Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 4 aogositra 2022

Tamin’izany andro izany, nanatona an’i Jesoa ny mpianany ary nanao taminy hoe: "Iza moa no ambony indrindra amin’ny fanjakan’ny lanitra?" Dia niantso zazalahy kely anankiray i Jesoa ka napetrany teo afovoany ary hoy Izy: "Lazaiko marina aminareo fa raha tsy miova ianareo ka tsy tonga tahaka ny zazakely, dia tsy hiditra amin’ny fanjakan’ny lanitra akory. Koa amin’izany, na iza na iza hanetry tena tahaka ity zazakely ity, dia izy no lehibe indrindra amin’ny fanjakan’ny lanitra. Ary izay handray zazakely anankiray tahaka ity amin’ny Anarako, dia mandray Ahy koa. Tandremo sao ataonareo tsinontsinona na dia ny anankiray amin’ireny madinika ireny aza; fa lazaiko aminareo fa ny Anjelin’izy ireny any an-danitra dia mahita lalandava ny tarehin’ny Raiko izay any an-danitra. Ahoana ny hevitrareo? Raha misy olona manana ondry zato, ka nania ny anankiray, moa tsy havelany eny an-tendrombohitra va ny sivy amby sivifolo, ka handeha hitady ilay nania izy? Ary raha sendra hitany izy, dia lazaiko marina aminareo fa iny anankiray iny aza no mahafaly azy noho ny sivy amby sivifolo tsy nania. Toy izany koa, tsy tian’ny Rainareo izay any an-danitra hisy very na dia anankiray amin’ireo madinika ireo aza."

Atolotr'i Radio Don Bosco

Lohahevitra : Vaovao

Naseho ny : 4 aogositra 2022

♦ Mihatra nanomboka ny volana jolay teo ny saran'ny herinaratra vaovao ho an'ny indostria na ny TARIF OPTIMA BUSNESS. Hisy anefa ny sarany manokana hampiharina amin'ny sokajin'orinasa ara-indostria araka ny fanapahana nandritra ny filan-kevitry ny ministra... ♦ Hampiroborobo ny voly kafe ao aminy indray ny ao amin'ny faritr'i Vatovavy manomboka izao. Voly isan'ny manana ny anjara toerany amin'ny toe-karena any amin'iny faritra iny... ♦ Manodidina ny 380 isa ireo olona voasambotry ny polisy tao Antananarivo renivohitra nandritra iny volana jolay teo iny. Miisa 05 ireo olona nanao halatra miaro herisetra miaraka amin'ny basy ka ny 04 isa maty voatifitra ary ny 01 azo sambo-belona...

Tohiny...

Atolotr'i Radio Don Bosco

Lohahevitra : Vaovao

Naseho ny : 4 aogositra 2022

♦ Tsy mety intsony hoy ny "Nouvelle Plateforme pour la continuité" ny fifaniliana andraikitra amin'ny filazana fa ireo mpitondra nifandimby teto hatramin'izay no nampahatra ny vahoaka sy ny firenena. Tokony karohana aloha ny antony mampahatra ny malagasy vao miroso amin'ny fikaonandoha-pirenena... ♦ Nanahirana an'ireo mpampiasa fiara ny nahita Gazoil tato ho ato. Nanambara ny tale jeneralin'ny OMH fa mbola manana tahiry lasantsy sy Gazoil isika... ♦ Nanolotra mari-pankasitrahana ho ani'izy 6 mianadahy nandrombaka ny tompon-dakan'i Afrika teo amin'ny taranja Judo taona 2022 sy ny fibatana fonjamby taona 2021, teny amin'ny lapam-panjakàna Iavoloha ny filoham-pirenena Andry Rajoelina...

Tohiny...