Lohahevitra : Vaovao

♦ Feno 5 taona katroka andraony ny nahafatesan'ny Profesora Zafy Albert. Manohy ny tolona nataony ireo mpanara-dia  azy, ary nilaza fa mifanaraka amin'ny foto-kevitra nimatimatesany ny fanaovana fikaonandoham-pirenena... ♦ Herinandro androany no nikatsoan'ny raharaha eny anivon'ny fitsarana manerana ny nosy, vokatry ny fitokonan'ireo mpiraki-draharaha. Ahiana mbola hitohy amin'ny herinandro indray izany, manoloana ny tsy fisian'ny fandraisana andraikitra, hoy ny sendika...

Lohahevitra : Finoana aina
Voadika amin'ny fiteny :  Français (France)   English (United Kingdom) 

Lohahevitra telo lehibe no nifanentanan'ny lahika teto Madagasikara tamin'ny fankalazana ny andron'ny lahika ny 23-25 septambra 2022. Nivoitra nandritra ny fandalinam-pinoana fa manana anjara toerana lehibe amin'ny fijoroana ho vavolombelon'ny fahamarinana ny lahika eo amin'ny fiaraha-monina. Katesizy momba ireo lohahevitra telo ireo nataon'i Mgr Jean de Dieu Raoelison, Evekan'Ambatondrazaka, Filohan'ny Vaomieran'ny Eveka momba ny Asam-pamonjena ataon'ny Lahika

Lohahevitra : Finoana aina
Voadika amin'ny fiteny :  Français (France)   English (United Kingdom) 

Voambara ao amin’ny fahazavan’ny misterin’ny Pakan’ny fahafatesan’i Kristy sy ny fitsanganany ho velona ny hevitra kristianina momba ny fahafatesana. Izany no iorenan’ny hany fanantenantsika. Mandao ity vatana ity ny kristianina, izay maty ao amin’i Kristy Jesoa mba handeha honina eo akaikin’ny Tompo. Manazava ny momba ny fombam-pivavahana mandritra ny fandevenana kristianina i P. Randriamanamahenina Robert Marie

Lohahevitra : Finoana aina
Voadika amin'ny fiteny :  Français (France)   English (United Kingdom) 

Mandrisika ny olona handray ny voka-dehibe amin’ny sakramenta ny sakramentaly. Naorin’ny Fiangonana izy ireny mba ho fanamasinana ny andraiki-panompoana sasantsasany ao amin’ny Fiangonana, ny lalam-piainana sasantsasany, ny toe-java-miseho maro karazana tokoa eo amin’ny fiainana kristianina. Fanazavana momba ny hevitry ny sakramentaly entin'i P. Randriamanamahenina Robert Marie

Lohahevitra : Hirika
Voadika amin'ny fiteny :  Français (France)   English (United Kingdom) 

Hanohana ny FAFIALA amin'ny fampiroboroboana ny sehatr'asa ataony indrindra fa ho an'ny lalam-pihariana landy ny Ministeran'ny Asa Tanana sy ny Hai-tao sy ny Ministeran'ny Fambolena sy ny Fiompiana. Nivoitra izany nandritra ny lanonana nankalazana ny ivon'ny faha-30 taona nijoroan'ity foibe ity ny sabotsy 08 ôktôbra lasa teo teny amin'ny foiben-toerany teny Ambohimangakely, Distrika Antananarivo-Avaradrano.

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Afrika no kontinanta manana tanora be indrindra. Tombony ho an’ny fampandrosoana sy ny hoavin’ny firenena iray izany raha toa voabe sy mahazo ny tohana araka ny ilaina ireo tanora. Maro anefa ireo fanamby atrehin’ny tanora amin’izao fotoana izao. Mila ampiana izy ireo manoloana izany, hahalala ny tenany, hamantatra sy soatoaviny ary hahay hametraka fitsipi-piainana izay hahafahany miatrika ireo zava-manahirana lalovany...

Lohahevitra : Vaovao

♦ Misedra olana ny sekoly miahy tena eto amintsika. Maro ireo nikotona sy tsy nahafeno ny fetr'isan'ny mpianatra tamin'ity  taom-pianarana 2022-2023 ity... ♦ Hanao hetsika faobe hizara masomboly sy zezika ho an'ny tantsaha amin'ny Faritra samihafa eto Madagasikara ny Ministeran'ny Fambolena sy ny Fiompiana. 4 Miliara Ariary no natokana hividianana izany... ♦ Tanterahana ao amin'ny Faritra Atsimo-andrefana ny hetsika "anjara hetrako sy ny hetra phone". Ny Faritra Atsimo-andrefana izay nahavita dingana tsara amin'ny fampidiram-bola ao amin'ny kitapom-bolam-panjakana...

Lohahevitra : Vaovao

♦ Nirehitra ny toeram-ponenana tao Antanambaovao ao Foulpointe any amin'ny Faritra Atsinanana. Trano 50 tafo eo no  kilan'ny afo. Miantso ny tompon'andraikitra sy ireo tsara sitrapo ny traboina hanampy azy ireo... ♦ Miantso ny mpiara-miombon'antoka na ato anatiny na any  ivelany ny fitondram-panjakàna malagasy nandritra ny filan-kevitry ny ministra amin'ny fifanomezan-tanana amin'ny fampitaovana ilaina hifehezana faran'izay haingana ny afo miparitaka amin'ireo ala mirehitra eto amintsika... ♦ Mitohy ny fiantsoana an'ireo mpiara-miombon'antoka hafa na teratany vahiny na teratany malagasy amin'ny fanatanterahana ilay tetik'asa hamokarana sakafo amin'ny velaran-tany 60 000 Ha ao Bas-Mangoky...

Lohahevitra : Vaovao

♦ Nirehitra ny toeram-ponenana any Antanambaovao any Foulpointe, Faritra Atsinanana. Trano 50 tafo teo ho eo no kilan'ny afo. Miantso ireo tompon'andraikitra sy ireo tsara sitrapo ny traboina hanampy azy ireo... ♦ Mananosarotra ny fifehezana ny afo ao amin'ny faritra arovana manokana ao Ambohitantely, Distrikan'Ankazobe, Faritra Analamanga. Mirotsaka an-tsehatra mifarimbona amin'ny famonoana ny afo ny Hery Vonjitaitran'ny Polisim-pirenena na ny FIP sy ny mpamonjy voina ao amin'ny Kaominina Antananarivo Renivohitra...

Lohahevitra : Tontolo salezianina
Voadika amin'ny fiteny :  Français (France)   English (United Kingdom) 

Nasandratry ny Papa François ho olomasina ny 09 oktobra 2022 ny Olontsambatra Artémide Zatti, coadjuteur, salezianin'i Don Bosco."Mpitsabo mpanampy masina" sy "havan'ny mahantra rehetra", io no anarana iantsoan'ny Ray masina azy. Nibaiko ny fiainan'i Md Artémide Zatti taorian'ny fahasitranany ny hoe :"Nino aho, nampanantena aho, sitrana aho" ka nahatonga azy hikarakara ireo marary faraidiny. Fampahafantarana an'i Md Zatti miaraka amin'i P. Raheriarisoa Mamy Augustin,sdb

Lohahevitra : Miara-dalana
Voadika amin'ny fiteny :  Français (France)   English (United Kingdom) 

Olon'ny fihavanana sy mpanasoa ny mpiara-belona i Mgr Philippe Ranaivomanana. Tia sy nahay nifandray aman'olona izy. Laharam-pahamehana ho azy ny fampivelarana ny talentan'ny hafa. Toetra nanahafany an'i Jesoa Kristy ilay narahiny ireo, izay nahafoy ny ainy mba hanavotra ny olombelona. Fahatsiarovana an'i Mgr Philippe Ranaivomanana, Evekan'Antsirabe, nodimandry ny 06 septambra 2022.

Lohahevitra : Vaovao

♦ Manao tatitra amin'ny Banky iraisam-pirenena any Washington ny Fanjakàna Malagasy, tarihin'ny Ministry ny Fitantanam-bola. Tatitra, momba ny fivoaran'ny fanatanterahana ny fanavaozan-drafitra ara-toe-karena eto Madagasikara... ♦ Miantso ny hanampiana fitaovana entin'izy ireo miasa ny tonia mpampanoa lalàna ambony eo anivon'ny Fitsaràna fandravàna didy. Fanamby ho azy, amin'ny fandraisana io andraikitra io, ny tsy hisian'ny antotan-taratasin'ady mitarazoka intsony... ♦ Vahaolana hitan'ireo manampahaizana avy amin'ny Banky iraisam-pirenena manoloana ny hain-tany any atsimon'ny nosy ny fanorenana toho-drano lehibe any Tsivory. Nanao fanadihadiana tany amin'ny reniranon'i Mandrare izy ireo, nahitàna izany vahaolan'ny kere izany...

Sous-catégories

Malagasy

[Miara-dàlana] Zoma 29 nôvambra 2024

  • Miomana amin'ny fandraisana ny Eveka vaovao, Mgr Marcellin Randriamamonjy, ny Diôsezin'i Farafangana...
  • Nanatanteraka fihaonambe fanao isan-taona nandritra ny hateloana, ny Vaomiera misahana ny fampanjariana ny Rariny sy ny Fiadanana tao amin'ny Diôsezin'Antsirabe...
  • Torio an-kafaliana ny Evanjely, hoy ny Papa François, tamin'ny fampianarana nataony nandritra ny Audience générale, ny alarobia 27 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...