Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 febroary 2021

Tamin’izany andro izany, i Jesoa niteny tamin’ny mpianany nanao hoe: "Efa renareo fa voalaza hoe: Ho tia ny namana ianao ary hankahala ny fahavalonao. Fa Izaho kosa milaza aminareo: Tiavo ny fahavalonareo, manaova soa an’izay mankahala anareo, ary mivavaha ho an’izay manenjika sy manendrikendrika anareo; mba ho zanaky ny Rainareo izay any an-danitra ianareo, dia ilay mampiposaka ny masoandrony amin’ny tsara fanahy sy ny ratsy fanahy, ary mandatsaka ny ranonorana amin’ny marina sy ny tsy marina. Fa raha izay tia anareo ihany no tianareo, inona no valisoa ho azonareo? Moa va na dia ny poblikanina aza tsy manao izany koa? Ary raha ny rahalahinareo ihany no arahabainareo, inona no mihoatra amin’ny ataonareo? Moa na dia ny jentily aza tsy mba manao izany ihany koa? Koa aoka ho lavorary ianareo tahaka ny fahalavorarian’ny Rainareo izay any an-danitra."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 febroary 2021

Tamin’izany andro izany, i Jesoa niteny tamin’ny mpianany nanao hoe: "Raha tsy lehibe noho ny an’ny mpanora-dalàna sy ny Farisianina ny fahamarinanareo, dia tsy hiditra amin’ny fanjakan’ny lanitra akory ianareo. Efa renareo fa voalaza tamin’ny ntaolo hoe: Aza mamono olona, ary izay hamono olona dia hohelohina amin’ny fitsarana. Fa Izaho kosa milaza aminareo fa izay rehetra mitezitra ny rahalahiny dia hohelohina amin’ny fitsarana; ary izay hanao aminy hoe Raka, dia hohelohina amin’ny Sanedrina ary izay hanao azy hoe Foka dia hohelohina any amin’ny gehen’afo. Koa raha manatitra ny fanatitrao eo amin’ny ôtely ianao, ka eo vao mahatsiaro fa manana alahelo aminao ny rahalahinao, dia avelao eo amin’ny ôtely aloha ny fanatitrao, ka mandehana mihavana amin’ny rahalahinao vao miverina hanolotra ny fanatitrao indray. Mihavàna faingana amin’izay manana ady aminao, dieny samy mbola eo an-dalana ianareo, fandrao atolotr’izay manana ady aminao amin’ny mpitsara ianao, ary ny mpitsara kosa hanatitra anao amin’ny mpamatotra, ka hatao an-tranomaizina ianao. Lazaiko marina tokoa fa tsy ho afaka ao mihitsy ianao, ambara-pandoanao ny variraiventy farany."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 febroary 2021

Tamin’izany andro izany, i Jesoa niteny tamin’ny mpianany nanao hoe "Mangataha, dia homena ianareo; mitadiava, dia hahita; dony, dia hovohana; fa izay rehetra mangataka no mahazo; izay mitady no mahita, ary izay mandondòna no hovohana. Ary iza aminareo no hanome vato ny zanany, raha mofo no angatahiny; na hanome bibilava azy raha hazandrano no angatahiny? Koa raha ianareo na dia ratsy aza mahalala manome zava-tsoa ny zanakareo, tsy mainka va fa ny Rainareo izay any an-danitra no hanome zava-tsoa an’izay mangataka aminy? Koa amin’izany, izay rehetra tianareo hataon’ny olona aminareo, dia mba ataovy amin’ny olona koa toraka izany, fa izany no Lalàna sy Mpaminany."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 febroary 2021

Tamin’izany andro izany, i Jesoa niteny tamin’ireo vahoaka betsaka nitangorona teo aminy nanao hoe: "Taranaka ratsy itý taranaka itý; mitady famantarana izy, nefa tsy homena afa-tsy ny famantaran’i Jônasa mpaminany. Fa tahaka ny naha-famantarana an’i Jônasa tamin’ny olona tany Niniva no haha-famantarana ny Zanak’Olona koa amin’itý taranaka itý. Hiara-mitsangana amin’ny olona amin’itý taranaka itý ny mpanjakavavy avy any atsimo amin’ny andro fitsarana ka hanameloka azy, satria niala avy tany amin’ny fara vazan-tany izy hihaino ny fahendren’i Salômôna, nefa indro misy mihoatra noho i Salômôna eto. Hiara-mitsangana amin’itý taranaka itý ny olona tany Niniva amin’ny andro fitsarana ka hanameloka azy, satria nibebaka tamin’ny toritenin’i Jônasa izy ireny, nefa indro misy mihoatra noho i Jônasa eto."

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 febroary 2021

Tamin’izany andro izany, i Jesoa niteny tamin’ny mpianany nanao hoe: "Raha mivavaka ianareo dia aza mba maro teny tahaka ny jentily, fa ataony ho ny hamaroan’ny teniny no hihainoana azy. Koa aza manahaka azy ianareo, fa na mbola tsy mangataka aminy aza ianareo, fantatry ny Rainareo izay ilainareo. Koa mivavaha toy izao ianareo: Rainay any an-danitra, hohamasinina anie ny Anaranao, ho tonga anie ny fanjakanao, ho tanteraka anie ny sitra-ponao etý an-tany tahaka ny any an-danitra. Omeo anay anio ny hanina sahaza ho anay; avelao ny fahotanay tahaka ny amelanay izay nanao ratsy taminay ary aza avelanao ho resin’ny fitaoman-dratsy izahay, fa manafaha anay amin’ny ratsy. Amen. Fa raha mamela ny hadisoan’ny olona ianareo, dia havelan’ny Rainareo any an-danitra koa; fa raha tsy mamela ny hadisoan’ny olona kosa ianareo, dia tsy havelan’ny Rainareo koa ny hadisoanareo."

Atolotr'i Radio Don Bosco

Lohahevitra : Miaina sy mitia

Voadika amin'ny fiteny :   

Naseho ny : 19 febroary 2021

Adidin'ny rehetra ny manohana ireo olona voatery manaraka fitsaboana mandram-pahafaty. Fahaiza-miaina sy mitia ny manohana ireo olona ireo satria matahotra ny fahasalamany ny maro amin'izy ireo ; misy sahirana ara-bola hividianana fanafody hitsaboana tena. Tsy misy afa-miala amin'izany manomboka eo amin'ny tenan'ilay marary sy ny ankohonany, hatrany amin'ny fanjakana...

Tohiny...

Atolotr'i Radio Don Bosco

Lohahevitra : Lahatsoratry ny Evanjely

Voadika amin'ny fiteny :      

Naseho ny : 18 febroary 2021

Tamin’izany andro izany, nony tonga tany amin’ny faritany atao hoe : Sezarean’i Filipo i Jesoa, dia nanontany ny mpianany nanao hoe : “Ataon’ny olona ho iza moa ny Zanak’Olona ?” Ary hoy ireo : “Ny sasany manao hoe : i Joany Batista, ny sasany i Elia, ary ny sasany i Jeremia, na ny anankiray amin’ny mpaminany.” Dia hoy i Jesoa taminy : “Fa ianareo kosa, ataonareo ho iza Aho ?” Namaly i Simôna Piera ka nanao hoe : “Ianao no i Kristy Zanak’Andriamanitra velona.” Dia namaly i Jesoa ka nanao taminy hoe : “Sambatra ianao, ry Simôna zanak’i Joany, fa tsy ny nofo aman-dra no nanambara izany taminao, fa ny Raiko izay any an-danitra. Ary Izaho milaza aminao fa ianao no Piera (vato), ary eo ambonin’izany vatolampy izany no hanorenako ny Egliziko, ary ny vavahadin’ny afobe tsy haharesy azy. Homeko anao ny fanalahidin’ny Fanjakan’ny lanitra, ka izay rehetra hofehezinao etý an-tany dia ho voafehy koa any an-danitra, ary izay rehetra hovahanao etý an-tany dia ho voavaha koa any an-danitra.”

Atolotr'i Radio Don Bosco

Lohahevitra : Vaovao

Naseho ny : 18 febroary 2021

♦ Tsy azo hidirana ny Kianjan'Ambohijatovo, hoy ny Ben'ny tananan'Antananarivo Renivohitra. Tongotra mby an-dakana ny an'ny mpanohitra amin'ny tatitra hataon'izy ireo amin'ny sabotsy ho avy izao ka tsy mihemotra intsony... ♦ Nanolotra paik'ady amin'ny fandaminana ny fandoavana ny vatsim-pianaran'ny mpianatra, ny Ministeran'ny fampianarana ambaratonga ambony. Mitsipaka izany anefa ny mpianatra eny Vontovorona...

Tohiny...

Atolotr'i Radio Don Bosco

Lohahevitra : Vaovao

Naseho ny : 16 febroary 2021

♦ Miantso ny Fitsarana miady amin'ny kolikoly, na ny PAC, sendikan'ny mpiasan'ny fadintseranana, mba hikaroka ireo olobe, tompon'antoka tamin'ny fanondranana volamena tatsy Afrika Atsimo... ♦ Hihamafy ny hetsika fitakiana, hataon'ireo orinasa misahana ny fikojakojana ny lalana eto Madagasikara. Efa fito volana no vita ny asa fikojakojana ny lalam-pirenena tamin'ny taona 2020, saingy tsy mbola azo ny vola hatramin'izao...

Tohiny...

Atolotr'i Radio Don Bosco

Lohahevitra : Ampela mihary

Voadika amin'ny fiteny :   

Naseho ny : 22 febroary 2021

Ny psikolojia na ny dingam-pivoaran'ny toe-tsain'ny olona iray manaraka ny taoanay ka misongadina ny an'ny ankizy ao anatin'ny vanim-potoana ny fahamaotiana. Ny zaza dia hatramin'ny faha 12 taonany fa manomboka amin'ny faha 13 taona hatramin'ny 15 dia efa miroso amin'ny mahatanora azy, io ilay vanim-potoana fahamaotiana. Amin'io vanim-potoana io dia manahirana ny mitaiza ny ankizy : be famaliana, varimbariana... 

Tohiny...

Atolotr'i Radio Don Bosco

Lohahevitra : Vaovao

Naseho ny : 16 febroary 2021

♦ Basy 128 isa indray no tratran'ny miaramila mpampandry tany, teny am-pelatanan'ireo dahalo tamin'ny faritra maro manerana ny nosy... ♦ Velon-taraina ireo mponina eny amin'ny fokontany Firavahana-Fenoarivo fa mivadika nandrevo ny ranon-tany nanamboarana ny lalana... ♦ Nahazo ny fankatoavan'ny OMS ny vaksiny novokarin'ny laboratoara ASTRA-Zeneca, fanefitry ny Coronavirus... 

Tohiny...

Atolotr'i Radio Don Bosco

Lohahevitra : Vaovao

Naseho ny : 16 febroary 2021

♦ Hamory vahoaka eny Ambohijatovo ireo solombavambahoaka TIM lany tao an-drenivohitra ny sabotsy izao... ♦ Nampiato ny fitokonana ao anatin'ny 72 ora nanomboka omaly ireo mpiasa anatin'ny sendikà "Paramedicaux"... ♦ Miha-mafy ny hery famoretana ataon'ny tafika amin'ireo mpanao fihetsiketsehana any Birmanie... 

Tohiny...