
Nihaino an’i Paoly nitory teny izy io,
ary nibanjina azy i Paoly,
ka nahita fa nino izy fa ho sitrana,
dia hoy izy tamin’ny feo mahery:
“Mitsangàna, ka mijoroa amin’ny tongotrao.”
Dia niantsambotra ralehilahy, ka namindra.
Nony hitan’ny vahoaka ny nataon’i Paoly,
dia niantso mafy tamin’ny fitenin’ny Likaônia izy nanao hoe:
“Andriamanitra maka endrik’olona no nidina nankaty amintsika.”
Dia i Barnabe moa nantsoiny hoe Jopitera,
ary i Paoly kosa Merkory,
satria izy no mpandahateny.
Mihoatra noho izany,
ny mpisoron’i Jopitera takaikin’ny tanàna mbamin’ny vahoaka aza,
dia efa nitondra ombalahy sy fehiloha teo am-bavahady mihitsy,
ka nikasa hanao sorona.
Fa nony nandre izany ny Apôstôly Barnabe sy Paoly,
dia nandrovitra ny akanjony,
ka nandroso teo afovoan’ny vahoaka niantso mafy hoe:
“Nahoana, ry olona, no dia manao izany ianareo?
Izahay dia olombelona toa anareo ihany,
ka ny mitory aminareo no anay,
mba hialanareo amin’izao zava-poana izao,
sy hanatonanareo an’Andriamanitra velona,
izay nanao ny lanitra sy ny tany,
ary ny ranomasina mbamin’ny zavatra rehetra ao amin’ireo.
Namela ny firenena rehetra teo aloha handeha amin’ny lalana tiany Izy;
kanefa tsy nitsahatra ny nanisy vavolombelona
hanambara ny tenany mandrakariva tamin’ny soa nataony,
dia ny mandatsaka ny ranonorana avy any an-danitra,
ny mahavokatra ny tany amin’ny fotoana,
ka mahavoky hanina antsika sy mahafeno hafaliana ny fontsika.”
Fa na dia izany aza no tenin’izy roa lahy,
dia saiky tsy nahasakana ny vahoaka tsy hanao sorona taminy izy.
— Izany àry ny tenin’ny Tompo.
Setriny
Salamo 113B, 1-2. 3-4. 15-16
Tsy izahay, ry Tompo, tsy izahay, fa ny Anaranao no omeo voninahitra.
Ts’izahay, ry Tomponay ô, ts’izahay
fa ny Anaranao no omeo fiderana.
Lehibe tokoa ny hatsaram-ponao.
Mahatoky raha ny fahamarinanao.
Ny tsy mpino anefa misy manontany:
Iza hono no Andriamanitr’izy ireo?
Ny Andriamanitray dia any an-danitra any.
Ary vitany izay sitraky ny fony.
Raha ny sampin-dry zareo dia volamena, volafotsy:
asan-tanana ireny.
Izy hanambina an’ireo taranakao,
Izy ’lay nanao ny lanitra sy tany.
Raha ny lanitra dia lanitr’Izy Tompo,
fa ny tany lovan-janak’i Adama.
Evanjely
Aleloia. Aleloia.
Raha niara-nitsangana tamin’i Kristy ianareo, dia ny zavatra any ambony, amin’izay itoeran’i Kristy eo ankavanan’Andriamanitra, no katsaho.
Aleloia.
Evanjely Masina nosoratan’i Masindahy Joany (Jo. 14, 21-26)
Ny Mpanafaka alahelo, izay hirahin’ny Ray, no hampianatra anareo ny zavatra rehetra.
Tamin’izany andro izany,
i Jesoa niteny tamin’ny mpianany nanao hoe:
“Izay manana ny didiko ka mitandrina azy no tia Ahy;
ary izay tia Ahy, dia ho tian’ny Raiko, sy ho tiako koa,
ka haneho ny tenako aminy Aho.”
Ary i Jodasy, tsy ilay Iskariota, nanao taminy hoe:
“Ahoana, Tompoko,
no itiavanao haneho ny tenanao aminay ihany,
fa tsy amin’izao tontolo izao koa?”
Namaly i Jesoa ka nanao taminy hoe:
“Raha misy tia Ahy, dia hitandrina ny teniko izy,
ka ho tian’ny Raiko,
ary hankeo aminy izahay ka honina ao aminy.
Fa izay tsy tia Ahy kosa,
dia tsy mba mitandrina ny teniko;
ary ny teny izay renareo dia tsy Ahy,
fa an’ny Ray izay naniraka Ahy.
Voalazako taminareo izany,
raha mbola mitoetra eto aminareo Aho.
Fa ny Mpanafaka alahelo, dia ny Fanahy Masina,
izay hirahin’ny Ray amin’ny Anarako,
no hampianatra anareo ny zavatra rehetra,
sy hampahatsiaro anareo ny zavatra rehetra nolazaiko taminareo.”
— Izany àry ny tenin’ny Tompo.
- Atolotr'i Ralison Raphaël Eugène
- Lohahevitra : Tenin'ny Tompo
-
Voadika amin'ny fiteny :
28 aprily 2024 — Alahady fahadimy Fankalazana ny Paka — Mitomoera ao amiko, dia hitoetra ao aminareo Aho, hoy ny Tompo; izay mitoetra ao amiko no mamoa be — Evanjely Masina nosoratan’i Masindahy Joany (Jo. 15, 1-8)
- Atolotr'i Ranaivomanantsoa Harilanto
- Lohahevitra : Fankalazana ny Paka
-
Voadika amin'ny fiteny :
Vakiteny voalohany
Boky mitantara ny Asan’ny Apôstôly (Asa 9, 26-31)
Notantarainy tamin’izy ireo ny nahitany ny Tompo teny an-dalana.
Tamin’izany andro izany,
nankany Jerosalema i Saoly, ka nitady hikambana tamin’ny mpianatra,
nefa natahotra azy izy rehetra satria tsy ninoany fa mpianatr’i Jesoa koa izy.
Tamin’izay, nalain’i Barnabe izy ka nentiny tao amin’ny Apôstôly,
dia notantarainy tamin’izy ireo ny nahitany ny Tompo teny an-dalana,
sy ny nitenenany taminy, ary ny hasahiana nasehony tamin’ny nitoriany ny Anaran’i Jesoa tao Damasy.
Izao vao niara-niditra sy nivoaka tamin-dry zareo tao Jerosalema izy,
sady nitory tamin-kasahiana tamin’ny Anaran’ny Tompo.
Niresaka tamin’ny Jentily koa izy,
ary niady hevitra tamin’ny Helenista; kanjo notadiavin’ireo hovonoina.
Ka nony fantatr’ireo iray finoana izany,
dia nateriny tany Sezarea izy, vao nalefany ho any Tarsa.
Niadana ny Eglizy eran’i Jodea sy Galilea ary Samaria manontolo fahizany,
sady nandroso tsara sy nandeha tamin’ny fahatahorana ny Tompo,
no nihamaro tamin’ny famporisihan’ny Fanahy Masina.
— Izany àry ny tenin’ny Tompo.
Salamo fandinihana
Sal. 21, 26b-27. 28 sy 30. 31-31
Izaho hametsivetsy Anao ao am-Piangonam-be, ry Tompo
Izaho hankalaza Anao ao am-piangonana,
hanala voady atrehin’ny matahotra Anao:
ny ory hihinana ka ho voky,
ireo mitady ny Tompo hidera Azy.
Veloma ny ainareo
mandrakizay mandrakizay!
Ny faran’ny tany hahatsiaro
ka hiverina amin’ny Tompo;
ny fiankohonam-pirenena
samy hiankohoka anoloany.
Ireo rehetra matory amin’ny tany
dia hiankohoka anatrehany.
Ary izay mandry eo am-bovoka
hiondrika anoloany avokoa.
Ny fanahiko hivelona aminy,
ny taranako hanompo Azy;
ny taranaka izay misandratra
hilazalazana ny Tompo,
ny vahoaka mbola ho teraka
hanambaràna ny fahamarinany hoe:
“Izao sy izao
no nataon’ny Tompo!”
Vakiteny faharoa
Taratasy voalohan’i Masindahy Joany Apôstôly (1 Jo. 3, 18-24)
Izao no didiny: ny hinoantsika Azy sy ny hifankatiavantsika.
Anaka, aoka isika tsy ho tia am-bava sy amin’ny teny fotsiny,
fa amin’ny asa sy amin’ny fo tokoa.
Izany no hahafantarantsika fa avy amin’ny marina isika,
sy hahazoantsika mampatoky ny fontsika eo anatrehan’Andriamanitra.
Fa raha manameloka antsika ny fontsika,
dia lehibe noho ny fontsika Andriamanitra,
sady mahalala ny zavatra rehetra.
Ry hava-malala, raha tsy manameloka antsika ny fontsika,
dia mahazo manatona an’Andriamanitra amin-toky isika.
Ary na inona na inona angatahintsika, dia ho azontsika,
satria mitandrina ny didiny sy manao izay tsara eo imasony isika.
Ary izao no didiny, dia ny hinoantsika an’i Jesoa Kristy Zanany,
sy ny hifankatiavantsika, araka ny didy nomeny antsika.
Izay mitandrina ny didiny, dia mitoetra ao aminy,
ary Izy kosa ao aminy;
ary ny ahafantarantsika fa mitoetra ao amintsika izy,
dia ny Fanahy izay nomeny antsika.
— Izany àry ny tenin’ny Tompo.
Evanjely
Aleloia. Aleloia.
Mitomoera ao amiko, dia hitoetra ao aminareo Aho, hoy ny Tompo; izay mitoetra ao amiko no mamoa be.
Aleloia.
Evanjely Masina nosoratan’i Masindahy Joany (Jo. 15, 1-8)
Izay mitoetra ao amiko sy itoerako no mamoa be.
Tamin’izany andro izany,
i Jesoa niteny tamin’ny mpianany nanao hoe:
“Izaho no tena foto-boaloboka, ary ny Raiko no mpamboly.
Ny sampana rehetra tsy mamoa eo amiko dia esoriny,
ary izay rehetra mamoa dia rantsanany mba hampamoa azy bebe kokoa.
Efa madio ianareo izao, noho ny fampianarana nataoko taminareo.
Mitomoera ao amiko, ary Izaho hitoetra ao aminareo.
Fa ny sampana izay tsy miray amin’ny foto-boaloboka,
tsy mahazo mamoa ho azy,
ary toy izany koa ianareo raha tsy mitoetra ao amiko.
Izaho no foto-boaloboka ary ianareo no sampany.
Izay mitoetra ao amiko sy itoerako no mamoa be,
satria raha tsy Izaho dia tsy mahefa na inona na inona ianareo.
Izay tsy mitoetra ao amiko
dia ariana any ivelany tahaka ny sampana ka maina;
ary hangonina ny sampana ka hatsipy ao anaty afo, dia may.
Raha mitoetra ao amiko ianareo, ka mitoetra ao aminareo ny teniko,
dia hangataka izay tianareo ianareo, ka hatao aminareo izany.
Ho voninahitra ho an’ny Raiko
raha mamoa be ianareo sy tonga mpianatro”.
— Izany àry ny tenin’ny Tompo.
- Atolotr'i DIMBINIAINA Tsilavina Jules
- Lohahevitra : Filira
Ny voambolana "Juridique" dia voambolana mamaritra teny iray na zavatra iray momba ny fitsarana. Ny "notaire" dia manana tandrify amin'ny teny malagasy hoe "Mpiraki-tsora-toa ; ny "assesseur" dia mpitsara mpanampy izay tsy voatery olona nianatra manokana mikasika ny asa-pitsarana ; ny "temoin à charge" dia adika hoe "vavolombelona manamafy ny vesatra", "temoin à decharge" dia midika hoe " vavolombelona manamaivana ny vesatra". Manoloana ny fisitrahana ny lova dia misy andian-teny mampiavaka ny olona sy ny zony : ny "ayant droit" dia ireo mpandova akaiky, ireo "ayant cause" dia ireo mananjo fa sokajy mandefitra amin-jo miohatra amin'ny mpandova akaiky. Ny ho "OUï" anaty didim-pitsarana dia tsy midika hoe " EKENA" fa hoe "HENO".
- Atolotr'i Radio Don Bosco
- Lohahevitra : Vaovao
♦ Nilaza ny handray andraikitra avy hatrany ny Fitsaràna Avo momba ny Lalam-panorenana ho an'izay kandidà mihoa-pefy amin'izao vanim-potoana mialoha ny fampielezan-kevitra izao. Nanazava momba izany ny filohan'ny HCC... ♦ Voahilika ireo lisitra avy amin'ny antoko RPSD tokony ho anisan'ireo kandidàn'ny IRMAR. Anisan'ireo tsy hanohana ny kandidàn'ity vovonana ity any Manakara ny filoha nasiônalin'io antoko io raha nanao fanambaràna... ♦ Mandà ny fampiharana ilay fandaminana vaovao momba ny tsena napetraky ny kaominina Antananarivo ireo tompona magazay, mpivarotra ary mponina manodidina eny Analakely. Nanao fanambaràna nitsipaka izany izy ireo omaly...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Tsy maintsy olon'ny vavaka ny kristiana. Na dia mbola tsy manana zavatra mivaingana hanontaniana momba izay ho vady aza ianao dia tokony ary tsy maintsy mijoro eo anatrehan'ny Tompo mba hivavaka ary mangataka Aminy mba hitarika anao. Ny vavaka ho an'ny vady iriana dia tena vavaka manokana. Ny tenin'Andriamanitra ihany koa dia manolon-tsaina amin'ny fisafidianana vady. Katesizy momba ny tanora miomana hiditra tokan-trano, iarahana amin'i P. Thierry Germain Randriamiarantsoa.
- Atolotr'i Ramamonjisoa Rivo Alain
- Lohahevitra : Vaovao
♦ Handray fepetra avy hatrany amin'ireo kandidà tsy manara-dalàna mandritra izao vanim-potoana mialoha ny fifidianana izao ny HCC... ♦ Nanapa-kevitra ny tsy hanohana ny kandidà natolotry ny IRMAR ao Manakara, ny Filoha Nasiônalin'ny antoko RPSD, na dia ao anatin'ny vovonana ARMADA aza ny antoko tarihany... ♦ Nisy androany ireo tompon'ny magazay sy orinasa niaraka tamin'ny mpivarotra, nitsipaka ny fandaminana vaovao momba ny tsena ao Analakely...
- Atolotr'i Ravaojason Manitra Malalatiana
- Lohahevitra : Miara-dalana
♦ Nankalaza ny fetin'i Kristy Mpiandry Ondry Tsara, ny Eglizy maneran-tany omaly alahady 21 aprily 2024. Nankalaza izany koa ny tao amin'ny Diôsezin'i Port-Bergé... ♦ Hananganana "sanctuaire", eo ambany fiarovan'ny Olontsambara Lucien Botovasoa, sy "centre spirituel", ny eo amin'ny toerana naha martiry an'i Ramose Lucien Botovasoa... ♦ Nanentana ny mpino rehetra mba hamantatra ny tsiambaratelon'ny fiainany, miaraka amin'ny Jesoa Mpiandry Ondry Tsara, ny Papa François, tamin'ny Vavaka Ry Mpanjakavavin'ny Lanitra, omaly alahady...
- Atolotr'i Radio Don Bosco
- Lohahevitra : Vaovao
♦ Ministtra mpisolo toerana avokoa no mitantana ministera 7 eo anivon'ny governemanta amin'izao. Hiteraka olana amin'ny fampandehanana ny raharaham-panjakàna izany hoy ny antoko Vonona Hijoro ho an'ny Tanindrazana... ♦ Tsy ankasitrahan'ny vovonan'ny Sekoly tsy miankina ny hanokànana toerana ireo mpiadina mahaleontena mandritra ny fanadinana Bakalôrea. Famotehana ny fampianarana sy ny sekoly tsy miankina izany hoy izy ireo... ♦ Olona 3 indray no nisy naka an-keriny tao Fieferana Anjozorobe ka mitaky vola 140 tapitrisa Ariary ireo jiolahy. Handraisana fepetra manokana izao zava-misy izao hoy ny Praiministra ny faran'ny herinandro teo...
- Atolotr'i Radio Don Bosco
- Lohahevitra : Vaovao
♦ Nohamasinina ho Eveka ny lehiben'ny Fikambanana Saleziana Don Bosco maneran-tany ny Kardinaly Angel Fernandez Artime... ♦ Efa nivoaka ny didim-panjakàna fampiharana ny fampiakaran-karàma ho an'ny mpiasa amin'ny sehatra tsy miankina. Manomboka mihatra ho an'ny karama volana marsa lasa teo izany... ♦ Misy ny fandaminana vaovao avy amin'ny tanànan'Antananarivo momba ireo mpivarotra amoron-dalana eny Analakely. Navadika tsena ny ampahan-dalana eny an-toerana, isaky ny zoma, sabotsy ary alahady... ♦ Nankasitrahan'ny mpitondra faratampony any Iran ny nanafihan'ny tafika iraniana an'i Israël ny herinandro teo ; fahombiazana iny fanafihana iny ary nambarany fa reharehan'ny vahoaka hoy izy...
- Atolotr'i Ratovoarivelo Ndrasantsoa Marie Frédeline
- Lohahevitra : Raki-tsarobidy
-
Voadika amin'ny fiteny :
Ny vavaka dia mitana anjara toerana lehibe ao amin'ny Jenezy. Mila olona mivavaka raha kristiana hihevitra ny hiditra amin'ny fiainan-tokan-trano. Hery sy aina ho an'izay tia azy ny vavaka. Raha tsy misy vavaka mafonja sy amim-paharetana dia tsy hahita vady sahaza ny olona iray. I Jesoa dia nivavaka isaky ny haka fanapahan-kevitra, maika fa isika olombelona!! Katesizy momba ny tanora miomana hiditra tokan-trano, iarahana amin'i P. Thierry Germain Randriamiarantsoa.
[Miara-dàlana] Alatsinainy 25 nôvambra 2024
- Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
- Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
- Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco